مَتّی 4
4
اِبلیس عیسی وَرداورد بَکَی
1اَموقه خداروح، عیساش وَیاوونی طَرَف بَردَ تا ابلیس اَی ورداورد بکَرِ. 2بعد اِمکن عیسی چِل روج و چِل شَو روجَه گَتَش بَه، اَنشتا آبه. 3اموقه وَرداوَرد اَکَر آمَه و عیساش واتَه: «اَگَم تِه خدا زوعَه ایشهَ، اِم سِه اون فِرمون بِدَ نون آبون!»
4ولی عیسی جَواب داشَه: «توراتیکا نِوشتَشونَه کن:
«”اینسان تاکَه نونینه زندَ نیَه،
بسکَم هر کلَامینَه کن خدا گَویکا بِرِن بومَیَه زندَیَه.“»
5چَی بَه دوملَه ابلیس عیساش موقدّسَه شَهریرا بردِشَه و بَی مَعبَدی تِکیکا آناشهَ. 6و بَی واتش: «اَگَم تِه خدا زوعَه ایشه، بَشتن اِم جگا کا بن بَرفن اِمی خاطرکن داوودی کیتاوِ زَبوریکا نِوِشتَه آبَیَه کن:
”خدا اِشتِه خونه، اِشتَن فرشتَه اون فِرمون آرَدا،“
و
“اَیِن بَتِه اِشتَن بالون سَر بگَتینَه
تا نِکَر اِشتِه لِنگی سه ای بِژَنی.“»
7عیسی بَش واتَه: «اِم نی توراتیکا نِوشتَه آبَه یَه کن،
«”خداوند، اِشتِه خدا وَرداورد مَکَه.“»
8دییَرَ کَرَرا، ابلیس عیساش بَرزَ کوایی سَر بَردِشَه و گردِ دِنیا پادیشاهیِن و چَوون شکوه و جلالینَه بَی آمونِستِش 9وبَش واتَه: «اَگَم مرا سجدَ بکری، بَمن پرستش بکری گرد اِمون بَتِه بَبَخشِستیمه.» 10عیسی بَی واتش: «رَت آب اَی شَیطون! چون توراتیکا نوشتَه آبَیَه کن:
«”خداوند، اِشتِه خدا پَرَستِش بِکَه
و تاکَه بَی عیبادَت بکَه.“»
11اَموقه ابلیس عیساش آهَشتَه و فرشتَه اِن آمینَه و بَی خیدمت کَردِشون.
عیسی اِشتَن خیدمَتی شِروو بَکَی
12وَقتی عیسی دَرَستشَه کن یحیی شون گَتَیَه، وِلتِه جَلیلیرا ویگَردَ. 13اَ، شهر ناصرَ کا بِرن بَرشَه و شهر کَفَرناحومیرا شَه و اَ جِگاکا مَندَ. کَفَرناحوم، جَلیلی دَیراچَه وَریکا و زِبولون و نَفتالی منطَقه اونکا بَه. 14اِنتَرکِه آبَه تا اَ چیی کن اَشعَیایِ پَیغمبَری واسیطَنه نوشتَه آبَه بَه اَنجوم ببو کن:
15«منطَقَه اِ زِبولون و منطقَه اِ نَفْتالی،
دَیرا راه و اوردونی رباری اَ طَرَف،
جلیلی قامِن؛
16آدَمِنی کن ظِلَماتیکا زندَگی بَکن،
یاله نوری ویندِشونَه،
و اَیِنی سَردِرِ کن منطَقه ومَرگی ساکا مند بینه،
ایلَه نوری شَپَق ژِشَه.»
17اَموقه کا، عیسی دَمندَ آموج دوعه و اَواجیَه: «توبَه بکَرَ اِمی خونه کن آستامونی پادیشایی نِزکَه!»
عیسی اَوَلین شاگِردون صَلا بَژَی
18وَقتی عیسی دَیراچَۀِ جلیلی وَر گَل اَژَنیَه، دِ برا ویندِشَه. شَمعون کن بَی پِطروس خِلِه اَکَرینَه، وچَی برا آندریاس. اَیِن دیراچَکا دوم دَرَفَنین، اِمی خونه کن مایَگِربینَه. 19عیسی اَیِنِش واتَه: «چمن دوملَه بِرَ و اَز بَشِمَه آدَمون صَیّاد سِی آمَکَرد.» 20اَیِن جَخت اِشتَن دومون آهَشتشونَه و عیسی دوملَه شینَه. 21هَتَه کن عیسی کایبَه اِشتَن راه شِه، دِگِلَه دیَیر برا ویندِشَه کن چَوون نوم یعقوب و یوحنی بَه و زِبدی زوعَه اِن بین. اَیِن اِشتَن دَدَ زِبِدینَه لاتیکه کا بینه و اِشتَن دومون آمادَ اَکَرینَه. عیسی اَیِنِش نی خِلِه کردَ؛ 22اَیِن جَخت اِشتَن لاتیکه و اِشتَن دَدشون آهَشتَه و عیسی دوملَه رونَه بین.
عیسی یالَه جَمعیَتی خیدمَت بَکَی
23عیسی وِلَته جلیلی گِردِ جِگااونکا اَگَردیَه و یهودیون عیبادَتگا اونکا آموج اَدَریَه و خدا پادیشاهی خَشَه خَبَری اییلام اَکَریَه و هر جور داج و آزاری کن مردومیرا هِست بَه شفا اَدَریَه. 24پس عیسی تَریف و شوهرت سوریَه گردِ جِگا اونکا پَخش آبَه و مردم، گردِ آزاریونی کن مُختَلیفَه آزار و داجون دارین، و هِنتَه نی پَریانییِن و غَشیِ اِن و شِلون عیسی وَر اَوَرینه و اَ اَوون شفا اَدَریَه. 25یاله جَماعتِنی وِلته جلیلیکا و منطَقه اِ دِکاپولیسیکا، شهر اورشلیمیکا و وِلته یهودیَه واوردونی رباربی اَ طَرَفیکا عیسی دوملَه رونَه آبینَه.
Currently Selected:
مَتّی 4: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
