Улон-вылон 26
26
26-тӥ ЛЮКЕТ
1Азьло, Авраам улон аръёсы, сютэм ар луиз, табере та шаерын нош ик сютэм ар вордӥськиз; соку Исаак мынӥз Гераре филистим калыклэн Авимелех эксэез доры. 2Кузё-Инмар солы возьматскыса шуиз: «Египетэ эн мыны; ул со музъемын, кудӥз сярысь Мон тыныд верало. 3Та музъем вылын лыктэм мурт кадь ул; Мон тонэн огазьын луо, тонэ бакель каро, уго тыныд, тынад выжыедлы но вань та музъемъёсты сёто, атаедлы, Авраамлы, сётэм кылме быдэсто. 4Инмысь кизилиос мында тынэсьтыд выжыдэ йылэто, тынад выжыедлы вань та музъемъёсты сёто; тынад кидысэд-выжыед пыр дунне вылысь вань калыкъёс бакель каремын луозы, 5[тынад атаед] Авраам Мынэсьтым верам кылме кабыл басьтӥз но мае солы быдэсъяны косӥ, ваньзэ быдэсъяз уго: косонъёсме, пуктон-косонъёсме, законъёсме». 6Исаак Гераре улыны интыяськиз. 7Со интыын улӥсьёс солэсь [Ревекка] кышноез сярысь юазы; со соослы шуиз: «Со мынам сузэре», «Та мынам кышное» шуыны кышказ уго, со малпаз, Ревекка понна татын улӥсьёс сое виёзы, уго Ревекка туж чебер вал. 8Трос дыр ортчем бере ини Филистимлэн Авимелех эксэез укное учкиз но Исааклэсь Ревекка кышноеныз шудэмзэ адӟиз. 9Авимелех Исаакез дораз ӧтьыса шуиз: «Тани, та тынад кышноед; малы нош тон шуид: ”Со мынам сузэре”?» Исаак солы шуиз: «Солы луыса кулоно медам луы шуыса малпай». 10Авимелех [солы] шуиз: «Мар тон милемын лэсьтӥд? [Мынам] калыке пӧлысь одӥг пиосмурт тынад кышноеныд ӧжыт гинэ ӧз сьӧлыка, соку тон милемыз сьӧлыке пыртысалыд». 11Соку Авимелех вань калыкезлы косон сётыса шуиз: «Кин та адями борды, солэн кышноез борды йӧтӥськиз ке, виемын луоз». 12Исаак та музъеме ю кизиз но со аре сю полэс йыды басьтӥз: тазьы сое Кузё-Инмар бакель кариз. 13Исаак быдӟым адями луиз, золгес но золгес вылэ ӝутӥськиз, туж узырмиз. 14Солэн ыж, кеч уллёосыз, скал, ош уллёосыз, трос гыроно-кизёно бусыез вал, филистим калык солы вожъяськыны кутскиз. 15Атаез, Авраам, улон вакытэ солэн ляльчиосызлэсь вань гудӟем колодчаоссэс филистим пиос сюен ӵоксазы. 16Соку Авимелех Исааклы шуиз: «Кошкы ми дорысь, тон уго милесьтым трослы кужмогес луид». 17Исаак отысь кошкиз но Герар нёжалэ балаганъёссэ пуктылӥз, отчы улыны интыяськиз. 18Исаак ву омыръяны нош ик колодчаос гудӥз, Авраам атаез дыръя гудӟем колодчаосты Авраам [атаез] кулэм бере филистим пиос ӵоксазы; [Авраам] атаезлэсь колодчаослы сётэм нимъёссэс Исаак та выль гудӟем колодчаослы сётӥз. 19Исааклэн ляльчиосыз [Герар] нёжалын гудӟизы но отысь улэп вуэн колодча шедьтӥзы. 20Герарысь пудо возьмасьёс Исааклэн пудо возьмасьёсынызы ченгешыны кутскизы, тазьы шуыса: «Милям вумы». Соку со колодчалы Есек#26:20 Есек – «ченгешон, керетон» шуэм луэ ним сётӥз, малы ке шуоно со пумысен ченгешизы. 21[Исаак отысь кошкем бере] мукет колодча гудӥзы; таиз пумысен но ченгешизы; соку со таизлы Сӥтна#26:21 Сӥтна – «лек тушмонъяськон» шуэм луэ ним сётӥз. 22Исаак, татысь кошкыса, мукет колодча гудӥз, таиз пумысен ӧз ни ченгеше; таизлы Исаак Реховоф#26:22 Реховоф – «эркын инты» шуэм луэ ним сётӥз, со шуиз: «Кузё-Инмар милемлы эркын инты сётӥз, таре та музъем вылэ ми йыломы».
