Aphutna 25
25
Abraham a Nāipasal Ngāi
1Kh 1:32-33
1Abraham-in thāinū a lāk rēt a, a raming chu Ketura a ni. 2#Ant 2:15; Atl 22:4; Zos 13:21; Rui 6:1, 3, 7; 1Rē 11:18; Zōb 2:11; Sām 83:9; Isa 9:4; Zer 25:25; Hab 3:7Amā'n Abraham a ranga: Zimran, Zoksan, Medan, Midian, Isbak lē Shua ngāi chu a nei a. 3Zoksan-in Seba lē Dedan a nei a. Dedan a nāipasal ngāi chu: Asurim, Letusim lē Leuma mi ngāi a ni. 4#Isa 60:6Midian a nāipasal ngāi chu Efa, Efer, Hanōk, Abida lē Elda a ni u na. Hiva ngāi dōra hi Ketura a nāi ngāi a ni u na. 5#Aph 24:35-36Abraham-in ei dōn dōra Isak a pēk a. 6#1Rē 4:30; Zōb 1:3; Izk 25:4Tenchu Abraham-in a thāinukep nāipasal ngāi chu phāmpēk ngāi a pēk a. Ama a lā damlāi han a nāipasal Isak a kōm ātā han, amāni chu suolam tianga suolam rama, a mansē na.
Abraham ei Thina lē ei Ānphūmna
7 #
Zōb 42:16
Abraham a damsūng kum dōra chu kum 175 a ni. 8#Aph 15:15; 47:8; Atl 20:24; Dān 31:14Abraham chu a rang a chat a, atar bianga a thī na, ama chu atar akunga, a mi ngāi le anbūma a om a. 9A nāipasal Isak lē Ismael-in ama chu Makpela pūkkhura a phūm u na. Hava ha Mamre matona, Het mī Zohar a nāipasal Efron a phāi a ni. 10Hava phāi ha Abraham-in Het nāipasal ngāi kōm ātā ei rachōk a ni. Hava han Abraham lē a thāinū Sara chu anphūm u na. 11Hintin hin a ni, Abraham a thi suona Pathianin a nāipasal Isak chu bōr a pēk a. Isak chu Beēr-Lahai-Roi muna ommun a khuor a.
Ismael a Nāipasal Ngāi
1Kh 1:29-31
12Hivā hi Abraham a nāipasal Ismael a khūk ngāi rachī chu a ni, Sara a suoknū, Āigupta mī Hagar-in, Abraham ranga ei neipē chu a ni. 13#Sām 120:5; Isa 21:16; Zer 2:10; Izk 27:21Hivā ngāi hi Ismael a nāipasal raming ngāi chu a ni, a khūk u ang chipa a raming u ngāi chu: Ismael a nāirapā chu Nebaiot, hatuka Kedar, Adbel, Mibsam, 14#Zos 15:52Misma, Duma, Masa, 15#1Kh 5:19; Isa 21:14; Zer 25:23; Oba 1:1Hadad, Tema, Zetur, Nafis lē Kedema ngāi chu a ni u na. 16#Aph 17:11Hivā ngāi hi Ismael a nāipasal ngāi lē a raming u ngāi chu a ni, a khuo u ngāi ang chipa lē a ram luo u ang chipa, sōmleianni rēngsāpa ngāi a nam u chipa a om u na. 17#Aph 16:16; 49:33Ismael a damsūng kum chu kum 137 a ni. Hatuka a rang a chat a, ama chu a thī na, ama chu a mi ngāi kōma anruoia om a. 18(Amāni chu Āiguptā suolam tianga, Havila nātā Asiria tiang pana Sur tenpeia ommun a khuor u na.) Ama chu a paruol ngāi dōra makunga a thī na#25:18 a thī na: Mun senkhata chu, “ommun a khuor” tīna anziak a..
