مَرقُس 9
9
1عیسی اَ جماعَتیو و اِشتَن شاگِردِنش واتَه: «حَییقتا بَه شمَه باتیمَه، چَن نَفَر اِم جگا پامَندینَه کن تا خدا پادیشاهی خِنَرینه آمِه، نِوینِن، نینَّمَرد.»
عیسی نمود تغییر کردِ
2شَش روجی به دوملَه، عیسی پِطروس و یعقوب و یوحنا پِگَتِشَه و اَیِنِش اِشتَنَّ بَرزَ کو ایی سَر بَردِش تا اَ جِگاکا تنخا ببون. اَجِگاکا، چَوون چَمی نَکا، عیسی نمود عَوَض آبَه. 3چَی شندر شَپَق اَژَنینَه و بَرک ایسبی آبین، جوری کن زمینیکا هیچ کَسی نَشایَه شِندِری اَنَه ایسبی آکَردِ. 4اَ جِگاکا ایلیاس پَیغَمبر و موسی پَیغمبر چَوون چَمی نَ کا اَیر آبین و عیسی نَه گَفا گَف دَرِ بین. 5پِطروس عیساش واتَه: «اِستا چَنَه چاکَه کن اَمه اِم جِگاکامون. بَرزِن سِه گِلَه پَرَ سِی آکَرَم، ایلَه تِرا، ایلَه موسی را و ایلَه نی ایلیاسیرا.» 6پِطروس نَزنیَه چه بِواجِه، اِمی خونه کن اَیِن بَرک تَرسِستَه بینَه. 7اَموقه خِری چَوون سِردِرِ سا بَرفَندش و سَسی خِریکا آمَه کن اَواجیه: «اِم چمن خاجَتیَه زوعَه یَه، چَی گفی گوش آدَرَ.» 8ایکَرَایی، وَقتی اِشتَن دووری دَیَشتین، اِشتَن وَریکا غَیراَز عیسی دِ هیچ کَسی نِویندِشون.
9هَتَه کن کایبینَه کوکا ویرمِه، عیسی اَیِنِش سیفارش کَردَ کن اَچیی کن ویندَشونَه کَسیرا جیگیر نِکَرن، تا زَمانی کن اینسانی زوعَه مَردِ بَه دوملَه زندَ آبو. 10پس اَیِن اِم ایتفاقی اِشتَن وَر غَم هَردِشون، اَمّا یَندِکا دَرَپَرسین کن اِم مَردِ بَه دوملَه زندَ آبِه معنی چِه چییَه. 11اَیِن عیسی کا دَپَرسِستین: «چیرا توراتی موعَلیمِن باتین اَولیکا پی ایلیاسِ پَیغمبَر با؟» 12عیسی جواب داشَه: «اَلبَت کن اَولیکا ایلیاس بومَیَ تا گِردِ چییون هِنتَه اَوَلنَه شیوار سِی آکَرِ. ولی چِنتَه یَه کن اینسانی زوعَه خونِه نِوِشتَه آبَه یَه کن پی وِرَ عذاب بِوینِه و گِچ آبو؟ 13ولی اَز شِمَه باتیمَه کن ایلیاس آمَه یَه و اَیِن هَر کاری کن اَپیشون بَه بَینَه کَردِشون، هَتَه کن چَی خونه نوشتَه آبَه یَه.»
