GENESIS 9
9
1Kesha‐Muhnedoo dush oogemenoo guhnoonaun Noahun kuhya enewh oogwissene, oo‐oo dush keënaud, Ashkum bahtuhyenooyook, kuhya meshenooëdeyook, kuhya mooshkenashkuhmook uhkee.
2Kegahkoozegoowaug kuhkenuh ahwaseyug emuh uhkeeng, kuhya kuhkenuh pabahmesajig emuh mezhuh‐gezhigoong, kuhya kuhkenuh mamahjejig emuh uhkeeng, kuhya kuhkenuh kechegummeeng duhzhe gegooyug; kepuggedenuhmahgoom emuh keneenjeeng.
3Kuhkenuh anduhchewaud mamahjejig bamahdezejig ooweyausewah kaöomejimemeyag: debishkoo kahezhemeene-ahgoog enewh nwahkushkukin mesuh azhemeenenuhgoog ahnooj gagoo uhyeëen.
4Weyaus atuh mahjeyagoon, kahween kegahtuhgoomeejesenahwah ewh wanjebemahduk, mesuh misque.
5Ahbetakummig ningahnundahwandaun kemisquemewah ewh wanjebemahdezeyag: emuh ooneenjewaung anduhchewaud egewh ahwaseyug, kuhya emuh ooneenjewaung kuhkenuh enenewug, ningahnundahwandaun enene oobemahdezewin.
6Ahwagwan kaöonjegahtuhmoowahgwan enenewun oomisqueemene, ween oomisqueem oogahoonjegahtuhmahgoon enenewun: Kesha‐Muhnedoo mah oogeëzheoozheäun enenewun emuh tebenuhwa oodezhenahgoozewining.
7Kenuhwah dush ween, ashkum bahtuhyenooyook kuhya meshenooëdeyook; kuhya keche oonejahneseyook emuh uhkeeng, kuhya ashkum meshenooyook emuh.
8¶ Kesha Muhnedoo dush oogeguhnoonaum Noahun, kuhya enewh oogwissene wahjewegoojin, oo‐oh keënaud.
9Neen suh kegahuhyeenjesittuhmoonenim newahweendahmahgawin kuhya kenejahnesewaug kaeneähneka‐bemahdezejig.
10Kuhya anduhchewaud egewh bamahdezejig wahjewenagoog, penasewug, kuhya ahwahkaunug, kuhya kuhkenuh uhkeeng duhzhe ahwaseyug ayahwagoog; anduhchewaud suhyahguhungig emuh nahbequauning, kuhya kuhkenuh uhkeeng duhzhe ahwaseyug.
11Kegahuhyeenjesittuhmoonemin dush newahweendahmahgawin; kah dush menuhwah oogahbahnahjeëgoosenahwah kuhkenuh wahyausewejig ewh mooshkuhung; kah menuhwah tahmooshkuhunsenoon chetabahnahduk uhkee.
12Kesha‐Muhnedoo dush oo‐oo keëkedoo, Mesuh oo‐oo kekenoowahjechegun pagedenuhmaun chekekenoowahjechegahdag kewahweendahmahdewinenaun azhewahweendahmahdeyung, neen kuhya kenuhwah kuhya kuhkenuh bamahdezejig ayahwagoog kahgenig ahpena kahgenig:
13Nindahtoon nindahgwahnebesaun emuh ahnuhquudoong, mesuh ewh kaöonjekekenoowahduk ewh wahweendahmahgawin azhewahweenduhmoowugwah uhkeeng ayahjig.
14Tahpuhgummeähyahmahgud uhpe pahtooyaunin ahnuhquud emuh uhkeeng, me dush ewh chenahgwuk ewh ahgwahnebesaun emuh ahnuhquudoong.
15Kuhya ningahmequandaun newahweendahmahgawin, kahezhewahweendahmoonuhgoog kenuhwah kuhya kuhkenuh bamahdezejig ahnooj azheweyausewejig; kah dush menuhwah tahmooshkuhunsenoon chetabahnahjeïndwah kuhkenuh wahyausewejig.
16Ahnuhquudoong suh tahahyahmahgud ahgwahnebesaun; ningahnahnahgahdahwahbundaun dush, cheöonjemequanduhmaun ewh kahgega wahweendahmahgawin Kesha‐Muhnedoo kahezhewahweenduhmahwaud kuhkenuh bamahdezenejin wahyausewenejin emuh uhkeeng.
17Kesha‐Muhnednoo dush oo‐oo oegeënaun Noahun, Me suh oo‐oo kaöonjekekenoowahduk ewh wahweendahmahgawin, kahezhewahweendahmoowugwah kuhkenuh wahyausewejig emuh uhkeeng.
18¶ Oogwissun owh Noah, kahsahguhuhmenejin emuh nahbequauning, me enewh Shem, kahya Ham, kuhya Japheth: Ham dush, oogeöoyoosemegoon Cainanun.
19Mesuh oonoo neswe kahoogwissejin owh Noah: mesuh egewh kahoonjeähnishenahbakaug anegookookummegaug uhkeeng.
20Noah dush kemahje‐ketega‐wenenewe kuhya oogeöozhetoon shoowemine‐ketegaun:
21Oogemenequan dush shooweminahboo, kekewushquabe dush; kuhya kepingwahshahgede peendig oowegewauming.
22Ham dush, oosun owh Cainan, oogewahbuhmaun oosun pingwahshahgedenid, oogeweenduhmahwaun dush wekahnesun ahgwahjeeng ayahnejin.
23Shem dush kuhya Japheth oogeöodahpenahnahwah puhpeesekoowahgun, kuhya nuhyazh oogeühtoonahwah oodenemaunguhnewaung, keähneähzhaöosawaud edush, keähgwahnahwahwaud pangwahshahgedooshinenid oosewaun; pukkaun ningooje enahbewaud, kahween oogewahbunduhmahwahsewaun oosewaun oopingwahshahgedewinene.
24Uhpe dush Noah kwashkoosid kekewushquabeed, oogekekandaun kahdoodahgood enewh nahwuj agahsheënejin oogwissun.
25Oo‐oo dush keëkedoo, Tahkuhgwahnesuggandahgooze Cainan: oogahkeche‐buhmeetuhwaun mah enewh wekahnesun.
26Oo‐oo dush keëkedoo, Shahwandahgooze Jehovah oo Kesha‐Muhnedoomun owh Shem; oogahbuhmeetahgoon dush Cainanun.
27Kesha Muhnedoo oogahmeshenooäun Japhethun, tahdah dush emuh eowegewauming owh Shem; oogahbuhmeetahgoon dush Cainanun.
28¶ Noah dush kebemahdeze niswauk duhsoo pepoon ahshe naunemeduhnuh kahishkwah‐mooshkuhung uhkee.
29Kuhkenuh ookezhegudoomun menik kahbemahdezid Noah me shaunguswauk ahzhe naunemeduhnuh: keneboo dush.
Currently Selected:
GENESIS 9: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
