Aphutna 24
24
Isak Ranga Nungāk
1 #
Aph 12:2; 13:2; 18:11; 24:35; Gal 3:9 Abraham chu a hong ātar a, akum a hong ātam zei a. Zehova'n Abraham chu alompeia bōr a pēk a. 2Abraham-in a ina, a suok ulian khīt, ei dōn dōra chunga ningneina ādōnpū kōma, “Lungkhama, ka ketor thuoia#24:2 ketor thuoia: Ketor thuoia kut asiak hi Hebrāi ngāi khomāk ansam dān khat a ni. na kut hong siak ro. 3#Dān 7:3; 2Ko 6:14-17Ommun kei khuorna Kanān mi ngāi nāinupang ngāi bil ātā ka nāipasal thāinū ranga nei lāk nōkna ranga, vān Pathian lē phil Pathian, Zehova-na, chong na mantin ka ting. 4#Rui 14:3Tenchu ka rama lē ka ūnāi ngāi kōma sē tānla, ka nāipasal Isak ranga thāinū va lāk ro,” a tī na. 5#Heb 11:15Hatuka suokin a kōma, “Hanle hava nupangin hivā rama a na hong zī zōt ving nōk inle, na nāipasal chu nei hong suokna rama kei ruoi rēt rang mo?” a tī na. 6#Aph 14:14; 20:7Tenchu Abraham-in a kōma, “Ka nāipasal sovana āruoi rēt ranga anrēng ro. 7#Rōm 4:13; Gal 1:3, 16Zehova, vān Pathian, ka pā in ātā lē ka ūnāi ngāi ram ātā anā chongpuipū lē chong anā tin pū'n, ‘Hiva ram hi na chi ngāi kōma pēk ka ting,’ a tī na. Amā'n a vānpalāi chu na matona na tīrpē in ti, hava nātā han ka nāipasal rang thāinū chu nei va lāk rang. 8#Zos 2:12, 17, 20Nupangin a na hong āzī rang azōt ving nōk ten, ka kōma na khomāk ansam ātā āzōk nā ni zei. Ka nāipasal pei sovā son ruoi rēt lāi nō ro,” a tī na. 9Hankēng suokin a kut chu a pū Abraham ketor thuoia a siak a, hava ruia khomāk ansam a.
10 #
Dān 23:4; Rui 3:8; 1Rē 10:2; 1Kh 12:40; Isa 30:6 Hatuka suok chu a pū mākingkang ngāi bila sōm a chōi a, a pū neinun ngāi bil ātā āsa tin a chōi a, a suok a. Ama chu anthuia Mesopotamia rama, Nahor khopuia a sē na. 11#Ant 2:15-16; 1Sa 9:11; Zn 4:7Khului tiang nupang ngāi tī luok ranga a suok u rang hunlāi tak, khopui panga tī omna tikhur kōla, a mākingkang ngāi a manbok a. 12#Ant 3:6; Zos 2:12; 1Rē 18:36; Neh 1:1, 11; Zōb 10:12; Sām 75:9Hatuka amā'n, “O Zehova, ka pū Abraham a Pathian, lungkhama aviana nikhuo hin tak na manchang tānla, ka pū Abraham chunga lungkhamsāltī na manlangpē ro. 13Entā, tī omna tikhur kōla kā'n ding a, khopui mi ngāi nāinupang ngāi so tī luok ranga a hong u na. 14#Zos 2:12; Rui 6:17, 37; 1Sa 14:10; 1Rē 13:3; Sām 86:17; Isa 38:7; Zer 44:29Hintin hin ni sela, nungāk khat pei kōma, ‘Lungkhama, tī kei nēkna ranga na tikola na masumpē ro ba,’ ka tī na, amā'n, ‘Nēk ro ba, na mākingkang ngāi um na mannēkpē sā ka ting,’ ātipū ngēt ha, na suok Isak ranga nei āthang chang rase. Havan tin han ka pū chunga na lungkhamsāltī nei manlangpē tīna riat ka ting,” a tī na.