23Отысен со Вирсавияе улыны выжиз. 24Со уе Кузё-Инмар солы возьматскыса шуиз: «Мон тынад атаедлэн, Авраамлэн, Инмарез, эн кышка, – Мон тонэн огазьын; Мон тонэ бакель каро, тынэсьтыд выжыдэ йылэто Аслам ляльчие Авраам, [тынад атаед], понна». 25Отчы со курбон сётон инты лэсьтӥз но Кузё-Инмарлэн нимызлы вазиськиз. Балаганзэ отчы пуктӥз, Исааклэн ляльчиосыз отчы [Герар нёжалэ] колодча гудӥзы. 26Герарысь со доры Авимелех но солэн эшез Ахузаф, ож ужъёсын кивалтӥсез Фихол лыктӥзы. 27Исаак соослы шуиз: «Малы тӥ мон доры лыктӥды, куке тӥ монэ, адӟемпотостэм карыса, асьтэ дорысь улляды?» 28Соос шуизы: «Ми ӟеч-ӟеч адӟимы, Кузё-Инмар тонэн огазьын улэ шуыса, соин ик ми шуимы: ”Ог-огмылы кыл сётомы но куспамы эшъяськыса уломы, 29тон милемлы уродзэ медад лэсьты, ми но тон борды ӧм йӧтӥське уго”, тыныд одӥг ӟечсэ гинэ лэсьтыса улӥмы но тонэ каньылэн кошкыны лэзимы; али тон Кузё-Инмарен бакель каремын». 30Соосты со куно кариз, соос сиизы, юизы. 31Ӵукна вазь ик султэмзы бере огзылы огзы кыл сётӥзы; Исаак соосты келяз, соос со дорысь каньыл мылкыдын кошкизы. 32Со нуналэ ик Исааклэн ляльчиосыз лыктӥзы но гудӟем колодчазы сярысь веразы, шуизы: «Ми ву шедьтӥмы». 33Исаак солы Шива#26:33 Шива – «кыл сётон» шуэм луэ ним сётӥз. Соин ик со городлэн но нимыз Беэр-Шива (Вирсавия), туннэ нуналозь но озьы нимаське. 34Исавлы ньыльдон арес тырмиз но хеттей пилэсь Беэрлэсь Иегудифа нимо нылзэ но хеттей пилэсь Елонлэсь Васемафа нимо нылзэ кышно басьтӥз. 35Исаакен Ревеккалы кышномуртъёсын валче улыны секыт вал.
Currently Selected:
Улон-вылон 26: УДМБИБ
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016
Улон-вылон 26
26
26-тӥ ЛЮКЕТ
1Азьло, Авраам улон аръёсы, сютэм ар луиз, табере та шаерын нош ик сютэм ар вордӥськиз; соку Исаак мынӥз Гераре филистим калыклэн Авимелех эксэез доры. 2Кузё-Инмар солы возьматскыса шуиз: «Египетэ эн мыны; ул со музъемын, кудӥз сярысь Мон тыныд верало. 3Та музъем вылын лыктэм мурт кадь ул; Мон тонэн огазьын луо, тонэ бакель каро, уго тыныд, тынад выжыедлы но вань та музъемъёсты сёто, атаедлы, Авраамлы, сётэм кылме быдэсто. 4Инмысь кизилиос мында тынэсьтыд выжыдэ йылэто, тынад выжыедлы вань та музъемъёсты сёто; тынад кидысэд-выжыед пыр дунне вылысь вань калыкъёс бакель каремын луозы, 5[тынад атаед] Авраам Мынэсьтым верам кылме кабыл басьтӥз но мае солы быдэсъяны косӥ, ваньзэ быдэсъяз уго: косонъёсме, пуктон-косонъёсме, законъёсме». 6Исаак Гераре улыны интыяськиз. 7Со интыын улӥсьёс солэсь [Ревекка] кышноез сярысь юазы; со соослы шуиз: «Со мынам сузэре», «Та мынам кышное» шуыны кышказ уго, со малпаз, Ревекка понна татын улӥсьёс сое виёзы, уго Ревекка туж чебер вал. 8Трос дыр ортчем бере ини Филистимлэн Авимелех эксэез укное учкиз но Исааклэсь Ревекка кышноеныз шудэмзэ адӟиз. 9Авимелех Исаакез дораз ӧтьыса шуиз: «Тани, та тынад кышноед; малы нош тон шуид: ”Со мынам сузэре”?» Исаак солы шуиз: «Солы луыса кулоно медам луы шуыса малпай». 10Авимелех [солы] шуиз: «Мар тон милемын лэсьтӥд? [Мынам] калыке пӧлысь одӥг пиосмурт тынад кышноеныд ӧжыт гинэ ӧз сьӧлыка, соку тон милемыз сьӧлыке пыртысалыд». 11Соку Авимелех вань калыкезлы косон сётыса шуиз: «Кин та адями борды, солэн кышноез борды йӧтӥськиз ке, виемын луоз». 