ST. LUKE 12
12
1Magwah dush oo‐oo keëzhewabudenig, kahpemahwunjeëdenid quatahmegweenoonejin ahneshenahban, ewh apeech kesinsekoodahdewaud ketuhtuhkookahnedewug, netum oogemahje‐guhnoonaun enewh ookekenooähmahgunun, oo‐oo keënaud, Mewetooyook oodoombejeshke-wugesecheguuewaun egewh Phariseeg, me ewh ahnuhmeäkahzoowin.
2Kah muh gagoo kahjegahdasenoon, me atuh ewh kamezheshahwejegahdag; kah dush gagoo kemooduhsenoon, me atuh kapuggukanjegahdag.
3Me dush oonoo uhyeëen kahdebahdooduhmagoon emuh puhsuhgishkezewining emuh wahsayahzewining tahnoonjegahdawun; kuhya dush ewh kahekedooyag emuh ootahwuhgahmaung emuh ahbenahsoowining tahwahweenjegahda emuh oogeduhkummig.
4Kedenenim suh kenuhwah neejekewaëdoog, Kagoo koosahkagoon egewh natoojig ewh weyowemah, kah dush gagoo ahwahshema ookushketoosenahwah chedoodahgawaud.
5Kegahweenduhmoonenim suh dush kakoosag: koosik owh kashketood, keneeshewad cheähpuhgezhewad emuh mujje‐ishkootang; kagate, kedenenim, koosik suh wah‐owh.
6Kah nuh ween neezh shoomahnekansun aneginzoosewug nahnun penaseyug, kah dush pazhik oogoo wuhnanemahse emuh anahsuhmuhbid owh Kesha‐Muhnedoo?
7Pooch edush kuhkenuh kenesesewaun oogij‐kesh-tequaunewaun uhginjegahdawun. Kagoo dush sagezekagoon: ahwahshema kenuhwah kedahpetandahgoozeem dush ween nebewah penaseyug.
8Kedenenim suh dush, Kuhkenuh egewh kawahweezhejig emuh anahsuhmuhbenid enenewun, mesuh enewh kawahweenahjin owh Enene Oogwissun anahsuhmuhbenid Kesha‐Muhnedoo oodangenemun:
9Kuhya dush owh kaähgoonwayanemid emuh anahsuhmuhbenid enenewun tahahgoonwayanemah anahsuhmuhbenid Kesha‐Muhnedoo oodangenemun.
10Ahwagwan dush kamujje‐duhzhemahgwan enewh Enene Oogwissun, tahwabenuhmahwah: owh dush ween kahmujje‐duhzhemahgwan Keche Oojechaugwun kahween tahwabenuhmahwahse.
11Uhpe ezhewenenagwah emuh oodahnuhmeä‐weguhmigoowaung, kuhya emuh anuhsuhmuhbewaud egewh tebahkoonega‐wenenewug, kuhya oogemaug, kagoo nahnahgahdahwandunkagoon ewh kaëzhenuhquatuhmoowagwah, gamuh ewh kaëkedooyag:
12Owh muh Keche‐Oojechaug kegahkekenooähmahgoowah ewh uhpe kaëkedooyag.
13Pazhik dush egewh ahnishenahbag kahoooquenoojig oo‐oo oogeëgoon, Kakenooähmahgayun guhnoozh owh nejekewa, chetaushkenuhmahwid ewh debandahzoowin.
14Oo‐oo dush oogeënaun, Enene, ahwanan kahezheïd chetebahkoonuhmoonuhgoog gamuh chenuhnahwenuh-moonuhgoog?
15Oo‐oo dush oogeenaun, Aungwahmezeyook, kuhya mewetooyook owh shoobeëgoowin; Kah muh bahtuhenudenig ahweyah enene ootebenuhwawezewinun tahoonjebemahdezese.
16Ahwajeguning suh oogeëzheguhnoonaun, oo‐oo keënaud, Pazhik wuhyahnuhdezid enene ooketegaun kekeche‐mekoogemahgudene:
17Kenahnahgahdahwandum dush peenjenuh, oo‐oo keëkedood, Ahneen kaëzhechegayaun? kah muh nindahyaunseen ewh ahtahsoowin kaähtooyaunbaun enewh nemenewinun?
18Oo‐oo dush keëkedoo, Oo‐oo ningahdoodum: ningahbahnahjetoonun nindahtahsoowinun, kuhya ningahoozhetoonun nahwuj machaugin; mesuh emuh kaähtooyaun kuhkenuh nemenewinun kuhya netebenuhwawezewinun.
19Ningahenah dush ninjechaug, Ninjechaug, kedahyaunun nebewah tebenuhwawezewinun nebewah duhsoo pepoon katabesag; aunwabin, wesenin, menequan, moojegezin.
20Kesha‐Muhnedoo dush oo‐oo oogeënaun, Kakebahdezeyun, noongoom tebekuk kegahnunduhwanduhmahgoo owh kejechaug; oonoo dush uhyeëen kahkushkittuhmah-dezooyunin, ahwanan kadebandung?
