مَرقُس 10
10
1عیسی کَفرناحومیکا بِرِن بَرشَه و مَنطَقَه اِ یَهودییَه را و اووردونی رِباری اَوَریرا شَه. هَنی جَماعَت چَی وَر جَم آبین، و عیسی اِشتَن اوزونَه عادتی شیوار، اَیِنِش آموج دوعَه.
آموج، طلاقی خونه
2فَریسیون فرقَه عالیمِن عیسی وَر آمین و چَی وَرداوَرد کَردِ خونِه بَیکا دَپَرسِستین: «شَرعا دِرِستَه کن مِرد اِشتَن ژِنی طلاق بدَرِ؟» 3عیسی چَوون جَوابیکا واتِش: «موسی اِ پَیغمبَر چِه حِکمی بَه شِمَش آدوعَه یَه؟» 4اَیِن واتشون: «موسی ایجازَ دوعَشَه کن مِرد ایلَه طلاق نومَه بِنوِسِه و اِشتَن ژِنی آهَرزِ.» 5عیسی اَیِنِش واتَه: «موسی شِمَه خوعَه دِلی خونِه اِم حِکمی شِمَراش نِوِشتَه. 6ولی هَه اَوَلیکا کن دِنیا خَلق بَه، ”خدا اَیِنِش مِرد و ژِن سِی آکَردَ.“ 7و ”اِمی خاطِر، مِرد اِشتَن دَدَ و نَنَه آهَرزِ و اِشتَن ژِنیکا دَرَچیکست، 8و اَ دِ نفر، ایلَه تَن آنَّب“. پس اَیِن دِ، دِگِلَه تَن نینَّه، بَسکَم ایلَه تَنین، 9پس اَچیی کن خدا پَیوَند ژَشه، اینسان تاکَه آمَکَرِ.»
10وَقتی کَکا بین، شاگِردِن هَنی هِم موضوع خونه عیسی کا سوال کَردشون. 11عیسی واتِش: «هَر کم اِشتَن ژِنی طلاق آدَرِ و دییَر ژِنی بیگِر، اِشتَن ژِنی حَقیکا زینا کَردَشَه. 12و اَگَم ژِنی اِشتَن شوکا طلاق بیگِرِ و دییَرَ شو بِشو، زینا کَردشَه.»
بَرزَ خردَنِن چمن وَر بان
13مردوم خِردَنون عیسی وَر اَوَرینَه تا عیسی اَوون دَست آسا بکَرِ و بَرَکت بدَرِ. ولی شاگردِن مَردومی سَر تَشَر ژِشون. 14عیسی وَقتی اِمِش ویندَ، بَرک آسَرنگِستَه و اِشتَن شاگِردِنِش واتَه: «بَرزَ خردَنن چمن وَر بان؛ چَوون ناری مَگِرَ، اِمی خونه کن خدا پادیشاهی اِنتَرَ کَسون شِنَه. 15حَییقتا بَه شمَه باتیمَه، هَرکَم خدا پادیشاهی هِنتَه ایلَه خِردَنی شیوار قِبول نِکَرِ، چَی دِلَه دَنیش.» 16عیسی خِردَنِنِش کَشا گَتِشَه، و اِشتَن بالی چَوون سَریکا آناشَه و اَیِنِش برَکَت دوعَه.
ثیروتمَندَ جوان
17وَقتی عیسی کایبَه رادَگِنِستِه، مردی ویریتِه ویریتِه آمَه و چَی نَکا زِنگ ژِشَه اَیکا دَپَرسِستَه: «چاکَ اِستا، پی چبکَرم تا زَیرونَه زندَگی اِرث بِبَرم؟» 18عیسی واتِش: «چیرا بَمن چاک خِلِه بَکَشَه؟ هیچ کَم چاک نییَه غَیراَز خدا. 19حِکمون بَموستیش: ”آدَم مَکِش، زینا مَکَ، مَپِتار، دِروعَه شَهادَت مَدَ، حیلَه بازی مَکَه، اِشتَن دَدَ و نَنَه ایحترام بِنَه.»“ 20اَ مِرد جَوابیکا واتِش: اِستا، اَز گِردِ اِمون جوان گیریکا اَنجوم دوعَمَه.» 21عیسی بَی دَیَشتِشَه، بَی موحبت کَردِشه و واتِش: «اِشتِه کارونکا ایلَه چیی کَمه؛ بش و هرچیی هِستِرَ بِخرَش و چَی پولی دَس دَریسون بِدَ کن آستامونیکا گَنج بَداشتیشَه. اَموقه بِه و بَمنکا پیروی اَکَن.» 22اَمِرد اِم گَفی خونه نا اُمید آبَه و بَرزَخ اَ جِگاکا شَه، اِمی خونِه کن بَرکَه ثیروَتی داری.
23عیسی اِشتَن دووری دَیَشتِشَه، اِشتَن شاگِردِنش واتَه: «چَنَه چَتینَه ثیروَتمندِن خدا پادیشاهیکا دِلَه دَشون!» 24شاگردِن عیسی گَفونکا تَعَجُب کَردِشونَه. ولی عیسی هَنی اَیِنِش واتَه: «خِردَنِن، چَنَه چَتینَه، خدا پادیشاهیکا دِلَه دَشِه! 25شِتِری دَیوَردِ دَرزَنَه خِلیکا راحَت تَرَ تا ایلَه ثیروَتمَندی دِلَه دَشِه خدا پادیشاهیکا.» 26شاگردِن کن بَرک تَعَجُب کَردَشون بَه، عیساشون واتَه: «پس کی بَشایَه نیجات گَتِه؟» 27عیسی اَیِنِش دَیشتِشَه و واتِش: «اِم کار اینسانیرا غَیرمُمکینَه، ولی خِدارا اِنتَرَ نییَه؛ اِمی خونه کن گِردِ چییِن خدارا مُمکینَه.»
28اَموقه پِطروس عیساش واتَه: «دَیَس، اَمه گِردِ چیون آهَشتَمونَه و اِشتِه دوملَه آمیمون و بَتکا پیروی بَکَمون.» 29عیسی واتش: «حَییقتا به شمَه باتیمَه، کَسی نیَه کن چمن خونِه و خدا پادیشاهیی خَشَه خَبَری خونِه، اِشتَن کَه یا برا اون یا خالا اون یا دَدَ یا نَنَه یاخِردَ نون یا اِشتَن اَملاکی آهَشتَش ببو، 30و اِم دنیاکا صَد بَرابر ویشتَر کَه اِن و برا اِن و خالا اِن و نَنَه اِن و خِردَنِن و اَملاک و اَینَّه، اَیذَت و آزارِن بِدَست مَوَرِ و اَ دنیاکا نی زَیرونَه زندَگی چَی نَصیب مَبو. 31اَمّا خَیلیِن کن اوّلین هِستین آخر بَبینَه و اَیِنی کن آخِرینین اَول بَبینَه!»
عیسی سوومین کَرَ را اِشتَن مردِ و زندَ آبِه پیشگویی بَکَی
32اَیِن اورشَلیمی راکا بین و عیسی چَوون ناردَکَر کایبَه پیردِ. شاگِردِن تَعَجُب کَردَشون بَه و اَیِنی کن چَوون دوملَه اَشینَه، تَرسِستَه بین. عیسی هَنی اَ دانزَ شاگردی قِرَقیرا بردشَه و اَ چیی کن پی چَی سَردِرِ با، شاگردونرا واتِش. 33عیسی واتش: «دیَسَه، کا اورشَلیمیرا بَشیمون. اَ جِگاکا اینسانی زوعَه سَران کاهینون و توراتی موعَلیمون تَسلیم بکَنَه. اَیِن اینسانی زوعَه مَردِ را مَحکوم بکَنَه و بَی غَیر یَهودیون دَست آنَّدا. 34اَیِن بَی دَسپَر بَگَتین، و چَی سَردِرِ تو وینَّکَرد و بَی شَلاق بِژَنَه، بَی بَکِشتینَه و سِه روجی بَه دوملَه اَ زندَ آرَبن.»
یعقوب و یوحنا خاستَه
35یعقوب و یوحنا، زِبدی زوعَه اِن عیسی وَر آمینَه و واتِشون: «اِستا، بَتِکا درخواست بَکَمون اَچیی کن بَتِکا بَپیمونَه، چَمَرا اَنجوم بِدَری!» 36عیسی اَیِنش واتَه: «بَپیرون شِمَرا چِبکرم؟» 37اَیِن واتشون: «بَرزِن اَمه اِشتِه شکوه جَلالی دِلکا، ایلَه اِشتِه راستَه وَریکا و اَیلَه اِشتِه چَپَ وَریکا بِنِشَم.» 38عیسی اَیِنِش واتَه: «شِمَه نینَّموست کن چِه چیی بَپیرون. بَشارون گولَه ایکا کن اَز اَیکا بِنتیم بِنجَه و اَ غُسل تَعمیدی کن اَز بَگَتیم بیگِرَ؟» 39اَیِن واتِشون: «ها، بَشامون.» عیسی اَیِنِش واتَه: «شکی نیَه کن هَه گولَه ایی کا کن اَز اَیکا بِنتیم، شِمَه نی بِنتیرون و غُسل تَعمیدی کن اَز بَگَتیم، شِمَه نی بَگَتیرون. 40ولی چمن اِختیاریکا نییَه کن بواجم کی چمن راستَه وَریکا یا چَپَه وَریکا بنِشِه. اِم جِگااِن کَسِنی شِنَه کن چَوونرا آمادَ آبَیَه.»
41وَقتی اَ دَ گِلَه شاگِرد اِمشون دَرَسته، یَعقوب و یوحَنی را بَرک آسرَنگِستین. 42عیسی اَیِنِش اِشتَن وَر خِلِه کَردَ و واتِش: «شَمَه بَموستیرون اَیِنی کن دییَرَ قامون حاکیم بَه حیساب آن، چَوون سَرحِکم بَکَن و چَوون رَئیسِن اِشتَن زیر دَستون سَر فِرمون بَدان. 43ولی شِمَه دِلَکا اِنتَرَ مَبو. هَر کَم اَپیشَه شِمَه دِلَکا یال ببو، پی شِمَه پاسَری ببو. 44و هر کَم اَپیشه شِمَه دِلَکا اَول ببو، پی گِردی وَزییَر ببو. 45اِمی خونه کن حتی اینسانی زوعَه نی آمَه نی تا بَی خیدمَت بِکَن، بَلکَم آمَه تا خیدمَت بکَرِ و اِشتَن جانی خَیلیون رَخِستِه خونه فِدا بکَرِ.»
عیسی ناوینا اَ مِردی کن چَی نوم بارتیمائوسَه شفا دَرِ
46اَیِن شهراَریحا را آمین. هَتَه کن عیسی اِشتَن شاگِرونَ و یالَه جَمعییَتی نَه کایبَه شهر اَریحاکا بِرِن بَرشِه، ایلَه ناوینا اَ گَدایی کن چَی نوم بارتیمائوس بَه و تیمائوسی زوعَه بَه، راه قِرَقیکا نِشت بَه. 47وَقتی بارتیمائوس دَرَرَست کن عیسای ناصِریَه کن کا دَیوَردِ، دَمندَ خِلِه کَردِ کن: «عیسی، داوودِ پادیشا زوعَه، بَمن رَحم اَکَن!» 48خَیلییِن بَی تَشَر ژِشونَه بَشون واتَه کن ساکیت آبو، ولی اَ ویشتَر لَسَه ژِشَه و واتش: «داوود پادیشا زوعَه، بَمن رحم اَکَن!» 49عیسی پا بِند آبَه و واتش: «بَی خِلِه بکَرَ.» اَیِن اَ ناوینا اَ مِردی خِلِه کَردِشون و اَشون واتَه: «اِشتِه دِلی زبق غَم بَه! راست آب، بَتِه خِلِه بَکَی.» 50بارتیمائوس اِشتَن ردا فِر آداشَه و اِشتَن جِگاکا پِوَشتَه و عیسی وَر آمَه. 51عیسی اَیکا دَپَرسِستَه: «بَپیرَ تِرا چِبکَرم؟» اَ ناوینا اَ مِرد جواب داشَه: «اِستا، بپیمَه چمن چَمِن هَنی بِوینِن.» 52عیسی بَی واتِشه: «بش کن اِشتِه ایمان بَتِه شفا آدوعَشَه.» جَخت اَ مِردی چَمِن هَنی ویندِشون و عیسی دوملَه رَونَه بَه.
