مَرقُس 11
11
عیسی ایلَه شاه شیوا اورشَلیمی دِلَرا دَرمه
1وَقتی اَیِن آوادی اِنِه بِیت‌فاجی و بِیت‌عِنْیارا کن اورشلیمی نِزِک بینَه و کوه زَیتونیکا بین آرَستینَه، عیسی دِ گِلَه اِشتَن شاگِردونکا عَندِشَه 2و اَیِنِش واتَه: «آوادی ایرا کن شمَه ناریکارَ بِشَه، هِنتَه کن آوادیکا دِلَه دَشیرون، ایلَه آبَستَه خَرَ کِرَایی بَویندیرون کن تا ایسَه کَسی چَی سَریکا دَنِشتَه نیَه. اَی آکَرَ و بوعَرَ. 3اَگَم کَسی شِمَکا دَپَرسِستَه: چیرا اِم کاری بکَرون؟ بِواجَه: ”خداوَند بَی لازم دارِ و جَخت اَی اِم جِگارا آرَگاردنِست.“» 4اَ دِ نَفر شینَه و بِرنیکا، ایلَه کوچَه دِلَه خَرَکِرَ ایی ویندِشون کن ایلَه بَرنگا ایی نَ کا آبَستَه شون بَه. پس اَی آج آکَردِشون. 5بَعضییِن کن اَجِگاکا پامَند بین اَوونکا دَپَرسِستین: «چیرا خَرَکِرَ لافندی آج بَکَرون؟» 6اَ دِ نفر هَتَه کن عیسی اَوون واتَش بَه، جَواب داشون؛ پس اَیِن هَشتِشونَه کن اِمِن بِشون. 7شاگِردن خَرَ کِرَ عیسی وَر وَردِشونَه و اِشتَن رَدا اون خَرَ کِرَ سَریکا برَفَندِشون و عیسی چَی سَریکا دَنِشتَه. 8خَیلی اِن اِشتَن رَدا اون راسَریکا جیکَردِشون وبَعضییِن نی بَینَه اِنی کن اَ اَطرافی زَمینونکا ساستَشون بَه، راسَریکا جیرَکَرینَه. 9کَسِنی کن عیسی ناردَکَر اَشینَه و اَیِنی کن چَی پِشتیرا کایبین آمِه، لَسَّنَه اَواجین:
«نیجات بِدَ!»
«موتبارَکَ اَ کن خداوندی نومینَه آ!»
10«مِوتبارَکَ چَمَه بابا، داوودی پادیشاهی آمِه!»
«نیجات عَرش بَرینیکا!»
11عیسی شَهر اورشَلیمی دِلَه دَرمَه و مَعبَدیرا شَه. اَجِگاکا اِشتَن دووری گِردِ چییون دَیَشتِشَه، ولی اِمی خونه کن دِ عَری دَگِنَستَه بَه، اَ دانزَ شاگردینَه بیتِ عَنیا آوادیرا شَه.
عیسی معبدی دِلَکا
12سَو سَه، هَنگومی کن بِیتِ عَنیا کا بِرن بَرمینَه، عیسی اَنشتا بَه. 13عیسی دوریکا اِنجیلَه داری ویندِشَه کن لیو داریَه؛ پس شَه تا دَیَسه بَشایَه داری سَریکا اِنجیل ویندِ. وَقتی داریکا نِزِک آبَه، غَیر از لیو چیی ایی داری سَریکا نَوینیَه، اِمی خونِه کن هَنوزَنی اِنجیلی وَقت نِبَه. 14عیسی اَ دارِش واتَه: « نِکَر کن دِ هَرگز کَسی بَتکا میوَ نَرِ!» چَی شاگِردِن اِم گَفِشون دَرَستَه.
15وَقتی اورشلیمیرا آرَستین، عیسی مَعبَدی دِلَه دَرمَه، و اَیِنی کن مَعبدیکا کاسبی دَرِبینَه دَمندَ اَوون بِرِن برکَردِ. اَ صَرافون میزی ویگاردِنستِشه و کَفتِرَ خِرَشون بساطی یَندِ ژِشه 16و ایجازَ آنِداشَه کَسی بار بَردِ را، مَعَبَدی صِرا دَلَکا دَیوَرِ. 17چَی بَه دوملَه اَیِنِش آموج داشَه و واتِش: «مَگَم موقدسَه نِوِشتَه اونکا نِوشتَه بَه نییَه کن،
«”چمن کَه نَه باتینه، عیبادَتَه کَه گِردِ میلَتونرا.“؟
اَمّا شِمَه اَی ”پِتارچییون لونَه“ سِی آکَردَرونَه.»
