PAU-PAUWANNA SIKONJO SURO-SURO 26
26
Lasa'bii kalenna Paulus ri a'rakanna Agripa
26:1-11
1Lakua Agripa mange ri Paulus, ”Risareko hattu lamusa'bii kalemmu.” A'bisara jo'jo'i Paulus, maeng injo lapaumu passa'bina assimpole inni, 2”O karaeng Agripa, sanna'i rannuna kusa'ring, saba' allo inni akkulle kusa'bii kalengku ri a'rakammu risikonjo pappitina lapau injo tau Yahudi mae ri nakke, 3makase're saba' baji' pangisse'mu rikabiasaang surang ripassilolongang ri tau Yahudi inni. Injomo saba'na kuerai mange ri kau, solanna mupilangngeri lalang ri kasabbarang.
4 #
Suro-suro 22:3-5
Sikuanna tau Yahudi baji' laisse'na katallasangku minang riampaku ana'-ana' sa'gengku taruna, saba' minang riolo nakke ammari ritangnga-tangngana tau sikampongku ri Yerusalem. 5#Suro-suro 23:6; Flp. 3:5Sallomu laissekingku na so'di a'rakii, akkullea lasa'bii ma'nassana nakkemo maeng tallasa assimpole se're tau Farisi assituru' ajarang nukaminang terasa ri katappakamba. 6Konni-konnina nakke parallu mange ri pangadelang saba' panrannuangku ritalli' nulapau injo Allataala mange ri puwa-puwata. 7Laripa'rupanamo talli' injo latajang-tajang sampuloiya rua sossoranna Israele, na attarru'-tarrusu assambajangi allo bangngi lalang rikasabbarang. Kanara ripanrannuang injomo, karaeng Agripa, nakke ripitina risikuanna tau Yahudi. 8Ngurai namurapangi nugele ma'ring ma'nassana Allataala appakaattallasa muliang tau mate? 9#Suro-suro 8:3Manna injo anteekamua, nakkemo maeng a'ngare' ma'nassana nakke parallui kupappisangkaang terasa lanolla' areng Isa battu ri Nazaret. 10Passala injo kugeokang todo'i ri Yerusalem. Gele sangga injo jua, rihattu nguppaku sura' kahasa battu risikonjo imang ponggaha, lohe tau tappa' ri Isa kupantama' ri pattarungkuang, na a'ra'ku rihukkung mate ngase'i. 11Lalang risikonjo sapo passambajangang nakke gassing nyissa na massa-massa ri iyai laa'boko rikatappakannai na lalang rikuku' sarro kudatala ngase'i, manna sa'genna mange risikonjo kota nugele injopa minang kumangei.”
Lalagarai Paulus pangu'ranginna ri Allataala na rikeo'na
26:12-23
12 #
Suro-suro 9:1-19a, 22:6-16 ”Lalang ri appakonjonamo, rihattungku sangka' kahasa battu risikonjo imang ponggaha ripa'lingkaangku lamange ri Damsyik, 13sikalinna, o karaeng Agripa, ritangnga allona kujanjangi ritangnga lalang injo rie' saunna nula'bi sinara ri saunna matanna allo, naung battu ri langi' lapiappuia surang urangku sipa'lingkaang. 14Anra'ba ngase'kang naung ri tana na allangngerea sa'ra appau mae ri nakke lalang ribisara Ibrani: Saulus, Saulus, ngura Nakke musissa? Sissa todo'ko intu ampa lamubaliangi Tukahasa injo ri kau. 15Mingka appihalia: InaiKi, Karaeng? Lakuamo Karaeng: Nakkemo Isa, Tau musissa injo. 16Mingka konni-konnina, ambaungko na ammentengko. Kupappijanjangangi kalengKu mange ri kau ma'nassana kaumo Kutantuang a'jari suro-suro na sa'bi risikuanna passala numaeng injo mujanjang battu ri Nakke na passala nulaKupappijanjangang injo mange ri kau sallo'. 17Nakke laappakasalama' ri kau battu ri tau lohe inni na battu risikuanna bangsa tau maraeng. Nakkemo laassuro ri kau mange ri iyai, 18laappakaambula' matanna, solanna a'gilingi battu rikakalammangang na mange ri sinara na battu ri kahasa Ibilisi na mange ri Allataala, solanna iyai rikanara tappa'nai mae ri Nakke nguppai pangampungi kadorakaang na nguppai dahuang lalang rinulatantuang injo mange risikuanna tau tangkasa.
