लूका 5

यीशु द्‍वारा पैला चेलों तैं चुणै जाण

(मत्ती 4:18-22; मर 1:16-20)

1एक बार भौत बड़ी भीड़ यीशु का पास इकट्‍ठा ह्‍वेके परमेस्वर का वचन तैं सुनणी छै। तब उ गन्‍नेसरत#5:1 गलील की झील की झील का किनरा पर खड़ु छौ, अर जादा लोग होण की वजै से धक्‍का-मुक्‍की होण लगि गै अर वु यीशु पर गिरण लगि गैनी। 2तब वेन झील का छाला पर दुई नाव लगि दिखिनी, अर मछैर ऊंमा बटि उतरि के अपणा जाल धोणा छा। 3अर ऊंमा बटि एक शमौन की नाव छै। अर यीशु वींमा चैड़ि गै अर वेकू बोलि, “नाव तैं किनरा बटि हटै के जरा सि अगनै लि जा।” तब यीशु नाव पर बैठि के लोगु तैं उपदेस देण लगि गै।

4अर जब यीशु को उपदेस खतम ह्‍वे गै, तब वेन शमौन कू बोलि, “नाव तैं गैरा पाणि मा ले चल, अर माछा मरणु कू अपणु जाल डाल।” 5तब शमौन न वेतैं जबाब देई, “गुरुजी, हमुन पूरि रात भर मेनत कैरी, मगर हमुन कुछ भि नि पकड़ी। फिर भि तुमरा बुलण पर मि जाल डालि देन्दु।”

6अर जब वेन जाल डालि त बिजांम माछा पकड़िनी। अर ऊंका जाल फटण लगि गैनी। 7तब ऊंन अपणा दगड़्यों तैं जु कि दुसरि नाव पर छा इसारा कैरिके बोलि, “इख ऐके हमरि मदद कैरा।” तब ऊ ऐनी, अर दुई नावों मा इथगा माछा भोरी दिनी की ऊ डुबण लगि गैनी। 8अर यू देखि के शमौन पतरस यीशु का खुटों मा पोड़ि गै, अर बोलि, “हे प्रभु, मि एक पापि मनखि छौं, इलै तुम मेरा समणि बटि चलि जा।” 9अर यू वेन इलै बोलि, किलैकि इथगा माप माछा पकड़ण की वजै से उ अर वेका दगड़्या भौत हकदक ह्‍वे गै छा। 10अर ठिक उन्‍नि शमौन का दगड़्या याकूब अर यूहन्‍ना भि हकदक रै गैनी अर याकूब अर यूहन्‍ना जबदी का नौना छा। तब यीशु न शमौन कू बोलि, “डौऽर ना, मि त्वेतै मनखियों तैं पकड़ण वळु बणौलु।”#5:10 इख मा यीशु का बोन्‍न को मतलब इन च कि मि तुम लोगु तैं इन बणौलु कि लोग तुमरा द्‍वारा मेरा पास आला। 11फिर ऊ अपणी-अपणी नावों तैं छाला पर लैनि, अर अपणु सब कुछ छोड़ि के यीशु का पिछनै ह्‍वे गैनी।

यीशु का द्‍वारा एक कोड़ी तैं खूब करण

(मत्ती 8:1-4; मर 1:40-45)

12अर एक दिन यीशु एक नगर मा छौ। अर उख एक मनखि छौ जैका पूरा सरील पर कोड़ छौ। अर उ यीशु तैं देखि के वेका खुटों मा पोड़ि गै, अर गिड़गिड़ै के वेकू बोन्‍न लगि गै, “हे प्रभु, अगर तुम चा त मितैं शुद्ध कैरी सकद्‍यां।” 13तब यीशु न अपणा हाथ तैं अगनै बढै के वेतैं छ्वी अर बोलि, “हाँ, मि चान्दु छौं, कि तू शुद्ध ह्‍वे जा।” अर उबरि वेको कोड़ ठिक ह्‍वे गै। 14तब यीशु न वेतैं चितै अर बोलि, “येका बारा मा कै मा कुछ भि नि बोलि, पर जा अर खुद तैं पुरोहित मा दिखौ। अर अपणा शुद्ध होण का बारा मा मूसा का दिया नियम-कानूनों का मुताबिक भेंट चड़ौ, ताकि लोग समझि सैका कि तू शुद्ध ह्‍वे गै।”

