GENESIS 2
2
1Mesuh kahezhekezhechegahdag keezhig kuhya uhkee, kuhya kuhkenuh emuh ayahjig.
2Nauzhwahsoogoonahguk Kesha‐Muhnedoo oogepoonetoon oodahnookeewin kahoozhetoopun: Keäunwabe dush nauzhwahsoogoonahguk oonje kuhkenuh oodahnookeewinun kahoozhetoopuneen.
3Kesha‐Muhnedoo dush oogeshahwandaun neezhwahsoo‐kezhegud, kuhya oogekechetwahwetoon oonje keäunwabid kahpooneähnookeed kuhkenuh oodahnookeewinun enewh Kesha‐Muhnedoo kahoozhetoopuneen kuhya kahkezhetoopuneen.
4¶ Mesuh kahezhewabuk uhpe keöozhechegahdag kezhig kuhya uhkee, ewh kezheguk uhpe Jehovah Kesha‐Muhnedoo keöozhetood kuhya kekezhetood uhkee kuhya kezhig.
5Kuhkenuh nwahkushkukkin emuh ketegauning chepwah uhkeeng ähyahmahguk, kuhya kuhkenuh ketegauning duhzhe mushkoosewun chepwah majeging: Kah mah muhshe Jehovah Kesha‐Munedoo keëkedoosegoobun chekemewung emuh uhkeeng, kah dush ahweyah enene ahyahsebun cheketegahdungebun uhkee.
6Uhkeeng dush keöonjeöombishkahmahgud uhwun, mesuh kahezhenesahbahwejegahdag anegookummegaug uhkee.
7Jehovah Kesha‐Muhnedoo dush oögeoözheäun enenewun weyuggussaëwung uhkee kahahyood, kuhya oogenasanoodahwaun emuh oodanegoomening ewh bemahdezewine‐nasawin; mesuh kebemahdezenid enene oojechaugwun.
8¶ Jehovah Kesha‐Muhnedoodush oogeoözhetoon ketegaunans wahbunoong enuhkayah emuh Edening; ewede dush kahahsaud enenewun kahoozheähjin.
9Uhkeeng dush Jehovah Kesha‐Muhnedoo oogeöonjesah-gukkeäun kuhkenuh anduhswahkoozenejin metigoon manwahbuhmenahgoozenejin, kuhya manoopoogoozenejin; kuhya bemahdezewine‐metigoon padukkezoonejin nahwuhyeëeng emuh ketegaunansing, kuhya enewh metigoon kahöonjekekanjegahdag ewh wanesheshing kuhya mujjeühyeëewish.
10Seebe dush keönjeteguayah emuh Edening chenesahbahwejegahdag ketegaunans, ewede dush newing keöonjepukkate-guayah.
11Pazhig Pison keëzhenekahda: mesuh ewh kahwetahte-guayaug emuh anegookookummegaug Havilah aduhming uhkee, emuh anduhzhe oozahwah‐shooneyahkaug.
12Oonesheshin dush ewede ewh uhkeeng duhzhe oozahwah‐shooneyah: ewede dush ahtanoon Bdellium kuhya onyx ahsin.
13Menuhwah dush pazhig seebe Gihon keëzhenekahda: me ewh kawetahteguayaug emuh anegookookummegaug Ethiopia aduhming uhkee.
14Menuhwah dush pazhig seebe Hiddekel keëzhenekahda: mesuh ewh wahbunoong azheteguayaug Assyriaing enuhkuhkayah; Ewh dush newing seebe mesuh Euphrates.
15Jehovah Kesha‐Muhnedoo dush oogeöodahpenaun enenewun keähsaud dush emuh ketegaunansing Eden azhenekahdag cheketegahduhmenid kuhya cheguhnuhwanduhmenid.
16Jehovah Kesha‐Muhnedoo dush oogekenahahmahwaun enenewun, oo‐oo keënaud, Azhemenewewaud kuhkenuh anduhswahkoozewaud metigoog padukkezoojig emuh ketegaunansing mahnoo kegahaumwaug wahaumwudwah.
17Azhemenewid atuh owh metig wanjekekanjegahdag wanesheshing kuhya mujjeühyeëewish, kahween kegahaumwahse: ewh mah kezheguk uhpe kaäumwud ahbetakummig kegahnib.
18¶ Jehovah Kesha‐Muhnedoo dush oo‐oo keëkedoo, Kahween oonesheshinsenoon chenezhekawezid enene; ningahoozhetuhmahwah weedegamahgunun kaweedookahgoojin.
19Uhkeeng edush Jehovah Kesha‐Muhnedoo oogeöonjeöozheäun kuhkenuh mushkootang duhzhe ahwaseeün, kuhya kuhkenuh penasewun pabahmesanejin gezhigoong; kuhya oogepetuhmahwaun Adamun wewahbuhmaud kaëzhenekahnahnid enewh; nuhmunj edush Adam kahezhenekahnahgwan kuhkenuh bamahdezenejin, mesuh goo kahëzhenekahzoowaud.
20Adam dush oogeweenaun kuhkenuh ahwahkaunun, kuhya kuhkenuh penasewun babahmesanejin emuh gezhigoong kuhya kuhkenuh mushkootang duhzhe ahwaseeün; kah dush ahweyah kemekahwahse kaweedookahwaud Adamun.
21Jehovah Kesha‐Muhnedoo dush keënahkoonega chekeche‐nebahnid Adamun, kenebahwun dush: magwah dush nebahnid oogeöodahpenuhmoowaun pazhig oopegagunun, kuhya nayaub oogekebahquahahmahwaun weyausine.
22Jehovah Kesha‐Muhnedoo dush oogeähbujjetoon ewh oopegagun kahoodahpenahmahwaud enenewun cheöozheäud equawun, kuhya oogepetuhmahwaun enenewun.
23Adam dush oo‐oo keëkedoo, Mesuh oo‐oo ookunemah nekuning wandenegahdag, kuhya oo‐oo weyausemah neyausing wandenegahdag: equa suh tahezhenekahzoo, eneneeng mah keöondenegahzoo.
24Mesuh oo‐oo enene kaöonjenuhguhnaud enewh oosun kuhya enewh oogeen, oogahweejewaun dush enewh wewun; tahpazhigwunene dush weyausewah.
25Nuhyazh edush kepingwahshahgedewug, enene kuhya oodequamun, kah dush keähgujjesewug.
Currently Selected:
GENESIS 2: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