18سَران کاهِینِن و توراتی موعَلیمِن اِمِشون دَرَستَه و راهی دولَه اَگَردینَه تا عیسی نیفیت آکَرن، اِمی خونِه کن اَیکا اَتَرسینَه، اِمی خاطر کن جَماعَت گِرد چَی آموجیکا حَیرون بینَه. 19دییَرمازی موقِه، عیسی و چَی شاگِردِن شَهریکا بِرن بَرشین.
ایلَه درس اِنجیلَه داری خونه
20سوکهَ خون، را دِلَکا، اَ اِنجیلَه دارِشون ویندَ کن کونَکا خِشک آبَه بَه. 21پِطروس ماجِیرا یاد آرَفَندِشَه و عیساش واتَه: «اِستا دَیَس! اَ اِنجیلَه داری کن تِه نِفرین کَردِرَ، خِشک آبَه یَه.» 22عیسی جواب داشَه: «خِداکا ایمان بِدارَ. 23حییقتا بَه شمَه بَاتیمَه، هَر کَم اِم کوه بِواجِه کن، ”اِشتَن جِگاکا پِوَجِن، دَیرا دِلَکا اِشتَن ویرَفَن“، و اِشتَن دِلیکا چیمَه میمَه نِکَرِ بَلکَم ایمان بِدارِ کن اَ چیی کن باتی ایتفاق دَرَگِنست، چَیرا اَنجوم بَبی. 24پس بَشِمَه باتیم، هر چیی ایی کن دِوا دِلکا بَپیرون، ایمان بدارَ کن ویگَتَرونه و اَ شِمَه شن بَبی.
25«پس هَر موقه دوا بَکَرون، اَگَم کَسی خونِه چیی دِلیکا دارَ اَی بِبَخشَه، تا شِمَه آستامونیَه دَدَ نی، شِمَه خَطا اون بِبَخشِه. 26ولی اَگَم شِمَه مَبَخشَه، شِمَه آستامونیَه دَدَ نی، شِمَه خَطا اون نیَه بَخشِست.»
عیسی زاکین
27اَیِن ایکَرَ دییَر اورشَلیمیرا آمین. هَنگومی کن عیسی مَعبَدی دِلَکا گَل اَژَنیَه، سرانِ کاهِینِن و توراتی موعَلیمِن و ایسبیَه ریشِن چَی وَر آمین، 28و واتِشون: «چِه زاکینی نَه اِم کارون بَکَشَه؟ کی اِم کارون اَنجوم دوعِه زاکینی بَتِه دوعَشَه؟» 29عیسی چَوون جَوابیکا واتِش: «اَز نی شِمَکا سوالی دارِم. بَمن جَواب بدَرَ تا اَز نی بَشِمَه بِواجم کن چه زاکینینَه اِم کارون بَکَم. 30غسل تعمیدی کن یحیی اَدَریَه خدا طَرَفیکا بَه یا اینسانی طَرَفیکا؟ جَواب بدَرَ.» 31اَیِن یَندِنه گَفَه ژَنِه کَردِشونه، واتِشون: «اَگَم بِواجَم، ”خدا طَرفیکا بَه“، عیسی باتیَه، پس چیرا بَی ایمان نِوَردِرون؟ 32ولی اَگَم بِواجَم، ”اینسانی طَرَفیکا به“...» اَیِن مَردومیکا اَتَرسینَه، اِمی خونه کن مردوم گِرد یحیی شون ایلَه حییقیَه پَیغَمبر اَزنینَه. 33پس عیساشون جواب دوعَه: «اَمه نِزنَم.» عیسی نی اَیِنِش واتَه: «اَز نی بَه شمَه نِمَوات چِه زاکینینَه اِم کارون بکَم.»