Currently Selected:
مَرقُس 10: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 10
10
1عیسی کَفرناحومیکا بِرِن بَرشَه و مَنطَقَه اِ یَهودییَه را و اووردونی رِباری اَوَریرا شَه. هَنی جَماعَت چَی وَر جَم آبین، و عیسی اِشتَن اوزونَه عادتی شیوار، اَیِنِش آموج دوعَه.
آموج، طلاقی خونه
2فَریسیون فرقَه عالیمِن عیسی وَر آمین و چَی وَرداوَرد کَردِ خونِه بَیکا دَپَرسِستین: «شَرعا دِرِستَه کن مِرد اِشتَن ژِنی طلاق بدَرِ؟» 3عیسی چَوون جَوابیکا واتِش: «موسی اِ پَیغمبَر چِه حِکمی بَه شِمَش آدوعَه یَه؟» 4اَیِن واتشون: «موسی ایجازَ دوعَشَه کن مِرد ایلَه طلاق نومَه بِنوِسِه و اِشتَن ژِنی آهَرزِ.» 5عیسی اَیِنِش واتَه: «موسی شِمَه خوعَه دِلی خونِه اِم حِکمی شِمَراش نِوِشتَه. 6ولی هَه اَوَلیکا کن دِنیا خَلق بَه، ”خدا اَیِنِش مِرد و ژِن سِی آکَردَ.“ 7و ”اِمی خاطِر، مِرد اِشتَن دَدَ و نَنَه آهَرزِ و اِشتَن ژِنیکا دَرَچیکست، 8و اَ دِ نفر، ایلَه تَن آنَّب“. پس اَیِن دِ، دِگِلَه تَن نینَّه، بَسکَم ایلَه تَنین، 9پس اَچیی کن خدا پَیوَند ژَشه، اینسان تاکَه آمَکَرِ.»
10وَقتی کَکا بین، شاگِردِن هَنی هِم موضوع خونه عیسی کا سوال کَردشون. 11عیسی واتِش: «هَر کم اِشتَن ژِنی طلاق آدَرِ و دییَر ژِنی بیگِر، اِشتَن ژِنی حَقیکا زینا کَردَشَه. 12و اَگَم ژِنی اِشتَن شوکا طلاق بیگِرِ و دییَرَ شو بِشو، زینا کَردشَه.»
بَرزَ خردَنِن چمن وَر بان
13مردوم خِردَنون عیسی وَر اَوَرینَه تا عیسی اَوون دَست آسا بکَرِ و بَرَکت بدَرِ. ولی شاگردِن مَردومی سَر تَشَر ژِشون. 14عیسی وَقتی اِمِش ویندَ، بَرک آسَرنگِستَه و اِشتَن شاگِردِنِش واتَه: «بَرزَ خردَنن چمن وَر بان؛ چَوون ناری مَگِرَ، اِمی خونه کن خدا پادیشاهی اِنتَرَ کَسون شِنَه. 15حَییقتا بَه شمَه باتیمَه، هَرکَم خدا پادیشاهی هِنتَه ایلَه خِردَنی شیوار قِبول نِکَرِ، چَی دِلَه دَنیش.» 16عیسی خِردَنِنِش کَشا گَتِشَه، و اِشتَن بالی چَوون سَریکا آناشَه و اَیِنِش برَکَت دوعَه.
ثیروتمَندَ جوان
17وَقتی عیسی کایبَه رادَگِنِستِه، مردی ویریتِه ویریتِه آمَه و چَی نَکا زِنگ ژِشَه اَیکا دَپَرسِستَه: «چاکَ اِستا، پی چبکَرم تا زَیرونَه زندَگی اِرث بِبَرم؟» 18عیسی واتِش: «چیرا بَمن چاک خِلِه بَکَشَه؟ هیچ کَم چاک نییَه غَیراَز خدا. 19حِکمون بَموستیش: ”آدَم مَکِش، زینا مَکَ، مَپِتار، دِروعَه شَهادَت مَدَ، حیلَه بازی مَکَه، اِشتَن دَدَ و نَنَه ایحترام بِنَه.»“ 20اَ مِرد جَوابیکا واتِش: اِستا، اَز گِردِ اِمون جوان گیریکا اَنجوم دوعَمَه.» 21عیسی بَی دَیَشتِشَه، بَی موحبت کَردِشه و واتِش: «اِشتِه کارونکا ایلَه چیی کَمه؛ بش و هرچیی هِستِرَ بِخرَش و چَی پولی دَس دَریسون بِدَ کن آستامونیکا گَنج بَداشتیشَه. اَموقه بِه و بَمنکا پیروی اَکَن.» 22اَمِرد اِم گَفی خونه نا اُمید آبَه و بَرزَخ اَ جِگاکا شَه، اِمی خونِه کن بَرکَه ثیروَتی داری.
