مَرقُس 12
12
آوشَرَ باغَه وونون مَثل
1چَی بَه دوملَه عیسی دَمندَ اَوونَّه مَثَلونَّه گَف ژِ و واتِش: «ایلَه مِردی اَنگِرَ باغی گَتِشه و چَی دووریکا حیصار پِناشَه. اَنگِری لرت آکَردِرا ایلَه حووض اَ باغیکا سی آکَردِشَه و باغیکا نیگَبانی دوعِه خونه ایلَه قَلَه ساستِش. چَی بَه دوملَه اَنگِرَ باغی چَن گِلَه باغَه وونی ایجارَش دوعَه و اِشتَن دییَرَ وِلَتیرا شَه. 2اَنگِر چییِه فصل کن آرَستَه، باغَه صاحیب ایلَه پاسَری باغَه وونون وَر عَندِشَه تا تیکَلیی، اَنگِرَ باغی میوَکا اَوونکا ویگِرِ. 3ولی باغه وونِن اَ پاسَری گَتِشونَه، ژِشونَه و تَیَه بال آگاردِنِستِشون. 4چَی بَه دومَلَه باغه صاحیب دییَر پاسَریی چَوون وَرعَندِشَه، ولی باغَه وونِن چَی کَلَّه شون چاکِنِسته و بَینه بد رفتاری کَردِشون. 5باغه صاحیب هَنی دییَرَ پاسَریی ای عَندِشَه اَمّا باغه وونِن اَی کِشتِشون. و خَیلی دییَرَ کَسونَّه اِنتَرَکِه رَفتار کَردِشون؛ بَعضییِنشون ژِشون و بَعضیون نی کِشتِشون. 6باغَه صاحیب، اَ جِگا عَندِ را دِ تاکَه ایی نفر داری کن چَی خاجَتیَه زوعَه بَه. آخیربَسَر اَش باغَه وونون وَر رَونَه آکَردِشَه و اِشتَنَه واتِشَه: ”اَیِن چمن زوعَه حُرمَتی غَم بَردینَه.“ 7ولی اَ باغَه وونِن یَندِنَه واتِشون: ”اِم وارِثَه؛ بِرَ اَی بِکشَم تا میراث اَمه آرَسِه.“ 8پس اَیِن زوعَشون گَتَه، کِشتِشون و اَنگِرَ باغیکا بِرِن بَرَفَندِشون. 9ایسَه، اَنگِرَ باغی صاحیب چِه بَکَیَه؟ اَ بومَیَه و باغَه وونون نیفیت آرَکَرد، و انگرَ باغی دیَرَ کَسون دَست آرَدا. 10مَگَم داوودی کیتاو زَبوریکا خَندَرون نی کن:
«”اَ سِه ایی کن اِستا اِن رَد کَردِشونَه،
ایسَه ساختمانی اَصلیَه سِه آبَیَه؛
11خداوند اِم کاری کردَشَه؛
و چَمَه نَظَریکا عَجیبَه“؟»
12سران کاهینِن و توراتی موعَلیمِن و ایسبیه ریشِن اَپیشون بَه عیسی ویلاخِنن، اِمی خاطِر کن سَر آگِنَه بینَه عیسی مَنظور اِم مَثَلیکا اَیِن بین، ولی مردومیکا اَتَرسینَه؛ پس اَیِن عیساشون آهَشتَه و شینَه.