Zakob lē Esau
19Hivā hi Abraham a nāipasal Isak a khūk ngāi rachī chu a ni. Abraham-in Isak a nei a. 20#Dān 26:5Suria mī Laban a sarnū, Padan-Aram-a, Suria mī Bethuel a nāinupang, Rebeka a lāk lāi han, Isak chu kum 40 a ni. 21#1Sa 1:17, 23; 2Kh 33:13; Ezr 8:23; Sām 127:3A thāinū ei ching sika, Isak-in Zehova kōm a thāinū ranga a ngēn a. Zehova'n ei ngēnna chu a masangpē na, hatuka a thāinū Rebeka chu nāi a vong a. 22#Ant 18:15; Lev 24:12; Atl 9:6-8; Dān 17:9; Rui 18:5; 1Sa 9:9; 1Rē 22:8; 2Rē 3:11; Isa 30:2; Zer 21:2; Izk 14:7Tenchu a von sūnga a nāivong ngāi chu ansuol u na, amā'n, “Aloma āsa kiar a ni ten, hong sika mo hintin hin kei ni?” a tī na. Hankēng Zehova ānkel ranga a sē na. 23#Rōm 9:11Zehova'n a kōma,
“Na tekoka nam anni kēng āom,
Na taksā nātā nam anni ansen u'n ti.
Nam khat chu atei nam khat nēka rāt uol in ti,
Hatuka ulianin nāipang dorbō chu ādom in ti,” a tī na.
24 #
Lk 1:57
Hankēng nāi ei nei rang nikhuo a hong ākip le chu, entā, a tekoka ānphir a lei om u na. 25#1Sa 16:12A hong āsuok mānsapū chu asentūt a. Ama chu puon anmul anga apumpuia ānmul thum a ni, a raming chu Esau#25:25 Esau: “Mul tam” tīna a ni. a phuo u na. 26#Dān 23:7; Zos 24:4; Hos 12:3; Oba 1:10Hava suole han a paruol a hong āsuok a, a kutin Esau kemadil a sūr a, hankēng a raming chu Zakob anphuo na. Rebeka'n amāni a nei lāi han Isak chu kum 60 a ni.
27Hankēng naipasalte ngāi chu a hong ālian u na. Esau chu mēvalpū āthei a ni, ram anvāk mī a ni. Tenchu Zakob chu nunnēm mī a ni, puon-ina āom a ni. 28Isak-in Esau ā dit a, asik chu a me kāp a sāk chachak a. Tenchu Rebeka'n Zakob#25:28 Zakob: “Kemadil asūr” ole “Āhuong” tīna a ni. ā dit a.
Esau'n a Nāirapa Nīna a Zuor
29 #
2Rē 4:38-40
Zakob-in hong khat luni mo a but a. Esau chu ram ātā a hong a, ama chu chāmsōlanvoi a. 30#Atl 20:14; Dān 23:7; Sām 137:7; Zer 25:21Esau'n Zakob a kōma, “Lungkhama hava hong khat luni āsen ha na mansāk di ro ba, asik chu chāmsōlanvoi kā ni,” a tī na. Hasikhan a raming chu Edom#25:30 Edom: “Āsen” tīna a ni. antī na. 31#Dān 21:16-17; 1Kh 5:1-2Tenchu Zakob-in, “Avian na nāirapa nīna ka kōm zuor ro,” a tī na. 32Esau'n, “Entā, āthi rang kā ni zei, hivā nāirapa nīna hi imo ka rang ei nemna?” a tī na. 33#Heb 12:16Hatuka Zakob-in, “Avian ka kōma chongtin ro,” a tī na. Hankēng a kōma chong a tin a, hantin han a nāirapa nīna chu Zakob a kōma a zuor a. 34Zakob-in Esau chu nēksāk lē hong khat luni mo a pēk a. Amā'n a sāk a, tī a nēk a, anthui a, a lama a sē na. Havan tin han Esau'n a nāirapa nīna chu peidar a sak a.
Currently Selected:
Aphutna 25: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
