Wenía 33
33
Jacónĩ Esaú meránanãti ivo yoã
1Askái Jacopa ãwẽ take, venerasĩ 400 akánĩ tachivarãa oĩinã, ãwẽ vakerasĩ ato shokõpakéki, ravéro Lianĩ, ravéro Raquelnĩ, ravéro ãwẽ mee ima aĩvo ravévakĩnĩkĩ apáki. 2Aská avaikĩ ã mee ima aĩvorasĩnĩ ashõ ãwẽ vakerasĩ ato vevomakĩ. Aská avaikĩ Lianĩ ãwẽ vakerasĩro atotxõ shokõi, avaikĩ Raquelnĩ Joséro txipochta ato shokõóki. 3Anosho Jacopa vevokaĩki, 7tíi maĩ vetĩ ipa ipái kakĩ nokovaĩki.#33.3 Aaivo tanátiro yora vevoké anõ eséyakĩ aká
4Ãwẽ aská oĩinã Esaupa meravaí, erékarãki atxivaĩvaí, tetsõvaĩsho, mekí avaí, avé wai ikí. 5Askávaíki ãwẽ oĩa aĩvorasĩ vakerasĩ aká kesó shokoa meravaíki nĩkãki. “Naa mivé shokoyavorasĩnã tsoarasĩrá?” akĩ.
Ãwẽ askámaĩnõ, “naa vakerasĩro Yové Koĩni ea inãchná”, akĩ Jacopa.
6Ãwẽ askámaĩnõ ãwẽ mee ima aĩvorasĩ ãwẽ vakerasĩ aká Esaú niá veyó shokoi voshõ maĩ vetsek ipaóvo. 7Askávai txipo Lia, ãwẽ vakerasĩ akánĩ tachikaĩsho askásevioi. Askái enékékasho Josénĩ Raquel tachivaĩósho, aa veyó maĩ vetsek ipaóvo.
8Askávaíki nĩkãnióki. “Naa vaĩsho ẽ meravainã awesá yoinavorasĩrkĩ?” ãwẽ imaĩnõ, “naarasĩro mia anõ mekímati”, akĩ.
9Ãwẽ askámaĩnõ, “ea ãtsaka aya, také, naaro minárasĩrvi”, akĩ.
10Ãwẽ aská akatõsho, “ea veyãkãroa. Enõ mĩ mekíakiri chinãsho virí. Awesáma, mĩ vesóro Yové vesó keská mia ẽ oĩa. Roakai enõ mĩ mekíai. 11Neská akĩ, miaravĩki mia ẽ vishõvarãa ivo iná ‘ẽ viámasnõ’, iroa. Ea ãtsaka ayasevi. Yové Koĩni roapa ivo ea ashõrívi”, akĩ. Anosho akirishõka ãwẽ otxi inãkatsikitõsho, anõ akĩ.
12Aská avaí vanai. “Ase, ashkã nõ vonõ, voãna”, 13ãwẽ imaĩnõ Jacopa revíki. “Otxí, naa ẽ vakerasĩ ea aya, rayámakavo. Naa txivo, txasho, ãwẽ vake shoma amaya, atõ vake aká roakakĩ ẽ vesonõ. Miãro mĩ tanasaitĩ. Vestẽkai shavá westíkaĩsa roasemẽkĩ ẽ inárasĩ vopimísi. 14Miapari vevokaĩta. Earo txipo atõ kochia keskái tanáchta ẽ ikãkaĩi kakĩ, mĩ anõ niá Seir shavá nokoi kanõ”, akĩ.
15Askámaĩnõ ã takẽ aská aoki. “ẽ shokõkenavo wetsa mia eneshonõ askáro, mia ave raro akõvaĩnõvo”, akĩ tanamakĩ.
Ãwẽ aská akatõsho, “askáma roase, roakakĩ ea ma mĩ meramai oa”, akĩ. 16Askávai ãwẽ take aaivo shavapasevi Seirnamã arimẽse iokaĩói. 17Askámaĩnõ Jacóro Sucotenamã kaí. Anosho arí shovo akí ãwẽ inárasĩ peshé ashõói akĩ. Aská ashõ ano aaivo shavá “Sucote”, akĩ aneki.#33.17 Hebraicõ vana “Sucote” ikíro “peshé”
18Askáti Jacó, ãwẽ rayóse niá Padã-Arãnamã nitãi Canaã mainamã arimẽse iokarãóti. Askái cidade Siquémnamã roaise nokói oshõ ano orakama peshé akĩ. 19Anosho Siquemni papa Hamor, ãwẽ vakerasĩni mai ato viãovaíki kopímati 100 prata ato inãki. 20Askái anõ maki ati tapo tsaõnivaíki “El Elohe Israel”, akĩ aneki.#33.20 Hebraicõ vana “El Elohe Israel” ikíro “Yovéro Israẽl Yové”
Currently Selected:
Wenía 33: YKV
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved
