ଜଅନ୍ 2
2
ଜିସୁଲା ଆଡାଗ୍ ଅଂଗୁର୍ନା ଡାଗ୍ ଅ'ଏଡେନ୍
1ଦୁଇଦିନ୍ ତିର୍ଗି' ଗାଲିଲି ଜିଲାନା କାନା ଡ'ସେକ୍ ମୁଇ ମୁନା'ଉଂଗମ୍ବକ୍ ୱାଇବୁଇ' ଡେଂକୁ । ସା' ଜିସୁନା ୟଂ ଆତା ଡୁକୁ । 2ସା' ଆଜିସୁଲା ମାରି ଆମାଇନା ସିସ୍ୟଲେସା ଗୁତୁନ୍ ୱାଇବୁଇ'ବକ୍ ୱାୟ'କୁ । 3ଗୁତୁନ୍ ୱାଇବୁଇ'ବକ୍ ଅଂଗୁର୍ନା ଡାଗ୍ ଡମ'ଉଇକୁସା' ଜିସୁନା ୟଂ ଆଜିସୁଲା ସୁନ' “ମା'ଏନା ଅଂଗୁର୍ନା ଡାଗ୍ ଡମ'ଉଇଗୁତା” ଡ'ସେକ୍ ସୁନ' ।
4ସା' ଜିସୁଲା ଆମାଇ ସୁନ' “ଅ ୟଂ, ନ ମାସା' ଆନିଂ ଡି'କେନ୍ ସୁନ'ତୁନ ୟାଂ? ଆ'ନ୍ପନ୍ତେକ୍ ନିଂନା ବେଲା ସୁସାପ୍ ଅରଇ'” ଡ'ସେକ୍ ସୁନ' ।
5ସା' ମାଇନା ୟଂ ଆତା କାମ୍ ଡିନ୍ଡେମ୍ରେମ୍ବକ୍ ସୁନ' “ମାଏସା ମାଇ ଆପେ ଡେମ୍ ଡ'ସେକ୍ ସୁନ'ନା ପେ ଗୁତୁନ୍ ଡେମ୍” ଡ'ସେକ୍ ସୁନ' ।
6ସା' ଆତା ବୁରେବୁରଂ ଅ'ରଇଁୟ'କୁନୁଂ ମୁନା'ମୁନା'ବାଇ' ସଗଟା କିକ୍ ଡୁକୁ । ମୁଇ କିକ୍ବକ୍ ସାର୍କଡି ଆରା'ଗେ ସକଡି ଲିଟର୍ ଡାଗ୍ ସବ'କୁ । ଗୁଇ'ତିଗୁଇ'ସୁଂ ଡୁତା ଡ'ସେକ୍ ଜିଉଦିରେମଲେନା ନିୟମ୍ ଡୁକୁସା' ମା'ଏ ଗୁତୁନ୍ କିକ୍ଗେ ଆତା ବୁଂଅଁ'କୁ ।
7ଜିସୁଲା ଆତା କାମ୍ ଡିନ୍ଡେମ୍ରେମ୍ବକ୍ କେନ୍ ଗୁଲାଇ କିକ୍ବକ୍ ପେ ଡାଗ୍ ବର୍ତି ଡେମ୍ ଡ'ସେକ୍ ସୁନ'ସା' ମା'ଏ ଗୁତୁନ୍ କି'ଗେବକ୍ ଲା'ସାର୍ ପନ୍ତେକ୍ ବର୍ତି ଡେମ' ।
8ସା' ମାଇ ଆମା'ଏ ସୁନ' “ଆ'ନା ୱାଇବୁଇ'ନା ମୁନା'ରେମ୍ବକ୍ ଗୁତୁନ୍ ବିବ' ରିଂ ବେ'” ଡ'ସେକ୍ ସୁନ',
ସା' ମା'ଏ ବିବ' ରିଂବେଡ' । 9ସା' ଗୁତୁନ୍ ଡାଗ୍ ଆ'ନା ଅଂଗୁର୍ନା ଡାଗ୍ ଏକୁନୁଂ ଗୁତୁନ୍ ୱାଇବୁଇ'ନା ମୁନା'ରେମ୍ ସାକ୍ଲ' ଜୁଲ' । ମାରି ଗୁତୁନ୍ ମି ବାଂଗା' ଡ'ସେକ୍ ମାଇ ଆମାକ୍ତ ମାତର୍ ଆତା କାମ୍ ଡିନ୍ଡେମ୍ରେମ୍ଉ ମାଗ'କୁ । ସା' ମାଇ ଆଆର୍ଜୁନ୍ରେମ୍ ୱାୟ'ସେକ୍ ସୁନ' 10“ଗୁଲାଇର ସିଁସେଇଁନୁକ୍ ବଲ୍ଟାବାଇ' ଅଂଗୁର୍ନା ଡାଗ୍ ଇ'ପୁଲେଇ ବେ'ତ । ମାରି ଆରେମଲେ ଇ' ପାକ୍ନା ବୁତର୍ବାଇ' ବେ'ତ । ମାତର୍ ଆ'ନ୍ପନ୍ତେକ୍ ନ ବଲ୍ଟା ଅଂଗୁର୍ନା ଡାଗ୍ ବୁଂଅଁ'ତୁନ ଇ?” ଡ'ସେକ୍ ସୁନ' ।
11ଜିସୁଲା ଗାଲିଲି ଜିଲାନା କାନା ଡ'ସେକ୍ ମୁନା'ଉଂଗମ୍ବକ୍ ଡି'କେନା କାବାକାବା ଡିନ୍ଡେମ୍ବାଇ' କାମ୍ ମୁଲ୍ ମୁଲାୟ'ସେକ୍ ମାଇନା ମଇମା#2:11 ମାଇନା ବପୁ ଅସୁୟ'ବେଡ': ମାଇନା ମଇମା ଆଗୁଲାଇର ଅସୁୟ' । ବପୁ ଡୁକୁନୁଂ ମୁନା'ରେମ୍ । ଅସୁୟ'ବେଡ' । ସା' ମାଇନା ସିସ୍ୟଲେ ଆମାଇ ବିସ୍ବାସ୍ ଡେମ' ।
12 #
ମାତିଉ 4:13
ଉନ୍ତାକୁରୁଂ ମାଇ ମାଇନା ୟଂ, ମାଇନା ବୁୟାଂଏଁ ମାରି ମାଇନା ସିସ୍ୟଲେବୁରଂ କପର୍ନାଉମ୍ ଉଂଗମ୍ବକ୍ ଉଇଗା' ମାତର୍ ଆତା ମା'ଏ ଅବୁଦି ଦିନ୍ ଆଡୁତା ।
ଜିସୁଲା ମନ୍ଦିର୍ବକ୍
(ମାତିଉ 21:12,13; ମାର୍କ 11:15–17; ଲୁକ 19:45,46)
13ଆଇ'ତୁନ୍ବେଲା ଜିଉଦିରେମଲେନା ନିସ୍ତାର୍ ପରବ୍ ସୁସାପ୍ ଡେଂକୁସା' ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଉଇଗା' । 14ଉଇସେକ୍ ଆତା ମାପ୍ରୁନା ମନ୍ଦିର୍ବକ୍ ଗୁଇ'ତାଂଏଁ ମେନ୍ଡାଲେ ପାରାଲେ ସୁଂସୁଂରେମେ ମାରି ଡାବୁ ବାଦ୍ଲାଇବାର୍ ରେମଲେବକ ଜୁଲ' । 15ଜୁଲ'ସେକ୍ ମାଇ ଗିଗେଇ'ବୁରଂ ମୁଇ ଟୁନ୍ଟାରିସୁଗବାଇ' ଅ'ରଇଁୟ'ସେକ୍ ଆତା ଡୁକୁନୁଂ ଆମେନ୍ଡାଲେ ଆଗୁଇ'ତାଂଏଁ ମାରି ଆଗୁଲାଇ ରେମଲେ ମନ୍ଦିର୍ ବିତ୍ରେକୁରୁଂ ବାଇରି ଞନ'ବେଡ' । ମାରି ଡାବୁ ବାଦ୍ଲାଇବାର୍ରେମ୍ନା ଲୁକୁ'ଡାବୁ ଗୁଲାଇ ବି'ସାର'ସୁଂଅଁ'ସେକ୍ ମା'ଏ ବୁଂଅଁ'କୁନୁଂ ପାଟା ଗୁଲାଇ ଉଇଜୁର'ପାର୍ଲେଇଁୟ'ସୁଂଅଁ' । 16ମାରି ମାଇ ଆପାରା ସୁଂସୁଂରେମ୍ ସୁନ' “କେନା ଗୁଲାଇଉ ପେ ଇଂକେକୁରୁଂ ରିଂଅଁ' ଡୁଂଆଁ । କେନ୍ ମନ୍ଦିର୍ ନିଂନା ବାନା ଡିଂଅଁ । ପେ କେନା ଆଟ୍ପାସ୍ରା ଆଡେମ'” ଡ'ସେକ୍ ସୁନ' ।
