HINI UWASI-BIADRCIMOWA ya-sfadoci MAFIYO 23
23
1Hina uwa u kvlo-lvhi Jesise nihi Mahsa-lalici macimi u kvgahgimrfhi, 2Nihki yr-ivwigacki chena nihki Palaseki lamvtv-beki usgici Mosise lit ’pvbewa : 3jrivhki wiahi waciganvhi goqa-nahi-grci nihki ya-lalwrqa, yoloni si Ivweku macimi gcitvwr-piku : pvyaqv tagi giginv-muku u pakvtaf ewa-nwv; xvga kvlvweki nihki, chena mvtv wiah’ si Ivweki. 4Hvnkv, u gr-gjepila-nrwv kufaqi wewvsewanv macimi mvmyadr-wvtu wvhsi nvwodaki, chena usgici u ta-liwv ilaneki u drsi bonr-nrwv nili; pvyaqv mvtv nihki welvwv u tvh mrtanr-nrwv nili nakuti u laci-wrli uci. 5Wakv jrivhki u pakvtafewa-nwv yrsi Ivwe-wrci nihki wvhsi ilanihi nvuku-wrci uci : xvga u mr-mf rpiahdo-nrwv u giginoci-betanikv-nwv, macimi u mr-msihdo-nrwv tv nipaniqr-claki u betanikv-nwv, 6chena u manweladr-nrwv ini vliwi yagi tvh we-wihfancigaki, chena nili vliwi yaki vhpvbe-wanv betiga nili msi-kvmiku, 7chena nili usilvwr-dewanv tvh we-wedgeki, macimi, Labrye, wi hiku-wrci ilanihi. 8Pvyaqv gelvwv tagi, Labrye, ki higopwv : xvga nakutihi ki kvgahgimiwa-mwv, chena jrivhki gelvwv ujaninrki. 9Chena tagi ilani k’uhfwv ki hilrwv ini usgi-drmqa : xvga nakutihi k’Uhfwv, tapilvhi inv betiga ya-pitv wafapvh-kvmigigi. 10Tagi-nuhgi gelvwv, Mastalaki, ki higopwv : xvga nakutihi ki mastala-mwv, Klvisde inv. 11Wakv inv gci-vliwi ya-lafitv alagenv gelvwv ga hut vlolrkv-nipwv. 12Chena goqa-nafv-grci wah mosba-lamakufihdo-weiv wah nvnvh-brc-hof u; macimi goqa-nafv-grci wah nvnvhbrcdo-weiv wah mosba-lama-hofu,
13Pvyaqv ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga gelvwv ki giphv-mvwr-wrki ilaneki ini wafapvh-kvmigigi ugimrwi-drmqa : mfahgrci mvtv ki becfrpwv gelvwv, mvtv-nuhgi welrni ki tala-lamr-wrki nihki bami uttvgiki wvhsi becfr-wrci.
15Ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga ki br-pamasido-nrwv grwvci msi-napi chena vsisgi wvhsi ushaqa nakuti qa-lapgo-futv; chena inv yone iah lafici, pihtvwi-nesana si vlikv vhqi-nvmowi uqihfimv ki drshrwv inv notv gelvwv.
16Ki mvci-labwrwa-nipwv cahi gelvwv, kvgabe-qawi nrgrnecki, Goqa-nafv-grci wa vdoci jegingamu ini mvmrtumawi-kvmiqi, mvtv-wiahi ini; wakv goqa-nafv-grci wa vdoci jegingamu ini mvmrtumawi-kvmiqi uci goli, ma-mosina-higatv inv, yr-iucki. 17Gelvwv wv-nihsvgrki macimi ga-gabe-qacki : xvga drniwa vlikv inwi, hv ini goli, walr tuga ini mvmrtumawi-kvmiqi waci ufabirgi ini goli? 18Chena, Goqa-nafv-grci wa vdoci jegingamu ini botafvmr-cikv, mvtv-wiahi ini; wakv goqa-nafv-grci wa vdoci jegingamu ini pvgfani-gawa usgici ini ya-dagi, ma-mosinahi-gatv inv. 19Gelvwv kvgabeqvki : xvga drniwa vlikv inwi, hv ini pvgfani-gawa, walr tuga ni botafvmr-cikv waci ufabirgi ini pvgfani-gawa? 20Hinv waciganvhi ya-vdoci jeginga-mutv ini botafvmr-cikv, vdoci jegingamu ini, macimi jrivhki wiahi ’n’tvsi ya-daki usgici. 21Chena inv ya-vdoci jeginga-mutv ini mvmr-tumawi-kvmiqi, vdoci jegingamu ini, macimi nili ’n’tvsi betiga ya-drlici. 22Chena inv ya-vdoci jeginga-mutv ini wafapvh-kvmigigi, vdoci jegingamu ini ugimrwi ut’pvbewa Mvnatu, macimi nili ’n’tvsi la-mvtvpilici.
