Lūk 12

Farisāi ngāi Chol ātā Anrēngna

Mt 16:6-12; Mk 8:14-21

1 # Mt 16:6 Hava lāi han atelsuo salui mipui a hong ānbūm u na, a hong āndel a vā'n del u na. Mānsāna chu Isuo'n a zolāi ngāi kōma, “Farisāi ngāi chol, phuozekām ātā anrēng u ro. 2#Mk 4:22Asik chu ānhīp anlang lui rang ītē om mak, ānthup anriatlui rang ītē om mak. 3Hasikhan azīng kāra nei ril u dōra chu raānga anriat in ti. Pingdan sūnga kuor kunga nei ril ha inchungsīpa anpuong in ti.

4 # Zn 15:14-15 “Ka lōm ngāi, kei na ril a ni u zei, taksā a that a, nukhōna ītē thō theilui ngāi chu āchi u nō ro. 5#Heb 10:31Tenchu tū mo nei chi u rang na ril u ka ting: a that suona, moisumpuia anā pei thei ningneina ādōn chu āchi u ro. Ani, kei na tī a ni u zei, ama chu āchi u ro. 6Asarā rangā hi dar dangka anni le anzuor mak mo? Hava ngāi bila angkhattē ngal Pathianin mangil mak. 7#Mt 10:30; 12:12Na lū una sam ngāi ngal ha āntel zit kēng. Hasikhan āchi u nō ro, āsarā ātampā nēka ālu kēng nā ni u.

Miring Matona Khristā Puongna

8“Kei na ril a ni u zei, tūkareng miring matona koi anā huoi chu Pathian vānpalāi ngāi matonā'm Miring Nāipasalin huoi in ti. 9#Mk 8:38; 2Ti 2:12Tenchu miring matona a na heng tak chu Pathian vānpalāi ngāi matonā'm heng ka ting. 10#Mt 8:20; 12:31-32; 1Zn 5:16Tūkareng Miring Nāipasal aduia chong a ril chu anduola la om in ti. Tenchu Rathā Ānthiang siat aril chu anduol nō ni. 11#Mt 10:17, 19Mī'n sinagog ngāia, ruirilpū ulian ngāi lē ningneina a dōn ngāi matona a na hong ruoi u le, hontin mo, hong mo nei masang u rang, ole hong mo nei ti u rang andon u nō ro. 12#Ant 4:12; Mt 10:20; Mk 13:11Asik chu hava hun taka han hong mo nei ril u rang Rathā Ānthiangin na hong manchū u'n ti,” a tī na.

Ānchong Āmopā Khat le han Ankhīna

13Mipui ngāi bila mī khatin Isuo kōma, “Mīnchūpū, dōngluo anā'n sempui ranga ka paruol kōma na rilpē ro ba,” a tī na. 14Tenchu Isuo'n a kōma, “O miring, nangni chunga ruirilpū lē dōngluosempū ranga tū mo a nā phun?” a tī na. 15#Zōb 20:20; Sām 62:10Hankēng a kōm u na, “Anrung u ro, huotanhamna tin rēng ātā anrēng u ro. Asik chu miring damna hi dōngluo tampāna anboi mak,” a tī na.

16Hankēng ankhīna-chong khat chu a kōm una a ril a, “Mī ānchong khat chu a phāia sāng ātampā a vāng a. 17A malung sūnga a mandon a, ‘Ka sāng siakna rang sasiar dōn lāi mak ung, imo kei thō rang,’ ” a tī na. 18Amā'n, hintin hin thō ka ting a tī na, “Ka sasiar in masiam ka tia, ālian bet sin ka ting. Hava han ka sāng lē ka neinun ngāi dōra siak ka ting. 19Hatuka ka nunna kōma, ‘O ka nunna, kum asōtpā ranga neinun ātampā na mantīng a. Ahui ahēka om tānla, nēk ro sak ro, hatuka rāisān mansān ro,’ ti ka ting,” a tī na. 20#Zōb 27:8; Sām 39:6; Zer 17:11Tenchu Pathianin a kōma, “ ‘Āmopā! Atun zān lena hin na nunna chu na kōm ātā anlāka om in ti. Na neinun nei mansūk ngāi ha tū tā mo ei ni rang a ni zei?’ a tī na. 21‘Tūkareng a rang ronga dōngluo antīnga, Pathian tianga anchong lui chu, hantin han a ni,’ ” a tī na.

