YASFADOCI LOKU 1

1Xvga yasi maci naiahkv mvmu-wrci u lacwrgi wvhsi vlamr-bianvmu-wrci rcimowa nala si wiahi mviahci uqrufagi alagenv gelvwa, 2datapilvhi yasi nihki pvgfanvmo-lvqa nili, nihgeni ina vlamvh-kvmdkvtwi uci usgesakuwi-dabwawani-weki macimi mr-mesvmr-gacki ini kvlvwewa, 3uwasv si nrqvtwi ini wvhsi nelv nahfrpi, dawvhi ni mahci mvyrwi nakvtunv ini yalr-miahfagi jrivhki wiahi ina wasgi uci, wvhsi vwigolv ya-lvhgode-yrgi gelv, gici gisuwi-lani Firfilvs’; 4wvhsi gelv manvwvhi wrkutv-mvni ini ma-yrugi yone si nili kvlvwewanv ga-gahgimo-fuivni.

5Hina tvh kvgesakv-namici Halade, Cudiawi ugimv, ’n’tvsi vpiwv nakuti mkvtaukulvia Sakulras’ s-ifu, ini yalrpiah-sigd A-pvicv uci : chena inv u bonrli wewvli nihi u drnafhi Alvne uci, macimi Ilisipaf si wefoli. 6Chena nayeswi nihki mvyrwelafeki ya-lvhfv-melici Mvnadoli, u pami nakvdr-nrwv jrivhki nili tapi-gamowanv macimi u kudrcimiwawanv inv Dabalamiwatv mvtv-lrqv mvtveni. 7Chena mvtv u bonr-wrli vpaluhfvli, xvga inv Ilisipaf mvtv vivckufi, macimi nayeswi uwa paluwi biaki u kvgesakv-namwv.

8Huwa ini biamikvtwi, iahaiahi inv pakvtanvgi ini u tasi makufewa mkvtaukulvia ya-lvhfv-meci Mvnatu ini ya-lvhgode-yrgi u ta Irpiahsinowa, 9yasfagi ini yrsi Ivwegi ini mkvtaukulvia u tasi makufewa, wvhsi becfrci inwili ini u mvmrtumawi-kvmi-kumi inv Dabalamwatv macimi fvgfvgi wrgimyrkugi. 10Chena nihki jrivhki mahsa-lagiki lanvwaki bami mvmrtuma-wrci frgici ina yr-tafvgi tvh fvgfo-dagi wrgimyrkugi. 11Chena u nvudema-goli ’n’tvsi ut ancvle-mvli inv Dabalamiwatv pami nepvweli ini mvyrwi wvyatvhqa ini wrgimyrkugiwi botafvmr-cikv. 12Macimi Sakulrias’ patfvgi-taha iah nawrei nili, chena kupanawa utfaku. 13Pvyaqv inv ancvli, Tagi kupanalu, Sakulrias’; xvga ini gi nvnvhbrci-mowa nodota, macimi gewv Ilisipaf gah pvh nemrqv uqihfi-mrli, chena gelv Jrne gah sitv mvwv u wefowa, u talrli. 14Macimi gah bonv gelv usvsilabwrwa macimi uwasi-labwrwa; chena maci wa husvsi-labwrwa-feki tvh negilici. 15Xvga wa mselafi inv ini u ta Irbewa-nagi inv Dabalamiwatv, macimi tagi inv wah manwv wveni walr tagi wrsikvgi manowa; chena nili Ufapi Ucvjrlvhqvli wa uqihsi-noli, datapilvhi u gali u Irmudr-kvnilici uci. 16Chena inv maci nihi ut vpaluh-famhi Iswelv nili Dabalamiwalici u Mvnado-mwrli wah si kutaku-nvhi nihi. 17Macimi ya-lvhfv-meqa-lici wa hawv ini Elvicv u ta lafewa-nagi macimi u wesikvtuwewa-nagi, wvhsi nihi vpalufhi si kutakunvmv-wrci nili u tahiwv nihki ufimrki, macimi nili buryr malunah-salici wvhsi pam-falici ini u laburwa-nagi inv dapvsvwela-fitv; wvhsi usi-mahci-lutvmv-wrci nili Dabalamiwalici lanvwahi u mahci-tahah-drkuhi. 18Macimi Sakulrias’, Drniwa na huci wrkutv yomv? xvga pvsidofv ilani nelv, macimi newv paluwi biawv u kvgesakv-namv, u talrli nili ancvleli. 19Macimi inv ancvli pami rpvfsa, Gabial’ nelv, nr-nepvwitv ini ut vbewa-nagi Mvnatu; chena ni wrwena-gopi wvhsi kvlolalv gelv, macimi wvhsi biadolv yolumv uwasi-biadrci-mowanv. 20Chena wrpvtvnu, gah mvtv-lrqv tvsimowafi gelv macimi ga hrlwi kvlvwi, brlu’ hina grsagigi yolumv wiahi wah biami-kvtu, xvga mvtv gi dapwah-drnv ni kvlvwewanv, wah uqrufa-dota nili ina ya-lrqrmafe-yrki, u talrli. 21Chena nihki lanvwaki bami vhkvwrpvmr-wrci Sakulriaseli, macimi qvqahdrni-tahaki iah nagrfelici ini mvmrtumawi-kvmiku-gi. 22Macimi inv iah biaci luhfrci ud rlwi kvlolvhi nihi : chena nihki mosi-tahaki yasi inv mahci namagi wiahsi nvmowa ini mvmrtum-awi-kvmikugi, chena ivskv inv u gci pami kvgahgino-tanvmv-wvhi nihi, macimi ivskv mvtv kvlvwi. 23Chena ini biamikvtwi, ina lrqvsi nili tfuku u mesvmrgawa ia uqihfagi wapfa ini uci ya-drci wegiwv hawv.

