YA-SFADOCI MRKV 16
16
1Chena iah pamfa-yrgi ini vlwrkvhsi-grsagigi, Male Magi-talenv, chena Male nili u gali Jamse, chena Salome, u biado-nrwv sagimyrkuki, wvhsi nihki manvwvhga bir-wrci macimi sasunv-mvwr-wrci nili. 2Chena qalvh-whrpvgi ini wasgi grsagigi yasi mahci ini mvnadowi-gesagigi, biaki nihki ini nabowrlv-kugi ia hinv gesagi-gesfwv biatvh-kufvgi. 3Macimi Nafvwa ga huci kulapanv-mrkunv nili sekunvli ini sqrdagi ini nabowrlvqi? pami ideki alagenv welvwv, 4macimi pami mr-lrbeki, u nama-nrwv yasi nili seku-nvli udrnrgi si kulapano-fulici : dawv hinv vnhiwawi msigilwv. 5Chena pami becfaki ini nabowrlvqi, u nawr-wrli mvyrni laneli usgici lamvtvbeli ini mvyrwi wvyatvhqa, wrpi pihtvwi betani-gali; macimi qvqahdrni-tahaki. 6Chena inv, Tagi qvqahdrni-tahaku : ki nvtuna-whrwv Jesise, inv Nrsalafi-lani, mviahci rsitafho-futv : hunskv; mvtv utvsi vpiwv : wrpvtvrnuku, ini tvh saximr-wrci nihki ! u talvhi. 7Wakv nhrkuna, wetvmv-wahku u kvgahgimrfhi macimi Betv, Galalegi gi tah negrni-hakuwv : ’n’tvsi gah nawrwv, ya-lalwrqa inv. 8Chena nihki luhfaki, macimi ini nabowrlvqi utasimoki; xvga naiahkv pvpvwas-grwa chena qvqahdrni-tahawa utfaku-nrwv : macimi mvtv-wiahi u talr-wrli wiyafvli; xvga kupanaki.
9Huwa ia hunsgrci qalvh-whrpvgi ini wasgi grsagigi yasi mahci ini mvnadowi-gesagigi, u nvude-mrli Male Magitalenvli nhihtv, nileni uci mahci luhfa-pvgitvmv-wrli neswvhfwi wvninah-fihi. 10Hinv wapfa macimi u wetvmv-wvhi nihi mviahci pvh wedfa-mrcki nili, yasi nihki mvwa-wrci macimi wihfvqa-wrci. 11Macimi nihki, iah nodrga-wrci yasi nili lanvwa-wilici, macimi mahci nawrci inv, hrnwah-saki.
12Chena vhkuwihi ina yolumv wiahi inv kutvgi yagi u tasi tapi-nvukufe-mvhi neswi nihi, yasi nihki pamfa-wrci, yala hrwrci ini belasgi. 13Chena nihki wapfaki macmi ini u wetvmvwr-wvhi nihi mvisi nrlatv : mvtv nuhgi nihki u dapwahtvwr-wvhi nihi.
14Chena vhkuwihi inv u tapi-nvukufe-mvhi nihi matvhfwi-gita-nakuti nhvlwrkv nihi ya-lvhga-pilici tvh wihfa-nilici; chena ucihkv-wvhi nihi u bur dapwahsawanwv macimi u sepi-tahawan-wv, xvga mvtv nihki u dapwahtvwr-wvhi nihi mviahci nvukuci yasi mahci unsgrci. 15Macimi Nhrkuna gelvwv mafhega ini ya-lakuqvh-kvmigigi, chena pami nvnvhimi-waku ini uwasi-biadrcimowa malsga ini mah-dalamakufewa-nagi, u talvhi. 16Hinv da-dapwahsatv macimi fvfvhqi-ulalhofu wah wrpvnas-hofu; wakv inv yrnwah-satv wah myrlvh-kuwr-lofu. 17Chena vlv-yolumv giginolowanv wah wedamaku-nrwv nihki da-dapwahsacki : ni wefowa-nagi wah luhfa-pvgilr-wvhi wvninah-f ihi; wah kvlv-weki nihki wasgigi welvnu; 18wah mvmr-wvhi mvnatuhi nihki, macimi qahqi manu-wrta wiahisi nr-nsiwa-yrgi, mvtv ini wah wiahisi vhqi-nvlaku-nrwv; husgici wah si pvgfanv-mvwr-wvhi u laciwv nihi ya-qilu-galici macimi nihki wah wrpvnseki.
19Waciganvhi uwa inv Dabalamiwatv Jesise, iah mahci kvlo-lrci nihi, manqvtugi si utvhpa-nofu, macimi ini tv hu mvyrwen-gici Mvnatu si lamvtvpiwv. 20Chena nihki wapfaki, macimi pami nvnvhimi-waki mafhega tvsi, inv Dabalamiwatv u pami weci pakvtafe-mvhi nihi, chena u pami wedotvmv-wvhi ini kvlv-wewa, nili uci gigi-nolowanv nvya-kvsiwa-yrki. Aman.
Currently Selected:
YA-SFADOCI MRKV 16: SJW
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929
