Lukas 17
17
ONTOPORUA 17.
Omarengue — ehitshonopeko.
1Jesus h’ota rombuere aarongua je: Omarengue itaga kara itage ja po, ndere ojeeje komuntu, ngu te ge eta po.
2Ngeno shuepo ng’okuaj’omuntu ngo ta mangerua omumanja mocingo he, nde te ekerua muure mefuta, tshi vure sho ta rengica gumue po puunuunuka mbu.
3Itaatareni ne ojene: Omumuanjoko ng’okue ku ningi neji, inda, nde to mu pukurura. Nge ti ip’ombedi, mu dimina po.
4Nge e ku ningi neji rutinuuari mesiku, nde rutinuuari mesiku te ja itshee ku nguee, te ku garikana: Ondi ip’ombedi, mu dimina po.
5Mpaka aapostoli jo taj’indire Muene: Tu guedera ehiteero!
6He Muene ta ti: Ng’omu nehiteero rja f’osinapi, ando nde tamu rombuere omuti nguka: Ituda mo, nde to ki itsika mefuta, otagu mu uvu.
7Ore mokati keni, ngu e nomupija guepja nenge guiimuna je, te mu rombuere ando, nge a zi mepja: Enderera u ka kaatumbe potshiriro?
8Ndi tshi, ote mu rombuere: Turira ndje po uurarero, zara orushira, ngueje u tegerere sigo ote mana okurja nokunua, nguee to ja uo nduno u rje, ngueje u ue.
9Ota pandura ando omupija, shoka a ronga shi e mu rombuera?
10Ngaje inii tshi tengeneka sho. Tsh’otsho tuu ne, nge mua rongere shi mua rombuerua, mu tje ike: Sse aapika jouara, tua rong’ike shi tua ri tu nokutshironga.
Jesus naavu jotshirundu.
11Mondjira okuha ku Jerusalem, okue enda mokati kotshirongo Samaria na Galilea.
12Sho e ja momukunda guontumba, aarumentu omurongo je nuuvu uotshirundu oje mu tsakaneke, jo taa cikama kokure.
13Nde taj’igida, taa ti: Jesus, muongi, tu sir’oshenda.
14Sho e ja mono, okua ti ku jo: Indeni, mu ki itarice kaapristeri. Manka ngaa taa hende taa hi, jo je eruka.
15Gumuike po a garuka, sho a mono nokutja a jera, nde ta amberere Karunga neui enene.
16H’oti isizimike motshipara keempadi de, nde te mu pandura. Nguk’okua ri omusamarita.
17Jesus h’ota pura, ta ti: Kaje shi omurongo, mba ja jera nani? Omugoji nduno oje ri peni?
18Ndere inapu monikua ue nand’ogumue a garuka a simaneke Karunga, omuhendanandjira ike ngu.
19H’ota ti ku he: Cikama, nde to hi, ehiteero rjohe rje ku kuaca.
Okuja kuesiku rjOmuna guOmuntu.
20Sho a purua kaafariseji: Otshirongo tsha Karunga otatshi ja unake? okue ja jamukura mo: Otshirongo tsha Karunga itashi ja nuurenga ui ihorora.
21Itaku tiua uo: Tara oompo nenge oompejaka tshi ri, oshoka otshirongo tsha Karunga otshi ri mokati keni.
22H’ota rombuere aarongua je: Omasika otage ja, ne otamu jeerukua okutara esiku rimuike rjOmuna gu’Omuntu, ndere itamu ke ri mona.
23Otamu ka rombuerua kaantu: Tareni, ohe ngu nenge nguija. Inamu ha ko, ne inamu randura ko.
24Oshoka ngashi oruadi tura adima koshi heguru, ruo taru minikire uo ajishe mbi ji ri koshi heguru, otsho ngaa ngii uo natshi ningua nOmuna guOmuntu mesiku rje.
25Ndere tango ota mono iishuna ojindji, he ta ke ekeruashi tuu korudi nduka.
26Ngashi tsha ningirue muujuni ua Noa, otsho tuu uo momasiku gOmuna guOmuntu.
27Oja rire, ja nuine, jo okanene, jo jo okanenue, sigo esiku rja Noa orja ciki, sho a hire metembameja, ejeeru rje ja, nde tari pona po ajeshe.
28No momasiku ga Lot otsha ningirue ngatshikuauo: oja rire, ja nuine, ja randere, ja randicire po, ja kunine, jo ja tungire.
29Ndere mesiku ndija, Lot sho a zire mu Sodoma, omuriro nuuzigo oua rokere keguru, uo ua jonene po ajeshe.
30Nesiku ndi, Omuna guOmuntu nge ta ki ihorora, onapu ka ningua ngatshikuauo.
31Perara ndika ngu e ri kombanda hondjugo, nde a ciga po iinima je meni, ina rondoroka po e ji ire, na ngu e ri mepja, ina garuka mo,
32Dimburukueni omukiintu gua Lot!
33Ngu ta kembadara a hupice’omuenjo gue, ote gu kanica, he ngu te gu kanica, ote gu upica.
34Andi mu rombuero: Nuusiku mbuja onaku adikua jaari kokariri kamue, gumue ta jakurua, mukuauo a cigua po.
35Onaku adikua uo jaari taa tsu potshini tshimue, gumue ta jakurua, mukuauo ta cigua po. Jaari je ri mepja rimue, gumue ta jakurua, mukuauo ta cigua po.
36Jo taa jamukura, taa ti ku he: Muene, openi?
37He ta ti ku jo: Mpo pu na omudimba, opo tapu gongara eentsa.
Currently Selected:
Lukas 17: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