24Chena vhkuwihi ina yolumv grsagiki wewvli Ilisipafeli vcgoli; macimi inv u gigido weiv nyrlvnwi gesvhfu, 25Ylvini inv Dabalamiwatv yasi mac’ panvsici ina grsagiki tvh wrpvmici, wvhsi pvgfv-tanvgi ni mvci-mofowa alagenv ilaneki, iwvpi.

26Huwa ini mvwi-nakutwvhfwi gesfugi ancvli Gabial’ Mvnadoli uci Galalewi udawa si Vv T rwenofu, Nrsalafi sidota, 27sasgi-iqafvli lasgofu kvlosiwa-hofoli ilaneli Jose sifoli, ini Dapide-wikv uci inv; macimi inv sasgi-iqafv Male sifu. 28Macimi inv u becfa-mrli nili, chena Hai, gelv ma-mosba-lamofutv, inv Dabalami-watv weciwi gelv, u talrli. 29Pvyaqv inv ulrmi u patfvgi-taha-sgrku ini iyowa, macimi mamagini-taha nahiwa tuga si usilv-wrdewa manvwvhi yomv si taha. 30Macimi inv ancvli, Tagi wesrlabwrlu, Male : xvga gi mahci mkv Mvnatu uci vliwa-lamo-fowa. 31Macimi wrpvtvnu, gelv ga hvcku gi Irmudrkv-nagi, chena gah bialv uqihfimv, macimi Jesise gah sitvmvwv u wefowa. 32Wa mselafi inv, chena nili u Qihfvli inv Gci Mospi wa hrlofu : macimi inv Dabalamiwatv Mvnatu wah melrli nili ini ugimrwi ut vpvbewa-nilici u fvli Dapideli : 33chena wa hugimrutv ini Jakvbe utfwi kvmigifewa goqa-irqvsi; macimi ini ugimrwewa mvtv-lrqv wah jaiahqvtwi, u talrli. 34Macimi Male, Nahiwa wah si ini inwi yomv, ni pami nama mvtv ni wrkumv ilani? u talrli nili ancvleli. 35Chena rpvfsa inv ancvli macimi, Inv Ufapi Ucvjrl-vhqv wah biawv geyrgi, macimi ini u wrsikv-gemi inv Gci Mospi ga hvwikvnsgrku gelv : yoni uci nahfrpi ini ufapi wiahi ga-gikvtqihdo-dagi, nili u Qihfvli Mvnatu wah sidota. 36Chena wrpvmi, Ilisipaf gi nhvlwa-ladewanv iqawv, hinv nahfrpi naiahkv vcku uqifi-mrli u magipwah-fefiwewa-nagi; macimi vlv-yrmv inv mvwi-nakutwvhfwi gesfwv uci vbeli inv buryr vckutv yr-lofutv. 37Xvga Mvnatu uci kvlvwewa mvtv saskvtwi wrsikvgi u talrli. 38Macimi Male, Wrpvmi, nili ut vlolrkvni-iqafvli inv Dabalami-watv; welrni ini iga neyrgi ya-sfagi gi kvlvwewa, isiwa. Macimi inv ancvli wapfa nili uci.

