Genèse 32
32
Jacob a ntil nzli gèɗ a Esau
1A Jacob ba a ndo a ma ma a civèɗ. A ta zlü gèɗ a golahi Zhiklè. 2Aman Jacob a nrka ta, a ngaɗa: Ndohi var Zhiklè. A mbaha na sam haha Mahanaim#Sam nhèyè va..
3A Jacob a nzlündo ndohi sak nengaʼa a ma, a sam Esau, kramam na, a kokwar Séir, a sam Edom. 4A mfa ta ma a gèɗ: Va da gaɗa na Esau, bi ga, arsa: Jacob, ɓèl ngaya, a gaɗa ka arsa: I nza a sam Laban ara ndo mbrok, ha mshkè na ma a mpatsna. 5I ngots zlèhai, kɗèhihai, tambakihai, ɓèlèlihai, ngurhi a ngwozai. Anai i zlündo ma a sam bi ga, a i ngècè pombai a sam di ngaya.
6A ndohi sak ta menkaɗa deɓa a sam Jacob, a ta gaɗa: Ngo do a sam Esau, kramam ngaya. A nengaʼa a nshkè a nda ndohi 400, a kin da zli gèɗ. 7A Jacob a ngu zlau a vata, a ndav nengaʼa a mʼmbeɗ na. A géɗ nengaʼa a nkezla ta ndohi nengaʼa te va, a tambakihai, a zlèhai, a zlugumihai, ngela a civèɗ ngiɗè, ngela a civèɗ ngiɗè, 8a nhur: Esau a da shkè a sam nhèyè skwi staɗ, a nkala ta va, nhèyè skwi ngiɗè a slaha a mbél na.
9A Jacob a ngaɗa: Bi Zhikiè Abraham, bab ga, a Bi Zhiklè Isaac, bab ga, Ndo nzi pèc pècèk, man ka gaɗayè: Do a deɓa a kokwar bab ngaya, a sam gwoli ngaya, i woy a i takaha ka. 10I mbelaw ndo, a i se ka te va, a ka va na pombai a ɓèl ngaya genè. I tawaɗa woyam Jourdain, gada nte ri genè; antanta i ngots skwi nhèyè cèw. 11Mbelyè te ri kramam ga, te ri Esau! Aman i gi zlau, a da shkè a da keɗyè, nga a ngwozi ga a wudahi ta ba. 12Ka gaɗa: I woy a i takaha ka, a i gi verzi ngaya kumba, ara wyak te woyam, a ndo a slaha a nger ta azɓai.
13A vaɗ sa a nʼnza a samaʼa. Te deɓaʼa a nco te va skwi man a nʼngotso, aman a da ga na mbali a Esau, kramam na, a vna: 14ɓokhi 200, mazawalhi 20, tambakihi 200, drokhi 20, 15mam zlugumihi 30 a nda wudahi ta, zlèhi 40, marihi 10, mam kɗèhi 20 a nda wudahi ta 10. 16A mpa ta a ri a ɓèlèlihi na, a mɓic ta staɗ staɗ a géɗ na, a ngaɗa ta ɓèlèlihi na: Vo-do a ma ga, a kin jèka dala a ndev kinè, kin derzla va ndersl ndersl ɓai! 17A nshèlèkuraʼa a mfa na ma a gèɗ: Aman ka da zli gèɗ a Esau, kramam ga, a da dzhaɗ ka: Ka ndo ngè, ka dè ma? Skwi man a ma ngaya haha a ngè? 18ka da gaɗa na: A Jacob, ɓèl ngaya, a da gi mbali a vna a Esau, bi na. Jacob a shkè te deɓ ga. 19Lèmèlèmè a ngaɗa na macecèwaʼa, a mamakaraʼa, a tèlèba man to do a verzi skwi sa. Kin da gaɗa ra Esau aranta, aman kin dè zli gèɗ a vna. 20Kin da gaɗa na: Na haha, Jacob, ɓèl ngaya a shkè te deɓ nga. A mhur te ndav, i woy a nga menda gumi a hai a skwi man i va na ambalai haha. Sèi te deɓaʼa i woy a i rka di na. Ngiɗè ba a da tsi gumai. 21A nzlündo skwi mbalai a ma na, aman nengaʼa a nʼnza a sam njèkèɗi skwi na, a vaɗ sa.
Peniel
22A vaɗ a nslambaɗa, a nhul ngwozi na cèw, a ɓèlèlihi na cèw, a wudahi na 11, a ta tawaɗa géɗ woyam Jabbok. 23A nde ta a wud woyam, a skwi nengaʼa tèlèba a ntawaɗ ta. 24A Jacob a nʼnza a deɓa, a géɗ na. A ta bozl va a ndo ngiɗè, ha sam prèk. 25Aman a rka a slaha a nfa na gèɗ a nengaʼa bai, a ntsau langaslaʼa. A vatasl a nverzl na a sam mbèzl va. 26A ngaɗa: Pryè, sam nciɗa ma! A Jacob a mbeɗa na a ma: I pra ka azɓai, sèi ka pshèy ma! 27A ngaɗa na: Nzlembaɗ ngay wa? A Jacob a ngaɗa: Nzlembaɗ ga Jacob. 28A ngaɗa na: Anai nzlembaɗ ngaya Jacob ka ɓai, aman nzlembaɗ ngaya Israel#Ndo var Zhikiè.. Aman kin bozl va a nda Bi Zhikiè a nda ndohai, a ka fen ta. 29A Jacob a ndzhoɗo: Ka, ka wa? Ngreday nzlembaɗ ngaya! A nengaʼa a ngaɗa: Ka jhèɗè nzlembaɗ ga èhèmè? A mpshè na ma a pa. 30A Jacob a mbaha na samaʼa Peniel#Ara ngèɗè, Di Zhikiè.. I rka Zhikiè a iyam di ga, a nshèffè ga a zhè genè, ar na. 31Aman a mdo auda a sam Peniel ma, pats a vèngè. A Jacob a tèfe va te langasla. 32A géɗ nengaʼa ndohi Israel ta ndi zluèɗ langasla azɓai, ha patsna, a géɗ man a ntsu langaslaʼa.
Currently Selected:
Genèse 32: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