12Исаак та музъеме ю кизиз но со аре сю полэс йыды басьтӥз: тазьы сое Кузё-Инмар бакель кариз. 13Исаак быдӟым адями луиз, золгес но золгес вылэ ӝутӥськиз, туж узырмиз. 14Солэн ыж, кеч уллёосыз, скал, ош уллёосыз, трос гыроно-кизёно бусыез вал, филистим калык солы вожъяськыны кутскиз. 15Атаез, Авраам, улон вакытэ солэн ляльчиосызлэсь вань гудӟем колодчаоссэс филистим пиос сюен ӵоксазы. 16Соку Авимелех Исааклы шуиз: «Кошкы ми дорысь, тон уго милесьтым трослы кужмогес луид». 17Исаак отысь кошкиз но Герар нёжалэ балаганъёссэ пуктылӥз, отчы улыны интыяськиз. 18Исаак ву омыръяны нош ик колодчаос гудӥз, Авраам атаез дыръя гудӟем колодчаосты Авраам [атаез] кулэм бере филистим пиос ӵоксазы; [Авраам] атаезлэсь колодчаослы сётэм нимъёссэс Исаак та выль гудӟем колодчаослы сётӥз. 19Исааклэн ляльчиосыз [Герар] нёжалын гудӟизы но отысь улэп вуэн колодча шедьтӥзы. 20Герарысь пудо возьмасьёс Исааклэн пудо возьмасьёсынызы ченгешыны кутскизы, тазьы шуыса: «Милям вумы». Соку со колодчалы Есек#26:20 Есек – «ченгешон, керетон» шуэм луэ ним сётӥз, малы ке шуоно со пумысен ченгешизы. 21[Исаак отысь кошкем бере] мукет колодча гудӥзы; таиз пумысен но ченгешизы; соку со таизлы Сӥтна#26:21 Сӥтна – «лек тушмонъяськон» шуэм луэ ним сётӥз. 22Исаак, татысь кошкыса, мукет колодча гудӥз, таиз пумысен ӧз ни ченгеше; таизлы Исаак Реховоф#26:22 Реховоф – «эркын инты» шуэм луэ ним сётӥз, со шуиз: «Кузё-Инмар милемлы эркын инты сётӥз, таре та музъем вылэ ми йыломы».
23Отысен со Вирсавияе улыны выжиз. 24Со уе Кузё-Инмар солы возьматскыса шуиз: «Мон тынад атаедлэн, Авраамлэн, Инмарез, эн кышка, – Мон тонэн огазьын; Мон тонэ бакель каро, тынэсьтыд выжыдэ йылэто Аслам ляльчие Авраам, [тынад атаед], понна». 25Отчы со курбон сётон инты лэсьтӥз но Кузё-Инмарлэн нимызлы вазиськиз. Балаганзэ отчы пуктӥз, Исааклэн ляльчиосыз отчы [Герар нёжалэ] колодча гудӥзы. 26Герарысь со доры Авимелех но солэн эшез Ахузаф, ож ужъёсын кивалтӥсез Фихол лыктӥзы. 27Исаак соослы шуиз: «Малы тӥ мон доры лыктӥды, куке тӥ монэ, адӟемпотостэм карыса, асьтэ дорысь улляды?» 28Соос шуизы: «Ми ӟеч-ӟеч адӟимы, Кузё-Инмар тонэн огазьын улэ шуыса, соин ик ми шуимы: ”Ог-огмылы кыл сётомы но куспамы эшъяськыса уломы, 29тон милемлы уродзэ медад лэсьты, ми но тон борды ӧм йӧтӥське уго”, тыныд одӥг ӟечсэ гинэ лэсьтыса улӥмы но тонэ каньылэн кошкыны лэзимы; али тон Кузё-Инмарен бакель каремын». 30Соосты со куно кариз, соос сиизы, юизы. 31Ӵукна вазь ик султэмзы бере огзылы огзы кыл сётӥзы; Исаак соосты келяз, соос со дорысь каньыл мылкыдын кошкизы. 32Со нуналэ ик Исааклэн ляльчиосыз лыктӥзы но гудӟем колодчазы сярысь веразы, шуизы: «Ми ву шедьтӥмы». 33Исаак солы Шива#26:33 Шива – «кыл сётон» шуэм луэ ним сётӥз. Соин ик со городлэн но нимыз Беэр-Шива (Вирсавия), туннэ нуналозь но озьы нимаське. 34Исавлы ньыльдон арес тырмиз но хеттей пилэсь Беэрлэсь Иегудифа нимо нылзэ но хеттей пилэсь Елонлэсь Васемафа нимо нылзэ кышно басьтӥз. 35Исаакен Ревеккалы кышномуртъёсын валче улыны секыт вал.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Библияез берыктонъя Институт, Хельсинки, 2013; 2016