15पर यीशु की चर्चा त और भि जादा फैलण लगि गै। अर भीड़ की भीड़ वेका वचनों तैं सुनणु कू अर अपणी बिमारियों मा बटि खूब होणु खुणि वेका पास औन्दी छै। 16पर अकसर यीशु ऊं बटि अलग ह्‍वेके निर्जन जगा मा जैके प्रार्थना करणु कू चलि जान्दु छौ।

लकवा पोड़्यां मनखि को खूब होण

(मत्ती 9:1-8; मर 2:1-12)

17अर एक दिन इन ह्‍वे कि यीशु लोगु तैं उपदेस देणु छौ। अर उख फरीसी दल का कुछ लोग अर नियम-कानूनों तैं सिखौण वळा कुछ लोग बैठयां छा। ऊ गलील अर यहूदिया मुलकों का हरेक गौं बटि, अर यरूशलेम नगर बटि अयां छा। अर लोगु तैं खूब करणु खुणि प्रभु की शक्‍ति यीशु का दगड़ा मा छै। 18तब कुछ लोग लकवा पोड़्यां एक मनखि तैं बिस्तर का फंचा मा लिटै के लैनि। अर ऊ वेतैं यीशु का समणि भितर लि जाणे की कोसिस कना छा। 19पर भौत भीड़ होण की वजै से ऊ वेतैं भितर नि लि जै सकिनी। इलै ऊ घौर का छत पर चैड़ि गैनी, अर पठौलो तैं हटै के वेतैं बिस्तर का फंचा समेत बीच मा यीशु का समणि उतारि दिनी।

20तब यीशु न ऊं लोगु को बिस्वास देखि के वे मनखि कू बोलि, “बेटा, तेरा पाप माफ ह्‍वे गैनी।” 21तब शास्‍त्री अर फरीसी दल का लोग मन मा सुचण लगि गैनी, “यू कु च, जु अपणी बातों बटि परमेस्वर की बेजती कनु च? किलैकि परमेस्वर का अलावा और कु च जु पापों तैं माफ कैरी सकदु?”#5:21 अगर कुई मनखि खुद तैं परमेस्वर का बराबर बतौन्दु छौ, त या बात यहूदी लोगु खुणि सबसे बड़ु पाप च। 22पर यीशु न ऊंका मनों की बात तैं जाणि के बोलि, “तुम अपणा मनों मा इन किलै सुचणा छाँ? 23यों दुई बातों मा बटि क्या बोन्‍न सरल च? क्या इन बोन्‍न, ‘तेरा पाप माफ ह्‍वे गैनी,’ या इन बोन्‍न कि ‘उठ, अर हिटण लगि जा?’ 24अर अब तुम जाणि जा, कि मनखि का पुत्र तैं धरती पर पाप माफ करण को अधिकार दियूं च।” तब यीशु न वे लकवा पोड़्यां मनखि कू बोलि, “मि त्वे बटि बोन्‍नु छौं, उठ, अर अपणा बिस्तर तैं उठे के अपणा घौर चलि जा।” 25अर उ तुरन्त ऊं सभ्यों का समणि उठी, अर जै बिस्तर मा उ पोड़्यों छौ वेतैं उठे के परमेस्वर की बडै करद-करद अपणा घौर चलि गै। 26अर यू देखि के सब लोग हैरान ह्‍वे गैनी अर परमेस्वर की बडै करण लगि गैनी। अर वु भौत डौऽरी के बोन्‍न लगि गैनी कि, “आज हमुन अदभुत काम होन्द देखि।”

