IMBOMBO SYA BATUMIGWA 1
1
Amasyu ga bwandilo
1 #
Luk 1.1-4
Gwe Teofili, mwa kalata gwangu ugwa kwanda, mo nakusimbilemo syosa isi Yesu alyandile ukubomba nukumanyisya, 2ukufika pisiku ili afyukilaga kumwanya, bo abalagilile mwa Mbepo Mwikemo abatumigwa aba abasalile; 3kuli aba inangisyangako umumi itolo mfimanyilo fya kummanyilamo fi fingi, bo afumile pakukubilwa, apa abasetukilaga amasiku amalongo mana (40), nukubabula isya butwa bwa Kyala. 4#Luk 24.49 Lelo bo ali pamopene nabo, alinkubalagila alinkuti, “Mungasokangamo nkaya ka Yerusalemu, loli mulugulilege ulufingo lwa Tata, ulu mwalupilike kumyangu; 5#Mat 3.11; Mar 1.8; Luk 3.16; Yoh 1.33buno Yohani osyaga namisi, loli umwe mwisakosigwaga na Mbepo Mwikemo, bo gakakindapo amasiku mingi.”
Yesu ikufyuka kumwanya
6Lelo bo abatumigwa babungene, balinkundalusya Yesu balinkuti, “Gwe Ntwa, kali pakabalilo kako po kwisakungomolelaga Israeli ubunyafyale bwake?” 7Umwene alinkubamula alinkuti, “Sikaya syinu umwe ukukimanya ikyinja nakabalilo aka Tata apimile mmaka gake mwene. 8#Mat 28.19; Mar 16.15; Luk 24.47-48Loli mwisakwambililaga amaka bo Mbepo Mwikemo abisile, po mwisakuyaga baketi bangu nkaya ka Yerusalemu na mosa nkisu kya Yudai, na nkisu kya Samaria, ukwakufika kuno kimalikile ikisu.” 9#Mar 16.19; Luk 24.50-51Umwene bo ayobile sisisi, alinkwegigwa ukufyuka kumwanya bo bikuketa, ilibingu lilinkunsosyako kumaso gabo. 10Lelo bo bandusamile bo ikubuka kumwanya, popapo balinkunyomoko abandu babili bimile papo, bafwele imyenda imyelu, 11bikuyoba bikuti, “Mwe ba mu Galilai, mwimile fiki mukuketa kumwanya? Yesu yuyuyu, uyu egigwe ukufyuka kumwanya ukufuma kumyinu, isakwisaga kangi bo mumo mumbonile ukubuka kumwanya.”
Ugwa kupyanila pa Yuda
12Popapo abatumigwa balinkugomoka ukubuka nkaya ka Yerusalemu, ukufuma pakyamba kya misyunguti, iki kili pabupipi na kaya ka Yerusalemu, pantambo gwa mailo yumo. 13#Mat 10.2-4; Mar 3.16-19; Luk 6.14-16Lelo bo bingile, popapo balinkufyuka kunyumba ya kwiyulu, ko balinkutugasya: ba Peteri na Yohani, Yakobu na Andrea, Filipu na Tomasi, Bartolomai na Matai, Yakobu unnya Alifeyo na Simoni unZiloti ko kuti ugwa lweke pa sya bwite, na Yuda unnya Yakobu. 14Bosa bababa balinkumilisya ukwiputa nindumbula yimoyene, pamopene nabakikulu bamo, na Maria unna gwa Yesu, nabamyabo ba Yesu. 15Mmasiku gago, Peteri alinkusumuka, alinkwima pakati pabanine, ikilundilo kyaliti kyali pabandu mia yumo namalongo mabili (120), alinkuyoba alinkuti, 16“Mwe binangu, syabagile ukuti isi sisimbigwe sisege, isi Mbepo Mwikemo asiyobile ngani nkanwa mwa Davidi, isya Yuda uyu abalongolile aba bankolaga Yesu; 17namanga yope abaliligwe lumo nanuswe, ayabiligwe ikiyabo kyake mumbombo iyi.” 18#Mat 27.3-8(Loli umundu yuyuyu alyulile ikisu nifihombigwa fya buniongafu, alinkugwila bukupama, alinkupufuka pakati, ubula bwake bosa bulinkoneka. 19Sisisi silinkwenda nukufumuka kuli bosa aba bali nkaya ka Yerusalemu, fyobene ikisu kila kilinkupegwa iya Hakelidama munjobelo yabo; Ko kuti “ikisu kya ilopa”). 20#Salimo 69.25; 109.8“Namanga sisimbigwe mwa buku gwa nyimbo sya Israeli ukuti, ‘Akaya kake kipelege ukuya kisame, kangi nayumo angayengangamo mumo;’ nilya kuti, ‘Yope nimbombo yake fikuti apyanilengepo uyungi.’
21 #
Mat 3.16; Mar 1.9; 16.19; Luk 3.21; 24.51 “Bunobuno lelo mbandu aba bayaga nanuswe nkabalilo kosa kala uNtwa Yesu endaga nanuswe, 22ukwanda palosyo lwa Yohani, ukwisakufika pisiku lila egigwege ukufyuka kumwanya ukufuma kumyitu, fikuti yumo mmyabo ayege nsimiki gwa kusyuka kwake pamopene nanuswe.” 23Popapo balinkubasala abandu babili, Yosefu uyu batigi yo Barsaba, uyu imbegwa ali yo Yusti, na Matiya. 24Popapo balinkwiputa balinkuti, “Gwe Ntwa, gwe mmanyandumbula sya bosa, utunangisyege uyu unsalile muli aba babili, 25ugwa kupyanilapo pambombo iyi, na pabutumigwa ubu abulekile Yuda, apa abukaga kubuyo bwake yuyo.” 26Popapo balinkubabikila ubulagusi, ubwene ubulagusi bulinkunkola Matiya; popapo alinkubaliligwa lumo nabatumigwa kalongo na yumo.
Currently Selected:
IMBOMBO SYA BATUMIGWA 1: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