21Mesuh azheähyaud owh atahmahdezood enewh ahsunjegunun, ayaunsig dush Kesha‐Muhnedoo oowahnuhdezewin.
22Oo‐oo dush oogeënaun enewh ookekenooähmahgunun, Me dush wanje‐enenuhgoog, Kagoo nahnahgahdahwanduhmookagoon enewh kebemahdezewinewah, wagoodoogwan kameejewagwan, gamuh weyowemaun, wagoodoogwan kapesuhkuhmoowagwan.
23Nahwuj suh ahpetandahgwud bemahdezewin ewh dush ween meejim, kuhya weyowemah ewh dush ween ahgwewin.
24Nahnahgahdahwanemik egewh aundagwug; kah muh ketegasewug, kah kuhya kishkezhegasewug; kah dush oodahyaunsenahwah ewh ahtahsoowin gamuh mejimegummig: pooch owh Kesha‐Muhnenoo oodahshummaun; ahneen menik ahwahshema ahpeetandahgoozeyag kenuhwah, dush ween penaseyug.
25Ahwanan kenuhwah anduhcheyag kakushketood ahnoo nahnahgahdahwandung, ningoo‐tebahegun ahwahshema cheähpeetezid?
26Kishpin dush kushketoosewag oo‐oo noondaush apeetandahgwuk, ahneeshwin oondummanduhmag enewh pakaunukkin?
27Nahnahgahdahwahbunduhmoog enewh mushkoota-benebuggoon azhemahjeging: kahween ahnookesewug, kah kuhya pemuhtuhegasewug; kedenenim suh, owh Solomon uhpe kahkeche‐ahpeetandahgoozejin kahween keëzheöose azheöod pazhik oonoo.
28Kishpin suh dush owh Kesha‐Muhnedoo oo‐oo ezhekoonuhyawetood enewh mezhushkoon, noongoom ayahmahgukin emuh ketegauning, wahbung dush kaähpuhgejegahdagin emuh buhquazhegunekauning, ahneen menik ahwahshema kegahdoodahgoowah kenuhwah, Oh ahgahwah, tuhyabwayanduhmag?
29Kenuhwah dush kagoo nunduhwandunkagoon, wagoonan kameejeyaun gamuh wagoonan kamenequayaun, kagoo kuhya oojahnemandunkagoon.
30Me muh oonoo uhyeëen nanduhwanduhmoowahjin egewh dabandahsoojig emuh uhkeeng: kekekanemegoowah suh Koosewah, e‐ewh chemuhnazeyag oonoo uhyeëen.
31Nunduhwanduhmook atuh oodoogemahwewin owh Kesha‐Muhnedoo, kegahtuhgoo‐meenegoowah dush ween kuhkenuh oonoo uhyeëen.
32Kagoo sagezekagoon, pangeshawugezeyag mahnishtahnishedoog, enandum suh owh Koosewah chemeenenag ewh oogemahwewin.
33Ahtahwayook enewh keduhyeemewaug, kuhya shahwaninga‐meegewayook; oozhetahmahdezooyook shooneyah‐mushkemoodoon kabahnahduhsenoogin, kuhya ahsunjegoon ewede keche‐kezhegoong kanoonda‐chahgenegahdasenoogig kaduhzhe‐peendegasig ahweyah kamoodishkid, kuhya kaduhzhe‐bahnahjechegasig ooguhwase.
34Tebe muh ahtagwan kedahsunjegoonewah, mesuh emuh kaähtag kedaëwah.
35Mahnoo kechepezooyook kuhya tahpeskunawun kewahsuhkoonanjegunewah;
36Kuhya dush kenuhwah ezheähyahyook debishkoo enenewug nanduhwahbuhmahjig oodoogemahmewaun, uhpe tagwishenenid oonje wewekoodahde‐wekoongawining kuhya pahpahguhsuhgeëganid, bahbega oopahgahkoonahmahwahwaun.
37Shahwandahgoozewug suh oogoo buhmeetahgunug owh oogemah kamekahwahjin ahkahwahbenid, uhpe pahtuhgwishing: kagate kedenenim, tahkechepezoo kuhya oogahnuhmuhduhbeäun chewesenenid, tahpeëzhah dush chebuhmeetuhwaud.
38Kishpin dush petuhgwishing neezhoo‐tebahegunadenig gamuh nesoo‐tebahegunadenig, kuhya mekung oo‐oo ezhewabuk, shahwandahgoozewug suh oogoo buhmeetahgunug.
39Oo‐oo kekanduhmook, kishpin kekekandungebun owh wawegewaumid apeeche‐tebikuk wetuhgwishing owh kamoodishkid, tahgeähkahwahbe, kah dush oodahgepuggedenunseen ewh oowegewaum chepegoobejegahdanig.
40Kezhetahyook suh kuhya kenuhwah, uhpe muh nunduhwahbuhmahsewag, tuhgwishin owh Enene Oogwissun.
41Oo‐oo dush oogeëgoon Peterun, Tabaningayun, nenuhwind enuh atuh guhnoozheyaung oo‐oo ezheähwajegayun, gamuh kuhya kuhkenuh?
42Keëkedoo dush owh Tabaningad, Ahwanan dush ahyaungwahmezid buhmeetahgun kuhya nabwahkaud, kapuhgedenuhmahgood enewh oodoogemahmun cheguhnuhwanemaud oobuhmeetahgunene chemuhmeenaud oomeejimene uhpe tabishkoosanegin?
43Shahwandahgooze suh owh buhmeetahgun kemekahgood enewh oodoogemahmun peëzhahnid oo‐oo uhyezhechegad.
44Kagate kedenenim, oogahpuhgedenuhmoowaun kuhkenuh ooduhyeemun cheguhnuhwanduhmenid.
45Kishpin dush oo‐oo akedood owh buhmeetahgun emuh oodaïng, Kenooazh pwah‐tuhgwishin owh nindoogemaum; mahjepuhketawaud dush enewh buhmeetahgunun kuhya buhmeetahgun‐equan, wesenid dush kuhya menequad, kuhya keöoshquabid.
46Tahpeëzhahwun suh oodoogemahmun owh buhmeetahgun ningooding kezhegudenig uhpe nunduhwahbuhmahsig, kuhya apeech kezhegudenig kekanduhsig, oogahtaushkekezhkahoogoon dush, oogahpuhgedenegoon dush emuh ayahnid enewh tuhyabwayanduhsenejin.
47Owh dush buhmeetahgun kahkekandung oonunduhwanduhmoowinene enewh oodoogemahmun, oozheetahsig, kuhya azhechegasig e‐ewh azhenunduhwanemegood, nebewah tahpuhzhunzhawah.
48Owh dush kahkekanduhsig, kahezhechegad enewh uhyeëen kaöonjepuhzhunzhaoondebun, punge atuh tahpuhzhunzhawah. Kuhkenuh muh nebewah mahnindjig, nebewah tahnunduhwanduhmoowahwug, oogoo dush kahpuhgedenuhmoowindjig nebewah uhyeëen, nahwuj nebewah tahnunduhwanduhmoowahwug.
49Chesuhswa‐wabenuhmaun ewh ishkoota emuh uhkeeng nepeoonjeëzhah; nindenandum dush ahpakish zhuhyegwah chepeskuhnagebun.
50Nindahyaun suh ewh baptizooëwawin cheëzhebaptizooëgooyaun; ninkeche‐ahnemiz dush nahnauzh tatebishkoosag.
51Kedenandaum enuh pezaunewawin chemeegewayaun oomah uhkeeng peoonjeëzhahyaun? Kahween, kedenenim, kekaundewin suh goo.
52Zhuhyegwah tahnahnunewug emuh pazhik wegewauming, tahmaunanindewug suh, neswe oogahmaunanemahwaun enewh neezh, kuhya neezh oogahmahnanemahwaun enewh neswe.
53Owh wagwissid oogahmaunanemaun enewh oogwissun, kuhya owh wagwissemind oogahmaunanemaun enewh oosun; owh wageemind oogahmaunanemaun enewh oodahnun, kuhya owh wadahnemind oogahmaunanemaun enewh oogeen; owh waoosegwuhsesemind oogahmaunanemaun enewh oonahaungunequamun, kuhya owh nahaungunequa oogahmaunanemaun enewh oosegwuhsissun.
54Oo‐oo dush oogeënaun enewh ahnishenahban, Uhpe wuhyahbunduhmagoon ewh ahnuhquud mookuhung emuh ningahpaünnoong bahbega kedekedoom, Tahkemewun: me dush azhewabuk.
55Uhpe dush wuhyahbunduhmagoon ewh shahwane-nooting, kedekedoom, Tahkezhahta; medush azhewabuk.
56Ahnuhmeäkahzooyag, kekekandahnahwah ewh azheoodangwyëwung ewh uhkee kuhya ewh kezhik; ahneen dush wanjenesittootunsewag oonoo kezhegudoon?
57Ahneeshwin dush kenuhwah tebenuhwa tebahkoonegasewag ewh menoo‐tebahkoonegawin?
58Uhpe wahjewudjin owh azhewenik emuh tebahkoonegawining ezhahyag owh tebahkoonega‐wenene, magwa uhnebemoosayag wekoojetoon chepoonanemik; koonemah kegahezhewekoobenik emuh ahyaud owh tebahkoonega‐wenene, keguhpuggedenik emuh ayahnid tahkoonewa‐wenenewun, kuhya owh tahkoonewa‐wenene kegahahpuhgenik emuh kebahquahoode‐weguhmigoong.
59Kedenin suh goo, Kahween kegahoonjesahguhunse emuh, peenish egoo menik muhzenuhahmahgayun, takezhekahgayun.
Currently Selected:
ST. LUKE 12: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