यीशु का द्‍वारा लेवी तैं चुनण

(मत्ती 9:9-13; मर 2:13-17)

27अर येका बाद यीशु भैर गै, अर वेन चुंगी लेण वळो की चौकी पर एक मनखि तैं बैठयूं देखि, जैको नौ लेवी छौ। अर यीशु न वेकू बोलि, “मेरा दगड़ा मा चल, अर मेरु चेला बणि जा।” 28तब उ उठी अर अपणु सब कुछ छोड़ि के वेका पिछनै चलि गै।

29तब लेवी न अपणा घौर मा यीशु की बड़ी दावत कैरी। अर उख चुंगी लेण वळो कि, अर उन्‍नि दुसरा लोगु की भीड़ भि यीशु का दगड़ा मा खाणुक खाणु कू बैठि छै। 30तब फरीसी दल का लोग अर शास्‍त्री लोग कुड़कुड़ै के यीशु का चेलों कू बोन्‍न लगि गैनी, “तुम चुंगी लेण वळो अर ऊंका ही जन दुसरा पापि लोगु का दगड़ा मा खान्दा-पीन्दा किलै छाँ?” 31तब यीशु न ऊंतैं जबाब दिनी, “जु ठिक-ठाक छिन, ऊंतैं बैद की जरुरत नि होन्दी, मगर बिमारों तैं होन्दी च। 32ठिक उन्‍नि जु लोग खुद तैं धरमी समझदिन, मि ऊंतैं बुलाणु खुणि नि अयूं, पर पापि लोगु खुणि अयूं छौं ताकि ऊ पस्ताप कैरा।”

उपवास का बारा मा सवाल

(मत्ती 9:14-17; मर 2:18-22)

33तब ऊंन यीशु कू बोलि, “यूहन्‍ना का चेला त अपणी रीति का मुताबिक उपवास रखदिन अर प्रार्थना भि करदिन। अर फरीसी दल का लोग भि इन्‍नि करदिन। मगर तेरा चेला त खाणा-पीणा रौनदिन।” 34तब यीशु न ऊंतैं जबाब दिनी, “जबरि तक ब्यौला बरातियों का दगड़ा मा च, त क्या तुम ऊं बटि उपवास करै सकद्‍यां? 35मगर इन्द्रया दिन औण वळा छिन, जब ब्यौला तैं ऊंका दगड़ा बटि अलग किये जालु, तब ऊं दिनों मा ऊ उपवास रखला।”

36तब यीशु न ऊंतैं एक और उदारण सुणै कि, “कुई भि नया कपड़ा मा बटि फाड़ी के पुरणा कपड़ा मा टल्‍ला नि लगौन्दु। अर अगर लगालु, त नयू फटी जालु अर उ टल्‍ला भि पुरणा का दगड़ा मा मेल नि खान्दु। 37अर उन्‍नि कुई भि नयू अंगूरों को रस पुरणा चमड़ा#5:37 यहूदी लोग अंगूरों को रस भोरणु खुणि चमड़ा का थैलों को इस्तेमाल करदिन। का थैला मा नि भोरदु। अर अगर भोरलु, त नयू अंगूरों को रस पुरणा चमड़ा का थैला तैं फाड़ी देन्दु। तब चमड़ा को थैला भि खराब ह्‍वे जान्दु अर रस भि बोगि जान्दु। 38इलै नयू अंगूरों को रस नया चमड़ा का थैलों मा भोरण चयेणु। 39अर कुई भि मनखि पुरणा अंगूरों का रस तैं पीणा का बाद नया रस तैं पीण पसन्द नि करदु। किलैकि उ बुल्दु च कि, ‘पुरणु ही अच्छु च।’”

Currently Selected:

लूका 5: GBM

Highlight

Copy