15Hintin hin a ni, chong a ril suo mān, entā, Abraham a paruol Nahor a thāinū Milka, a nāipasal Bethuel, ama nāinupang Rebeka chu a dāra tikola anputa a hong āsuok a. 16#Aph 12:11; 26:7; 29:17; Dān 22:15-21Hava nungāk chu a mēl āsa sabak, nungāk anthiang a ni, pasal rengin lā'n riatpui lui. Ama chu tikhura a vā chum a, a tikola a manbit a, a hong ākal rēt a. 17#1Rē 17:10; Zn 4:7Suok chu ama āntongpui ranga a tān a, a kōma, “Lungkhama na tikolana tī ha na mannēk lak di ro ba,” a tī na. 18Hankēng amā'n, “Nēk ro, ka puma,” a tī na. Hatuka anrapa a tikola chu a kuta a masum a, ānēk rang a pēk a. 19Amā'n a mannēk suona, “Na mākingkang ngāiin um a nēk suo u māseng, tī luok ka ting,” a tī na. 20Hatuka anrapa a tikola chu ran tinēkna khēnga a sung a, tī luok ranga tikhura a tān rēt a, hatuka a mākingkang ngāi dōra ranga tī a luokpē na. 21Zehova'n ei ānzinna tak ei manchang le ei manchang nōk riatna ranga, hava mī'n adāireka a lei en a.
22 #
Izk 16:11-12
Hankēng hintin hin a nī na, mākingkang ngāiin a nēk suo u le hava mī'n rāngkachak nār chōmpār sekel atan ārik lē a kuta rang sekel sōm ārik rāngkachak zakser anni a rasuo na. 23#Rui 19:15A kōma, “Tū nāinupang mo nā nī? Lungkhama, na ril ta, na pā ina koini nei tungna rang mun mo a om?” a tī na.
24Hankēng amā'n a kōma, “Nahor a ranga ei mazirpē Milka nāipasal Bethuel a nāinupang kā nī,” a tī na. 25#Rui 19:19Hava panga amā'n a kōma, “Sapon lē ransāk ātampā nā dōn, tungna mun um a om,” a tī na. 26#Ant 4:31; 1Kh 29:20; 2Kh 20:18Hatuka hava mī ha anbūna Zehova chu ā mōk a. 27#Ant 18:10; Zos 2:14; Rūt 4:14; 1Sa 25:32; 2Sa 18:28; 1Rē 1:48; Sām 28:6; 98:3; Lk 1:68Amā'n, “Ka puma Abraham, Zehova a Pathian chu anpāka om rase. Ka puma chunga a lungkhamna lē a iamruona chu la mathān mak a. Koi chu ka lampuia kā om lāi han, Zehova'n ka puma a paruolin ei na hong ruoi,” a tī na. 28Hankēng nungāk chu a tān a, hava rui ngāi ha a nū insūngkuo ngāi a va ril a.
29Rebeka'n chāpā khat a dōn a, a raming chu Laban a ni, Laban chu hava mī kōma tikhur tiang a tān a. 30#Izk 23:42Hankēng hintin hin a nī na, nār chōmpār lē a sarnū bānmasuia zakser ngāi a mū na, amā'n, “Hava mī'n hantin han a na ti,” a tī na, a sarnū Rebeka chongkam ngāi a riat le chu, hava mī kōm a sē na. Ama chu tikhura han mākingkang ngāi kōla a lei ānding a. 31#Aph 29:13; Sām 115:15Amā'n, “O nang Zehova-na bōrsāng atung, hong lūt ro! Ichanga mo apanga nei ānding? Asik chu in lē mākingkang ngāi ranga mun chu ka mansūk suo zei,” a tī na.
32Hatuka hava mī chu ina a lūt a. Laban-in mākingkang ngāi puok chu a masumpē na, mākingkang ngāi ranga sapon lē ransāk a pēk a, ama lē a bila āom ngāi ranga kē ansūkna rang tī a pēk a. 33A matona nēksāk a hong mansūk a, tenchu amā'n, “Kei ril rang chong ka ril māseng chu nēk nō ning,” a tī na. Amā'n, “Ril ta ro,” a tī na.