عیسی ایله زوعَه کن شَیطونیَه روح بَی گَتَش بَه شفا دَرِ
14وَقتی اَیِن دییَرَ شاگِردون وَر آرَستین، ویندِشون یالَه جَماعَتی چَوون دووریکا مندین و توراتی موعَلیمِن نی اَوونَّ بَحث دَرِینَه. 15جماعت تا عیسی ویندشون، گرد حَیرون آبین و ویریتِه ویریتِه،عیسی وَر آمینَه و بَشون سلام کردَ. 16عیسی دَپرسِستَه: «چِه چیی خونِه اَوونَّه بَحث بَکَرون؟» 17ایله مِردی جمعیَتی دِلَکا جواب داشَه: «اِستا، چمن زوعَه اِشتِه وَر وَردَمَه. اِمی خونِه کن اَ، ایلَه روحی گیریفتارَ کن، اَ روح بَش گِنگ آکَردیَه. 18وَقتی اَ روح چمن زوعَه بَگَتی، بَی زَمینی سَر بَژَی، جوری کن چَی گَوی پِت بَکَی و قِفل آرَب، و چَی جَندَک خِشک آرَبن. اِشتِه شاگِردونکا اَپیم بَه اَ روحی چمن زوعَه کا بِرِن بَرکَرِن، ولی نِشاستِشون.» 19عیسی جَواب داشَه: «اَی بی ایمانَه اودوم، تا کَینی، پی شمَه نَه دَرِ ببوم؟ تا کَینی پی شِمَه تَحمل بِکَم؟ اَی چمن وَر بوعَرَ.» 20پس اَیِن اَ زوعَشون عیسی وَر وَردَ. وقتی اَ روح عیساش ویندَ، جَخت زوعَش تَشَنُجیکا دَرَفندِش جوری کن زوعَه زَمینی سَر گِنِستَه و هَتَه کن کَویکا پِت بَرَکَریَه، خاکی سَر پِشتو گِلِل اَژَنیَه. 21عیسی، زوعَه دَدَکا دَپَرسِستَه: «چَنَه وَقتَه کن اِنتَرَیَه؟» دَدَ جواب داشَه: «خِردَن گیریکا. 22اِم روح چَندین کَرَ بَی آوو آراکا دَرَفندَشَه تا بَی نیفلَه آکَرِ. اَگَم بَشاشَه اَمه رحم بِکَه و اَمَرا آرَس.» 23عیسی واتِش: «اَگَم بَشاشَه؟» کَسیرا کن ایمان بِدارِ هَمَه چی ایمکان بَداشتی.» 24اَ خِردَنی دَدَ جَخب تَتَّه لَسَّنَه واتِش: «ایمان دارِم؛ مَرا آرَس تا اِشتَن بی ایمانی سَردِرِ پیروز آبوم!» 25وقتی عیسی ویندِشَه کن ایلَه جَماعَتی کان ویریتِه و اِم وَریرا آمِه، شِطونیَه روح سَر تَشَر ژِشَه، واتِش: «اَی گِنگ و کَرَختَه روح، بَتِه فِرمون بَدامَه اَیکا بِرون بَرای و دِ هَرگِز چَی دِلَه دَنِشی!» 26اَ روح جِکَّلَه ایی ژِشَه و چَتینَه تَکانی زوعَه داشَه، و اَیکا بَرمَه. زوعَه مَییِتی شیوار آبَه، ایی جوری کن خَیلییِن اَ جَماعتیکا واتِشون: «اَ مَردَ.» 27ولی عیسی زوعَه بالی گَتِشَه و بَی راست آکَردِش و زووعَه راست آمَندَ. 28وَقتی عیسی کَرا شَه، چَی شاگِردِن خَلوتیکا بَیکا دَپَرسِستین: «چیرا اَمه نِشاستِمونَه اَ روح بِرن بَرکَرم؟» 29عیسی جوابیکا واتِش: «اِم جِنس روح، غَیراَز دِوا چیی اینَه بِرِن نیام.»
30اَیِن اَجِگاکا شینَه و وِلَته جَلیلیکا دَیوَردین. عیسی نَپیش بَه کَسی بِزنِه کن اَ کِرَم جِگاکارَ، 31اِمی خونه کن اِشتَن شاگِردون آموج اَدَری و چَوونرا اَواجیَه کن: «اینسانی زوعَه مردومی بالیکا تسلیم بَبیَه و اَیِن بَی بکِشتین. ولی سه روج چَی کِشتِه بَه دوملَه، زندَ آرَبن.» 32ولی شاگردن، عیسی مَنظوریکا سَر آنِگِنِستین و اَتَرسینه کن عیسی کا سوال دَپَرسِن.
