ST. LUKE 10
10
1Uhpe dush kahishquah‐ezhewabuk oonoo, owh Tabaningad oogeënahkoonaun neezhwahswe‐meduhnuh bakahnezenejin, keëzhenahzhahwaud, naneezh ewede enahkuhkayah wahuhneëzhaud, emuh anduhching enewh oodanahwun kuhya tebe wahuhneëzhahgoobunan.
2Me dush oo‐oo keënaud, Kagate ewh keeshkushkezhegawin kechemechahmahgud, egewh dush ahnooke‐wenenewug pungeshawugezewug; ahnuhmeätuhwik suh owh dabandung ewh keeshkushkezhegawin ewh dush chepeëzhenahzhahwaud ahnooke‐wenenewun emuh ookeeshkushkezhegawining.
3Mahjahyook; benuh, kemahjenahzhahoonenim debishkoo mahnishtahnisheensug emuh magwa maheengunekaug.
4Kagoo pemewetookagoon ewh shooneyah‐mushkemood kuhya nuhwuhpoowine‐mushkemood, kuhya muhkissenun, kagoo kuhya ahnahmekahwahkagoon ahweyah enene emuh meekunaung.
5Tebe dush paundegawagwan emuh wegewauming netum oo‐oo ekedoon, Mahnoo ewh pezaunewawin tahahyahmahgud oomuh wegewauming.
6Kishpin dush owh pezaunewawine‐wagwissemind ahyaud emuh, mahnoo kepezaunewawinewah tahahyahmahgud emuh: kishpin dush ween ahyahsig, nayaub kegahpeöodissegoonahwah.
7Me dush emuh wegewauming cheduhnezeyag, meejeyag kuhya menequayag enewh egoo uhyeëen kaähshummegooyagoon: kagate muh ahpeetandahgooze owh ahnooke‐wenene chetebahahmahwind. Kagoo papuhkaunuk wegewauming ezhekoozekagoon.
8Tebe dush kapeendegawagwan keche‐oodanaung, kishpin oodahpenenagwah, meejeyook enewh uhyeëen ashummegooyagoon.
9Noojemooïk dush egewh ahyahkoozejig emuh dabandahgoozejig, oo‐oo dush enik, Gagah zhuhyegwah kedoodissegoonahwah oodoogemahwewin owh Kesha‐Muhnedoo.
10Tebe dush emuh oodanaung kapeendegawagwan, oodahpenesenoowagwan edush, sahguhumoog emuh meekunaung, oo‐oo dush ekedooyook.
11Pooch weyuggussaëwung ewh kedoodanahwewah, ewh agokamahguk emuh neyowenaung newabenahmin: kekanduhmook suh dush, Gagah zhuhyegwah kepeoödissegoonahwah ewh oodoogemahwewin owh Kesha‐Muhnedoo.
12Kedenenim suh, Nahwuj puhbanug tahdoodahjegahda ewh Sodom, ewh uhpe kekezheguk, dush ween ewh oodanah,
13Kuhgwahnesugguhkummig keen Chorazin! kuhgwahnesugguhkummig keen Bethsaida! kishpin muh emuh Tyreing kuhya emuh Sidoning keëzhechegahdagebun enewh keche‐mushkahwezewinun kahezhechegahdagin oomuh keen ahyahyun, mawezhah tahgeäunwanindezoowug chegenuhmuhduhbewahpun emuh mushkemoodagining kuhya emuh peengweeng.
14Nahwuj dush puhbanug tahdoodahjegahda ewh Tyre kuhya ewh Sidon uhpe tebahkoonegang kenuhwah dush ween.
15Keen dush Capernaum, peenish keche‐kezhegoong wambenegahzooyun, emuh mujje‐ishkootang kegahneswabenegoo.
16Owh bazindoonag nebezindaug suh goo; owh dush kabahbahmanemesenoowag kahween nebahbahmanemegoose; kuhya owh kabahbahmanemesig, kahweenoobah-bahmanemahseen enewh kahahnoozhenejin.
17Kepiskahbewug dush egewh neezhwahswe‐meduhnuh moojegezewaud, oo‐oo keëkedoowaud, Tabaningayun kedabwatahgoonahnig pooch egewh mujje‐muhnedoog, kedezhenekahzoowining oonje.
18Oo‐oo dush oogeënaun, Ningewahbuhmah owh Satan debishkoo wahwahsuhmoowining, keche‐kezhegoong cheöonjepungeshing.
19Benuh, kemeenenim ewh kushkeäwezewin chetuhtuhkookahnagwah egewh kenabigoog kuhya mujje kenabegoonshishug, kuhya dush kuhkenuh oomushkahwezewin owh shaunganingad; kah dush gagoo kegahmujje‐doodahgoosenahwah.
20Kagoo dush ween oonje‐moojegezekagoon, tabwatoonagwah egewh mujje‐muhnedoog; oo‐oo atuh oonje‐moojegezeyook, oozhebeëgahdag kedoonoozoowinewah ewede keche‐kezhegooug.
21Ewh uhpe kekezheguk Jesus kemoojegandum emuh oojechaugoong, oo‐oo dush keëkedood, kemahmooyahwuhmin, Oh Noosa, keen tabanduhmun ewh kezhik kuhya ewh uhkee, kekahduhmahwudwah oonoo uhyeëen egewh nabwahkahjig kuhya natuh‐kekanjegajig, kegewahweenduhmahwaug dush egewh ahbenoojeensug: mesuh goo, Noosa, azheminwandahgwuk emuh anahsuhmuhbeyun.
22Kuhkenuh ahnooj gagoo negepuhgedenuhmaug owh Noos; kah dush ahweyah ookekanemahseen enewh Wagwissememindjin me atuh owh Wayoosemind; kah dush ahweyah ookekanemahseen enewh Wayoosemindjin me atuh Wagwissemind, kuhya dush ahwagwanun owh Wagwissemind kawahwanahbundahahgwanun.
23Oogequakekahbahwetahwaun enewh kekenooähmahgunun oo‐oo dush keënaud keemooj, Shahwandahgwudoon enewh ooshkinzhegoomaun wuhyahbunduhmoomahgukkin oonoo uhyeëen kenuhwah wuhyahbunduhmagoon.
24Kedenenim muh, nebewah aunwahjega‐wenenewug kuhya keche‐oogemaug oogenundahwandahnahwah chewahbundahmoowaud enewh uhyeëen kenuhwah wuhyahbunduhmagoon, kah dush oogewahbunduhsenahwah; kuhya chenoonduhmoowaud oonoo uhyeëen kenuhwah nwaunduhmagoon, kah dush oogenoonduhsenahwah.
25Benuh dush, pazhik tebahkoonega‐wenene kepuhsegwe, kuhya kekuhgwajeäud, oo‐oo dush keënaud. Kakenooähmahgayun, Wagoonan kaëzhechegayaunbaun cheähyahmaun ewh kahgega‐bemahdezewin?
26Oo‐oo dush oogeënaun, Ahneen azhebeëgahdag emuh tebahkoonegawining? ahneen azheähginduhmun?
27Oogenuhquatuhwaun dush oo‐oo keënaud, Kegahezhesahgeäh Jehovah Kekesha‐Muhnedoom, anegookoo daäyun, kuhya anegookoojechaugooweyun, kuhya kuhkenuh kemushkahwezewining, kuhya kuhkenuh kedenanduhmoowining: kegahdezhesahgeäh dush owh keejduhuuhkewamahgun azhesahgeëdezooyun.
28Oo‐oo dush oogeënaun, Quuhyuk suh kegeëzhenuhquatum; oo‐oo ezhechegan, me dush chebemahdezeyun.
29Ewh dush wahquuhyukwandahgweëdezood oo‐oo oogeënaun enewh Jesusun, Ahwanan dush owh neejduhnuhkewamahgun?
30Owh dush Jesus dush oo‐oo oogenuhquatuhwaun oo‐oo keënaud, Pazhik suh enene, Jerusaleming keöoejekewa, ezhaud dush Jerichoïng, oogemagwaushkahwaun enewh kamoodishkenejin, kahkesekoonuhyabenegoojin kuhya kahmezhahganemegoojin, mahyahjahnid oogenuhguhnegoon ahgahwah bemahdezid.
31Kepuhgummeähyahmahgud edush nuheddah emuh enuhkukkayah pebemoosagoobun pazhik sahsahgahwejega‐wenene; uhpe dush wuhyahbuhmaud, ahgahmekunah kepeëzhebemoosa.
32Kuhya dush pazhik Levite, uhpe petuhgwishing, oogepewahbuhmaun, ahgaumekunah dush kepeëzhebemoosa.
33Pazhik dush Samaria duhzhe enene, magwah bahbahmahdezid, oogepenaunzekahwaun: uhpe dush kahwahbuhmaud, oogeketemahganemaun.
34Pashoo dush anduhzhe shingeshinenid kepenebahwe, kuhya oogezensoopetuhmahwaun kahenuhguhnahmemind, keseegenuhmoowaud pemeta kuhya shooweminahboo, kuhya oogenuhmuhduhbeäun emuh pequunahning tebenuhwa oodahwahkaunun, kepeëzhëwenaud dush emuh ahshunde‐weguhmigoong, oogeguhnuhwanemaun dush.
35Kuhya dush uhpe wuhyahbunenig mahyahjaud, oogekedenaun neezh shooneäunsun, oogemeenaun dush enewh wawegewaumenejin, kuhya oo‐oo keënaud, Guhnuhwanim; wagoodoogwan kabahnahjetoowunan ahwahshema uhpe menuhwah tagwishenaun kegahtebahahmoon.
36Ahwanan dush oonoo neswe, ananduhmun kahoowee-jeduhnuhkewamahgunenewemegoojin owh kahmagwaush-kahwaud enewh kamoodishkenejin?
37Oo‐oo dush keëkedoo, Enewh kahshahwanemegoojin; ween dush Jesus oo‐oo oogeënaun, Mahjaun, kuhya keen edush nahsaub ezhechegan.
38Kepuhgummeähyahmahgud, magwah pahbahmahdezewaud, ketuhgweshing emuh pazhik oodanaunsing; pazhik dush equan Martha azhenekahzooonejin oogezheoödahpenegoon emuh oowegewaumening.
39Keähyahwun enewh oowedegequaunun Mary kahezhenekahzoonejin, owh suh kahnuhmuhnuhbid emuh oosettahning Jesusun, bezindung oodekedoowinun.
40Martha dush oogeöondummeëgoon nebewah buhmeetahgawin, oogepenaunzekahwaun, oo‐oo dush keënaud, Tabaningayun, kah nuh ween kepahbahmanduhse, ewh newedegequaun nuhguhzhid chenezheka‐buhmeetahgayaun? weenduhmowh suh dush chewedookahwid.
41Jesus dush oogenuhquatuhwaun oo‐oo keëkedood, Martha, Martha, kebahbahmandaunun kuhya kedoondum-meëgoonun nebewah uhyeëen:
42Pazhik atuh nundahwandahgwud: Mary oogewuhwanahbundaun ewh wanesheshing uhyeëe kamuhkum-mahsewind.
Currently Selected:
ST. LUKE 10: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
