GENESIS 3
3
1Kenabig dush ahwahshema kekuhkuhyaneze kuhkenuh dush ween mushkootang duhzhe ahwaseeün Jehovah Kesha‐Muhnedoo kahoozheähpuneen. Oo‐oo dush oogeënaun enewh equawun, Kagate enuh keëkedoo Kesha‐Muhnedoo, cheäumwahsewagwah azhemenewewaud kuhkenuh metigoog ketegaunansing padukkezoojig?
2Owh dush equa oo‐oo oogeënaun kenabigoon; Nindahaumwahnahnig azhemenewewaud metigoog padukkezoojig emuh ketegaunansing.
3Owh dush ween metig nahweketegaunanse oo‐oo keëkedoo Kesha‐Muhnedoo, kahween kegahaumwahsewah azhemenewid, kah kuhya kegahtaungenahsewah, koonemah kedahneboom.
4Kenabig dush oo‐oo oogeënaun equawun, kahween ahbetakummig kegahnebooseem.
5Kesha‐Muhnedoo mah ookekandaun ewh kezheguk uhpe kaäumwag azhemenewid, chepahkahkoonegahdag keshkinzhegowaun, kuhya Kesha‐Muhnedoong cheëzhewabezeyag, kekanduhmag ewh wanesheshing kuhya ewh mujjeuhyeëewish.
6Uhpe dush owh equa kahwahbundung chemenoopoogoozenid enewh metigoon, kuhya minwahbuhmenahgoozenid, kuhya metigoon nanduhwandahgoozenejin chenebwahkahewang, oogeöodahpenaun azhemenewenid, kuhya oogeäumwaun kuhya dush oogemeenaun enewh ooweedegamahgunun; kuhya ween oogeäumwaun.
7Kepahkahkoonegahdenewun dush nuhyanzh ooshkeenzhegoowaun, kuhya oogekekandahnahwah chepingwahshahgedewaud; kuhya oogeähnekoogwahdahnahwah figoominahgahwunzhe‐ahnebeeshun, cheöozhetuhmahzoowaud enuhpezoowinun.
8Oogenoondahnahwah dush oodinwawin owh Jehovah Kesha‐Muhnedoo pabahmoosad emuh ketegaunansing ewh ahpeeche kezheguk kahmenootuhkahsing; Adam dush kekahzoo emuh magwa metigookaug ketegaunansing kuhya oowedegamahgunun chewahbuhmegoosigwah Jehovahun Kesha‐Muhnedoon.
9Jehovah Kesha‐Muhnedoo dush oogepepahgemaun Adamun, oo‐oo dush keënaud, Ahneende ahyahyun.
10Oo‐oo dush keëkedoo, Ningenoondaun kedinwawin emuh ketegaunansing, kuhya ningesagiz, oonje kepingwahshahgedeyaun; ningekauz edush.
11Me dush oo‐oo kahekedood Kesha‐Muhnedoo, Ahwanan kahweenduhmauk chepingwahshahgedeyun? kahnuhween kegeäumwahse azhemenewid owh metig, kahenenaumbaun cheäumwahsewud.
12Enene dush oo‐oo keëkedoo, Owh equa kahmeezheyun chewedegamug, ningemeenik ewh azhemenewid owh metig ningeäumwah dush.
13Jehovah Kesha‐Muhnedoo oo‐oo oogeënaun equawun, Wagoonan oo‐oo kahzhechegayun? Equa dush keëkedoo, Ningewuhyazhemig owh kenabig, ningeäumwah dush.
14Jehovah Kesha‐Muhnedoo oo‐oo oogeënaun kenabigoon, Oonje oo oo keëzhechegayun, ahwahshema kegahkuhgwahnesuggandahgooz kuhkenuh dush ween ahwuhkaunug kuhya kuhkenuh mushkoodang duhzhe ahwaseeüg; emuh kemesudaung kegahpemooda, weyuggessa dush kegahmeejin menik kabemahdezewunan.
15Kuhya ningahenahkoonega chesheenganindeyag keen kuhya equa, kuhya chesheenganindewaud keen kenejahnesug kuhya ween oonejahnesun; ween egoo kegahshahshahgoondebashkaug, kuhya keen kegahshahshahgoodoondenashkahgoon.
16Oo‐oo dush oogeënaun equawun, Ningahkeche‐meshenuhtoonun kekooduggetoowinun kuhya kedahbenoojeëkawinun; emuh kooduggetoowining kegahezhenegeäug ahbenoojeüg; kegahnunduhwanemah kenahbam, kuhya ween kegahoogemahkundaug.
17Oo‐oo dush oogeënaun enenewun, Oonje kebezinduhwud kewedegamahgun, kuhya keäumwud azhemenewid owh metig, keënenaun cheäumwahsewud; kuhgwahnesuggandahgwud uhkee keen oonje; emuh nuhneenuhwanduhmoowining kegahmeejin ewh emuh kaöonjeging menik kabemahdezeyun;
18Tahsahgukkewug menasuhgah wunzheeg kuhya muzzaunushkoon; kegahmeejin ewh uhkeeng kaöonjeging.
19Ahbwazoomahguk kedangwuhy me suh kaöonjeweseneyun amwud buhquazhegun, peenish uhkeeng ezhekewayun; uhkeeng mah kegeöondenegoo; keweyuggussayewh mah, kuhya emuh weyuggussaying kegahezhekewa.
20Adam dush Eve oogeëzhenekahnaun enewh wewun; oonje weöogeemegood kuhkenuh bamahdezenejin.
21Jehovah Kesha‐Muhnedoo oogeöozhetuhmahwaun Adamun kuhya enewh oowedegamahgunun pushguaginoo puhpesekoowahgunun kepesekoonaud dush.
22¶ Me dush uhpe oo‐oo kahekedood Jehovah Kesha‐Muhnedoo, Benuh, enene anandahgoozeyung enandahgooze, oonje kekandung ewh wanesheshing kuhya mujje‐uhyeëewish; koonemah tahzhebenekane, cheöodahpenung azhemeenewid bemahdezewine metig, oodahaumwaun dush chekahgega bemahdezid.
23Me dush Jehovah Kesha‐Muhnedoo kahoonjesahgejenahzhahwaud emuh ketegaunansing Eden, cheketegahduhmenid uhkee emuh kahoondenegahzoonid.
24Oogesahgejenahzhahwaun dush enenewun; kuhya wahbunoong enuhkuhkayah ketegaunansing Eden oogeähsaun Cherubimun, kuhya ishkoota‐ahzhahwashk kewetuhyeë azhequaquakahbikesag, cheguhnuhwanduhmenid ewh meekun aneënuhmok emuh pahdukkezood bemahdezewine‐metig.
Currently Selected:
GENESIS 3: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
