التكوين 10
10
بداية العالم
أُمم العالم
1هاذي لاحة سجل أولاد سام وحام ويافث أولاد النبي نوح، اللي خلڮولهم عاڮب الطوفان. 2أولاد يافث هوما جومر وماجوج وماداي وياوان وتوبال وماشك وتيراس. 3وأولاد جومر هوما أشكناز وريفاث وتوجرمة. 4وأولاد ياوان هوما أليشة وترشيش وكتيم ورودانيم. 5ومنهم اتفرعو الناس من قريات اللي اعلى حاشية لبحر اعلى حسب قبايلهم وشعوبهم ولغاتهم. 6وأولاد حام هوما كوش ومصرايم وفوط وكنعان. 7وأولاد كوش هوما سبا وحويلة وسبتة ورعمة وسبتكا. وأولاد رعمة هوما شبا وددان. 8وكوش اجبر ول اسمو نمرود اللي عاد محارب امتين فلارض. 9وكان صياد مانع بفضل الله تعالى. ولذا السبب يڮول المثل: كيفت نمرود هو صياد امتين بفضل الله تعالى. 10وتكونت مملكتو فلأول من مدن بابل وأرك وأكد وكلنة فارض شنعار. 11وعاڮب ذاك هاجر شور أشور وابنا مدن نينوى ورحوبوت عير وكالح 12ورسن اللي هي مدينة اكبيرة امبين نينوى وكالح. 13ومصرايم اجبر قبايل لود وعنام ولهاب ونفتوح 14وفتروس وكفتور وكسلوح، ومن كسلوح جاو الفلشطيميين.
15وكنعان اجبر اطفيل اسمو صيدون وهو بكرو وبعدين اجبر حثا، 16وكنعان هو املي بو اليبوسيين ولأموريين والجرجاشيين 17والحويين والعرقيين والسينيين 18ولأرواديين والصماريين والحماثيين. وعاڮب ذاك اتفرعو افخاظ قبايل الكنعانيين. 19وامتدو حدود كنعان من صيدون يلين غزة واخظين من جرار، واورا ذاك شور لاشع واخظين من سدوم وعمورة وأدمة وصبويم. 20وهاذو كاملين هوما أولاد حام اعلى حسب قبايلهم ولغاتهم وشعوبهم وبلدانهم.
21وسام هو خو يافث لكبير وهو املي اجبر أولاد وهو جد أولاد عابر كاملين. 22أولاد سام هوما عيلام وأشور وأرفكشاد ولود وأرام. 23وأولاد أرام هوما عوص وحول وجاثر وماش. 24وأرفكشاد اجبر شالح وشالح اجبر عابر. 25وعابر اجبر اطفلين لأول منهم اسمو فالق وهو اللي فأيامو انڮسمت لارض. واسم خوه الثاني هو يقطان. 26ويقطان اجبر أولاد هوما ألموداد وشالف وحضرموت ويارح 27وهدورام وأوزال ودقلة 28وعوبال وأبيمايل وشبا 29وأوفير وحويلة ويوباب. وهاذو كاملين هوما أولاد يقطان. 30وكانو ساكنين فاراضي لكدا اللي فالشرق اللي امبين ميشع وسفار. 31وهاذو كاملين هوما أولاد سام حسب قبايلهم ولغاتهم وبلدانهم وشعوبهم. 32وهاذو هوما قبايل أولاد النبي نوح حسب انسابهم وشعوبهم ومنهم اتفرڮو الشعوب فلارض عاڮب الطوفان.
Currently Selected:
التكوين 10: الحسانية
Highlight
Share
Copy
Want to have your highlights saved across all your devices? Sign up or sign in
© 2024 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/
