HINI UWASI-BIADRCIMOWA ya-sfadoci MAFIYO 24
24
1Chena luhfa Jesise ini mvmrtumawi-kvmiqi uci, macimi ya-hrci hawv; chena u kvgahgimrfhi utfa-kuhi wvhsi wrpvtv-lakuci nili wegiwr-pvli ini mvmrtumawi-kvmiqi uci. 2Pvyaqv rpvfsa macimi, Hv mvtv ki nama-nrwv vlv-yomv jrivhki wiahi? tapilo gi tala-pwv nelv, Mvtv utvsi wa skunofu nakuti vpiwv s-ekunv usgici kutvkvli, wvh’ bur panano-futv, u talvhi nihi.
3Chena yasi lamvtv-piei wahsatagi ini Vlifiwi mahqvgigi, u gemi utfa-kuhi nihi kvgahgmrfhi, Wetvmvwi-nrga, drniwa Irqv ina wa vdawv yolumv wiahi? chena nahiwa wah si giginolowa-niwi gi birwa, macimi ini jaiah-qrga ini ya-lakuqvh-kvmigigi? u takuhi. 4Chena rpvfsa Jesise macimi, Gcitvwr-feku wvhsi bur ilani bemi-walal-wrqa. 5Xvga maci wah biaki ni wefowa-nagi, neiv inv Klvisde, wa hiwvki; macimi maci wah bemi-walr-wvhi. 6Chena gelvwv gah nodr-gapwv nochade-wanv macimi ya-lrtudo-daki nochadewanv; gcitvwr-piku wvhsi bur gelvwv patfvgifi-yaqa : xvga yolumv wiahi qelvhi brbiaci wah biami-kvtu; pvyaqv ini jaiahqewa mvtv gawvgi. 7Xvga nakudwa-lanv si lanvwa wah pvfaqic-fvtv-wrli nakudwa-lanv si lanvwali, macimi ugimrwewa u ppahtanv ugimrwewa; chena ’n’tvsi wa vdawv sas-qrlvwawa-niki, macimi vsisgi-nomasgrwanv cvjapi tvsi. 8Pvyaqv yolumv wiahi nileni waci vlamvh-kvmigigi vhqi-lrsvmvmowa. 9Hina uwa gesanrci-nvmowa-nagi gah si pvgfa-naku-wrki nihki, macimi gah nfaku-wrki : chena gah segalama-kufe-maku-wrki nihki jrivhki dfwa-lanv si lanvwaki xvga ni wefowa uci. 10Macimi ina uwa maci wa hutvgi-kvhsi-noki, chena pasiqi wah mas-druha-deki, macimi wah segala-deki. 11Chena maci myrsi mrmosi-gesqacki wah pvfaqeki, macimi wah bemi-walr-wvhi maci. 12Chena xvga wvnrta-fewa wa sqeiv, ini ut vhqa-ladewa-nwv maci wa tigi-negi-nili. 13Pvyaqv inv nvhekv ini yaqi wesigi-fitv, henv inv wah wrpvnas-hofu. 14Chena yomv uwasi-biadrcimowa ini ugimrwi-drmqa uci wah nvnvhimi-wapi ini malsga ya-lakuqvh-kvmigigi wvhsi u dabwawani-wrci nihki jrivhki dfwa-lanv si lanvwaki; chena ina uwa wah biaiv ini jaiahqewa.
15Hina waciganvhi gelvwv nama-yaqa ini lvsegrci-wafewa uci seqvh-kvmigifewa, yr-tudo-dagi srpwi Danivl’ inv mrmosiges-qatv, pvh nepvwi ini wafabirgi tvsi (welrni inv la-lrbrtu-tvkv nanuh-sata), hina uwa welrni nihki Cudiagi ya-picki nili maqvhgiki la-si mu-wrta : 17welrni inv ini vkucikvmi ya-pitv bur lrsiwata wvhsi luhfv-doci nili wiahi betiga ya-daki ya-drci wegiwv : 18macimi welrni inv ini lr gitikv ya-pitv bur patagi si nrtaga u godemi. 19Wakv mvci-labwrwa-neki cahi nihki la-lrmudr-kucki vpaluh-fvli macimi nihki na-nonhi-wacki nala grsagiki ! 20Chena mvmrtumrku gelvwv wvhsi bur vdagi k’usimowa-nwv qanv ini babogi, walr qanv vlwrkvhsi-gesagigi : 21xvga ina uwa vdawi mahsrgi gesanrci-nvmowa, hini yagi mvtv-lrqv ma’ vdawi ina vlamvh-kvmikvtwi ini ya-lakuqvh-kvmigigi uci brlu’ hinugi, mvtv, nuhgi-mvtv gidani wa vdawi. 22Chena waciwaphi nala grsagiki mahci naiahkv ujagino-daga, mvtv wivufi iahgi ivh mahci wrpvnas-dota : pvyaqv xvga inv ma-mofutv uci nala grsagiki wa hujagi-nota. 23Hina uwa qahqi wiyafv ilani, Ca hvlv-yrmv inv Klvisde, walr, Hutvsi, hilal-wrqa; tagi dapwahtv-muku ini. 24Xvga ’n’tvsi wah pvfaqeki myrsi Klvisdeki, chena myrsi mrmosigesqacki, macimi wah wrpvtasi-waki mvgi giginolowanv macimi qa-qahdr-niki; wvhsi bemi wasiwa-wrci, kvtvwi-iga, weginrqi nili ma-mo-fulici. 25Wrpvtv-muku, gi mahci wetvmo-lapwv grsv. 26Qahqi waciganvhi nihki, Wrpv-mahku, inv ini belasgi vpiwv, ga hiku-wrki; tagi nhrku : Wrpu-mahku, inv nili becigrnv vpiwv; tagi ini dapwahtv-muku. 27Xvga yasi ini ba-pvgi ini wa-tvhkufvgi u moyrgi, macimi si namo-dagi weginrqi ini ya-pvximugi; yone wa higi ini u birwa inv u Qihfvli ilani. 28Goqa-tvsi-grci inv na-pakv vpiwv ’n’tvsi wah mrwvtus-grki nihki da-tvhqvki.