سؤال خراج دوعه خونه
13چَی بَه دوملَه اَیِن، چَن نفَری فریسی فرقَه کا و چن نفر هیرودیسی طرفدارونکا، عیسی وَر عَندِشونَه تا عیسی چَی اِشتَن واتَه گَفینَه دوم دَرَفنِن. 14اَیِن عیسی وَر آمینَه و واتِشون: «اِستا، اَمه بَموستیمون تِه صادیقَه مِردی هِستیشَه، و تِرا موهیم نیَه کن مردوم چه فکری بَکَن، اِمی خونِه کن ظاهیری نَه قیضاوَت نیشَکَرد، بَلکَم خدا راه دِرِستینَه آموج بَداش. شَرعا، خراج دوعِه بَه رومی ایمپراطور دِرِسته یا نِه؟ پی بَی خراجی بِدَرم یا کن نِه؟ 15ولی عیسی کن چَوون دِ سَرَ کَرچَنگ گیری اَزنیَه و اَیِنِش واتَه: «چیرا بَمن وَرداوَرد بَکَرون؟ ایی دینار مِرا بوعَرَ تا دَیسِم.» 16ایِن ایلَه سِکَه وَردِشونَه. عیسی اَوونکا دَپَرسِستَه: «اِم سِکَه سَری شِکل و نوم چیکی شِنَه؟» اَیِن جَواب داشون: «قیصری شِنَه.» 17عیسی اَیِنِش واتَه: «پس قیصری مالی قیصری آدَر و خدا مالی خدا بدَرَ.» اَیِن عیسی گَفونکا حَیرون آبین.
سؤال قیامتی خونه
18چَی بَه دوملَه صَدوقیِن فِرقَه عالیمِن چَی وَر آمین. صَدوقیِن، مَردَاون زِندَ آبِه قِبول نِدارین. اَیِن عیسی کا ایلَه سوال دَپَرسِستینَه و واتِشون: 19«اِستا، موسی چَمَرا نِوِشتَشَه کن اَگَم مِردی برا بِمِرِ و چَی ژِن خِردَنی مَدارِ، اَ مِرد پی اَ ویوَ ژِنی بِبَرِ تا نَتاجی اِشتَن برا را بِنَرِ. 20ایسَه هَف گِلَه برا بینَه؛ اَوَلین برا ژنی گَتِشَه و بی خِردَن مَردَ. 21دِوّمین برا اَ ویوَ ژِنی بَردِش، ولی اَ نی بی خِردَن مَردَ. سِوومین برا نی اِنتَرَ بَه 22هِن تَرَکِه، اَ هَف گِلَه برا کا هیچ کَمی خِردَن دار نِبینَه. آخیر بَسَر، اَ ژِن نی مَردَ. 23ایسَه روجیکا کن، مَردَاِن زِندَ آبون، اَ ژِن کِرَم برا ژِن بَبی، اِمی خونه کن هَر هَف گِلَه برا اَ ژِنی بَردَشون بَه؟»
24عیسی اَیِنِش واتَه: «مَگَم شِمَه اِم سوال نِشون نییَدا کن چَنَه سَفَه فکر بَکرون، اِمی خاطِر کن نِه موقَدسَه نِویشته اونکا چیی ایی بَموستیرون و نِه خدا خَنَریکا؟ 25چون هَنگومی کن مَردَ اِن زندَ آبون، نِه ژِن بَگَتین نِه شو بَشین؛ بَلکَم هِنتَه آستامونی فرشتَه اون شیوار بَبینَه. 26ولی مَردَ اون زندَ آبِه خونِه، موسی کیتاویکا خَندَرون نیَه کن چِغی ماجِیرا کا، چِنتَه خدا بَی واتِش: “اَز اِبراهیمی خدا و ایسحاقی خدا و یعقوبی خدا هِستیمَه؟“ 27خدا، مَردَ اون خدا نیَه، بَلکَم زِندَ اون خِدایَه. شِمَه خَیلی سَفَ فکر بَکَرون!»
