GENESIS 8
8
1Kesha‐Muhnedoo dush oogemequanemaun Noahun, kuhya kuhkenuh bamahdezenejin; kuhya kuhkenuh ahwahkaunun kahweejewegoojin emuh nahbequauning: Kesha‐Muhnedoo dush keënahkoonega chekeche‐nooding emuh uhkeeng, keühneïskutta dush;
2Kekebejewunoon dush enewh wanjejewungin enewh nebeen emuh keche‐kechegummeeng, kuhya gezhegoong duhzhe wahsachegunun kekebahquah‐egahdanoon kuhya kepoone-besah gezhegoong koo oonje kemewungebun.
3Ahpena dush ashkum keühneïskutta emuh uhkeeng: kahningoodwauk ahshe nemeduhnuh duhsoo‐goonahguk keïskutta.
4Uhpe nauzhwahsoo‐keziswahguk, uhpe kehmetahsoo ahshe nsezhwahsoogoonuhgezid keezis, me ewh uhpe kepahgoosing nahbequaun emuh Ararat wahjewing.
5Ahpena dush ashkum keühneïskutta peenish matausoo‐keziswahguk: ewh kezheguk uhpe matausoo‐keziswahguk, uhpe washke‐ahgoojing keezis, kesahsahgebewun enewh wahjewun kacheishpuhdenaugin.
6¶ Kepuhgummeähyahmahgud dush kahnemeduhnuh‐duhsoogoonuhguk, Noah oogepahkahkoonaun ewh wahsachegun kahoozhetoopun emuh nahbequauning:
7Oogesahgejenahzhahwaun dush pazhig kahgahgewun, kepahbahmesawun kuhya dush kebahbiskahbesawun, nahnauzh egoo wahweenga keïskuttanig emuh uhkeeng.
8Kuhya keche‐oomeemeen oogesahgejenahzhahwaun, chewahbunduhmenid kishpin ahzhe kahiskuttagwan emuh metushkuhkummig;
9Owh dush keche‐oomeemee, uhpe makunsig ningooche chepoonepun cheäunwabid, kebiskahbesa emuh nahbequauning, oonje kenebekahnig emuh anegookookummegaug uhkeeng: me dush kesahgenekanid, oogetuhkoonaun dush, kuhya oogepeendegawekoobenaun emuh nahbequauning.
10Kayahbe neezhwahsoogoon kebeeöo; menuhwah dush oogesahgejenahzhahwaun keche‐oomeemeen oonje nahbequauning;
11Menuhwah dush wanahgooshenig nayaub oogepenaunzekahgoon eewh keche‐oomeemeen; benuh dush, oogepetahquunandaun ewh oliveähgahwunzhe ahneebeesh kahmahmundah‐moogoobunan: mesuh Noah kahoonjekekandung ewh keïskuttanig emuh uhkeeng.
12Menuhwah neezhwahsoogoon kepeöo; medush kesahgejenahzhahwaud enewh keche‐oomeemeen; kah dush menuhwah kebishkahbesasewun.
13¶ Kepuhguhmeähyahmahgud dush ewh kekenoonoowin uhpe kahningoodwauswauk dusoo‐pepoon‐uhgezid Noah ahshe pazhig, nangookeziswahguk, ewh kezheguk uhpe washke ahgoojing keesis, ahpeche keïskutta emuh uhkeeng: Noah dush oogebahkahbuhquanaun nahbequan, keënahbe dush, kuhya oogewahbundaun pangookummegaug uhkee.
14Nauzhookeeziswahguk, kahneezhtuhnuh ahshe neezhwahsoogoon‐uhgezid keezis, ketapangookummegah uhkee.
15¶ Kesha‐Muhnedoo dush oogeguhnoonaun Noahun oo‐oo keëkedood;
16Nahbequauning oonje sahguhun, keen, kuhya keweedegamahgun, kuhya kegwissug, kuhya kegwissug ooweedegamahgunewaun kegahweejewegoog.
17Sahgejeweezh dush kuhkenuh bamahdezejig wahjewikig, wahyahsewejig, penasewug, kuhya ahwahkaunug, kuhya kuhkenuh pabahmoodajig emah uhkeeng; chekeche‐oonejah-nesewaud emuh uhkeeng, chemeshenooëdewaud, kuhya chebahtuhyenoowaud emuh uhkeeng.
18Kesahguhum dush Noah, kuhya enewh oogwissun kuhya ooweedogamahgunun, kuhya oogwissun ooweedegamahgunene:
19Kuhkenuh ahwaseyug, kuhkenuh babahmoodajig, kuhya kuhkenuh pababmesajig, kuhya pabahmoodajig emuh uhkeeng anduhsoo‐dawezewaud, kesabguhumoogoonje nahbequauning.
20¶ Noah dush oogeöozhetuhmahwaun sahsahgewejegun‐ahbik enewh Jehovahun; kuhya anduhchenid pahnezenejin ahwaseyun, kuhya anduhchenid pahnezenejin penashewun, oogeöodahpenaun ahnind, kuhya oogepuggedenahmahwaun chahyahgedagin sahsahgewejegunun enewh Jehovahun.
21Jehovah dush keweeshkoobemaunjega; oo‐oo dush keëkedoo owh Jehovah emuh oodaïng, kahween menuhwah ningahkuhgwahnesugganduhseen uhkee oonje enene oodezhewabezewin; kuhkenuh mah enene oodenanduhmoewinun anandungin emuh oodaïng uhpena mujje‐ezhewabudoonatuh pahahkoo‐ooshkenegid; kah dush menuhwah ningahpukketawahseeg kuhkenuh bamahdezejig, debishkoo ahzhe kahezhechegayaun.
22Menik kaühkeewung, kah wekah tahpooneëzhewabussenoon chedebishkoosag chepuggedenuhming menekaun kuhya chekeeshkushkizhegang, chekesinaug kuhya chekezhahtag, cheneebing kuhya chepepoong, chekezheguk kuhya chetebekuk.
Currently Selected:
GENESIS 8: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