29Pvyaqv walanv vhkuwihi ini gesanrci-nvmowa nala grsagiki uci inv gesagi-gesfwv wah papagic-hofu, macimi inv tapahgi-gesfwv mvtv wah meliwa u wvhfryr-mi, chena nihki vlrqvki manqvtugi wa huci pansi-noki, macimi nili wrsikvki nili manwvtu uci wah nomanota : 30chena ina uwa manqvtugi wah tapinr-qvtwi ini u giginolowa inv u Qihfvli ilani : chena uwa ina jrivhki lanv-wa u dfwalowanv ini usgi-drmqa uci wah mvwa, macimi nihki wah na-wr-wrli nili u Qihfvli ilani pami biali usgici nili manwvtuwi brfqvhki gilagi wrsikvgi chena mahsrgi wvhfrci-makufewa. 31Chena inv wah wrwe-nvhi ut ancvle-mhi weci mahsi Iwagi papiqv, chena nihki nili nyawi mahsigikvki wa huci mrwvtunr-wvhi u mvmrwa-nhi, nakudwa-lanv ya-qihfagi manqvtwi uci brlu’ hini kutvgi.
32Huwa uci wrkuta-fiku inv gicimesv u pamrtuwawa : ina u pga-ivhkufewa kukus-qrfi, macimi pvskvh-qaiv u msisga-mv, ki wrkudr-nrwv gelvwv yasi ini ba-lrwigi mrlrqvhigi; 33datapilvhi yone nahfrpi gelvwv ina nama-yaqa jrivhki yolumv wiahi, wrkutv-muku yasi inv mrlrqvhi-wici, datapilvhi nvhekv nili sqrdawvli. 34Tapilo gi talapwv nelv, yrmv inugi sqewanv mvtv wa hvsanwv, brlu’ jrivhki yolumv wiahi wah mahci ludota. 35Manqvtwi macimi vsisgi wa hvsanu, wakv ni kvlvwewanv mvtv wa hvsanu. 36Pvyaqv ina si gr-sagigi macimi yrtafvgi, mvtv wiyafv u wrkutv, mvtv weginrqi nihki ancvleki wafapvh-kvmigigi uci, mvtv-nuhgi inv Uqihfimv, inv wakv Ufimv pahi. 37Chena brsi nili u gesakv-namv Nuwv yaki, yone wa higi ini u birwa inv u Qihfvli ilani. 38Xvga brsi ina nala gr-sagiki yaki wihsi bur ini vdagi lakhuqewa nihki pami wihfa-neki macimi pami manoki, pami wechadeki macimi wechadewa-nagi si pami me-latipi, brlu’ hini grsagigi wvhtv hini msi-ulvga-lagi lkvgi Nuwv, 39Chena nihki mvtv u wrkudr-nrwv brlu’ hini lakhuqewa biaiv, macimi ud rmwalaku-nrwv nihki jrivhki; yone wa higi ini u birwa inv u Qihfvli ilani. 40Hina uwa neswi ilaneki wa hvbeki ini gitigr-nagi; nakuti mvmofu, macimi nakuti cikunofu : 41neswi iqaki wah pami tvkwhi-gaki ini bodhrkv-nagi; nakuti mvmofu, macimi nakuti cikunofu. 42Gcitvwr-piku waciganvhi : xvga mvtv ki wrkudr-nrwv si grsagigi tvh birci Dabalamal-wrqa. 43Pvyaqv wr-kutv-muku vlv-yomv, qahqi inv ini wegiwv uci mastala naiahkv wr-kutvga lrqv wrsv birci inv gr-gimo-takv, naiahkv inv wi gcitvwr-pi, macimi mvtv naiahkv welrni wih la-latv ya-drci wegiwv wvhsi srpwi pugho-dalici. 44Waciganvhi nahfrpi gelvwv mahci-ilafiku; xvga buryr si taha-yaqa yrtafvgi inv u Qihfvli ilani biawv.
45Nafvwa chena inv tapvsvwafi macimi labwrwafi vlolrkv, mviahci tvlwvhfa-kutv dabalamakuci ya-drlici wiahi, wvhsi me-lrci nihi u wihfa-newa-nilici qanrni-lrqv? 46Gisrda-lamakufi cahi inv vlolrkv, inv ina birlita dabalama-kuci wa mgrgoli bami yone si lvweci. 47Tapilo gi talapwv nelv, nili wah tvlwvh-fwrli inv jrivhgi ba-bonvgi. 48Wakv qahqi inv mvci vlolrgrfv, Cah nrgrfi dabalamitv, wa hiwv u tahigi; macimi wa hvlami ppvgita-whvhi u weci-vlolrkv-nhi, chena wah wihpu-mvhi macimi wedr-puwa-mvhi nihi wa-nafulici; 50wah biali inv vlolrkv nili dabala-ma-kuci ina grsagigi mvtv u biada-latv, macimi ina yrtafvgi mvtv u wrkutv, 51chena wah giskhu-goli nili, macimi wah si tvqinvmr-goli ini welv nihi naluhci-lvwiwah-fihi : ’n’tvsi wah pami wihfv-qawani macimi in wah tvlwawah-fanu wepitvli.
Currently Selected:
HINI UWASI-BIADRCIMOWA ya-sfadoci MAFIYO 24: SJW
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929