کِرَم گِلَه گِردیکا یالتَرَ
33اَیِن شهر کَفَر ناحومیرا آمین. هَنگومی کن کَکا بین، عیسی اِشتَن شاگِردونکا دَپَرسِستَه: «رادِلَکا چِه چیی خونِه بَحث آکَریرون؟» 34ولی اَیِن دَمِریستین، اِمی خاطر کن رادِلَکا اِمی خونه یَندِنَه بَحث اَکَرینَه کن کِرَم گِلَه اَوونکا، گِردیکا یال تَرَ. 35عیسی نِشتَه و اَ دانزَ شاگردی خِلِه کَردِشَه و واتِش: «هَر کَم بَپیشَه اَوَل ببو، پی گِریدیکا آخیرتَر و گِردی پاسَری ببو.» 36عیسی ایلَه خِردَنی وَردِشَه، چَوون وَسَطیکا آناشَه و اَ خِردنی کَشا گَتِشَه و اَیِنش واتَه: 37«هَر کم چمن نومی خونه اِنتَرَ خِردَنی قِبول بکَرِ، بَمن قِبول کَردَشه؛ و هَر کَم بَمن قِبول بکَرِ، نِه کن بَمن، بَسکَم چمن رَونَه آکَری قِبول کَردَشه.»
هر کَم چَمه زِرَبَرا نییَه اَمَنَه دَرِ
38یوحنا عیساش واتَه: «اِستا، ایی نَفَری ویندَمونه کن اِشتِه نومی وَردِنَه پَریانون آدَمونکا بِرِن بَرکَریَه، ولی اِمی خونه کن اَمَکا نِبَه تَقلا کَردِمونه چَی نَ بیگِرم.» 39ولی عیسی واتِشَه: «چَی نَ مَگِرَ، چون کَسی نییَشا چمن نومینَه معجِیزَ بکَرِ و تیکَلیی بَه دوملَه، چمن خونه بَد بواجِه. 40اِمی خونِه کن هَر کم چَمَه زِرَبَرا نیَه اَمَنَه دَرِ. 41آمین بَه شمَه باتیمَه، هَر کم اِمی خاطِر کن شِمَه مَسیح شِنیرون، ایی گولَه آو هِنتِرا شِمَه بدَرِ، اَصلا بی مِژِد نییَمَند.
وَسوَسَه اِنی کن گناخ کردِ باعیث بَبین
42«هرکم، باعیث ببو کن ایلَه اِم گِچونکا کن بَمن ایمان دارِن گِناخ بِکَرن، اَیرا بِیتَربَه کن یالَه آستاوَ سِه ایی چَی مِلیکا ویرَرزِن و دَیرا کا ویرَفَنِن! 43اَگَم اِشتِه بال اِشتِه گِناخ کردِ باعیث بَبی، اَی قطع آکَه. چون تِرا بِیتَرَ کن زَیرونَه زندَگیکا علیل دِلَه دَشی، تا اِمکن دِ گِلَه بالینَه جَندَمیرا بِشی، آراایی دِلَکا کن هَرگز دَنیَمَردِن. 44جِگَا ایرا کن چَوون بولبورزَ نییَمَردِن و چَی آرا دَنییَمَردِن. 45و اَگَم اِشتِه لِنگ اِشتِه گناخ کردِ باعیث بَبی، اَی قطع آکَه. چون تِرا بِیتَرَ کن زَیرونَه زِندَگیکا علیل دِلَه دَشی، تا اِمکن دِ گِلَه لِنگینَه بَتِه جَندَمیکا ویرَفَنِن. 46جِگَا ایرا کن چَوون بولبورزَ نییَمَردِن و چَی آرا دَنییَمَردِن. 47و اَگَم اِشتِه چَم اِشتِه گِناخ کَردِ باعیث بَبی، اَی بَروَ، چون تِرا بِیتَرَ کن ایلَه چَمینَه خدا پادیشاهی دِلَه دَشی، تا اِم کن دِگِلَه چَمینَه بَتِه جَندَمیکا ویرَفَنِن، 48جگایی کن
«”چَوون بولبورزَ نیَمَردِن
و چَی آرا دَنیَمَردِن.“
49«اِمی خونه کن گِرد آرانَه نِیمِکین بَبینَه. 50نیمِک چاکَه، ولی اَگَم نیمِک اِشتَن سورگیری هیچ بَرکَرِ، چِنترَ بَبیَه اَی هَنی سورآکَردِ؟ شِمَه نی اِشتَنکا نیمِک بِدارَ و یَندِنَه صُلح و صَفانَه زندَگی بکَرَ.»
