Lūk 17
17
Mī Ansulna Ranga Anrēngna
1 #
Mt 5:29; 18:7 Hatuka a zolāi ngāi kōma, “Āsia thōna ranga thēmna hi ei hong ngēt rang kēng. Tenchu hava thēmna ānthōpū chu a vān a duoi! 2#Mt 5:29; Mk 10:24Hiva nāipangte ngāi bila angkhattē ngal thēmnāna ānsul tak chu, a rīnga burōtna lung akhita tipuia andēng sela, a ranga sa bet in ti.
Mī Ānduol lē Pathian a Tel
3 #
Mt 18:15; Efe 4:32; Kol 3:13 “Anrēng u ro. Na paruolin nang aduia āsia a thō ten, chūnngō thō ro. Ama chu ansīr ten, maduol ro. 4#Mt 18:21-22Nikhat sūnga amā'n nang aduia voi sari āsia a thō na, voi sari na kōma a hong ākīr a, ‘Kā'n sīr,’ a ti ten, maduol ro.”
5 #
Mk 6:30
Kuitīr ngāiin Puma kōma, “Koini nei iamna hi mansōn ro,” a ti u na.
6 #
Mt 13:31; 21:21; Mk 9:23 Pumā'n, “Hoiro rū anga iamna nā dōn u ten, hiva lungpat kung kōma, ‘Razung le ile anphōi tānla, tipuia son anlinga om ro,’ na ti u ten, na chong chu tel u'n ti. 7Nangni bila tū khatin mo phāi athō mo ole bera en mo suok dōn sela, ama chu phāi ātā ina hong ātung a, a kōma, ‘Hong tānla, nēk len ta ro,’ āti rang nā ni u? 8Hanēk tenchu, ‘Kei nēk rang na mansūkpē ta ro. Na kōngkhita, ka nēk ka sāk kār pei ka dorbō a dom ro. Hava suona nang chu nēk sāk na ti,’ ti nō ta ni mo?” a tī na. 9“A chongpēk anga a sin ei thō sika a suok kōma rāisānchong mantung ni mo? Iam mak ung. 10#1Ko 9:16Hantin anga han, nangnī'm na kōm una chong anpēk ngāi dōra na thō suo u le, ‘Koini chu suok tinglui nā ni. Koinī'n nei thō rang ngala sin kēng nei thō,’ ti u ro,” a tī na.
Āphār Sōm ngāi ei Damna
11 #
Zn 4:3-4
Isuo chu Zerusalem-a a sē lāi han, Samari lē Galili apala a sē na. 12#Lev 13:45-46; Mt 8:2Khuo khata ei lūta han, ama chu āphār#17:12 āphār: “Vun rikhuo tong” tīna a ni, atunlāia āphār nei riat anga ni mak. sōmin antongpui u na. Amāni chu ālāpāna anding u na. 13Amāni chu anringpāna ankhēk u na, “Isuo, Puma, lungkham na mu ro,” a ti u na. 14#Lev 14:2; Mt 8:4Amāni a mū na, a kōm u na, “Sē u tānla, chāizūng ngāi kōma vān en u ro,” a tī na. Amāni chu ei sē balama anthiang u na. 15#Mt 9:8Amāni bila angkhatin ei ānthiang tī a riat a, a kīr a, anring sabaka Pathian anpāk a. 16#Mt 10:5A kekunga a vā'n bok a, a kōma rāisānchong a va ril a. Ama chu Samari mī a ni. 17Isuo'n a masang a, a kōma, “Sōm ngāi ha ānthiang kiar ni u mak mo? Akuo ngāi le hon mo ei om u? 18Hiva namtei rong nōk chu Pathian anpāk ranga a hong ākīr tūtē om lāi mak mo?” a tī na. 19#Mt 9:22Hankēng a kōma, “Anthui tānla, sē ro. Nei iamnā'n a na mandam zei,” a tī na.
Pathian Ram ei hong Tung rang Rui
20 #
Mt 3:2
Pathian rēngram chu itik mo ei hong rang tīna Farisāi ngāiin a rakel u na, amā'n a masang a, a kōm u na, “Pathian rēngram chu anlangpuma āhong rang ni mak. 21Mī'n, ‘Hiva hin a om,’ ole ‘Sovā son a om,’ tī'm u nō ni. Pathian rēngram chu nangni kāra kēng ei om,” a tī na.
22 #
Mt 8:20
Hatuka zolāi ngāi kōma, “Miring Nāipasal a hunlāia nikhat dak ngal āmū rang nei zōt una nikhuo la hong in ti. Tenchu mu u nō ta ni. 23#Mt 24:23Mī'n na kōm u na, ‘Hiva hin en u ro,’ ole ‘Sovā son en u ro,’ na ti u'n ti. Suok u nō ro, a nūk um zī u nō ro. 24#Mt 24:27Anvān thuoia khuonlekin kōlkil khat ātā son tiang kōlkil ei ēl anga, Miring Nāipasal a nikhuo chu hantin dēn nī'n ti. 25#Mt 16:21; Mk 13:30Tenchu amā'n mānsāna ii tamtak ei tiar rang a nāng. Hiva huna ruol ngāiin ama chu ei la heng u rang a ni. 26#Aph 6:5-8Noa hunlāia ei ni anga, Miring Nāipasal a hunā'm hantin dēn nī'n ti. 27Noa rakuongpuia a lūt māseng chu, mī'n a nēk a, sāk u na, nungāk a lāk u na, inannei u na, hatuka tiliansāng a hong a, amāni chu a hong masiat zit a. 28#Aph 19:1-28Hantin dēn han Lot a hunlāi um a lei nī na: mī'n a nēk a, a sāk u na, a rachōk u na, a zuor u na, a ling u na, a sin u na. 29Tenchu Lot chu Sodom ātā a suok nikhuo han anvān ātā moi lē lungmoirapom a chul a, alom una a masiat biang a. 30#Mt 10:23; 1Ko 1:7; 1Th 2:19; 2Th 1:7; 2Pe 3:4; Anl 1:7Hantin dēn han Miring Nāipasal a hong anlang tika om in ti. 31#Mt 24:17-18Hava nikhuo tika han, mī inchunga om chu, a neinun insūnga āom avā lāk ranga thuoia hong chum nō rase. Hantin dēn han phāia āom chu a ina hong kīr nō rase. 32#Aph 19:26Lot a thāinū chu riattit u ro. 33#Zn 12:25Tūkareng ei damna ānzōk ranga ānvān chu machān in ti. Tūkareng ei damna ānchān tak chu mazōk in ti. 34Kei na tī a ni u zei, hava zāna han zāmun khata mī anni om in tia, angkhat chu anlāk in tia, ateipū chu anmāk in ti. 35#Mt 24:41Nupang annī'n munkhata bū suk u'n tia, angkhat anlāk in tia, atei anmāk in ti. 36Pasal anni phāia om u'n tia, angkhat anlāk in tia, atei anmāk in ti,” a tī na. 37#Mt 24:28Amānī'n a masang u na, a kōma, “Puma, hovan mo?” a ti u na. Amā'n a kōm u na, “Ruok ei omna taka sarakuru ngāi ānbūm u'n ti,” a tī na.
Currently Selected:
Lūk 17: RNL
Highlight
Share
Copy
Want to have your highlights saved across all your devices? Sign up or sign in
Bible in Ranglong, © Bibles International, the Bible society of Baptist Mid-Missions, 2024.
