Lūk 16
16
Iamruobui Sum Āvongpū le han Ankhīna
1Isuo'n a zolāi ngāi kōma, “Mī ānchongpā khat a om a, amā'n sumvongpū khat a dōn a. Hava nāiin a puma dōngluo ngāi peilepōk ei thō tīna a kōma bādō a hong ātung a. 2A pumā'n ama chu a kui a, a kōma, ‘Nang na ruia hiva kei riat ngāi hi hong tina mo? Sum nei vongna hisāp na pēk ro. Asik chu sumvongpū chang thei lāi nō ta ni,’ a tī na. 3Hatuka sumvongpū'n a malung sūnga, ‘Imo kei thō rang a ni zei? Ka pumā'n ka sum vongna nātā ei na khāi rang a ni zei. Phil a tuk thei mak ung a, kut adō le kā'n zak a. 4Ka sum vongna sin ātā anpeia kā om tika, mī'n a in una ei na pom thei una ranga, imo kei thō rang, hava ha ka riat zei,’ a tī na. 5Hatuka a puma kōma sum antāng ngāi dōra a kōma a kui kiar a. Mānsapū kōma, ‘Ka puma kōma ituk mo nei āntāng?’ a tī na. 6Amā'n, ‘Sariak ūm 100#16:6 ūm 100: Grika “bāt 100” a ni. Ei chāk chu litār 3,200 tāng a ni.,’ tīna a masang a. Sumvongpū'n a kōma, ‘Na hisāp lekhā chu lāk tānla, anrapa ansut a, 50 maziak ro,’ a tī na. 7Hatuka ateipū kōma, ‘Nang ituk mo nei āntāng?’ a tī na. Amā'n, ‘Gōm kok 100#16:7 kok 100: Grika “Kor 100” a ni. Ei chāk chu litār 22,000 tāng a ni.,’ a tī na. Amā'n a kōma, ‘Na hisāp lekhā lāk tānla, 80 maziak ro,’ a tī na. 8#Sām 17:14; 18:26; Zn 12:36; Efe 5:8; 1Th 5:5Sumvongpū dikluiin ahian sabaka ei thō sika, a pumā'n a manpāk a. Raāng nāi ngāi nēka, hiva ruola maniapūr nāi ngāi chu ahian uol u. 9#Mt 19:21Kei na tī a ni u zei, ramuol sum lē pāi#16:9 ramuol sum lē pāi: Grika “mamon anthianglui” tīna chu neinung, sum lē pāi tīna a ni. “Sum anthianglui” tīna ni mak a, tenchu maniapūr sum tīna a ni. amanga na rang una mal sin u ro. Hava ha ahek tikle, tāituona ina amānī'n a na lei pom thei una ranga.
10 #
Mt 25:21, 23 “Tūkareng rui āsīntēna a iamruo chu rui alianpānā'm aiamruo a ni. Tūkareng rui āsīntēna a iamruonōk chu rui alianpānā'm a iamruonōk a ni. 11Ramuol neinung annim chunga ngal a iamruo nā ni u nōk ten, tū mo neinung tak chu na kuta anā'n betōk rang? 12Mītei tā chunga ngal a iamruo nā ni u nōk ten, na tā chu tū mo anā pēk rang? 13#Mt 6:24Suok khatin puma anni dorbō a dom thei mak. Asik chu angkhat mūmāk in tia, atei madit in ti. Angkhat kōma iamruo nī'n tia, atei chu sumdem in ti. Nangnī'n Pathian lē sum#16:13 sum: Mamon. Kam 9 en ro. dorbō a dom thei u nō ta ni,” a tī na.
Dān, Deari lē Rēngram
14 #
1Ti 3:3
Sum andit Farisāi ngāiin um hiva ngāi dōra a riat u na, ama chu maniērō a thō u na. 15#Anl 2:23Amāni kōma, “Miring mitmūna a ninga dik anlō chachak ngāi ha nā ni, tenchu Pathianin na malung u ngāi a riat a. Asik chu miringin ei mansāng sabak chu Pathian mitmūna antīrruo kēng.