Currently Selected:
مَرقُس 9: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 9
9
1عیسی اَ جماعَتیو و اِشتَن شاگِردِنش واتَه: «حَییقتا بَه شمَه باتیمَه، چَن نَفَر اِم جگا پامَندینَه کن تا خدا پادیشاهی خِنَرینه آمِه، نِوینِن، نینَّمَرد.»
عیسی نمود تغییر کردِ
2شَش روجی به دوملَه، عیسی پِطروس و یعقوب و یوحنا پِگَتِشَه و اَیِنِش اِشتَنَّ بَرزَ کو ایی سَر بَردِش تا اَ جِگاکا تنخا ببون. اَجِگاکا، چَوون چَمی نَکا، عیسی نمود عَوَض آبَه. 3چَی شندر شَپَق اَژَنینَه و بَرک ایسبی آبین، جوری کن زمینیکا هیچ کَسی نَشایَه شِندِری اَنَه ایسبی آکَردِ. 4اَ جِگاکا ایلیاس پَیغَمبر و موسی پَیغمبر چَوون چَمی نَ کا اَیر آبین و عیسی نَه گَفا گَف دَرِ بین. 5پِطروس عیساش واتَه: «اِستا چَنَه چاکَه کن اَمه اِم جِگاکامون. بَرزِن سِه گِلَه پَرَ سِی آکَرَم، ایلَه تِرا، ایلَه موسی را و ایلَه نی ایلیاسیرا.» 6پِطروس نَزنیَه چه بِواجِه، اِمی خونه کن اَیِن بَرک تَرسِستَه بینَه. 7اَموقه خِری چَوون سِردِرِ سا بَرفَندش و سَسی خِریکا آمَه کن اَواجیه: «اِم چمن خاجَتیَه زوعَه یَه، چَی گفی گوش آدَرَ.» 8ایکَرَایی، وَقتی اِشتَن دووری دَیَشتین، اِشتَن وَریکا غَیراَز عیسی دِ هیچ کَسی نِویندِشون.
9هَتَه کن کایبینَه کوکا ویرمِه، عیسی اَیِنِش سیفارش کَردَ کن اَچیی کن ویندَشونَه کَسیرا جیگیر نِکَرن، تا زَمانی کن اینسانی زوعَه مَردِ بَه دوملَه زندَ آبو. 10پس اَیِن اِم ایتفاقی اِشتَن وَر غَم هَردِشون، اَمّا یَندِکا دَرَپَرسین کن اِم مَردِ بَه دوملَه زندَ آبِه معنی چِه چییَه. 11اَیِن عیسی کا دَپَرسِستین: «چیرا توراتی موعَلیمِن باتین اَولیکا پی ایلیاسِ پَیغمبَر با؟» 12عیسی جواب داشَه: «اَلبَت کن اَولیکا ایلیاس بومَیَ تا گِردِ چییون هِنتَه اَوَلنَه شیوار سِی آکَرِ. ولی چِنتَه یَه کن اینسانی زوعَه خونِه نِوِشتَه آبَه یَه کن پی وِرَ عذاب بِوینِه و گِچ آبو؟ 13ولی اَز شِمَه باتیمَه کن ایلیاس آمَه یَه و اَیِن هَر کاری کن اَپیشون بَه بَینَه کَردِشون، هَتَه کن چَی خونه نوشتَه آبَه یَه.»
