Mateus 28
28
ONTOPORUA 28.
Jesus ta jumuka
1Esiku rjesabata sho rja piti, eruua rjesiku rjotango rjotshiuike tari tende, Maria Magdalena na Maria omukuauo jo otaj’idenge ondjira, ja ka tare ombira.
2Nde tara, opua ningi ekekamo edigu rjevi, oshoka omujengeli gua Muene a zi keguru, te ja poshi, te engene po, ta kandura po emanja, nde ta kaatumba ko.
3Okua ri e uetikue a f’oruadi, onguuo he ha toka ha f’omeegere.
4Aarangeri oje mu tira, taa kekama, nde taa s’onkunkumucika.
5Nde omujengeli ta popica aakiintu, ta ti: Inamu tira, ondi tshi tshi, otamu kongo Jesus, omuarerua komutshigakano.
6Ke mo mu, okua jumuka, ireni, mu tare, Muene mpa a ri a rangekua.
7Indeni nzija, nde tamu ka rombuera aarongua je, nokutja okua jumuka. Ote mu tetekerere ta hi ku Galilea, oko tamu ke mu mona, tareni, ongaje nde tshi mu rombuere sho.
8Jo taa zi po nzija pombira nokutira, jo ja njanjukua uo, taa henderere je ke tshi rombuere aarongua je.
9Nde tara, Jesus okue ja tsakaneke, nde ta ti: Mua penduka? Jo otaa hengene ko, taa huukata eempadi de, nde taa mu injongamene.
10He Jesus ta ti ku jo: Inamu tira, indeni, ka rombuereni aamuameme, naa ka he ku Galilea, oko taa ka mona ndje.
11Sho ja hi, tara, aarangeri jo je ja momukunda, nde taa hepururire aapristeri aakuruntu ajishe mbi ja ningua.
12Oji icanica otshingongi naakuruntukuruntu, taa kundacana, taa pe aakuiita iimariua ojindji.
13Nde taa ja rombuere, omu tja: Aarongua je oji ire uusiku, nde taa mu jaka mo, manka tua koca.
14Omureri guotshirongo, nge e ke tshu uva, otatu ke mu anda, sse tu mu gamene.
15Mbejaka taa tuumba iimariua, nde taa ningi ngashi ja rombuerua. Nd’omurombo ngu ogue endahenda mokati kaajuda sigo onena.
Jesus ta rareke aapostoli
16Aarongua omurongo na gumue oja hi ano ku Galilea kondundu, ngashi Jesus e ja rombuerere.
17Sho je mu mono, oje mu injongamene, ndere jamue oja rimbirirua.
18Jesus te engene ko, nde te ja popica, ta ti: Ngaje ondi nompago ahishe meguru no kombanda hevi.
19Indeni ano, ka rongeni omarudi ageshe, ne mu ga tshatshe medina rja She no rjOmona no rjOmbepo Ondjapuki.
20Ne ja rongeni okudiginina ajishe, mbi nde mu rombuera. Nde tareni, ngaje ondi ri pu ne omasiku ageshe sigo eshuriro rjuujuni.
Currently Selected:
Mateus 28: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