23عیسی اِشتَن دووری دَیَشتِشَه، اِشتَن شاگِردِنش واتَه: «چَنَه چَتینَه ثیروَتمندِن خدا پادیشاهیکا دِلَه دَشون!» 24شاگردِن عیسی گَفونکا تَعَجُب کَردِشونَه. ولی عیسی هَنی اَیِنِش واتَه: «خِردَنِن، چَنَه چَتینَه، خدا پادیشاهیکا دِلَه دَشِه! 25شِتِری دَیوَردِ دَرزَنَه خِلیکا راحَت تَرَ تا ایلَه ثیروَتمَندی دِلَه دَشِه خدا پادیشاهیکا.» 26شاگردِن کن بَرک تَعَجُب کَردَشون بَه، عیساشون واتَه: «پس کی بَشایَه نیجات گَتِه؟» 27عیسی اَیِنِش دَیشتِشَه و واتِش: «اِم کار اینسانیرا غَیرمُمکینَه، ولی خِدارا اِنتَرَ نییَه؛ اِمی خونه کن گِردِ چییِن خدارا مُمکینَه.»
28اَموقه پِطروس عیساش واتَه: «دَیَس، اَمه گِردِ چیون آهَشتَمونَه و اِشتِه دوملَه آمیمون و بَتکا پیروی بَکَمون.» 29عیسی واتش: «حَییقتا به شمَه باتیمَه، کَسی نیَه کن چمن خونِه و خدا پادیشاهیی خَشَه خَبَری خونِه، اِشتَن کَه یا برا اون یا خالا اون یا دَدَ یا نَنَه یاخِردَ نون یا اِشتَن اَملاکی آهَشتَش ببو، 30و اِم دنیاکا صَد بَرابر ویشتَر کَه اِن و برا اِن و خالا اِن و نَنَه اِن و خِردَنِن و اَملاک و اَینَّه، اَیذَت و آزارِن بِدَست مَوَرِ و اَ دنیاکا نی زَیرونَه زندَگی چَی نَصیب مَبو. 31اَمّا خَیلیِن کن اوّلین هِستین آخر بَبینَه و اَیِنی کن آخِرینین اَول بَبینَه!»
عیسی سوومین کَرَ را اِشتَن مردِ و زندَ آبِه پیشگویی بَکَی
32اَیِن اورشَلیمی راکا بین و عیسی چَوون ناردَکَر کایبَه پیردِ. شاگِردِن تَعَجُب کَردَشون بَه و اَیِنی کن چَوون دوملَه اَشینَه، تَرسِستَه بین. عیسی هَنی اَ دانزَ شاگردی قِرَقیرا بردشَه و اَ چیی کن پی چَی سَردِرِ با، شاگردونرا واتِش. 33عیسی واتش: «دیَسَه، کا اورشَلیمیرا بَشیمون. اَ جِگاکا اینسانی زوعَه سَران کاهینون و توراتی موعَلیمون تَسلیم بکَنَه. اَیِن اینسانی زوعَه مَردِ را مَحکوم بکَنَه و بَی غَیر یَهودیون دَست آنَّدا. 34اَیِن بَی دَسپَر بَگَتین، و چَی سَردِرِ تو وینَّکَرد و بَی شَلاق بِژَنَه، بَی بَکِشتینَه و سِه روجی بَه دوملَه اَ زندَ آرَبن.»
