Lūk 15
15
Bera Anpei le han Ankhīna
Mt 18:12-14
1Hatuka siachōipū lē misalui ngāi dōra chu ama a chong anngāi ranga a kōla a hong pan u na. 2#Mt 9:11Farisāi ngāi lē dānmīnchūpū ngāiin, “Hiva mī hi misalui ngāi a pom a, nēksāk a thōpui,” tīna bāi a mankham u na.
3 #
Mt 13:3
Hankēng Isuo'n amāni kōma hiva ankhīna-chong hi a ril a, 4#Sām 23:1; Zer 31:10; Izk 34:11-16“Na kār una mī khatin bera 100 a dōn a, hava bila angkhat anpeipē sela, bera 99 ha mibuirama māk a, ānpeitē ha atok māseng vā rok nō ni mo? 5A va tok le chu, rāisān taka a dāra a raput a. 6ina a hong ātung le chu, a mal ngāi lē a inkōlmi ngāi chu a pāi a, a kōm u na, ‘Ka bila rāi na hong mansānpui u ro, asik chu ka bera anpei chu ka man zei,’ a tī na. 7#Mt 21:29Kei na tī a ni u zei, havan tin anga ansīrna nāng lui midik 99 ngāi nēka, misalui khat ei ānsīra hin vānrama rāisānna lian sā in ti.”
Sumrū Anpei le han Ankhīna
8“Tū nupang khatin mo sumrū chēng sōm a dōn a, a chēng khat anpeipē sela, lēm manchuong a, in a phiat a, atok māseng ārok nō ni mo? 9Amā'n atok le chu, a lōm ngāi lē a inkōlmi ngāi chu a pāi a, a kōm u na, ‘Ka bila rāi na hong mansānpui u ro, asik chu ka sumrū chēng ānpeitē chu ka tok zei,’ a tī na. 10Kei na tī a ni u zei, havan tin anga misalui khat ei ānsīra hin, Pathian vānpalāi ngāi matona rāisānna ei om.”
Nāipasal Anpei le han Ankhīna
11 #
Mt 21:28
Hatuka amā'n, “Mī khatin nāipasal anni a dōn a. 12#Dān 21:17Amāni bila nāipangpū'n a pā kōma, ‘Ka pā, ka chang-āi dōngluo na pēk ro,’ a tī na. Hankēng amā'n dōngluo chu amāni kōma a sem a. 13Nikhuo sōtluitē suona, nāipangpū'n ei dōn dōra a mankhōm a, ram alapāna a sē na. Hava han a dōngluo ngāi chu huihōk ansaknāna a mang zit a. 14Aloma a mang zit suona, hava rama han māitām anrik sabak a, ama chu dangandā a phut a. 15#Lev 11:7Ama chu a sē na, hava rama mī khat kōma a vā'n lō na. Amā'n vok avāi ranga a phāia a tīr a. 16Vokin ei sāk sovāi le han kēng a von ankhop ranga ei zōt a ni zei. Tūtē'n ama chu ītē pēk mak a.
17“Tenchu a ninga a hong ānriat le chu, amā'n, ‘Ka pā kōma ānlō suok ngāiin ituk atam mo nēksāk asāk suo salui khop ei dōn u. Koi von anchāma āthi rang kā ni zei. 18#Lev 26:40; Mt 3:2Anthuia, ka pā kōma sē ka tia, a kōma, “Ka pā, vānram aduia lē nang na makunga āsia kei thō kēng a ni zei. 19Na nāipasal tīna anpāi ruo ngal ni lāi mak ung. Na kōma suok anlō ngāi khat anga na sin ro,” va ti ka ting’ a tī na. 20#Aph 45:14-15; Kui 20:37Ama chu anthui a, a pā kōma a hong a. Ama chu ālāpāna a lā om han, a pā'n a lei mū na, riangvāi a lei mū na, a tān a, a rīng a vā kuo na, a tum a. 21#Sām 51:4Hatuka nāipasalin a kōma: ‘Ka pā, vānram aduia lē na mitmūna āsia kei thō kēng a ni zei, na nāipasal tīna ānpāi ruo ngal ni lāi mak ung,’ a tī na. 22#Aph 41:42; Zek 3:4; Anl 6:11Tenchu a pā'n a suok ngāi kōma, ‘Kultāi anchuol asa khīt hong chōi u tānla, hong mantiang u ro. Hatuka a kuta zaketam lē a kēna kethin hong manbun u ro. 23Sarāttuoi āmar hong chōi u tānla, that u ro, sāk a, na rāi mansān u rei. 24#Efe 2:1, 5; 1Ti 5:6Asik chu hiva ka nāipasal hi a thī na, a hong ādam rēt zei. Ama chu anpei a, anman rēt zei,’ a tī na. Hatuka rāisān taka a om u na.
25 #
Sām 69:4
“Hava lāi han a nāipasal ulianpū chu phāia om a. Ama chu a hong a, in a hong dēp le chu, maring rasā lē ālām rasā a hong riat a. 26Hasikhan suok ngāi bila angkhat a pāi a, hiva ngāi hi hong tina mo, tīna a rakel a. 27Amā'n a kōma, ‘Na nāipā a hong zei, adam ahar vanga ei man rēt sika, na pā'n sarāttuoi amar a that a,’ a tī na. 28#Zon 4:1Tenchu ama chu a tak asī na, asūnga lūt zōt mak a. Hasikhan a pā chu a hong āsuok a, a hong mathēm a. 29Tenchu amā'n a pā chu a masang a, a kōma, ‘Entā, kum tamtak na dorbō kei ādom a ni, voi khat ngal na chongpēk khēl ngāi mak ung. Hanum ni sela, ka mal ngāi rāisān kei ānsākpuina ranga, kēl tuoi khat ngal na la pēk ngāi mak chē na. 30#Chn 29:3Tenchu hiva na nāipasal, nōtizuor ngāi le na dōngluo a mang zit suona, ei hong le, ama ranga sarāttuoi amar nei thatpē,’ a tī na. 31Amā'n a kōma, ‘Ka nāipasal, nang chu ka bila nā om chian a, kei dōn dōra hi na tā kiar kēng. 32#Mal 3:17Koinī'n rāi nei mansāna lē nei lim ha ādik kēng, asik chu na nāipā chu a thī na, a hong ādam rēt kēng, anpei a, anman rēt zei,’ a tī na.”
Currently Selected:
Lūk 15: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