34Hankēng amā'n, “Abraham a suok kā ni. 35Zehova'n ka puma chu achālaka bōr a pēk a, ama chu milian a hong āchang a. Amā'n beraruol lē ranruol ngāi, sumrū lē rāngkachak ngāi, suoknū lē suokpā ngāi, mākingkang lē sakuorpar ngāi um Zehova'n a pēk a. 36#Aph 21:1-7; 25:5Sara ka puma thāinū'n atar suona, ka puma ranga nāipasal a nei a. Abraham-in ei dōn dōra ama kōma a pēk zit a. 37Ka pumā'n hintin hin chong a na mantin a, ‘Ommun kei khuorna rama, Kanān mi ngāi nāinupang bil ātā chu, ka nāipasal thāinū ranga nei lāk rang ni mak. 38Tenchu ka pā ina lē ka insūngkuo ngāi kōma sē tānla, ka nāipasal rang thāinū nei va lākpē rang,’ a tī na. 39Ka puma kōma, ‘Nupangin a na hong zī zōt ving nōk inle,’ ka tī na. 40#Aph 5:22, 24; 17:1; 24:7; Ant 23:20Tenchu amā'n ka kōma, ‘A makunga kal kei chōi chachakna Zehova'n, a vānpalāi chu na bila a tīr a, na lam rō chu bārī na mantung in ti. Ka nāipasal ranga ka insūngkuo ngāi lē ka pā in ātā thāinū chu lāk pē'n na ti. 41Nang chu ka ūnāi ngāi kōma na vā tung tikle, hivā chongtin ātā zōk in na ti. Asik chu amānī'n ama chu a na lei pēk u nōk ten, nang chu ka chongtin ātā zōk in na ti,’ a tī na.
42“Hiva nikhuo hin tikhura kā hong a, ‘O Zehova, ka puma Abraham Pathian, kei sēna rang lampuia hin nangin tak na na manchang ten, 43#Isa 7:14entā, tikhur kōla kā'n ding, hintin hin hong nī'n ti, nungāk anthiang tī luok ranga a hong le, a kōma, “Lungkhama na tikola nātā anēk ranga alaktē na pēk ro,” ti ka ting. 44Amā'n ka kōma, “Nēk ro, na mākingkang ngāi rang um luok ka ting,” hava nupang ha ka puma nāipasal ranga, Zehova'n ei thang nupang ni rase,’ ka tī na.
45 #
1Sa 1:13; Zn 4:7 “Ka malung sūnga kā chong suo mān, Rebeka chu a dāra tikola anputa a hong āsuok a. Ama chu tikhura a vā chum a, tī a va luok a. A kōma, ‘Lungkhama tī na mannēk ro ba,’ ka tī na. 46Amā'n anrapa a dār ātā tikola a masum a, amā'n, ‘Nēk ta ro, na mākingkang ngāi um anēk rang pēk ka ting,’ a tī na. Hankēng ka nēk a, mākingkang ngāi um anēk rang a pēk a. 47#Isa 3:19; Izk 16:11-12Hatuka, ‘Tū nāinupang mo nā nī?’ tīna ka rakel a. Amā'n, ‘Nahor a nāipasal, Milka'n ei mazirpē Bethuel a nāinupang kā nī,’ a tī na. Hatuka nār chōmpār chu a nāra, zakser chu a bānmasuia ka manbun a. 48Ka lū ka manbū na, Zehova kā mōk a, ka puma Abraham Zehova a Pathian chu ka manpāk a. Amā'n ka puma nāipasal rang, a paruol a nāinupang ālāk ranga, lampui diktaka a na hong ruoi a. 49Atun hin, ka puma kōma lungkhamna lē iamruona nei manlang zōt a ni ten na ril ro. A ni nōk ten, na ril ro, hankēng chang tiang mo ole voi tiang mo kei ānhoi theina rang,” a tī na.