Lung Anhāng Nō Ro

Mt 6:25-34

22Hatuka Isuo'n a zolāi ngāi kōma, “Hasikhan kei na ril u a ni zei, kei damna ranga hong mo kei nēk rang, ole ka taksa ranga hong mo kei rasil rang tīna mandon u nō ro. 23Asik chu damna hi nēksāk nēka lē taksā hi puon nēka ālū kēng. 24#Zōb 38:41; Sām 147:9Vaāk ngāi rui mandon u ta! Amānī'n tū u mak, āt um u mak. Neinunsiakna-in dōn u mak, sasiar um dōn u mak. Pathianin a vāi u na. Nangni vāng chu va ngāi nēka ālū kēng nā ni u do. 25Nangni bila tū mo andon chiana adung muk khat bak ānsōn thei nā ni u? 26Āsīntē ngal na thō thei u nōk ten, atetei ngāi ruia hong sik mo nei āndon u? 27#1Rē 10:4-7Ūmphut pār ngāi so mandon u ta, hontin mo ei ānsōn u zia so! Amānī'n sinthō u mak, pat um kher u mak. Hanum ni sela, kei na ril a ni u zei, Solomon ngal ha ei ānlian ngāi dōra le anliang a, hava ngāi kāra angkhat dak ngal aphāna anliang thei mak. 28#Mt 6:30Rama chiak aviana om, nangtūk lungthūna anpei ngal, Pathianin a manliang ten, nangni iamna atōm ngāi, nangni vāng chu ituk mo ei na manliang u rang ni mak mo? 29Imo nei sāk u rang lē imo nei nēk u rang tīna ravān u nō ro, andon um u nō ro. 30#Mt 6:8Asik chu maniapūra nam ngāiin chu hiva neinun ngāi dōra kēng ei ravān u chachak. Na Pā u'n hava ngāi nei nāng u tī a riat a. 31#Mt 3:2; 19:29Tenchu Pathian rēngram chu ravān u ro, hava ngāi dōra chu anpēk sapa om u'n ti.

32 # Mt 14:27; 25:34 “Beraruol ātōm ngāi, āchi u nō ro. Rēngram anā pēk u rang hi na Pā u ei zōt salam kēng. 33#Mt 6:20; Kui 2:45; Zak 5:2Nei dōn u dōra zuor u tānla, anriang ngāi pēk u ro. Anruo ngāilui sumkok chu na ning una ranga sin u tānla, siat ngāilui dōngluo chu vānrama mantīng u ro. Hava han anrū'n va pan thei mak, ngerin um masiat thei mak. 34#Mt 6:21Asik chu na dōngluo ei omna taka, na malung um hava han om in ti,” a tī na.

Iamruo Suok lē Iamruobui Suok

Mt 24:34-25:30

35“Na kōng chu ankhita om rase lē na lēm chu chuong chian rase. 36Nangni chu inneina pāntā āsē a puma a hong ākīr rang a lei āngāk chian anga lei ni u ro. Ama chu a hong a, suokkhār a hong ātōk tikle, amānī'n a lei malongpē len thei u rang a ni. 37#Mt 20:28; 24:42, 46A pū a hong tika, amenga ei hong mū suok ngāi chu ravān asa u kēng. Ataktaka kei na ril a ni u zei, amā'n akōng a khit a, amāni chu būnēk ranga mansut in ti. Ama chu hong tia, a dorbō u chu ā dom in ti. 38A pū chu zānchima mo ole ārkhuona mo a hong tik peia, ameng chiana ei hong mū suok ngāi chu rāvān asa u kēng. 39#Mt 6:19; 1Th 5:2; 2Pe 3:10; Anl 3:3Tenchu hiva hi riat u ro, in pumā'n anrū ei hong lūt rang hun riat sela chu, lei meng chian in tia, ānrūn phal nō ni. 40#Mk 13:33Hasikhan nangnī'm ansina lei om u ro. Asik chu Miring Nāipasal chu nei sabei u nōkna hun taka hong in ti,” a tī na.