Currently Selected:
مَرقُس 11: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 11
11
عیسی ایلَه شاه شیوا اورشَلیمی دِلَرا دَرمه
1وَقتی اَیِن آوادی اِنِه بِیت‌فاجی و بِیت‌عِنْیارا کن اورشلیمی نِزِک بینَه و کوه زَیتونیکا بین آرَستینَه، عیسی دِ گِلَه اِشتَن شاگِردونکا عَندِشَه 2و اَیِنِش واتَه: «آوادی ایرا کن شمَه ناریکارَ بِشَه، هِنتَه کن آوادیکا دِلَه دَشیرون، ایلَه آبَستَه خَرَ کِرَایی بَویندیرون کن تا ایسَه کَسی چَی سَریکا دَنِشتَه نیَه. اَی آکَرَ و بوعَرَ. 3اَگَم کَسی شِمَکا دَپَرسِستَه: چیرا اِم کاری بکَرون؟ بِواجَه: ”خداوَند بَی لازم دارِ و جَخت اَی اِم جِگارا آرَگاردنِست.“» 4اَ دِ نَفر شینَه و بِرنیکا، ایلَه کوچَه دِلَه خَرَکِرَ ایی ویندِشون کن ایلَه بَرنگا ایی نَ کا آبَستَه شون بَه. پس اَی آج آکَردِشون. 5بَعضییِن کن اَجِگاکا پامَند بین اَوونکا دَپَرسِستین: «چیرا خَرَکِرَ لافندی آج بَکَرون؟» 6اَ دِ نفر هَتَه کن عیسی اَوون واتَش بَه، جَواب داشون؛ پس اَیِن هَشتِشونَه کن اِمِن بِشون. 7شاگِردن خَرَ کِرَ عیسی وَر وَردِشونَه و اِشتَن رَدا اون خَرَ کِرَ سَریکا برَفَندِشون و عیسی چَی سَریکا دَنِشتَه. 8خَیلی اِن اِشتَن رَدا اون راسَریکا جیکَردِشون وبَعضییِن نی بَینَه اِنی کن اَ اَطرافی زَمینونکا ساستَشون بَه، راسَریکا جیرَکَرینَه. 9کَسِنی کن عیسی ناردَکَر اَشینَه و اَیِنی کن چَی پِشتیرا کایبین آمِه، لَسَّنَه اَواجین:
«نیجات بِدَ!»
«موتبارَکَ اَ کن خداوندی نومینَه آ!»
10«مِوتبارَکَ چَمَه بابا، داوودی پادیشاهی آمِه!»
«نیجات عَرش بَرینیکا!»
11عیسی شَهر اورشَلیمی دِلَه دَرمَه و مَعبَدیرا شَه. اَجِگاکا اِشتَن دووری گِردِ چییون دَیَشتِشَه، ولی اِمی خونه کن دِ عَری دَگِنَستَه بَه، اَ دانزَ شاگردینَه بیتِ عَنیا آوادیرا شَه.
عیسی معبدی دِلَکا
12سَو سَه، هَنگومی کن بِیتِ عَنیا کا بِرن بَرمینَه، عیسی اَنشتا بَه. 13عیسی دوریکا اِنجیلَه داری ویندِشَه کن لیو داریَه؛ پس شَه تا دَیَسه بَشایَه داری سَریکا اِنجیل ویندِ. وَقتی داریکا نِزِک آبَه، غَیر از لیو چیی ایی داری سَریکا نَوینیَه، اِمی خونِه کن هَنوزَنی اِنجیلی وَقت نِبَه. 14عیسی اَ دارِش واتَه: « نِکَر کن دِ هَرگز کَسی بَتکا میوَ نَرِ!» چَی شاگِردِن اِم گَفِشون دَرَستَه.