39Chena Male pvfaqi yolona grsagiki macimi wawatapi ini ala mvmvqvhgigi belasgi hawv, Cudiawi udawa hawv; 40chena ini wegiwv ya-drlici Sakulriaseli si becfa macimi usilvwr-lrli Ili-sipafeli. 41Chena ini biamikvtwi, iah notvgi Ilisipaf ini usi-lvwrdewa Male, lamvcfali nili vpaluhfvli u lrmudrkv-nagi; macimi uqihsi-noli Ilisipaf nili Ufapi Ucvjrlvhqvli; 42macimi u pvtanv u kvlvwawith-simowa gilagi ulrmi kvlvwawih-simu, Gi gisrci-makufi cahi gelv alagenv iqaki, macimi gisrci-maqvtwi cahi ini mvwifowa gi lrmudrkv-nagi uci. 43Macimi drniwa uci yomv nelv, wvhsi nili u gali Dabalamitv biaci utsici nelv? 44Xvga wrpvmi, inv vpaluhfv lamvcfa ni lrmudrkv-nagi ni tvwvgr-wvli iah si bia-yrgi ini g’usilvwawih-simowa, xvga uwasi-lapwv. 45Macimi gisrci-makuf i cahi inv iqaivv da-dapwah-satv; xvga ’n’tvsi wa vhdali inv uqihsi-nowa nili wiahi inv Dabalamiwatv waci mahci kvlo-lofuci, isiwa. 46Macimi isiwa Male,

Mvyrwi-neiv tapilo u mselvgi-mrli nili Dabalamiwalici,

47Chena ni cvjrlvhqv naiahkv usvsilapwv Mvnadoli ni Wrpvnsemvli.

48Xvga inv u mahdr-pvtv inn u nvnvhbrci-ilafewa-nilici ut vlolrkvni-iqafvli :

Xvga wrpvtvnu, yoci inugi jrivhki sqe-lanvwaki gisrci-makufi na hvigoki.

49Xvga inv wrsigimakufitv ni mahci ludrqv mahsrgi wiahi;

Macimi ufabirli cahi u wefowa.

50Chena u gitaminrqa-ladewa sqe-lanvwahi gita sqe-lanv-wahi sfanili nihi qahfa-kuci.

51Mahci wrpvta-siwa wesikvtuwewa u nahgi uci;

U mahci lfwa-nvhi nihi mahse-si-tahalici ini u tahiwv uci nvnrci-mamagini-tahawa-nagi.

52U mahci ugimrwi utpvbewa-nwv uci pana-nvhi ugimr-osrkvnhi,

Macimi u mahci mosba-lamak-whvhi nihi na-nvhbrci-ilafilici.

53Nihi sahqrlvwa-lici u mahci dabho-lvhi uwasi wiahi;

Macimi nihi bawrlici u mahci rmaskv-wvhi sasibrfihi.

54U mahci melrli nrtvmrdewa Isfelvli ut vlolrkvnvli,

Wvhsi inv manvwvhga mkvwa-latvgi gitaminrqa-ladewa

55(Yasi kvlolrci inv k’uhfanvhi)

Aplahameli wvyaci macimi u mengr-nilici goqa-lrqvsi.

56Macimi Male u weci gamrli nili nvwitu nfwi gesvhfu, che-na patagi hawv ya-drci wegiwv.

