Wenía 39
39
José Potifar shavapa niti ivo yoã
1José, ismaelita yorarasĩni Egito mainamã atõ vivaĩmaĩnõ, Potifarpa kopímashõ vikĩ. Potifarro, Faraopa nitxĩa yora, teske akayatõ kakáya.
2Aská Yavepa José vesoatõshõ ichnámatõse pakékésho aa yonokatsayatõ shavapa nii kaí. 3Askámaĩnõ Potifarpa José onãtakĩ oĩki, katsése ãwẽ mearasĩ Yavepa peshót ashõ José roaka ashõkõvaĩa oĩinã. 4Askásho, Josémẽ mekíki, mee imaki. Askáki ãwẽ shovo, ãwẽ awerasĩ aká vesomashõ nitxĩki. 5Askásho Josémẽsho Potifar katsése aya ivorasĩ Yavepa roapa ivo ashõki, ãwẽ shavapa awerasĩ, ãwẽ waĩ awerasĩ aká. 6Aská oĩinã, José katsése eneshokĩ Potifarpa. Wetsarasĩmẽro anõ tsakáma, arí ãwẽ piti ivochtase chinãki.
Aská Joséro roakachta, anõ tavátĩpa ivo. 7Askái shavá ãtsakawãmaĩnõ, Potifarpa aĩni José kẽevakĩ “ovõi kawã ea”, akĩ. 8Ãwẽ aská akatõsho, aví ishõimai vanai. “Neno ãwẽ shavapa ẽ nimaĩnõ, ẽ ivõ awemẽ tsakásho ãwẽ niámarívi, katsése vesomashõ ea nitxĩásho. 9Neno shavapa ẽ niá, wetsa ea keská yamarivi. Katsése ẽ meskoa roasemẽkĩ, miaro ea meskotĩpá, miaro ãwẽ aĩrvi. Anõ itimatõ ikí Yové Koĩni vana tavámashõ ea nikatsikíma”, akĩ. 10Ãwẽ aská aka nĩkãsmẽinã, askatase José meskoski. Ãwẽ askámaĩnõ, ari nĩkãma, aví ishõma, tasakatsikíma aká.
11Askávai txipo shavá wetsã ano shovõ mee inõ iinã ãwẽ erékomaĩnõ, avé mee ikivorasĩ yama. 12Aská oĩinã aĩvõ ãwẽ õpo anõsho kawã ivõ atxivaĩsho, “ea ovõi kawã”, ãwẽ akátõsho aki ãwẽ õpo peshokésho ene enevaĩi, ikotĩ, kayakaĩi. 13Aská Josepa kayashokĩ ãwẽ õpo aki ene enevaĩa oĩinã, 14avé mee ikivorasĩ ato kenaki. “Naaro oĩi verína, hebreu yora, ẽ venẽ toĩa ivõ, noke ati akatsíki. Ẽ kene naki erékosho, ea ichnákatsímaĩnõ ẽ txakarináai. 15Ẽ txakarináa nĩkãinã, ãwẽ õpo eki ene enevaĩi ikotĩ kayaai”, iinã yoãki.
16Askáki Josepa õpo rakãki, ãwẽ vene oatishõki. 17Askávai ã vene nokókarãmaĩnõ, ato ãwẽ yoãshoa keskásevi akĩ yoãki. “Hebreu yora yononoshõ iinã mĩ vichĩa ivõ ẽ kenẽ erékosho ea ati akatsíki. 18Ea ãwẽ aská amaĩnõ isĩinasho ẽ txakarinámaĩnõ ã õpo peshókésho eki ene enevaĩi ikotĩ kayakaĩai”, iinã yoãshoki.
19Aská avaikĩ, “mĩ mee imatõ ea aská aka”, iinã ãwẽ aĩni ãwẽ vene yoãshotõsho, ichnákéi. 20Askáinã José atxivaíki, kepoki. Aaivo anõ kepóa shovoro Egito kakáyanáchtarvi. Askái José kepósho ãwẽ niámẽkĩ 21Yavepa Josénĩse nishõ, noípakĩ vesoki. Askásho, kepói shokoa vesoya ivo yora Josémẽ mekíai. 22Askáinã kepóya yorarasĩ vesoyatõ ano ato vesomashõ nitxĩki. Anosho José kepóa shovonamã ato yonoya niokei kaí. 23Askásho kepóa shovo vesoya yora José keyoki eneshovaikĩ tsakátaníma nii. Aaro awesáma, Yavepa José peshót akásho, roaise ãwẽ mee iki oĩinã.
Currently Selected:
Wenía 39: YKV
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved
