Aphutna 23
23
Sara ei Thina lē ei Ānphūmna
1 Sara chu kum 127 a dam a. Hivā ngāi hi Sara a damsūng kum ngāi chu a ni. 2#Zos 14:15Hantin han Sara chu Kanān rama Kiriat-Arba muna (hava ha Hebron) a thī na, Abraham chu Sara āchapchān ranga lē ama ranga chapanngūi ranga a hong a. 3#Aph 10:15; 15:20Hankēng Abraham chu a mī āthī maton ātā andinga, Het nāipasal ngāi a chongpui a, 4#Ant 2:22; Lev 25:23; Sām 39:12; Kui 7:16; Heb 11:9, 13Amā'n, “Koi chu na kār una ramtei mī lē khuol kā nī na. Nangni ngāi ātā dōngluo anphūmna mun na pēk u ro ba, hankēng ka makung ātā ka mī āthī chu kei phūm theina rang,” a tī na. 5Het a nāipasal ngāiin Abraham a masang u na, a kōma, 6“Ka puma, na rangāi ro, koini kāra rēngsāpā ārāt#23:6 rēngsāpā ārāt: Ole, “Pathian rēngsāpā.” khat nā nī na. Koini na thān mun ei huina khīta, na mī āthī chu phūm ro. Tūtē'n na mī āthī phūmna ranga a thān mun nang na ranga ānnar om nō ni,” a ti u na.
7Hatuka Abraham chu anthui a, hava rama mī, Het nāipasal ngāi chu āmōka chubai a thō na. 8Amā'n a chongpui a, hintin hin, “Ka mī āthī hi ka makung ātā kei phūm rang nei zōt u a ni ten, na rangāi u ro, ka ranga Zohar a nāipasal Efron kōma na va zongpē u ro. 9Amā'n Makpela-na pūkkhur, a phāi ramrīna āom, ama tā chu ei na pēkna ranga. Hava ha na kār una anphūmna dōngluo anga, aman tuka hava ha na pēk rase ba,” a tī na.
10 #
Dān 22:15; Zos 20:4; Rūt 4:11; 2Sa 15:2; 2Rē 15:35; Sām 127:5; Chn 31:23; Zer 26:10 Efron chu Het nāipasal ngāi bila ommun a khuor a ni. Het mī Efron-in Abraham chu Het nāipasal ngāi le khopui rapalsuokkhāra ālūt ngāi dōra riatpuia a masang a. 11#2Sa 24:23Amā'n, “Ka puma, ni mak, na rangāi ro. Hava phāi lē havana āom pūkkhur ha ka na pēk zei. Ka mi ngāi nāipasal ngāi matona ka na pēk. Hivā hi ka na pēk. Na mī āthī chu phūm ro!” a tī na. 12Hatuka Abraham chu hava rama mi ngāi matona anbū na. 13Amā'n hava rama mi ngāi riata Efron a chongpui a, “Nei na poisak a ni ten, lungkhama, na rangāi ro. Hava phāi ranga sum na pēk ka ting. Ka kōm ātā lāk tānla, ka mī āthī chu hava han phūm ka ting,” tīna a ril a. 14Efron-in Abraham a masang a, a kōma, 15#Izk 45:12“Ka puma, ka hē na rangāipē ro, hava phil man chu sumrū sekel 400#23:15 sekel 400: Kg 4 gm 500 a ni. a ni, nang lē koi na kongkāra ītē ni mak hale nu? Hasikhan na mī āthī chu phūm ro,” a tī na. 16#2Sa 14:26; 24:24; Zer 32:9; Zek 11:12Abraham-in Efron a hē chu a tel a. Efron-in Het nāipasal ngāi riata ei chin suo anga, Abraham-in Efron a rang sumrū a māi a, sekel 400 hava hunlāia sadāipū ngāi sum teldān anga.
17 #
Aph 25:9; 49:29-32; 50:13 Hankēng Mamre suolam tianga āom, Makpela-na Efron phāi lē pūkkhur ha phāi lē rikung sūnga thingkung āom ngāi dōra le han a manlōn kiar a. 18Het nāipasal ngāi makunga lē a khuo sūng rapalsuokkhāra ālūt ngāi dōra matona Abraham a dōngluo anga anpēk a. 19#Zos 14:13; 1Kh 29:27Hava suona chu Abraham-in a thāinū Sara chu Kanān rama Mamre (hivā hi Hebron a ni) suolama, Makpela phāia pūkkhura a phūm a. 20#Zer 32:10-14Hantin han phāi lē asūnga pūkkhur āom chu anphūmna mun rang, Abraham kōma dōngluo anga Het nāipasal ngāiin a pēk u na.
Currently Selected:
Aphutna 23: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