19Injomo saba'na, o karaeng Agripa, mange ripanjanjang battu injo ri suruga gele minang gele kuturuki. 20#Suro-suro 9:20, 28-29Mingka pakaramulana kupau-paui mange risikuanna tau ri Damsyik, ri Yerusalem na risibatu tana Yudea, na mange pole risikuanna bangsa tau maraeng ma'nassana parallu ngase'i jarra na a'giling tappa' mange ri Allataala surang anggeokang sikonjo panggeokang assituru' ripajarraang injo. 21Injomo saba'na sikuanna tau Yahudi nakke lajakkala ri Sapo Allataala na nakke a'ra' lahunoi. 22Mingka saba' ripattulunna Allataala akkulle juapa attalasa sa'genna allo inni na nakke assa'bi mange risikuanna tau samara na risikuanna tau kahasa. Apa nukupau-pau injo tide' ruana battu rinumaeng injo lapau-pau riolo risikonjo nabbi na ri Musa, 23#Yes. 42:6, 49:6; 1 Kor. 15:20iamo intu ma'nassana Almase parallui lasissa na ma'nassana Iamo kaminang riolo attallasa muliang battu risikuanna tau mate, na ma'nassana Ia lapappiissekangi sinara mange ri tau lohe inni na mange risikuanna bangsa tau maraeng.”
Pakkeo' mange ri Agripa latappa'
26:24-32
24Rihattunna juapa Paulus lapau ngase' passa'bi ri kalenna, appaui Festus risa'ra bakka', ”Pongoroko, Paulus! Kasaradekang lohemu intu lapakapongoroko.” 25Mingka appihali Paulus, ”Nakke gelei tupongoro, Festus tumala'biri'ku! Sibale'na, nakke appau katojekang lalang ripikkirang toro! 26Karaeng Agripa laisse' todo'i risesena passala inni, injomo saba'na nakke barani a'bisara lambusu mange ri ia. Tappa'a ma'nassana gele rie' manna se're ri iangase'na inni gelepai laisse', saba' passala inni gelei a'jari ri tampa' sino. 27Tappa' juako, karaeng Agripa, mange ri nabbi? Kuisse'i ma'nassana kau tappa'ko mange ri iyai.” 28Appihali Agripa, ”Siso'di' kalemamo mupakatappa'a na a'jari tappa' ri Almase!” 29Appaumu Paulus, ”Nakke a'ra' langera dowaang mange ri Allataala, solanna liba iyareka sallopai gele sangga kau jua, mingka sikuanna tau maraeng rie' injo pole ri inni na tuallangngere injo pauku laa'jari todo'i assimpole nakke, passangadinna ri passikko' inni.” 30Jari ammentemmu karaeng Agripa na gubernur Festus surang Bernike na sikuanna tau rie' attolong-tolong surangang iyai. 31Rihattu ansulukinna, allagarimu, ”Tau intu tide' geo'na manna se're na siratangi larihukkung mate iyareka laritarungku.” 32Appaui Agripa mange ri Festus, ”Tau intu sitoje'na akkullemu rilappasang so'di gelepai maeng laera kalenna laripamange ri Kaisar.”
Currently Selected:
PAU-PAUWANNA SIKONJO SURO-SURO 26: LAI_SLY
Highlight
Share
Compare
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