یالترین حِکم
28ایله توراتی موعَلیمونکا نِزِک آمَه و چَوون بحث کَردِ دَرَستِش. وَقتی ویندِشَه عیسی چاکَ جَوابی اَیِنِش دوعَه، عیسی کا دَپَرسِستَه: «حِکمون دلَکا، کِرَم گِلَه گِردیکا مُهیم تَرَ؟» 29عیسی بَی واتِش: «مُهمترین حِکم اِمَه: ”اَی خدا قام دَرَسَه؛ خداوند چَمَه خدا، خداوند، یَکتا اِستَه. 30خداوند اِشتِه خدا، گِردِ اِشتِه دِلینَه و گِردِ اِشتِه جانینَه و گِردِ اِشتِه فِکرینَه و گِردِ اِشتِه زبقینه رَی بِدا. “ 31دِوّمین حِکم اِمَه: اِشتِه خَمسوعَه هِنتَه اِشتِه جانی شیوار رَی بدا.“ اِم دِ حِکمیکا یال تَر، حِکمی نییَه.» 32اَ موعَلیم تورات عیساش واتَه: «اِستا، چاکَه گَفیر ژَ! دِرِستِ واتِرَ کن، خدا ایلَه یَه و غَیراَز اَ دییَرَ خدایی نییَه، 33و بَی گِردِ دِل و گِردِ عَقِل و گِردِ زِبقینَه رَی داشتِه و اِشتَن خَمسوعَه نَه هِنتَه اِشتَن جانی شیوار رَی داشتِه، گردِ اَسوجونَه قِربونی اِن و خلااونکا مُهیم تَرَ.» 34وقتی عیسی ویندِشَه کن اَ مِرد چَنَه اَلمَند جواب داشَه، بَی واتِشَه: «تِه خدا پادیشاهیکا دور نیشَه.» چَی بَه دوملَه، دِ هیچ کَس جُرئَت نِکَردِشَه چیی ایی عیساکا دَپَرسِه.
وعدَ آدوعَه مسیح چیکی زوعَه یَه
35هَنگومی کن عیسی مَعبَدیکا آموج اَدَریَه، دَپَرسِستَه: «چِنتَرَیَه کن توراتی موعَلیمن باتین وعدَ آدوعَه مسیح، داوود پادیشا زوعَه یَه؟ 36داوود اِشتَن، خدا موقدسَه روح الهامینَه اییلام کردِشَه کن:
«”خداوند چمن خداوندی واتَه:
«چِمِن راستَه بالی طَرَفیکا بِنِش
تا اَموقه کن اِشتِه غَنیمون اِشتِه لِنگون بنیکا بَرَفَنِم.»“
37اَگَم داوود پادیشا اِشتَن، بَی خداوند خِلِه بَکَی، پس چِنتَه بَبیَه کن وعدَ آدوعَه مسیح داوودِ پادیشا زوعَه ببو؟» اَ یالَه جَماعَت کن اَ جِگاکا مند بین خَشینَه عیسی گَفوون گوش اَدَرینَه.
توراتی موعَلیمونکا رَت آبَه
38پس عیسی اِشتَن آموجیکا واتِش: «توراتی مُعَلیمونکا برحذَر بِبَه کن اَیِن دِرازَ غَبا اون دِلَکا گَل ژِ رَی بَداشتین و اَیِن رَی بَداشتینه مَردوم کوچَه بازاریکا اَوون سَلام بواجِن، 39و عیبادَتگا اون دِلَکا بِیتَرین جِگاکا بِدارن و مِیمانیونکا نی سَرَنگاکا بِنِشِن. 40اَیِن ایی وَریکا ویوَ ژِنون کَه پِنَّتارِست و دییَرَ وَریکا، اِمی خاطر کن بَشتَن چاک نمود بِدَن، اِشتَن دِوا طول بَدان. چَوون جَزا خَیلی چَتین تر بَبیَه.»
ویوَ ژِنی خَلا
41عیسی اَ جِگایی روبَه رو نشت بَه کن معبَدی صِندوخَه اَ جِگاکا بَه، ومردومی کن صِندوخَه کا پول درَفنینَه تَمشا اَکَریَه. خَیلی ثیروَت مَندونکا وِرَ پول دَرَفَنینَه. 42چَی بَه دوملَه گیدَلییَه ویوَ ژِنی آمَه و دِ قِران صِندوخَکا دَرَفَندِش. 43اَموقه عیسی اِشتَن شاگِردون خِلِه کَردِشَه و اَیِنِش واتَه: «حَقیقتَا بَشِمَه باتیمَه، اِم گیدَلییَه ویوَ ژِن گِرد اَیِنیکا کن صِندوخیکا پول دَرَفندَشونه، ویشتَرآدوعَشَه. 44اِمی خونه کن اَیِن گِرد، اِشتَن دارایی ایضافَکا آداشونَه، ولی اَ ویوَ ژِن اِشتَن گیدَلی گیری نَه، هَر چیی ایی کن داری آداشَه، یعنی گِردِ اِشتَن دارایی.»