عیسی ایله زوعَه کن شَیطونیَه روح بَی گَتَش بَه شفا دَرِ
14وَقتی اَیِن دییَرَ شاگِردون وَر آرَستین، ویندِشون یالَه جَماعَتی چَوون دووریکا مندین و توراتی موعَلیمِن نی اَوونَّ بَحث دَرِینَه. 15جماعت تا عیسی ویندشون، گرد حَیرون آبین و ویریتِه ویریتِه،عیسی وَر آمینَه و بَشون سلام کردَ. 16عیسی دَپرسِستَه: «چِه چیی خونِه اَوونَّه بَحث بَکَرون؟» 17ایله مِردی جمعیَتی دِلَکا جواب داشَه: «اِستا، چمن زوعَه اِشتِه وَر وَردَمَه. اِمی خونِه کن اَ، ایلَه روحی گیریفتارَ کن، اَ روح بَش گِنگ آکَردیَه. 18وَقتی اَ روح چمن زوعَه بَگَتی، بَی زَمینی سَر بَژَی، جوری کن چَی گَوی پِت بَکَی و قِفل آرَب، و چَی جَندَک خِشک آرَبن. اِشتِه شاگِردونکا اَپیم بَه اَ روحی چمن زوعَه کا بِرِن بَرکَرِن، ولی نِشاستِشون.» 19عیسی جَواب داشَه: «اَی بی ایمانَه اودوم، تا کَینی، پی شمَه نَه دَرِ ببوم؟ تا کَینی پی شِمَه تَحمل بِکَم؟ اَی چمن وَر بوعَرَ.» 20پس اَیِن اَ زوعَشون عیسی وَر وَردَ. وقتی اَ روح عیساش ویندَ، جَخت زوعَش تَشَنُجیکا دَرَفندِش جوری کن زوعَه زَمینی سَر گِنِستَه و هَتَه کن کَویکا پِت بَرَکَریَه، خاکی سَر پِشتو گِلِل اَژَنیَه. 21عیسی، زوعَه دَدَکا دَپَرسِستَه: «چَنَه وَقتَه کن اِنتَرَیَه؟» دَدَ جواب داشَه: «خِردَن گیریکا. 22اِم روح چَندین کَرَ بَی آوو آراکا دَرَفندَشَه تا بَی نیفلَه آکَرِ. اَگَم بَشاشَه اَمه رحم بِکَه و اَمَرا آرَس.» 23عیسی واتِش: «اَگَم بَشاشَه؟» کَسیرا کن ایمان بِدارِ هَمَه چی ایمکان بَداشتی.» 24اَ خِردَنی دَدَ جَخب تَتَّه لَسَّنَه واتِش: «ایمان دارِم؛ مَرا آرَس تا اِشتَن بی ایمانی سَردِرِ پیروز آبوم!» 25وقتی عیسی ویندِشَه کن ایلَه جَماعَتی کان ویریتِه و اِم وَریرا آمِه، شِطونیَه روح سَر تَشَر ژِشَه، واتِش: «اَی گِنگ و کَرَختَه روح، بَتِه فِرمون بَدامَه اَیکا بِرون بَرای و دِ هَرگِز چَی دِلَه دَنِشی!» 26اَ روح جِکَّلَه ایی ژِشَه و چَتینَه تَکانی زوعَه داشَه، و اَیکا بَرمَه. زوعَه مَییِتی شیوار آبَه، ایی جوری کن خَیلییِن اَ جَماعتیکا واتِشون: «اَ مَردَ.» 27ولی عیسی زوعَه بالی گَتِشَه و بَی راست آکَردِش و زووعَه راست آمَندَ. 28وَقتی عیسی کَرا شَه، چَی شاگِردِن خَلوتیکا بَیکا دَپَرسِستین: «چیرا اَمه نِشاستِمونَه اَ روح بِرن بَرکَرم؟» 29عیسی جوابیکا واتِش: «اِم جِنس روح، غَیراَز دِوا چیی اینَه بِرِن نیام.»
30اَیِن اَجِگاکا شینَه و وِلَته جَلیلیکا دَیوَردین. عیسی نَپیش بَه کَسی بِزنِه کن اَ کِرَم جِگاکارَ، 31اِمی خونه کن اِشتَن شاگِردون آموج اَدَری و چَوونرا اَواجیَه کن: «اینسانی زوعَه مردومی بالیکا تسلیم بَبیَه و اَیِن بَی بکِشتین. ولی سه روج چَی کِشتِه بَه دوملَه، زندَ آرَبن.» 32ولی شاگردن، عیسی مَنظوریکا سَر آنِگِنِستین و اَتَرسینه کن عیسی کا سوال دَپَرسِن.
