Wenía 40
40
Josepa atõ namárasĩ yoãshoti ivo yoã
1Askáchna txipo, pão ashõya kakáya, aká ene sanaya kakáya, aatiisho Faraó ichnákemávo. 2Atõ aská akatõsho, atoki sinákéki 3ato atximavaikĩ kepomakĩ. Teske akaya kakáyatõ shovonamã Josénĩ ashõ “kepona”, ato akĩ. 4Teske akaya kakáyatõ Josepa vesosho ato ave take anõvo iinã eneshokĩ. Anosho inopáchtai, kepósho shokosho 5oshapakéki namávo, Egito kakáyatõ mee imarasĩni. Aská wetsã namá wetsarvi, wetsã namá wetsarvi akĩ namávo, aaivo yamepáse.
6Askámaĩnõ Josepa, shavá nakochtaki tachikaĩki ato ãwẽ oĩa, ronase kãtxívo 7oĩinã ato nĩkãki. “Awesa ronase mã vesokõrkĩ”, 8ato ãwẽ akátõsho, “awesa nõ namáaikĩ nõ iki. Tsoã noke meki ashõkatsíkĩ iinã nõ chinãi”, atõ imaĩnõ, “Yové Koĩnĩ akárvi aská meki ashõki. Ramaro ea yoãshona”, ato akĩ, Josepa.
9Ãwẽ aská akatõsho, ene sanaya ivõ, ãwẽ namáa José yoãshokĩ. “Ea veyó vaná niá 10ãwẽ meã 3 aya, aská ãwẽ meãneshõ wetsa koainái, oakaĩsho, vimikaĩi, uva õchĩkase. 11Askái Faraopa anõ akátõ toĩsho uva naki tsinĩvaíki, Faraó inãa ẽ namáai”, ikĩ ãwẽ yoãmaĩnõ, 12“aaro neská mĩ namáa. 3 meãro, 3 shavátsikĩ. 13Aská nenosho 3 shavánamãsho Faraopa tsekavaíki arimẽse mia nitxĩkeókatsa, vevo mĩ ikaikaĩnatõsevi akĩ aká ivo ene mĩ sanaókatsa. 14Askái roai nikĩ ea chinãki, roaka ivo ea ashõótso, Faraó ea yoãshotso, ea ave kepẽnõ iinã. 15Earo hebreu maĩsho Egitonamã atxisho ea ewevarãchnávo. Aská ashõ chinãsho ea kepoóvaivo, anõ kepóa paropa”, akĩ.
16Askáki ãwẽ namáa yoãki meki aká roaka nĩkãinã, pão akayatõ José aská akĩ. “Eã aská akĩsevi ẽ namáai. 3 kokí pão oshoka tĩi ikí, ẽ mapo matxi tsaóa. 17Aská enéináka tsaóa ivõro, pão, piti vataka õsi õsipáse, Faraopa rayá akáka ivo tĩi ikí. Aská akĩ ẽ vivarãmaĩnõ, chairasĩni ea piãkãvo ẽ namáai”, akĩ.
18“Ase, aaro neská akĩ mĩ namáa, 3 kokíro, 3 shavásevi. 19Aská nenosho 3 shavánamãsho Faraopa mĩ mapo shatevaíki, mĩ kaya iwĩ ãwẽ ronõmaĩnõ, chairasĩni mia pikatsaivo”, akĩ.#40.19 Hebraicõ vana wichánamã, wetsã yoãro “mapo txĩtĩ vorit ainashõ nitxĩa”
20Aská 3 shavá tavákéa txipo, Faraó pakéa shavá nokómaĩnõ, ãwẽ mee ima yorarasĩ ato ãwẽ pimanamãsho, ene sanaya ivo, pão akaya ivo aatii arimẽse ato shokõpakeóki. 21Ene sanaya ivo arimẽse nitxĩkéki, Faraó ave ene sanaónõ iinã. 22Askámaĩnõ, pão akaya ivoro “tenéshna”, ikí, Josepa ato yoãshovaitõse ikí. 23Askámaĩnõ, ene sanaya ivo, Josékiri chinãma, petxii.
Currently Selected:
Wenía 40: YKV
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved
