YASFADOCI LOKU 3

1Huwa ina mvwi-matvhfwi-gita-nyrlvnwi tfwi gikvdo-weiv ini ugimrwewa Drpilivs’ Sesv, Pvntvs’ Brlvde pami kvpanvlewi Cudia, chena Halade pami nakutah-fapvtiwi ugimrwi Galale, chena u janinrli Filvbeli nakutah-fapvtiwi ugimrweli ini Itulia tvsi macimi Twakunrtis, chena Lrsanivs’ nakutah-fapvtiwi ugimrwi Apaleni, 2ina u mospi-mkvtaukulvyawi-makufewa-nwrgi Anvs’ chena Gaiafase, ini u kvlvwewa Mvnatu Jrneli si biaiv nili u qihfvli Sakulrias’ ini belasgi. 3Chena inv biawv ini mafhega gryrukv tvsi ini Jrtane, pami nvnvhimiwa ini fvfvhqi-ulalwewa mvtveni si tahawa uci wvhsi pvgfafewa-nigi mvjelafewanv; 4yasi ini mahtvwi-gagi ini awigrda-gegi nili u kvlvwewanv Visviv inv mrmosi-gesqatv,

Hinv nakuti wiyafv ini tvlvhotvmwv Ir belasgi,

Macfadoku ini u myawi inv Dabalamiwatv,

Tapilvhi sdoku u myawanafv.

5Jrgi wvyriqvhgigi wa uqihfadota,

Chena jrgi maqvhgigi macimi maqvhgefigi wall mrlaspi wrmaghota;

Macimi nili wvyr-girki wah pasiqv,

Macimi nili kvhsi myawvli fafiqv;

6Chena jrivhgi wivufimv wah nama ini u wrpvnsiwawa Mvnatu.

7Waciganvhi inv u talvhi nihi mahsa-lalici, la-luhfrlici wvhsi fvfvhqi-ulalhrci, Nafvwa kit vlana-kuwv gelvwv lawvki udo-srkv-nvki, wvhsi usitv-maqa ini vhqi-gidawa wvh biayrgi? 8Negidoku waciganvhi mvwifowanv nvhekv ya-iqa-lamakuki mvtveni si tahawa, macimi tagi vlami iuku betiga geyrwv, Ni bonrpa Aplahame ni uhfipa : xvga gi tala-pwv nelv, yasi Mvnatu dabelafici wvhsi iuhumv sekunhi uci unsgrnvmv-wrci Aplahameli vpalufhi. 9Chena datapilvhi inugi ini taghrkv nahfrpi sagfanwi ini u japkvhkvtugi nili mtaku : jrgi mtaqi waciganvhi buryr ini uci negigi uwasi mv-wifowa kvuhota, macimi ini skudagi ipvgi-dota. 10Chena nihki mahsa-lagiki u nvtuhtvwr-wrli, Nahiwa qelvhi uwa nah si lvwepa? u talrwrli. 11Chena inv rpvfsa macimi, Inv ba-bonvkv neswi go-dewvli welrni inv pvgfanvmv-wrta nili buryr bonv-malici; macimi inv ba-bonvkv wihfanewa, welrni inv ivskv ini si lvweta, u talvhi. 12Chena ’n’tvsi nahfrpi biaki daxewi-mrwvtungah-feki wvhsi fvfvhqi-ulalhofu-wrci, chena nih-ki, Ga-gahgimiwa, nahiwa nelvwa qelvhi nih si lvwepa? u talrwrli. 13Tagi qvqvtanv-mrgaku vlikv laghi notv yasi mvmofu-yaqa, u talvhi nihi. 14Chena svmrkv-nvki nahfrpi u nvtuhtvwr-wrli, Chena nelvwa, nahiwa qelvhi nih si lvwepa? isiwaki. Chena, Tagi mvmelowi qvqtanvmr-gaku ilani uci, tagi nuhgi nrnhrci-mowi masdrwi-mahku wiyafv; macimi dapi si tahaku ki taphudewa-nwv, u talvhi nihi.

15Chena yasi nihki lanvwaki vhkvwrfe-wrci, macimi ilane-ki jrivki mamagina-lamr-wrci Jrneli u tahiwrgi, qahqi tuga inv inv Klvisde; 16Jrne rpvfsa, Nelv svpkvhi gi fvfvhqi-ulalhala-pwv napi; pvyaqv ’n’tvsi biawv inv vlikv mahse-lafitv notv nelv, u mvhgifanv uci ini manihfapi ni nodqelafi wvhsi palhvmv : henv gah fvfvhqi-ulalha-kuwv nili Ufapi Ucvjrlvhqvli macimi skudagi : 17u wawafhowa u lacigi vhdali, tvdakvqi wvhsi fvfvyrgi lutvgi pvwvsqhrwi u tapvkufa-nomi, macimi wvhsi ini kvwvsqi u kvwvs-qigrnagi si mrwvtu-nvgi; wakv nili wihseqviv wah jrkvta-frnv inv buryr kvtvwi vhtaho-dagi skuta wa hvwa, u pami ilvhi nihi jrivhki.

18Weci maci kutvkvli gicidrmowanv waciganvhi u nvnvhi-mvhi uwasi-biadrcimowanv nihi lanvwahi; 19pvyaqv Halade, inv nakutah-fapvtiwi ugimv, dawvhi u lsgima-goli nili xvga Halotiv-seli uci u janinrli wewvli, macimi xvga nili uci mvci wiahi jrivhki mviahci si lvweci Halade, 20goludota yomv nahfrpi nili si jrivhki, yasi inv gipwhrci Jrneli giphudewa-nagi.

21Huwa ini biamikvtwi, iah jrivhki nihki lanvwaki fvfvhqi-ulalhofu-wrci, yasi, nahfrpi Jesise pami mahci fvfvhqi-ulalho-fuci, macimi pami mvmrtumaci, ini manqvtwi tvwanota, 22chena inv Ufapi Ucvjrlvhqv usgici nili si lrsiufa wiah-lyawawa-nagi, brsi myrsi-pvwefv, macimi kvlvwawih-simowa manqvtwigi umoiv, Gelv inv yavhqa-lamvkv ni Qihfv; geyrgi ni manwi-lapwv, iyoiv.

23Chena Jesise welv, ia hvlami kvgahgimi-waci, nvwitu nfwrpitvgi tfwi gikvdowi, nili u qihfvli (tuga yasi tahagi) Jose, nili u qihfvli Heir, 24nili u qihfvli Matfata, nili u qihfvli Lefri, nili u qihfvli Malgriv, nili u qihfvli Cana, nili u qihfvli Jose, 25nili u qihfvli Matafrase, nili u qihfvli Amvse, nili u qihfvli Na-hvme, nili u qihfvli Aslr, nili u qihfvli Nagaiv, 26nili u qihfvli Maaf, nili u qihfvli Matafrase, nili u qihfvli Samivne, nili u qih-fvli Josagi, nili u qihfvli Jota, 27nili u qihfvli Joanane, nili u qih-fvli Lesa, nili u qihfvli Silubapvle, nili u qihfvli Sivltivle, nili u qih-fvli Nelri, 28nili u qihfvli Malgriv, nili u qihfvli Atv, nili u qihfvli Gosrme, nili u qihfvli Elmatvme, nili u qihfvli Yrme, 29nili u qihfvli Jesise, nili u qihfvli Eliesv, nili u qihfvli Jolime, nili u qihfvli Matfata, nili uqihfvli Lefri, 30nili u qihfvli Simivne, nili u qihfvli Jotvse, nili u qihfvli Jose, nili u qihfvli Joname, nili u qihfvli Elvikime, 31nili u qihfvli Meliv, nili u qihfvli Manv, nili u qihfvli Matafv, nili u qihfvli Nafane, nili u qihfvli Dapide, 32nili u qihfvli Case, nili u qihfvli Opide, nili u qihfvli Boase, nili u qihfvli Salmvne, nili u qihfvli Mrsvne, 33nili u qihfvli Amanidapi, nili u qihfvli Rnv, nili u qihfvli Haslvne, nili u qihfvli Belase, nili u qihfvli Jotv 34nili u qihfvli Jakvbe, nili u qihfvli Visigi, nili u qihfvli Aplahame, nili u qihfvli Delv, nili u qihfvli Nahv, 35nili u qihfvli Selvge, nili u qihfvli Leyo, nili u qihfvli Belagi, nili u qih-fvli Epv, nili u qihfvli Selv, 36nili u qihfvli Gavnvne, nili u qihfvli Rfaxade, nili u qihfvli Sam, nili u qihfvli Nuwv, nili u qih-fvli Lamage, 37nili u qihfvli Mafosilv, nili u qihfvli Envkv, nili u qihfvli Jalvde, nili u qihfvli Mahvlale, nili u qihfvli Gavnvne, 38nili u qihfvli Envse, nili u qihfvli Safe, nili u qihfvli Atvme, nili u qihfvli Mvnatu.

Currently Selected:

YASFADOCI LOKU 3: SJW

Highlight

Copy