MATIUS 4
4
Isa ri so'ri ri parang luara
4:1-11
(Mark. 1:12-13; Luk. 4:1-13)
1 #
Ibr. 2:18, 4:15 Maeng injo Isa rierangi ri Nyaha mange ri parang luara lariso'ri ri Ibilisi. 2Sungka'i maeng appuasa patampulo allo na patampulo bangngi, kamaenganna pa'remu Isa. 3Jari rie'mu tulasso'ri injo na appaui mange ri Ia, ”Saba' Kau Ana' Allataala, parentai solanna batu-batu inni a'jari roti.” 4#Ul. 8:3; Luk. 4:4Mingka appihali Isa, ”Rie' ta'ukiri: Rupatau inni tallasa gele sangga nubattu rikanre jua, mingka battu risikonjo pau ansulu' injo ri babana Allataala.”
5Maeng injo Ibilisi laerangi mange ri Kota Tangkasa na Ia lataro ripa'buhungang Sapo Allataala, 6#Mzm. 91:11-12; Luk. 4:10-11jari appaui mange ri Ia, ”Ampa Kau Ana' Allataala, padappe' kalemMu naung ri tana, saba' rie' ta'ukiri: Ripassala'Mu Ia lalaparenta sikonjo malaeka'Na na iyai lalatimangKo ri limanna, solanna bangkemMu gele tattoro ri batu.” 7#Ul. 6:16; Luk. 4:12Appaui Isa mange ri ia, ”Rie' ta'ukiri: Akolalo so'ri Karaeng, Allataalamu!” 8Rimaenna injo Ibilisi laurangi Isa mange ribaho bonto nusanna' langkasa'na na lapappijanjangangi mange ri Ia sikonjo pakkaraengang lino surangang kabajikanna, 9na appaui mange ri Ia, ”Iangase'na injo kupassareangi mange ri Kau, ampa Kau nyomba ri nakke.” 10#Ul. 6:13; Luk. 4:8Jari appihalimu Isa mange ri ia, ”A'lampako, Ibilisi! Saba' rie' ta'ukiri: Kau parallu nyomba Karaeng Allataalamu, na mange jua ri Ia kau akkasihiang!” 11Rimaenna injo Ibilisi a'bokomu ri Ia, na janjangimu, sikuanna malaeka' rie' ngase' anjampangi ri Isa.
Isa rie' ri Galilea
4:12-17
(Mark. 1:14-15; Luk. 4:14-15)
12 #
Mat. 14:3; Mark. 6:17; Luk. 3:19-20 Mingka rihattunna Isa lalangngere ma'nassana Yahya maeng rijakkalamu, Ia a'lili mange ri Galilea. 13#Yah. 2:12Ia labokoi Nazaret na ammari ri Kapernaum, ri biring tamparang la'ba, ri tana Zebulon na Naftali, 14solanna ripa'rupa pau nulapabattu injo Nabbi Yesaya,
15 # Yes. 8:23–9:1; Mark. 1:15 ”Tana Zebulon na tana Naftali, pamolongang mange ri tamparang, tampa' ha'leang Balang Yordan, Galilea, tampa' tau maraeng, –
16ammari injo lalang rikalammang, maeng anjanjangi Sinara bakka' na mange ri iyai tuammari injo ri tampa' laolungi kamateang, maeng ambassi'mu Sinara.”
17 #
Mat. 3:2; Mark. 1:15 Rihattu injo Isa pakaramulamu appala'bang, ”Jarralaloko, saba' gelemu dere Pakkaraengang Suruga!”
Isa akkeo' ana'-ana' gurung nukaminang bungasa
4:18-22
(Mark. 1:16-20; Luk. 5:1-11)
18Rihattu attangngana Isa a'lingka attete tamparang La'ba Galilea, Ia anjanjangi rua tau assiana', iamo intu Simon turiareng injo Petrus, na Andreas, uranna siana'. Iyai injo attangngai a'lanra' ri tamparang la'ba injo, saba' iyai injo palanra' juku'. 19Appaui Isa mange ri iyai, ”Maeko, minahangko ri Nakke na Kupaa'jariko palanra' rupatau.” 20Lassirimu labokoi lanra'na na minahangi ri Ia. 21Sungka'na a'lampa Isa battu ri injo, Ia anjanjangi pole rua tau maraeng assiana', iamo intu Yakobus ana'na Zebedeus na Yahya uranna siana', assurangi ammanna, Zebedeus, attangnga laa'musi lanra'na lalang ri lopi. Isa akkeo' ri iyai 22na iyai lassiri labokoi lopi surang ammanna, ampai minahang ri Ia.
Isa ngajara na appakagassing lohe tau
4:23-25
(Luk. 6:17-19)
23 #
Mat. 9:35; Mark. 1:39 Manna Isa a'lili'i risibatu Galilea; Ia ngajarai lalang risikonjo sapo passambajangang na appala'bangi Injili Pakkaraengang Suruga surang appakagassingi lohe tau ritangngana bangsa injo battu risikonjo garring na kalammaannai. 24Jari alla'bammu kareba ripassala'na Ia risibatu Siria na rierammu mange ri Ia sikuanna tau daa injomo tappana, tusissa rilohe rupanna garring na assinsara, tau ladongkoki setang, tumate jangang na tau pesu', jari Isa lapakagassing ngase'i. 25Manna tau lohe injo a'rurung-rurung ngase'i minahang ri Ia. Iyai riekii battu ri Galilea na battu ri Dekapolis, battu ri Yerusalem na battu Yudea na battu riha'leanna Yordan.
Currently Selected:
MATIUS 4: LAI_SLY
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
