1 KORINTUS 16
16
Sokongang lamange Jamaah ri Yerusalem
16:1-4
1 #
Rom. 15:25-26
Passala pappasse'reang doe' mange risikuanna tau tappa', parallui mugeokangi assituru' pappijo'jo' nukusareang injo mange risikonjo jamaah ri Galatia. 2Ri allo makase're lalang risijumaa injo parallulaloi ri kau ngase' – assituru' ri numuuppa injo – ngalle siso'di' na munanro, solanna pappasse'reang injo gele mugeokangi rihattungkumo rie'. 3Sungka'ku ambattu, nakke laassuro lohe tau, tumurapangi injo siratang, ripierangi sura' pangantara mange ri Yerusalem laappabattu passaremu. 4Ampa toje'i parallu ma'nassana nakke pole a'lampa, injo iyai laa'lampai surangang nakke.
Naha-nahanna Paulus
16:5-9
5 #
Suro-suro 19:21
Nakke larie' mange ri kaui, ampa maemmu kulimbangi Makedonia, saba' nakke laa'limbang ri Makedonia. 6Ri Korintus ma'ringi nakke laammari sikurang hattu sallona surangang kau iyareka nakke laammari sa'genna lappasa hattu bosi, jari akkulleiko assare sokongang mae ri nakke lanarrusang pa'lingkaangku. 7Saba' konni-konnina nakke gelea a'ra' laassijanjang surangang kau lasinampe' jua. Nakke tajalli akkulle ammari sallo-sallo surangang kau, ampa lakaa'raki Karaeng. 8#Im. 23:15-21; Ul. 16:9-11 #Suro-suro 19:8-10Mingka nakke laammaria ri Efesus sa'genna lappasa allo pa'lappasang maka limampulo injo, 9Saba' rie' sa'la' hattungku laanjama jama-jamaang bakka' surang nuparallu, manna injo rie' lohe tau a'bali.
Papasanna Paulus
16:10-18
10 #
1 Kor. 4:17
Ampa ambattumu Timotius, erai solanna ia ammari ritangnga-tangngamui nagele appisa'ring malla', saba' ia maemmu lajama jama-jamang Karaeng, assimpole nakke. 11Jari, andalalo rie' tau larapangi ia tuna! Sibale'na, sokonglaloi, solanna ia akkulle latarrusang paa'lingkaanna lalang salama', bisannabali ia rie'i pole mae ri nakke, saba' nakke ri inni attajang parie'na assurang-surang urang siana' julu katappakang maraeng injo. 12Passala urangta siana', Apolos, maeng a'mole-molemu kusuro passa laa'lingka-lingka mange ri kaui assurangang urang siana' maraengang injo, mingka ia konni-konnina gele sikalii a'ra' rie'. Ampa rie' sa'la' hattu baji' sallo', ia larie'i.
13A'jaga-jagailaloko! Ammenteng ka'jangiko lalang rikatappakang! Assippa' baranilaloko na tulusu terasa! 14Geokangi sikonjo jamaammu lalang ripangamaseang! 15#1 Kor. 1:16Rie' pole se're pangera mange ri kaui, Urang siana'. Muisse'mu ma'nassana Stefanus surang sikonjo bija-bijanna iamo tau kaminang riolo jarra ri Akhaya, na ma'nassana iyai maeng lapattujumu kalenna ripanjampangi mange ri tau tappa' injo. 16Injomo saba'na, pinahanglalo tau appakonjo injo surang sikonjo tuminahang anjama terasa na akkareso. 17Nakke rannu riparie'na Stefanus, Fortunatus surang Akhaikus, saba' iyai lasambei parie'mu; 18saba' iyai injo lapakasannang nyahaku surang nyahamu. Anggarangi tau appakonjo injo!
Sallang Pappikatu
16:19-24
19 #
Suro-suro 18:2
Sallang mange ri kaui battu ri jamaah rie' injo ri Asia Ki'di'. Akwila, Priskila surang jamaah rie' injo ri saponna appabattui siloheang sallang lalang ri Karaeng mange ri kaui. 20Sallang pappikatu mange ri kaui battu risikonjo urang siana' julu katappakang. Pabattulalo sallang pappikatu rise're tau mange ri tau maraeng lalang risallang passikamaseang.
21Surangang limangku to'jua ngukiri inni: Sallang battu ri Paulus.
22Inai jua gele ngamaseang ri Karaeng, laallelaloi pua. Karaengba rie'muKi!
23Barakka' ri Karaeng Isa minahang ri kau.
24Pangamaseangku minahang ri kau ngase' lalang ri Isa Almase.
Currently Selected:
1 KORINTUS 16: LAI_SLY
Highlight
Copy
Compare
Share
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)