یعقوب و یوحنا خاستَه
35یعقوب و یوحنا، زِبدی زوعَه اِن عیسی وَر آمینَه و واتِشون: «اِستا، بَتِکا درخواست بَکَمون اَچیی کن بَتِکا بَپیمونَه، چَمَرا اَنجوم بِدَری!» 36عیسی اَیِنش واتَه: «بَپیرون شِمَرا چِبکرم؟» 37اَیِن واتشون: «بَرزِن اَمه اِشتِه شکوه جَلالی دِلکا، ایلَه اِشتِه راستَه وَریکا و اَیلَه اِشتِه چَپَ وَریکا بِنِشَم.» 38عیسی اَیِنِش واتَه: «شِمَه نینَّموست کن چِه چیی بَپیرون. بَشارون گولَه ایکا کن اَز اَیکا بِنتیم بِنجَه و اَ غُسل تَعمیدی کن اَز بَگَتیم بیگِرَ؟» 39اَیِن واتِشون: «ها، بَشامون.» عیسی اَیِنِش واتَه: «شکی نیَه کن هَه گولَه ایی کا کن اَز اَیکا بِنتیم، شِمَه نی بِنتیرون و غُسل تَعمیدی کن اَز بَگَتیم، شِمَه نی بَگَتیرون. 40ولی چمن اِختیاریکا نییَه کن بواجم کی چمن راستَه وَریکا یا چَپَه وَریکا بنِشِه. اِم جِگااِن کَسِنی شِنَه کن چَوونرا آمادَ آبَیَه.»
41وَقتی اَ دَ گِلَه شاگِرد اِمشون دَرَسته، یَعقوب و یوحَنی را بَرک آسرَنگِستین. 42عیسی اَیِنِش اِشتَن وَر خِلِه کَردَ و واتِش: «شَمَه بَموستیرون اَیِنی کن دییَرَ قامون حاکیم بَه حیساب آن، چَوون سَرحِکم بَکَن و چَوون رَئیسِن اِشتَن زیر دَستون سَر فِرمون بَدان. 43ولی شِمَه دِلَکا اِنتَرَ مَبو. هَر کَم اَپیشَه شِمَه دِلَکا یال ببو، پی شِمَه پاسَری ببو. 44و هر کَم اَپیشه شِمَه دِلَکا اَول ببو، پی گِردی وَزییَر ببو. 45اِمی خونه کن حتی اینسانی زوعَه نی آمَه نی تا بَی خیدمَت بِکَن، بَلکَم آمَه تا خیدمَت بکَرِ و اِشتَن جانی خَیلیون رَخِستِه خونه فِدا بکَرِ.»
عیسی ناوینا اَ مِردی کن چَی نوم بارتیمائوسَه شفا دَرِ
46اَیِن شهراَریحا را آمین. هَتَه کن عیسی اِشتَن شاگِرونَ و یالَه جَمعییَتی نَه کایبَه شهر اَریحاکا بِرِن بَرشِه، ایلَه ناوینا اَ گَدایی کن چَی نوم بارتیمائوس بَه و تیمائوسی زوعَه بَه، راه قِرَقیکا نِشت بَه. 47وَقتی بارتیمائوس دَرَرَست کن عیسای ناصِریَه کن کا دَیوَردِ، دَمندَ خِلِه کَردِ کن: «عیسی، داوودِ پادیشا زوعَه، بَمن رَحم اَکَن!» 48خَیلییِن بَی تَشَر ژِشونَه بَشون واتَه کن ساکیت آبو، ولی اَ ویشتَر لَسَه ژِشَه و واتش: «داوود پادیشا زوعَه، بَمن رحم اَکَن!» 49عیسی پا بِند آبَه و واتش: «بَی خِلِه بکَرَ.» اَیِن اَ ناوینا اَ مِردی خِلِه کَردِشون و اَشون واتَه: «اِشتِه دِلی زبق غَم بَه! راست آب، بَتِه خِلِه بَکَی.» 50بارتیمائوس اِشتَن ردا فِر آداشَه و اِشتَن جِگاکا پِوَشتَه و عیسی وَر آمَه. 51عیسی اَیکا دَپَرسِستَه: «بَپیرَ تِرا چِبکَرم؟» اَ ناوینا اَ مِرد جواب داشَه: «اِستا، بپیمَه چمن چَمِن هَنی بِوینِن.» 52عیسی بَی واتِشه: «بش کن اِشتِه ایمان بَتِه شفا آدوعَشَه.» جَخت اَ مِردی چَمِن هَنی ویندِشون و عیسی دوملَه رَونَه بَه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company