YASFADOCI LOKU 12
12
1Hini alaghi lrqv, ina inv macitfana matvhfana tabawa mahsa-lakv mrwvtuskv, waciganvhi kvgalgrdeki nihki, ut vlami ilvhi u kvgahgimrfhi nhihtv, Mvhgani gelvwv ini unvlascikv-nwv nihki Palaseki, naluhci-lvwewa ini. 2Pvyaqv mvtv vhdawi wiahi patvghota, ivh bur ini pvhkvsanota; macimi gigidota, ivh bur ini wrkudota. 3Yone uci goqanahi-grci gelvwv ki mahtu-wapwv ini lr papagicv wah nodota ini Ir wvivhfaiv; chena goqanahi gelvwv ini utvwvgrgi ki mahci kvlvwipwv betiga nili beti-grnv wa lfwrcimupi usgici nili wegiwrpi-vkucikvmi. 4Chena gi talapwv nelv nihgrnati, Tagi kufahku nihki nr-nfrcki nili wivufi-weyrnvli, macimi mviuhqrci mvtv gidani u bonr-nrwv wvh kvtvwi si Ivwe-wrci. 5Wakv ga hvlanaiapwv inv wiyafv wa kufaqa : Kufahku inv, inv iah mahci nsiwaci u bonv wrsikvgi wvhsi vhqi-nvmowa-nagi ipvgisiwaci : hvnkv, gi talapwv nelv, Kufahku inv. 6Mvkhv mvtv nyrlvwi udawani-wisgiluhfvki nyawi sansi yrsi myagipi? macimi mvtv nakuti wvnihgrlofu ini u ta lrbewa-nagi Mvnatu. 7Wakv tapilo nili gelahfwv jrivhki giginotvgita. Tagi kusiwaku : vliwi ki ta la-lamakufipwv gelvwv notv maci udawani-wisgiluh-fvki. 8Chena gi talapwv nelv, jrgi wiyafv nah muhgrci tabrci rcimaqv ya-lvhfvme-wrci ilaneki, nileni inv u Qihfvli ilani nah-frpi wah muhgrci tabrci rcimrli ya-lvhfvme-lici nihi ut ancvlemhi Mvnatu. 9Wakv inv ga-girci-mitv tv hvpi-wrci ilaneki wah gir-cimofu ini tv hvpilici nihi ut ancvlemhi Mvnatu. 10Chena jrgi wiyafv wa pipahci-mrli kvlvwewa nili u Qihfvli ilani, ini wah pvgfalatv-mrqi inv : wakv inv ba-pipahci pvhdr-mrtv nili Ufapi Ucvjrlvhqvli mvtv ini ivh pvgfaladota. 11Chena ina nihki ya-lvhfvme-yrgi nili msi-kvmiku si bialalwrqv, chena nihi dabalaci-gahi, chena nihi wiah’ simakufewanhi, tagi wesrfeku wvh svyaqa walr wv hrpvfsa-yaqa, walr wv hiu-yaqa : 12xvga inv Ufapi Ucvjrlvhqv gah kvgahgima-kuwv tapilo ini Yrtafvgi wv hiu-yaqa.
13Chena nakuti wiyafvli nili mahsalalici uci kvlolagoli, Ga-ga hgi mi wa, wetvmvwi ni janinv ni pvhfanvmrqv ini seqi-wiahi. 14Pvyaqv, Ilani, nafvwa dapvsvwvtaniwatv walr ba-pvhfaniwatv wvhsi simakufihdo-lvku ni tas haqv? u talrli. 15Macimi gici-tvwrfeku, chena jrivhgi vbaladewa uci gicitvwi nuhbianv-muku geyrwv : xvga ilani u ta lanvwawewa mvtv ini utatwi mrlafewa-nagi uci ini wiahi ba-bonvgi, u talvhi nihi. 16Chena pamrtu-wawa u kvlolvhi, Ini ut vsisgemi nr-nakuti pvwawi ’lani mrli negicigaiv iwvpi : 17Macimi mamagini-taha inv weyrgi, Cah’ na-hiwa nah si lvwi, xvga mvtv ni bonv wvh tvh bonvmv ni mvwi-fowanv? iwvpi. 18Cah’ yomv nah si lvwi : nah lekvtanrnv ni kvwvsqi-grnv, macimi na hupvtanv vlikv mahsrgi; chena ’n’tvsi nah bonv jrivhki ni kvwvskumi macimi ni wiahemi. 19Macimi na hilv neiv, Neiv, gi bonv maci wiahi macitfwi gikvtu si nhrwrdr-qvta; mvmalu gi grmrnafewa, wihfanilu, manalu, gilvgifilu, iwvpi. 20Pvyaqv Mvnadoli, Gelv wvnihsvgrfv, inugi tapahgiga brbiaci gi ta lalatv-mrgopi geiv; chena ini wiahi na-nhrwrcfado-ivni nafvwa wa huwelrmi ini? u tagoli. 21Yone yagi inv ba-bonvhfu-tvkv weiv pvwawa, macimi mvtv pvwawv Mvnadoli wiyaci.
22Chena Waciganvhi gi talapwv nelv, u talvhi u kvgahgi-mrfhi, Tagi ki ta lanvwawewa-nwv uci wesrfeku, wiahi wvh meci-yaqa; walr tagi nuhgi geyrwv, wiahi wvh lvsa-yaqa. 23Xvga ini lanvwawewa vlikv inwi notv ini wihfanewa, macimi inv weyrnv notv ini betanikv. 24Mamagina-lamahku nihki grkvlwhaki, yrsi bur nihki vhciga-wrci, nuhgi mvtv kvwvsqhrwaki; mvtv nihki u bonr-nrwv bonvhfowikv walr kvwvsqikv; macimi Mvnatu u csvmvhi nihi : gahfwi si vlikv ki ta lalamakufipwv gelvwv nihki wisgiluhfvki ! 25Chena drnvwa inv gelvwv pami wesrfeta wa huci kvtvwi golutu nakuti giupit ini u ta lanvwawewa si tapvcikv-nagi? 26Qahqiu waciganvhi kid rlwi si lvwepwv muhci ini gahci mrcqrfigi, gociwa nili ki tah wesrfepwv mrsi nrlatv? 27Mama-gina-latvmuku nili wesiwvlvgami, yrsi nili sqinegiki : mvtv br-pakvtafeiv nili, nuhgi mvtv br-biami-nvqaiv; pvyaqv gi talapwv neli, Weginrqi Svlvmvn’ jrivhgi u wvhfrci-makufewa-nagi, mvtv brsi nakuti yolumv si wrwasi. 28Wakv qahqi Mvnatu yone Iv-sahdota nili mskutahqvlu, ini ala Iskvhgigi, yagi inugi grsagigi, macimi wrpvga ini gisifikv-nagi ipvgidota; drniwa laghi si vlikv gah lvsaghukuwv inv, O gelvwv cvgi dapwahsa-fvki? 29Chena gelvwv tagi nvtunahv-muku wvh meci-yaqa, macimi wvh mana-yaqa, tagi nuhgi neswi-tahrkv-niku. 30Xvga svpkvhi nihki jrgi si lanvwaki ini yalakuqvh-kvmigigi u nvtunahr-nrwv jrivhki yolumv wiahi : wakv k’Uhfwv u wrkutv yasi gelvwv mfalatv-maqa yolumv wiahi. 31Pvyaqv nvtunahv-muku gelvwv ugimrwi-drmkumi, macimi yolumv wiahi gah goludr-gopwv. 32Tagi kutv-muku, cvgi nakudwalo-fvki; xvga ini yasi uwasi manwi-tahawa-nici k’Uhfwv wvhsi melal-wrqa ini ugimrwi-drmqa. 33Myagiku ini ba-bonv-maqa, macimi gisrci si meliwaku; husdoku pasiqi gelvwv muni-bedrkvnv buryr vlvlikv si gahdayrki, pvwawa betiga nili manqvtu buryr notqvhki, yrtvh bur mrlrqv hrci grgimotakv, mvtv nuhgi mvnadolafv mvci-lvweci. 34Xvga tvh ’dagi gi pv-wrwa, nahfrpi ’n’tvsi wa vhdawi gi tahi.
35Welrni ki sahgiwv gitvpifo-yrga, macimi ki netvwrkv-nwrki bami fvgifu-wrci; 36macimi ilafiku gelvwv brsi ilaneki bami vhkvwrpvmr-cki dabalamaku-wrci, lrqv nili patagi ini wec-hadewi wihfancigawa wa huci biali; wvhsi, ina birlita macimi detuwvthiga-lita, manvwvhga walanv tvwanv-mvwr-wrci nili. 37Gisrda-lamakufeki cahi nahga vlolrkvnvki, nihi inv dabalamiwa-tv ina birta wa mkvwvhi bami gcitvwrpilici : tapilo gi talapwv nelv, wa gitvpitu weiv inv, chena wah lamvtvphvhi nihi wvhsi wihfanilici, macimi wah biawv chena wah gisrcilutv-wvhi nihi. 38Chena qahqi inv wah biawv ini mvwi-nesana tv gcitvwvh-do-dagi lrqv, macimi qahqi ini mvwi-nfana, macimi yone wah si mkv-wrci nihi, gisrda-lamakufeki cahi nahga vlolrkvnvki. 39Pvya-qv wrkutv-muku vlv-yomv, qahqi inv ini wegiwv uci mastala na-iahkv wrkutvga ini yrtafvgi wrsv birci inv grgimotakv naiahkv wi gcitvwrpi, macimi mvtv u tvh naiahkv nvkvtv wegiwv yadrci wvhsi srpwi pughodalici. 40Nahfrpi gelvwv mahci-wafiku : xvga buryr ini yrtafvgi si taha-yaqa inv u Qihfvli ilani biawv.
41Chena, Dabalamiwatv, hv nelvwa gi kvlosipa yomv pamr-tuwawa, walr-tuga datapilvhi jrivhki? isiwa Betv. 42Nafvwa chena inv tapvsvwafi macimi laburwafi nosrcikvnv, wvh tvlwvh-fakutv dabalamakuci yadrlici wiahi, wvhsi melrci laghi welvwv nihi u wihfanewa-nilici qanrni lrqv? isiwa inv Dabalami-watv. 43Gisrda-lamakufi cahi inv vlolrkv, ina birlita dabalama-kuci wa mgrgoli bami yone si lvweci. 44Dabwawa gi talapwv nelv, nili wah tvlwvhfwrli inv jrivhgi ba-bonvgi. 45Wakv qahqi inv vlolrkv, Ca’ hu nrkvhtu u birwa dabalamitv, wa hiwv u tahigi; macimi wa hvlami ppvgta-whvhi nihi vlolrkvni-lanihi chena nihi vlolrkvni-iqafhi, macimi wihfani chena manwv, macimi wvhsi wvnafuci; 46nili dabalamakuci inv vlolrkv wah biali ina grsa-gigi mvtv u biadalatv, macimi ina yrtafvgi mvtv u wrkutv, chena wa hvhqinvla-goli nili, wah si tvqinvmr-goli ini welv nihi buryr tapvsvwa-filici. 47Macimi inv vlolrkv, wa-wrkutvkv yasi tahawa-nilici dabalamakuci, chena mvtv mahci-lvwe-wafi, chena mvtv nuhgi yasi tahawa-nilici si lvwi, wa ppvgtahofu inv maci lihfewvn-hudewv-wigrfowanv; 48Wakv inv ba-bur wrkutvkv, macimi wiahi si lvwi nvhekv iqvtwi lihfewvn-hudewv-wigrfo-wanv, wa ppvgtahofu lrkufwe-mahi lihfewvn-hudewv-wigrfowa-nv. Chena goqa-nafv-grci maci-laghi melofu, maci-iaghi wa hinv udalatv-mrqi : macimi nili nihki maci-laghi da-lwvhfwr-wrci, nileni wah nvtutvmvwr-wrli ini vlikv laghi.
49Ni bir nelv wvhsi ini usgi-drmqa ipvgitvmv skuta : maci-mi nahiwa skvtv ni talalatv, qahqiu ini naiahkv pkvlanota? 50Pvyaqv ni bonv fvfvhqi-ulalwewa wvh’ fvfvhqi-ulalweiv; macimi ni gesanrcinv brlu’ hini mahci-ludodaga ! 51Hv gelvwv ki tasi tahapwv yasi biriv nelv wvhsi meliwaiv grmrnelafewa ini usgi-drmqa? Gi talapwv nelv, Mvtv; grjekv pvhfahgrwa wakv : 52xvga yoci inugi wa hvbeki nyrlvnwi nakuti wegiwr-pagi pvhfah-grki, nfwi u mvwinvhgrlr-wvhi neswi, chena neswi nihi nfwi. 53Wah pvhfahgrki nihki, ufimv u mvwinvhgrlrli uqihfimrli, macimi uqihfimv ufimrli; ugafv udrnfimrli, macimi udrnfimv ugafvli; ufami-ugefv ufamyali, macimi ufamiv ufami-ugefvli.
54Chena nahfrpi u talvhi nihi mahsalalici, Hina iah nama-yaqa brfqvhgi bami pvfaqeyrgi ini yapvximugi, Vlvini biaiv ga-muwrgi, ki taiupwv walanv; macimi necvphi yone ini yasi biami-kvgi. 55Chena iah nama-yaqa yalrwvhqagi bami uci-gikvgi, Wah gisidawi gesagi, ki taiupwv; macimi ini biamikvtwi. 56Gelvwv naluhcilvwi-wahfeki, ki wrkudr-nrwv wvhsi lrbrtutv-maqa ini ya-lrpasgrgi ini usgi-drmqa, macimi ini manqvtwi; pvyaqv nahiwa ki tasi bur ini wrkudr-nrwv wvhsi lrbrtutv-maqa yomv inugi yalkv-migigi? 57Chena gociwa weginrqi pasiqi gelvwv mvtv mvyrwi ki talvhkuwrla-tipwv? 58Xvga yasi gelv wedamvci gi mvdalade-wanv yalvhfvmeci inv da-puwrsiwatv, gcitvwrfelu yalalfa-ivni wvhsi tfwihkvwahgi inv; belaba nili da-pvsvwvtani-walici gah si sus-khulaqv, macimi inv da-pvsvwvtaniwatv nili wiah-simakufe-wanvli gah si pvgfanaqv, macimi inv wiah-simakufewanv giphu-dewigr-nagi ga ipvgilaqv. 59Gi tala nelv, Mvtv wiahisi ga hini uci luhfv, brlu hini tapilo jaiahqi mrlacihi gah jrgi mahci taphv.
Currently Selected:
YASFADOCI LOKU 12: SJW
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929