57Huwa Ilisipaf nvhekv bia-yrli wvhsi negini-waci; macimi u bia-lrli uqihfi-mrli. 58Chena mr-pvyacigr-lakuci macimi nahvlwala-mrci nodrgahi yasi inv Dabalamiwatv mahci msi-lutvgi u gitaminrqa-ladewa nili wvyaci; macimi nihki usvsilbwr-demr-wrli nili. 59Chena ini biamikvtwi tv hini mvwi-nfwrsigfuku-nvgigi yasi nihki bir-wrci wvhsi grwvckulr-wrci nili vpaluhfvli; macimi nihki iahgi wih mahci Sakulrias’ sinr-wrli nili, nrwvlwi ini ya-sifulici tx fvli. 60Macimi u gali rpvfsali, Mvtv ini; wakv Jrne wa hrlofu, iwvli. 61Mvtvlrqv nahvlwala-mvcki yr-lofutv yomv wefowa, u talr-wrli nihki. 62Macimi u tah kvgahgino-tanvmvwr-wrli u fvli, yasi tahaci inv wvh sino-fulici nili. 63Chena inv u nvtutv wvh tv hvwigaci, macimi, Jrne si wefowani, lvwiga. Maci-mi nihki qvqahdrni-tahaki jrivhki. 64Chena ini u doni tvwano-dali walanv, chena u welvni palskuh-grli, macimi kvlvwi, u pami gisrci-makufi-hrli Mvnadoli. 65Chena cihfafewa utfaku-nrwv jrivhki nihki gryrukv bamigr-lrcki nihi : macimi jrivhki yolumv iyowanv pami rtudota srpuci mafhega ini Cudiawi mvmvqvhgi belasgi. 66Chena jrivhki na-notvgiki nili, u gicitvwaladr-nrwv u tahiwrgi, Nahiwa uwa wah lafi yrmv vpaluhfv? Xvga ini u laci inv Dabalamiwatv u weje-maku inv, iwvki.

67Chena u fvli Sakulriaseli uqihsi-noli nili Ufapi Ucvjr-lvhqvli, macimi mosigesqrcimoli,

68Gisrci-makufi cahi inv Dabalamiwatv, nili u mvnado-mvli Iswelv;

Xvga inv mahci nvuhiwa macimi u pvtanvmv-wvhi pata-ginofowa u ta lanvwa-mhi,

69Chena gi mahci kuqitanvmr-kunv wrpvnsewi wewelvli

Ya-drlici ini wegiwr-pagi ut vlolrkvnvli Dapideli

70(Yasi kvlvwici ini u donwv uci ufapi u mrmosigesqa-mhi mviahci vpilici sahkvmikv uci),

71Wrpvnsewa ki mvda-ladewa-nrki uci, macimi ini u laci jrivhki srgalama-lvqa;

72Wvhsi wrpvtasi-waci gitaminrqa-ladewa k’uhfanvhi wvyaci,

Macimi wvhsi mkvwa-latvgi ufapi u mahdrcimowa;

73Hini jegingamowa ja-jeginga-mrci Aplahameli k’uhfanrli,

74Wvhsi welrni la-latvmo-lvqa yasi pami qvqvtanofu-ivqa nili u laciwv uci ki mvda-ladewa-nrki

Wih pakvtanvqa inv tagi kusiwawa,

75Hufapafewa-nagi macimi mvyrwe-lafewa-nagi ya-lvhfv-meci inv jrivhki ki gesakvno-manv.

76Hrnkv chena gelv, vpaluhfv, nili u mrmosigesqa-mvli inv Gci Mospi ga hvigopi :

Xvga gelv ini ya-lvhfv-meqaci inv Dabalamiwatv ga hv wvhsi usi-macfatv-wvci u myawvli;

77Wvhsi melvci wrpvnsewi laburwa u ta lanvwamhi ini u mvje-lafewa-nwv uci pvgfafewa-nagi,

78Xvga ini u kukusqi gitaminrqa-ladewa ki Mvnado-manv,

Waci spamagi uci lamvcfa-yrgi ini mawrpvgi gah nvuha-kupa,

79Wvhsi wvhfahtv-wrci nihi la-mvtvpilici Ir papagicv macimi ini nabowa si ya-wikvgegi;

Wvhsi ini grmrne-lafewi myawa-nagi si mvyrwi-wadoei ki fitanv hiwvpi.

80Chena inv vpaluhfv sqinegi, macimi vlvlikv si wesikv-tuwi ’lafewa-nagi, chena ini lr pvpsqvhki vpiwv brlu’ hini gr-sagigi u wrpvmakufewa-nagi lr Iswelv.

Currently Selected:

YASFADOCI LOKU 1: SJW

Highlight

Copy