Currently Selected:
مَرقُس 12: CTB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَرقُس 12
12
آوشَرَ باغَه وونون مَثل
1چَی بَه دوملَه عیسی دَمندَ اَوونَّه مَثَلونَّه گَف ژِ و واتِش: «ایلَه مِردی اَنگِرَ باغی گَتِشه و چَی دووریکا حیصار پِناشَه. اَنگِری لرت آکَردِرا ایلَه حووض اَ باغیکا سی آکَردِشَه و باغیکا نیگَبانی دوعِه خونه ایلَه قَلَه ساستِش. چَی بَه دوملَه اَنگِرَ باغی چَن گِلَه باغَه وونی ایجارَش دوعَه و اِشتَن دییَرَ وِلَتیرا شَه. 2اَنگِر چییِه فصل کن آرَستَه، باغَه صاحیب ایلَه پاسَری باغَه وونون وَر عَندِشَه تا تیکَلیی، اَنگِرَ باغی میوَکا اَوونکا ویگِرِ. 3ولی باغه وونِن اَ پاسَری گَتِشونَه، ژِشونَه و تَیَه بال آگاردِنِستِشون. 4چَی بَه دومَلَه باغه صاحیب دییَر پاسَریی چَوون وَرعَندِشَه، ولی باغَه وونِن چَی کَلَّه شون چاکِنِسته و بَینه بد رفتاری کَردِشون. 5باغه صاحیب هَنی دییَرَ پاسَریی ای عَندِشَه اَمّا باغه وونِن اَی کِشتِشون. و خَیلی دییَرَ کَسونَّه اِنتَرَکِه رَفتار کَردِشون؛ بَعضییِنشون ژِشون و بَعضیون نی کِشتِشون. 6باغَه صاحیب، اَ جِگا عَندِ را دِ تاکَه ایی نفر داری کن چَی خاجَتیَه زوعَه بَه. آخیربَسَر اَش باغَه وونون وَر رَونَه آکَردِشَه و اِشتَنَه واتِشَه: ”اَیِن چمن زوعَه حُرمَتی غَم بَردینَه.“ 7ولی اَ باغَه وونِن یَندِنَه واتِشون: ”اِم وارِثَه؛ بِرَ اَی بِکشَم تا میراث اَمه آرَسِه.“ 8پس اَیِن زوعَشون گَتَه، کِشتِشون و اَنگِرَ باغیکا بِرِن بَرَفَندِشون. 9ایسَه، اَنگِرَ باغی صاحیب چِه بَکَیَه؟ اَ بومَیَه و باغَه وونون نیفیت آرَکَرد، و انگرَ باغی دیَرَ کَسون دَست آرَدا. 10مَگَم داوودی کیتاو زَبوریکا خَندَرون نی کن:
«”اَ سِه ایی کن اِستا اِن رَد کَردِشونَه،
ایسَه ساختمانی اَصلیَه سِه آبَیَه؛
11خداوند اِم کاری کردَشَه؛
و چَمَه نَظَریکا عَجیبَه“؟»
12سران کاهینِن و توراتی موعَلیمِن و ایسبیه ریشِن اَپیشون بَه عیسی ویلاخِنن، اِمی خاطِر کن سَر آگِنَه بینَه عیسی مَنظور اِم مَثَلیکا اَیِن بین، ولی مردومیکا اَتَرسینَه؛ پس اَیِن عیساشون آهَشتَه و شینَه.
سؤال خراج دوعه خونه
13چَی بَه دوملَه اَیِن، چَن نفَری فریسی فرقَه کا و چن نفر هیرودیسی طرفدارونکا، عیسی وَر عَندِشونَه تا عیسی چَی اِشتَن واتَه گَفینَه دوم دَرَفنِن. 14اَیِن عیسی وَر آمینَه و واتِشون: «اِستا، اَمه بَموستیمون تِه صادیقَه مِردی هِستیشَه، و تِرا موهیم نیَه کن مردوم چه فکری بَکَن، اِمی خونِه کن ظاهیری نَه قیضاوَت نیشَکَرد، بَلکَم خدا راه دِرِستینَه آموج بَداش. شَرعا، خراج دوعِه بَه رومی ایمپراطور دِرِسته یا نِه؟ پی بَی خراجی بِدَرم یا کن نِه؟ 15ولی عیسی کن چَوون دِ سَرَ کَرچَنگ گیری اَزنیَه و اَیِنِش واتَه: «چیرا بَمن وَرداوَرد بَکَرون؟ ایی دینار مِرا بوعَرَ تا دَیسِم.» 16ایِن ایلَه سِکَه وَردِشونَه. عیسی اَوونکا دَپَرسِستَه: «اِم سِکَه سَری شِکل و نوم چیکی شِنَه؟» اَیِن جَواب داشون: «قیصری شِنَه.» 17عیسی اَیِنِش واتَه: «پس قیصری مالی قیصری آدَر و خدا مالی خدا بدَرَ.» اَیِن عیسی گَفونکا حَیرون آبین.
سؤال قیامتی خونه
18چَی بَه دوملَه صَدوقیِن فِرقَه عالیمِن چَی وَر آمین. صَدوقیِن، مَردَاون زِندَ آبِه قِبول نِدارین. اَیِن عیسی کا ایلَه سوال دَپَرسِستینَه و واتِشون: 19«اِستا، موسی چَمَرا نِوِشتَشَه کن اَگَم مِردی برا بِمِرِ و چَی ژِن خِردَنی مَدارِ، اَ مِرد پی اَ ویوَ ژِنی بِبَرِ تا نَتاجی اِشتَن برا را بِنَرِ. 20ایسَه هَف گِلَه برا بینَه؛ اَوَلین برا ژنی گَتِشَه و بی خِردَن مَردَ. 21دِوّمین برا اَ ویوَ ژِنی بَردِش، ولی اَ نی بی خِردَن مَردَ. سِوومین برا نی اِنتَرَ بَه 22هِن تَرَکِه، اَ هَف گِلَه برا کا هیچ کَمی خِردَن دار نِبینَه. آخیر بَسَر، اَ ژِن نی مَردَ. 23ایسَه روجیکا کن، مَردَاِن زِندَ آبون، اَ ژِن کِرَم برا ژِن بَبی، اِمی خونه کن هَر هَف گِلَه برا اَ ژِنی بَردَشون بَه؟»
24عیسی اَیِنِش واتَه: «مَگَم شِمَه اِم سوال نِشون نییَدا کن چَنَه سَفَه فکر بَکرون، اِمی خاطِر کن نِه موقَدسَه نِویشته اونکا چیی ایی بَموستیرون و نِه خدا خَنَریکا؟ 25چون هَنگومی کن مَردَ اِن زندَ آبون، نِه ژِن بَگَتین نِه شو بَشین؛ بَلکَم هِنتَه آستامونی فرشتَه اون شیوار بَبینَه. 26ولی مَردَ اون زندَ آبِه خونِه، موسی کیتاویکا خَندَرون نیَه کن چِغی ماجِیرا کا، چِنتَه خدا بَی واتِش: “اَز اِبراهیمی خدا و ایسحاقی خدا و یعقوبی خدا هِستیمَه؟“ 27خدا، مَردَ اون خدا نیَه، بَلکَم زِندَ اون خِدایَه. شِمَه خَیلی سَفَ فکر بَکَرون!»
یالترین حِکم
28ایله توراتی موعَلیمونکا نِزِک آمَه و چَوون بحث کَردِ دَرَستِش. وَقتی ویندِشَه عیسی چاکَ جَوابی اَیِنِش دوعَه، عیسی کا دَپَرسِستَه: «حِکمون دلَکا، کِرَم گِلَه گِردیکا مُهیم تَرَ؟» 29عیسی بَی واتِش: «مُهمترین حِکم اِمَه: ”اَی خدا قام دَرَسَه؛ خداوند چَمَه خدا، خداوند، یَکتا اِستَه. 30خداوند اِشتِه خدا، گِردِ اِشتِه دِلینَه و گِردِ اِشتِه جانینَه و گِردِ اِشتِه فِکرینَه و گِردِ اِشتِه زبقینه رَی بِدا. “ 31دِوّمین حِکم اِمَه: اِشتِه خَمسوعَه هِنتَه اِشتِه جانی شیوار رَی بدا.“ اِم دِ حِکمیکا یال تَر، حِکمی نییَه.» 32اَ موعَلیم تورات عیساش واتَه: «اِستا، چاکَه گَفیر ژَ! دِرِستِ واتِرَ کن، خدا ایلَه یَه و غَیراَز اَ دییَرَ خدایی نییَه، 33و بَی گِردِ دِل و گِردِ عَقِل و گِردِ زِبقینَه رَی داشتِه و اِشتَن خَمسوعَه نَه هِنتَه اِشتَن جانی شیوار رَی داشتِه، گردِ اَسوجونَه قِربونی اِن و خلااونکا مُهیم تَرَ.» 34وقتی عیسی ویندِشَه کن اَ مِرد چَنَه اَلمَند جواب داشَه، بَی واتِشَه: «تِه خدا پادیشاهیکا دور نیشَه.» چَی بَه دوملَه، دِ هیچ کَس جُرئَت نِکَردِشَه چیی ایی عیساکا دَپَرسِه.
وعدَ آدوعَه مسیح چیکی زوعَه یَه
35هَنگومی کن عیسی مَعبَدیکا آموج اَدَریَه، دَپَرسِستَه: «چِنتَرَیَه کن توراتی موعَلیمن باتین وعدَ آدوعَه مسیح، داوود پادیشا زوعَه یَه؟ 36داوود اِشتَن، خدا موقدسَه روح الهامینَه اییلام کردِشَه کن:
«”خداوند چمن خداوندی واتَه:
«چِمِن راستَه بالی طَرَفیکا بِنِش
تا اَموقه کن اِشتِه غَنیمون اِشتِه لِنگون بنیکا بَرَفَنِم.»“
37اَگَم داوود پادیشا اِشتَن، بَی خداوند خِلِه بَکَی، پس چِنتَه بَبیَه کن وعدَ آدوعَه مسیح داوودِ پادیشا زوعَه ببو؟» اَ یالَه جَماعَت کن اَ جِگاکا مند بین خَشینَه عیسی گَفوون گوش اَدَرینَه.
توراتی موعَلیمونکا رَت آبَه
38پس عیسی اِشتَن آموجیکا واتِش: «توراتی مُعَلیمونکا برحذَر بِبَه کن اَیِن دِرازَ غَبا اون دِلَکا گَل ژِ رَی بَداشتین و اَیِن رَی بَداشتینه مَردوم کوچَه بازاریکا اَوون سَلام بواجِن، 39و عیبادَتگا اون دِلَکا بِیتَرین جِگاکا بِدارن و مِیمانیونکا نی سَرَنگاکا بِنِشِن. 40اَیِن ایی وَریکا ویوَ ژِنون کَه پِنَّتارِست و دییَرَ وَریکا، اِمی خاطر کن بَشتَن چاک نمود بِدَن، اِشتَن دِوا طول بَدان. چَوون جَزا خَیلی چَتین تر بَبیَه.»
ویوَ ژِنی خَلا
41عیسی اَ جِگایی روبَه رو نشت بَه کن معبَدی صِندوخَه اَ جِگاکا بَه، ومردومی کن صِندوخَه کا پول درَفنینَه تَمشا اَکَریَه. خَیلی ثیروَت مَندونکا وِرَ پول دَرَفَنینَه. 42چَی بَه دوملَه گیدَلییَه ویوَ ژِنی آمَه و دِ قِران صِندوخَکا دَرَفَندِش. 43اَموقه عیسی اِشتَن شاگِردون خِلِه کَردِشَه و اَیِنِش واتَه: «حَقیقتَا بَشِمَه باتیمَه، اِم گیدَلییَه ویوَ ژِن گِرد اَیِنیکا کن صِندوخیکا پول دَرَفندَشونه، ویشتَرآدوعَشَه. 44اِمی خونه کن اَیِن گِرد، اِشتَن دارایی ایضافَکا آداشونَه، ولی اَ ویوَ ژِن اِشتَن گیدَلی گیری نَه، هَر چیی ایی کن داری آداشَه، یعنی گِردِ اِشتَن دارایی.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company