15وَقتی اورشلیمیرا آرَستین، عیسی مَعبَدی دِلَه دَرمَه، و اَیِنی کن مَعبدیکا کاسبی دَرِبینَه دَمندَ اَوون بِرِن برکَردِ. اَ صَرافون میزی ویگاردِنستِشه و کَفتِرَ خِرَشون بساطی یَندِ ژِشه 16و ایجازَ آنِداشَه کَسی بار بَردِ را، مَعَبَدی صِرا دَلَکا دَیوَرِ. 17چَی بَه دوملَه اَیِنِش آموج داشَه و واتِش: «مَگَم موقدسَه نِوِشتَه اونکا نِوشتَه بَه نییَه کن،
«”چمن کَه نَه باتینه، عیبادَتَه کَه گِردِ میلَتونرا.“؟
اَمّا شِمَه اَی ”پِتارچییون لونَه“ سِی آکَردَرونَه.»
18سَران کاهِینِن و توراتی موعَلیمِن اِمِشون دَرَستَه و راهی دولَه اَگَردینَه تا عیسی نیفیت آکَرن، اِمی خونِه کن اَیکا اَتَرسینَه، اِمی خاطر کن جَماعَت گِرد چَی آموجیکا حَیرون بینَه. 19دییَرمازی موقِه، عیسی و چَی شاگِردِن شَهریکا بِرن بَرشین.
ایلَه درس اِنجیلَه داری خونه
20سوکهَ خون، را دِلَکا، اَ اِنجیلَه دارِشون ویندَ کن کونَکا خِشک آبَه بَه. 21پِطروس ماجِیرا یاد آرَفَندِشَه و عیساش واتَه: «اِستا دَیَس! اَ اِنجیلَه داری کن تِه نِفرین کَردِرَ، خِشک آبَه یَه.» 22عیسی جواب داشَه: «خِداکا ایمان بِدارَ. 23حییقتا بَه شمَه بَاتیمَه، هَر کَم اِم کوه بِواجِه کن، ”اِشتَن جِگاکا پِوَجِن، دَیرا دِلَکا اِشتَن ویرَفَن“، و اِشتَن دِلیکا چیمَه میمَه نِکَرِ بَلکَم ایمان بِدارِ کن اَ چیی کن باتی ایتفاق دَرَگِنست، چَیرا اَنجوم بَبی. 24پس بَشِمَه باتیم، هر چیی ایی کن دِوا دِلکا بَپیرون، ایمان بدارَ کن ویگَتَرونه و اَ شِمَه شن بَبی.
25«پس هَر موقه دوا بَکَرون، اَگَم کَسی خونِه چیی دِلیکا دارَ اَی بِبَخشَه، تا شِمَه آستامونیَه دَدَ نی، شِمَه خَطا اون بِبَخشِه. 26ولی اَگَم شِمَه مَبَخشَه، شِمَه آستامونیَه دَدَ نی، شِمَه خَطا اون نیَه بَخشِست.»
عیسی زاکین
27اَیِن ایکَرَ دییَر اورشَلیمیرا آمین. هَنگومی کن عیسی مَعبَدی دِلَکا گَل اَژَنیَه، سرانِ کاهِینِن و توراتی موعَلیمِن و ایسبیَه ریشِن چَی وَر آمین، 28و واتِشون: «چِه زاکینی نَه اِم کارون بَکَشَه؟ کی اِم کارون اَنجوم دوعِه زاکینی بَتِه دوعَشَه؟» 29عیسی چَوون جَوابیکا واتِش: «اَز نی شِمَکا سوالی دارِم. بَمن جَواب بدَرَ تا اَز نی بَشِمَه بِواجم کن چه زاکینینَه اِم کارون بَکَم. 30غسل تعمیدی کن یحیی اَدَریَه خدا طَرَفیکا بَه یا اینسانی طَرَفیکا؟ جَواب بدَرَ.» 31اَیِن یَندِنه گَفَه ژَنِه کَردِشونه، واتِشون: «اَگَم بِواجَم، ”خدا طَرفیکا بَه“، عیسی باتیَه، پس چیرا بَی ایمان نِوَردِرون؟ 32ولی اَگَم بِواجَم، ”اینسانی طَرَفیکا به“...» اَیِن مَردومیکا اَتَرسینَه، اِمی خونه کن مردوم گِرد یحیی شون ایلَه حییقیَه پَیغَمبر اَزنینَه. 33پس عیساشون جواب دوعَه: «اَمه نِزنَم.» عیسی نی اَیِنِش واتَه: «اَز نی بَه شمَه نِمَوات چِه زاکینینَه اِم کارون بکَم.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company