50 #
Aph 31:24; Sām 118:23; Mk 12:11 Hatuka Laban lē Bethuel-in a masang a, “Hiva neinun hi chu Zehova kōm ātā a hong kēng. Koinī'n āsā āsiat ītē tī thei nō ma ni. 51Entā, Rebeka chu na matona a om a, ama chu ruoi tānla sē ta ro, Zehova'n ei tī anga, na puma nāipasal thāinū ni rase,” a ti u na.
52Hintin hin a ni, Abraham a suokin a chong u ngāi ei riat le phila anbok a, Zehova chu ā mōk a. 53#Ant 3:22; 2Rē 5:5Hatuka hava suokin sumrū lē rāngkachak anvōna lē puon chu a rasuo na, Rebeka a pēk a. A chāpā lē a nū'm, neinun ālupā ngāi a pēk a. 54Ama lē a bila āom ngāi chu a sāk a nēk u na, hava han zānsōt a riak u na. Hatuka zīnga anthui u na, amā'n, “Ka puma kōma na mansē ta ro,” a tī na. 55#Rui 19:4Tenchu a chāpā lē a nū'n, “Nūngāktē hi nikhuo alaktē, ni sōm bak luo chu koini bila om sā rase, hava suona sē bō ni,” a ti u na.
56Amā'n a kōm u na, “Na mansōt u nō ro ba, Zehova'n ka lam rō tak ei na manchangpē sika, ka puma kōma kei sēna ranga, na mathan u ta ro,” a tī na. 57#Rui 19:3Hankēng amānī'n, “Nungāktē chu pāi in tia, ama a ning ngēta rakel di rei,” a ti u na. 58#Rūt 1:16Hatuka Rebeka chu a pāi u na, a kōma, “Hiva mī le hin nei sē rang mo?” a ti u na. Amā'n, “Kei sē rang,” a tī na. 59Hankēng a sarnū u Rebeka chu, ama ānkiavāngpū, Abraham a suok lē a mi ngāi chu a mansē u na. 60#Zos 22:6; Sām 127:5Rebeka chu bōr a pēk u na, a kōma,
“Koini na sarnū chu
Asāng sōma asāng asāng nū va chang ro,
Na chi ngāiin amāni anmūmāk ngāi
Rapalsuokkhār chu va luo u rase,” a ti u na.
61Hatuka Rebeka lē a suoknū ngāi chu anthui u na, mākingkang ngāi chunga a chuong u na, hava mī chu a zī u na. Hankēng hava suokin Rebeka a ruoi a, a sēpui a.
62Isak chu Beēr-Lahai-Roi lampui ātā a lei hong a, asik chu ama ha Negev rama ommun akhuor a ni. 63#Zos 1:8; Sām 1:2Isak chu khului tiang lungchia#24:63 lungchia: Hebrāi chonga anthiang mak a, “āchei” tīna'm a ni thei. ranga khonōma a vā suok a, a tang a, a en le chu, entā, mākingkang ngāi āhong chu a mū na. 64#1Sa 25:23Hatuka Rebeka chu a tang a, Isak a mū le chu mākingkang ātā a chum a. 65#Sol 1:7; Isa 47:2A suok kōma, “Koini anā'n tongpui ranga khonōma āhong hivā pasal hi tū mo?” tīna a rakel a. Suokin, “Ama so ka puma a ni zei,” a tī na. Hankēng puonmāikhū a lāk a, a ninga ankhum a. 66Suokin ama sinthō ngāi dōra chu Isak kōma a ril a. 67#Rui 16:4Hatuka Isak-in Rebeka chu a nū Sara puon-ina a ruoi a, Rebeka a lāk a, ama chu a thāinū a chang a. Isak-in ama chu ā dit a. Hankēng Isak chu a nū a thi suona lungngam ansaka a om a.
Currently Selected:
Aphutna 24: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