23Ki mvci-labwrwa-nipwv cahi gelvwv, yr-ivwigacki chena Pa-laseki, naluhci-lvwi-wahfeki ! xvga ki dr-daxhr-nrwv msawa-wvsqi macimi tili-wvsqi macimi kvmini-wvsqi, chena ki nvkvdr-nrwv mvtv mahci ludota nili vliwi qa-faqvki wiahi ini kutaladewa uci, ta-pvsvu-panvla-dewa, chena gitaminrqa-ladewa, chena dapwah-sawa : wakv gelvwv yoloni iu naiahkv kih mahci lvwepwv, macimi mvtv-iu ki tv hini kutvgi bur naiahkv mahci lvwepwv. 24Gelvwv kvgabe-qawi nrgrnecki, fr-fihgr-nrcki nili brbrgah-fefvli, macimi qr-kunrcki nili gamvleli !
25Ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga ki fr-fvfvyrg-hrwv inv taphikv frgici wvyatvhqa macimi ini saswi-lrkv, pvyaqv betiga nihki uqihfanwi seqidowafewa mvmelowi-lvwewa chena ufrmi-lvwewa. 26Gelv kvgabe-qawi Palase, fvfvyrghi nhihtv ini b-etiga wvyatvhqa inv taphikv macimi ini saswi-lrkv, wvhsi ini frgici wvyatvhqa manvwvh’ fvfvyr-girgi nahfrpi.
27Ki mvci-labwrwa-nipwv cahi gelvwv, yr-ivwigacki chena Pa-laseki, naluhci-lvwi-wahfeki ! xvga wa-wrpdo-daki nabowanv yasi nrkufi-yaqa, uwasi-nrqvtu nili frgici uci, pvyaqv lrmagi uqihfanu nabowi ilaneki u kvna-mwv, macimi jrivhgi wa-ivgrjrgi. 28Datapilvhi yone gelvwv nahfrpi frgici uci ki mvyrwe-lafewi-nrku-wrki ilaneki, pvyaqv lrmagi gelvwv uqihfanu naluhci-lvwewa macimi wvnrtafewa.
29Ki mvci-labwrwa-nipwv cahi gelvwv, yr-ivwigacki chena Palaseki, naluhci-lvwi-wahfeki ! xvga gelvwv k’upvtanv-mvwr-wrki nili u nabowa-nwv nihki mrmosigesqacki, macimi ki nrswih-tvwr-wrki u nabowrlvku-mwv nihki ma-yrwela-ficki, 30chena, Ni hvpipa ina tvh kvgesakv-nami-wrei n’uhfa-nrki, mvtv nelvwa mviahci wihpu-mrcki nihi ini u msku-mwv nihki mrmosigesqacki ni hilafipa, ki taiupwv. 31Heni uci pasiqi gelvwv ki cvhtvwr-cimupwv geyrwv, yasi gelvwv u qihfi-nalwrqa nihki na-nfreki nihi mrmosiges-qalici. 32Huqih-fadoku waciganvhi ini u tapvcikv-nwv k’uhfwrki. 33Gelvwv mvna-doki, lawrki udosrkv-nvki gelvwv, nahiwa gah si kvtv-wasidr-nrwv ini vhqi-nvmowa uci mahtvh-kuwr-ladewa? 34Waciganvhi, wrpvmahku, gi talaskvmo-lapwv mrmosiges-qacki, chena laburwi ’laneki, chena yr-ivwigacki : nrlatv nihki ga nfr-wrki macimi ga hrsitaf-whr-wrki; chena nrlatv nihki gah lihfe-wvnwhr-wrki betiga ki msi-kvmiku-mwrki, macimi gah nrnuhgrchr-wrki udawa-nagi uci udawa-nagi si : 35wvhsi gelvwv manvwvh’ stvgi jrivhgi ini mvyrwela-fewi msqi fa-fegho-dagi ini usgi-drmqa, ini u mskumi Apvle uci inv ma-yrwela-fitv brlu’ hinv u mskumi Sakvlriv u qihfvli Balagriv, na-nfaqa lvlvqi ini ufapi-kvmiqi chena ini botafvmr-cikv. 36Tapilo gi ta-lapwv nelv, Jrivhki yolumv wiahi wa hutfaku yrmv inugi sqewanv.
37O Culosalam’, Culosalam’, nr-nfrtv nihi mrmosiges-qalici, macimi sr-sekun-whrtv nihi ba-bialkvmv-waci ! drniwa tfana ni mahci mrwvtu-nrki git vpaluhfa-mvki datapilvhi brsi palawv yrsi mr-wvtu-nrci u pala-famhi Irmagi u laqvnv, macimi mvtv ki tasi taha-pwv ! 38Wrpvtvnu, ya-dryaqa wegiwv ki nvkvtvmr-gopwv lekvtvh-kv-mikvtwi. 39Xvga gi talapwv nelv, Mvtv gidani yoci inugi ki tvh na-wipwv, brluhi gelvwv, Gisrda-lamakufi cahi inv ba-birtv ini u wefowa-nagi Dabalam-iwatv, ga hiupwv.
Currently Selected:
HINI UWASI-BIADRCIMOWA ya-sfadoci MAFIYO 23: SJW
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929