Anchūna ngāi bila Ansap Sā
16 #
Mt 4:23; 5:17 “Dān lē deari ngāi rui chu Zohan a tena kēng. Hava hun len ātā chu Pathian rēngram chu a lā'n puong chian kēng. Hatuka mitin hava han ālūt ranga ei pūt a ni. 17#Mt 5:18Dān ansun dep ei ānpei rang nēk ten, vānram lē phil ei ānpei rang hi a bei uol. 18#Mt 5:31-32; Mk 10:11; Rōm 7:2-3Tūkareng a thāinū ansenpui a, nupang atei a vā lāk tak chu uirē a ni. Tūkareng a tangsā'n ei ānsepui suo nupang ālāk tak chu uirē a ni.
Āneipā lē Anriangtē Lazar
19 #
Izk 16:49
“Mi ānchong khat a om a, ama chu puon dumaduk lē linen puon annīl ngāi a rasil a. Anikhuo'n tina nēksāk pāntā le han ahui ahēka a om a. 20#Kui 3:2Kutdōpū khat a raming Lazar tīna a om a, āpān ziak a ni na, anchongpā makot kōla a manzāl u chachak a. 21#Mt 15:27Ānchongpā dōkham ātā āchul anek anōi ngāi āsāk ranga ning a ōl chachak a. Ui ngāi a hong a, ei pānna ngāi a maliakpē u chachak a. 22Hatuka kutdōpū chu a thī na, ama chu vānpalāi ngāiin Abraham a rōpsuoma a ruoi u na. Hatuka anchongpā'm a thī na, anphūm a. 23Anchongpā chu āthi khuona antak a tiar a, a om a. Ama chu a tang a, ālāpā nātā Abraham a rōpsuoma Lazar ei ānpom chu a mū na. 24#Mt 5:22Hatuka ankhēk a, a kōma, ‘Ka pā Abraham, riangvāi na mu ro. Lazar na hong tīrpē tānla, amā'n a kutmaria mērtē tīna aphūma, ka malei na mandāipē rase. Asik chu hiva moi achuonga hin ka dūk a na sabak zei,’ a tī na. 25#Sām 17:14Tenchu Abraham-in, ‘Ka nāipasal, mandon ta, nang chu nā damlāi han āsā tin na man a. Hantin dēn han Lazar chu āsiat tin a man a. Atun ama chu phūkdāia a om a, nang chu ansinsaka nā om a. 26Hava ngāi panga han, hiva nātā na kōm una āhong zōt ngāi ei hong thei u nōkna rang lē sovā nātā koini kōma ei hong thei u nōkna ranga, koini lē nangni kongkāra philakik alianpā khat a om a,’ a tī na. 27Hatuka amā'n, ‘Ka pā, ama chu ka pā ina anā tīrpē ranga ka na mathēm. 28#Kui 2:40; 1Th 4:6Asik chu paruol rangā kā dōn a, a kōm una na va rilpē sela, hanōkten amānī'm hiva ansinsakna muna hong u'n ti,’ a tī na. 29#Zn 1:45; Kui 15:21Tenchu Abraham-in a kōma, ‘Amānī'n Mōsi lē deari ngāi a dōn u na. Amānī'n a chong u ngāi chu rangāi u rase,’ a tī na. 30Amā'n, ‘Ni mak, ka pā Abraham, tenchu a kōm una āthi ngāi bila angkhat pei a sē u ten, amāni chu ansīr u'n ti,’ a tī na. 31Abraham-in a kōma, ‘Mōsi lē deari ngāi chong a rangāi u nōk ten, āthi ngāi bil ātā angkhat pei anthui ngal ni sela lei maham u nō ni,’ ” a tī na.
Currently Selected:
Lūk 16: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
