2 KORINTUS 1
1
Barasallang
1:1-2
1 #
Suro-suro 18:1
Battu ri Paulus, nukanara ria'ra'na Allataala laa'jari suro-suro ri Isa Almase, na battu ri Timotius urang siana' julu katappakanta.
Mange ri jamaah Allataala ri Korintus surang risikuanna tau tappa' risibatu Akhaya.
2Barakka' pangamaseang surang dame salehangang battu ri Allataala, Ammanta, surang battu ri Karaeng Isa Almase minahang ri kau.
Appanai' sukkuru
1:3-11
3La'birimu Allataala, Amma ri Karaengta Isa Almase, Amma sanna' ngamaseang injo na Allataala poong risikuanna panyihi-nyihi, 4nunyihi-nyihi injo mae ri kambe lalang risikonjo kasissaang, sa'genna akkullekang nyihi-nyihi ri iyai turie' injo lalang rilohe rupanna kasissaang surangang panyihi-nyihi nutatarima injo todo' battu ri Allataala. 5Saba' assimpole kambe nguppa lohe rupanna lalang rikasissaanna Almase, appakonjo todo'i ri Almasemo kambe nguppa lohe rupanna panyihi-nyihi. 6Ampa sissakang, passala injo se'rei panyihi-nyihi na kasalamakammu; ampa risihi-sihikang, passala injo se'rei panyihi-nyihi ri kau, sa'genna nguppaiko katerasang lasissa surangang rikasabbarang lamarasai assimpole nutakasissai injo todo'. 7Pattajalliamba ri kau tepui, saba' taisse'i ma'nassana assimpole minahangimmu ngalle dahuang lalang rikasinsaraamba, kau ngalle todo'ko dahuang lalang ripanyihi-nyihiamba. 8#1 Kor. 15:32Saba' nutakaa'raki, urang siana', solanna muissekii passala kasissaang nutauppa injo ri Asia Ki'di'. Erang nuripierangiang injo mae ri kambe sanna' bakka'i surang sanna' bera'na, sa'genna tappu' ranggaselamakang ritallasa'ba. 9La'bipa pole tapisa'ringi, assimpolekalena kambe tumaeng risare hukkungang mate. Mingka a'jari passala injo, solanna anda kalemba jua tapattuwaang, mingka mange jua ri Allataala tuappakaattallasa injo tau mate. 10Ia maemmu na lapakasalama' juapakang battu rikamateang appakamalla'-malla' injo: Mange ri Ia jua kambe tajalli ma'nassana Ia laappakasalama'i pole ri kambe, 11saba' mupangera dowaang todo'kang. Injomo saba'na lohemo tau appanai' sukkuru kanara pangamaseang nutauppa injo saba' lohena pangera dowaang ritujumba.
Appinrai naha-nahanna Paulus
1:12–2:4
12Iamo inni nutapa'bangga-banggaang injo, iamo intu ma'nassana sa'ranna nyaha alusu'ba assarei pappisa'bi mae ri kambe ma'nassana tallasakang lalang ri lino inni, la'bipa pole lalang ripassisambungamba mange ri kaui, rikahasai passabakang ati lambusu surang katojekang battu ri Allataala gele passabakang pangisse' rupatau lino, mingka rikagassingang barakka' ri Allataala. 13Saba' kambe sangga ngukiri'ba jua mange ri kaui apa nuakkulle muaji surang mupahangi. Pattajalliangku, bisannabali lamupahangi siganna'na, 14assimpole numaeng mupahang injo sibageang battu ri kambe, iamo intu ma'nassana rihattu rie'na pole Karaeng Isa lamupa'bangga-banggaangkang assimpole kambe a'bangga-bangga todo' ri kau.
15Assituru' katappakang inni maemmu kunaha-naha riolo lamange ri kaui, solanna kau akkulle narima barakka' makapinruang. 16#Suro-suro 19:21Maeng injo a'ra'i lakutarrusang lingkaku mange ri Makedonia, maeng injo battu ri Makedonia lamuliang jua pole mange ri kaui, solanna mutulungia lalang ripa'lingkaangku lamange ri Yudea. 17Jari, apa nakke a'geo' a'ra' kalengku to'jua lalang ripa'naha-nahaang passala inni? Iyareka apa nakke a'bua' naha-nahangku injo assituru' a'ra' kalengku, sa'genna ri kalengku assurang-surangi rie' ”io” na ”gele”? 18Saba' Allataala tumallang injo, sapatta ri kambe mange ri kau gelemu assurang-surangi ”io” na ”gele”. 19#Suro-suro 18:5Saba' Isa Almase, Ana' Allataala, nutapala'bang injo ritangnga-tangngamui, iamo intu rikanara nakke surang rikanara Silwanus na Timotius, gelemo ”io” na ”gele”, mingka sibale'na lalang ri Ia nurie' sangga ”io” jua. 20Saba' ri Almasemo ”laioang” sikonjo sapattana Allataala. Injomo saba'na rikanara Ia ditte appau ”Aming” laappakala'biri Allataala. 21Saba' Ia tumaeng laapakajarre' injokang surang kau lalang ri Almase, iamo intu Allataala tumaeng anrio barakka' 22assare segele tanra anunNa ri ditte na assarei Nyaha Tangkasa lalang ri atita assimpole boro' battu ri iangase'na numaeng ri pakasadia injo tujunta. 23Mingka nakke a'nga'ngara mange ri Allataala assimpole sa'bi laisse' ngase'na assinna atiku ma'nassana nakke gelea battu mange ri Korintus mingka kanara nakke gelea a'ra' appau terasa mange ri kaui. 24Gele kanara kambe lamarenta apa nuparallu mukatappaki, saba' kau ammenteng ka'jangiko lalang rikatappakammu. Sibale'na, kambe minahang anjama lalang rikate'neammu.
Currently Selected:
2 KORINTUS 1: LAI_SLY
Highlight
Copy
Compare
Share
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)