41Hatuka chu Peter-in, “Puma, hiva ankhīna-chong nei ril hi koini na rang ronga mo ole mī dōra ranga nei ril mo?” a tī na. 42Pumā'n, “Kiavāngpū iamruo lē āhian, ahun taka suok ngāi nēksāk āpēk ranga a pū'n a insūngkuona ruoipūna ei phun hi tū mo? 43A pū a hong ākīr tika hantina a lei āthō suok ei hong mū chu ravān asa kēng. 44Taktaka kei na ril a ni u zei, ei dōn dōra chunga ama chu ruoipū manchang in ti. 45Tenchu hava suokin a malunga, ‘Ka pū ei hong rang hi a lā sōt kēng,’ tīna, suok pasal lē nupang ngāi lei zēm sela, nēk lē sāk athōna, ānrī lei phut sela, 46hava suok a pū chu amā'n a sabei nōk nikhuona lē ei ānsin nōkna hun taka hong in tia, ama chu bong annina hong tan in tia, āiamnōk ngāi kāra a chang-āi chu āruotpē in ti. 47#Dān 25:2Hā suok a pū zōtdān a riat uomā'm, a ninga lei ānsin lui mo ole a pū zōtdān lei thōlui chu rāimol sāk sabak in ti. 48#Lev 5:17; Atl 15:27-30Tenchu riatluia, rāimol sākna rang khop sin alei thō chu, alaktē rāimol sāk in ti. Tūkareng kōma ātampā ānpēk chu a kōm ātā ātampā dēn ansabei in ti. Ātampā a lei mandōnpū kōma ātā ātampā anzong in ti,” a tī na.

Isuo'n Ansensāina A Hong Chōi

Mt 10:34-36

49“Ramuola hin moi ansul ranga āhong kā ni, atun len hin ei kāng rang kei zōt a ni. 50#Mk 10:38; Zn 19:30Tenchu baptisma#12:50 baptisma: Baptisma chu tuorna ole ruirilna ankhīna a ni. Isuo'n thīna tenpeia ei tuorna rang ei rilna a ni. khat kei lā'n lāk rang a om, hiva hi anzui māseng chu ka lunghāng bāng nō ni. 51Ramuola hin anngoina apēk ranga āhong tīna mo nei na iam u? Kei na ril a ni u zei, ni pial mak. Tenchu ansenna āpēk ranga āhong kēng kā ni. 52Asik chu atun ātā chu insūngkuo khat rangā omna chu ansen in ti. Anthum ngāiin anni dui u'n tia, anni ngāiin anthum dui u'n ti. 53#Mik 7:6; Mt 10:21Pā'n nāipasal aduia, nāipasalin pā aduia, nū'n nāinupang aduia, nāinupangin nū aduia, tarpī'n muinū aduia, muinū'n tarpī aduia ansen in ti.”

Hun Omzia Riattheina

Mt 16:2-3

54 # Mt 16:2 Hatuka Isuo'n mipui ngāi kōma, “Tāklam tiang ātā ansūm a hong na mū u kippei, ‘Ruo hong rang kēng,’ na ti len u chachak a, a hong lelē na. 55Sim thīnthī'n ei sēm na mū u le, ‘Khuo lum rang kēng,’ na ti u chachak a, alum lelē na. 56#Mt 16:3Phuozekām ngāi! Phil lē anvān omzia chu na riatthei u na, tenchu ichang mo atunlāi taka hun omzia chu nei riatthei u nōk?

57“Ādik hi imo tīna ichang mo na ning una nei zēk u nōk? 58#Mt 5:25Na rāldui le han ruirilpū ulian kōma nā sēpui lāi han, lampuia amā le anngoina thō ranga nei thei tuk pūt ro. Hanōkten ruirilpū kōma na kei tia, ruirilpū'n ankhumna-in āngākpū kōma na betōk in ti. Hatuka ankhumna-in āngākpū'n ankhumna-ina na va khum in ti. 59#Mt 5:26; Mk 12:42Kei na ril a ni zei, sumsen#12:59 sumsen: Grika “lepton” a ni. khattē ngal na thuon suo māseng chu hava mun ātā anphet nō ta ni,” a tī na.

Currently Selected:

Lūk 12: RNL

Highlight

Copy