مَرْقُس 2
2
يَسُوع يَشفي المَفلوج
1و بَعَد أيام قَليلَه، رَجَع لِكَفْرَنَاحُوم، و النّاس سِمِعو هو في البيت. 2و ناس كَتيرين إتلَمّو، و كِدا ما فِضِل أي مَحَل، و لا حَول الباب. و كان يَبَشِّرُم بِالكِلمَه. 3و ناس جو جايبين ليهو زول مَفلوج، و أربَعَه رُجال يَشيلوهو. 4و لَمّا ما قِدِرو يَقَرِّبوهو لِيَسُوع عَلَشان كَترَت النّاس، فَتَحو راس البيت فوق المَحَل الكان فيهو يَسُوع. و لَمّا فَتَحوهو، نَزَّلو البِرِش الكان راقِد فوقو المَفلوج. 5و لَمّا يَسُوع شاف إيمانُم، هو قال لِلمَفلوج: ”يا وَلَدي، خَطاياك مَغفورَه ليك.“ 6و بَعَد مِن مُعَلِّمين القانون كانو قاعِدين هِناك يَفَكِّرو في قُلوبُم، 7”الرّاجِل دا بِكَلِّم كِدا لِشِنو؟ هو #2:7 جَدَّف، يَجَدِّف: ياخُد المَجد مِن الله، ولّا، بِشتِم الله.يَجَدِّف! مِنو يَقدَر يَغفِر الخَطايا إلّا الله بَس؟“ 8و طَوّالي يَسُوع، و هو عِرِف في روحو إنَّهُم فَكَّرو كِدا في نُفوسُم، قال ليهُم: ”لِشِنو تَفَكِّرو كِدا في قُلوبكُم؟ 9ياتو أسهَل؟ بَقول لِلمَفلوج: خَطاياك مَغفورَه ليك؟ ولّا بَقول: قوم، شيل بِرِشَك و أمشي؟ 10و لَكِن عَشان تَفهَمو إنّو إبن الإنسان عِندو سُلطَه في الدُّنيا لِيَغفِر الخَطايا،“ قال لِلمَفلوج: 11”أقول ليك، قوم، شيل بِرِشَك و أمشي لِبيتَك.“ 12و هو قام و طَوّالي شال بِرِشو و مَرَق قِدّام كُلُّهُم. و كُل النّاس إستَغرَبو جِدّاً، و مَجَّدو الله، و قالو: ”ما شُفنا حاجَه زي دي أبَداً!“
إختِيار مَتَّى
13و مَرَق مَرَّه تانيَه لِجَمب البَحَر. و كُل النّاس جو ليهو، و هو كان يَعَلِّمُم. 14و وَكِت هو كان ماشي، شاف لَاوِي وَلَد حَلْفَى قاعِد في مَكتَب الضَّريبَه. و قال ليهو: ”أتبَعني.“ و هو قام و تَبَعو.
15و لَمّا هو كان قاعِد ياكُل في الطَّرَبيزَه في بيت لَاوِي، كَتير مِن النّاس البِلِمّو الضَّريبَه و الخاطيين كانو قاعِدين مَعَ يَسُوع و تَلاميذو. عَلَشان النّاس التَّبَعوهو كانو كُتار. 16و لَمّا مُعَلِّمين القانون مِن الفَرِّيسِيِّين شافو هو كان ياكُل مَعَ الخاطيين و البِلِمّو الضَّريبَه، قالو لِتَلاميذو: ”لِشِنو هو ياكُل و يَشرَب مَعَ البِلِمّو الضَّريبَه و الخاطيين؟“ 17و لَمّا يَسُوع سِمِع، قال ليهُم: ”النّاس الشُّداد ما يَحتاجو #2:17 حَكيم، حُكَما: دِكتور.لِلحَكيم، لَكِن العَيّانين. أنا ما جيت عَشان أنادي #2:17 البار، البارين: النّاس اليَحفَظو قانون الله.البارين، لَكِن الخاطيين.“
18و تَلاميذ يُوحَنَّا و الفَرّيسيّين كانو صايمين. و النّاس جو و قالو ليهو: ”لِشِنو تَلاميذ يُوحَنَّا و تَلاميذ الفَرِّيسِيِّين بِصومو، و لَكِن تَلاميذَك ما بِصومو؟“ 19و يَسُوع قال ليهُم: ”مُمكِن ناس العِرِس يَصومو و العَريس مَعاهُم؟ وَكِت ما العَريس مَعاهُم، ما مُمكِن يَصومو. 20و لَكِن الأيام بِجو لَمّا ياخُدو العَريس مِنَّهُم. في اليوم داك بِصومو. 21ما في زول يَخَيِّط حِتَّه مِن قُماش جَديد عَلى قُماش قَديم. إذا يَعمِل كِدا، حِتَّت القُماش الجَّديد تَشرُط القَديم، و الشَّرط بِكون أكعَب. 22و ما في زول يَكُب خَمرَه جَديدَه في #2:22 قِربَه، قِرَب: جِلد بِشيل مويَه فيها.قِربَه قَديمَه. إذا يَعمِل كِدا، الخَمرَه تَشرُط القِربَه القَديمَه، و الخَمرَه و القِربَه بِخرَبو. لَكِن الخَمرَه الجَديدَه يَخُتّوها في قِربَه جَديدَه.“
رَب السَّبِت
23و في يوم السَّبِت، كان ماشي في وَسط الزُّروع. و وَكِت ما هُم ماشين، تَلاميذو بِقو يَقطَعو روسين الدُّرَه. 24و الفَرّيسيّين قالو ليهو: ”شوف، لِشِنو يَعمِلو الما بِالقانون أن يَعمِلو في يوم السَّبِت؟“ 25و قال ليهُم: ”ما قَريتو أبَداً العَمَلو دَاوُد لَمّا كان جَعان و كان في إحتِياج، هو و الكانو مَعاهو؟ 26كيف دَخَل بيت الله في أيام أَبِيأَثَار، رَئيس القُسُس، و أكَل #2:26 عيش التَّقدِمَه: (مِن الكِلمَه ”قَدَّم“) العيش اليَخُتّوها فوق المَضبَح. عيش التَّقدِمَه المَمنوع لِلنّاس أن ياكلوهو، لَكِن القُسُس بَس ياكلوهو؟ و أدّاهو لِلكانو مَعاهو كَمان؟“ 27و قال ليهُم: ”يوم السَّبِت كان مَعمول فِشان بَني آدَم، و ما بَني آدَم فِشان السَّبِت. 28و كِدا، إبن الإنسان هو رَب السَّبِت.“
Currently Selected:
مَرْقُس 2: APD2024
Highlight
Share
Copy
Want to have your highlights saved across all your devices? Sign up or sign in
© 1978 SIM, adapted in 2024 by Pioneer Bible Translators