کِرَم گِلَه گِردیکا یالتَرَ
33اَیِن شهر کَفَر ناحومیرا آمین. هَنگومی کن کَکا بین، عیسی اِشتَن شاگِردونکا دَپَرسِستَه: «رادِلَکا چِه چیی خونِه بَحث آکَریرون؟» 34ولی اَیِن دَمِریستین، اِمی خاطر کن رادِلَکا اِمی خونه یَندِنَه بَحث اَکَرینَه کن کِرَم گِلَه اَوونکا، گِردیکا یال تَرَ. 35عیسی نِشتَه و اَ دانزَ شاگردی خِلِه کَردِشَه و واتِش: «هَر کَم بَپیشَه اَوَل ببو، پی گِریدیکا آخیرتَر و گِردی پاسَری ببو.» 36عیسی ایلَه خِردَنی وَردِشَه، چَوون وَسَطیکا آناشَه و اَ خِردنی کَشا گَتِشَه و اَیِنش واتَه: 37«هَر کم چمن نومی خونه اِنتَرَ خِردَنی قِبول بکَرِ، بَمن قِبول کَردَشه؛ و هَر کَم بَمن قِبول بکَرِ، نِه کن بَمن، بَسکَم چمن رَونَه آکَری قِبول کَردَشه.»
هر کَم چَمه زِرَبَرا نییَه اَمَنَه دَرِ
38یوحنا عیساش واتَه: «اِستا، ایی نَفَری ویندَمونه کن اِشتِه نومی وَردِنَه پَریانون آدَمونکا بِرِن بَرکَریَه، ولی اِمی خونه کن اَمَکا نِبَه تَقلا کَردِمونه چَی نَ بیگِرم.» 39ولی عیسی واتِشَه: «چَی نَ مَگِرَ، چون کَسی نییَشا چمن نومینَه معجِیزَ بکَرِ و تیکَلیی بَه دوملَه، چمن خونه بَد بواجِه. 40اِمی خونِه کن هَر کم چَمَه زِرَبَرا نیَه اَمَنَه دَرِ. 41آمین بَه شمَه باتیمَه، هَر کم اِمی خاطِر کن شِمَه مَسیح شِنیرون، ایی گولَه آو هِنتِرا شِمَه بدَرِ، اَصلا بی مِژِد نییَمَند.
وَسوَسَه اِنی کن گناخ کردِ باعیث بَبین
42«هرکم، باعیث ببو کن ایلَه اِم گِچونکا کن بَمن ایمان دارِن گِناخ بِکَرن، اَیرا بِیتَربَه کن یالَه آستاوَ سِه ایی چَی مِلیکا ویرَرزِن و دَیرا کا ویرَفَنِن! 43اَگَم اِشتِه بال اِشتِه گِناخ کردِ باعیث بَبی، اَی قطع آکَه. چون تِرا بِیتَرَ کن زَیرونَه زندَگیکا علیل دِلَه دَشی، تا اِمکن دِ گِلَه بالینَه جَندَمیرا بِشی، آراایی دِلَکا کن هَرگز دَنیَمَردِن. 44جِگَا ایرا کن چَوون بولبورزَ نییَمَردِن و چَی آرا دَنییَمَردِن. 45و اَگَم اِشتِه لِنگ اِشتِه گناخ کردِ باعیث بَبی، اَی قطع آکَه. چون تِرا بِیتَرَ کن زَیرونَه زِندَگیکا علیل دِلَه دَشی، تا اِمکن دِ گِلَه لِنگینَه بَتِه جَندَمیکا ویرَفَنِن. 46جِگَا ایرا کن چَوون بولبورزَ نییَمَردِن و چَی آرا دَنییَمَردِن. 47و اَگَم اِشتِه چَم اِشتِه گِناخ کَردِ باعیث بَبی، اَی بَروَ، چون تِرا بِیتَرَ کن ایلَه چَمینَه خدا پادیشاهی دِلَه دَشی، تا اِم کن دِگِلَه چَمینَه بَتِه جَندَمیکا ویرَفَنِن، 48جگایی کن
«”چَوون بولبورزَ نیَمَردِن
و چَی آرا دَنیَمَردِن.“
49«اِمی خونه کن گِرد آرانَه نِیمِکین بَبینَه. 50نیمِک چاکَه، ولی اَگَم نیمِک اِشتَن سورگیری هیچ بَرکَرِ، چِنترَ بَبیَه اَی هَنی سورآکَردِ؟ شِمَه نی اِشتَنکا نیمِک بِدارَ و یَندِنَه صُلح و صَفانَه زندَگی بکَرَ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company