17ସା' ଗୁତୁନ୍ ଜୁଲ'ସେକ୍ “ଆନନା ଡିଂଅଁ ନିଂ ଅବୁଦି ଆଲାତ୍ ଡେମ'ତିଂସା' ନିଂନା ଜିବନ୍ଗିରେ ଗୁଲାଇ ଆବିଡ୍ତା ଡେଂଗୁତା” ଡ'ସେକ୍ ମାପ୍ରୁନା ଉଲାକ୍ବକ୍ ଇନ୍ତେକନ୍ଡେକ୍ ଲେକ୍ଲ'ବୁଂଅଁ'କୁନୁଂ ମାଇନା ସିସ୍ୟଲେ ଏତ୍ଗା' ।
18ସା' ଜିଉଦିରେମଲେ ଆମାଇ ନ କେନା ମା ଡିନ୍ଡେମ୍ ଡେନ୍ତୁନ? ଡି'କେନା ଡିନ୍ଡେମ୍ପୁଲେଇ ଆନ ମାପ୍ରୁ ବପୁ ବେଡ'ତା ଡ'ସେକ୍ ଆନେଇ ମାମା କାବା ଡିନ୍ଡେମ୍ବାଇ' କାମ୍ ଡେମ'ସେକ୍ ମୁଇ ସିନ ଅସୁଇ'? ଡ'ସେକ୍ ସୁନ' ।
19 #
ମାତିଉ 26:61; 27:40; ମାର୍କ 14:58; 15:29 ସା' ଜିସୁଲା ଆମା'ଏ ସୁନ' “ପେ କେନ୍ ମନ୍ଦିର୍ ଅ'ଲାର'ସୁଂ । ନିଂ ତିନ୍ଦିନ୍ବକ୍ ଅ'ରଇଁୟ' ବେ'ତିଂ” ଡ'ସେକ୍ ସୁନ' ।
20ସା' ଜିଉଦିରେମଲେ ସୁନ' “ଆକେନ୍ ମନ୍ଦିର୍ ଅ'ରଇଁପୁଲେଇ ଦୁଇକଡି ସ ବରସ୍ ଡେଂଗା' । ନ ମାରି ମି ତିନ୍ଦିନ୍ବକ୍ ଅ'ରଇଁ ଗଂତୁନ?” ଡ'ସେକ୍ ସୁନ' । 21ମାତର୍ ମାଇ ଆନିଜର୍ନା ଞେରିଉ ମନ୍ଦିର୍ ଡ'ସେକ୍ ସୁନ'କୁ । 22ସା' ମାଇ ଗୁଇ'ସେ'ଗା ବୁରକୁନୁଂ ତିର୍ଗି' ମାଇନା ସିସ୍ୟଲେ ମାଇ କେନାଉ ସୁନ'କୁ ଡ'ସେକ୍ ଏତ୍ଗା' ମାରି ମାପ୍ରୁନା ଉଲାକ୍ବକ୍ ଲେକ୍ଲ'କୁନୁଂ ମାରି ଜିସୁଲା ମାମା ସୁନ'କୁ ଗୁତୁନ୍ ଗୁଲାଇଉ ବିସ୍ବାସ୍ ଡେମ' ।
23ନିସ୍ତାର୍ ପରବ୍ବକ୍ ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଅବୁଦି କାବାକାବା ଡିନ୍ଡେମ୍ବାଇ' କାମ୍ ଡେମ'କୁନୁଂ ରେମଲେ ଜୁଲ'ସେକ୍ ଆମାଇ ବିସ୍ବାସ୍ ଡେମ' । 24ମାତର୍ ଜିସୁଲା ଆମା'ଏ ସତ୍ ଆଡିକ୍ତ ମାସା'ଡ'ନା ମାଇ ଗୁଲାଇରନା ଏତ୍ ମାଗ'କୁ, ସା' ମା'ଏନ୍କୁରୁଂ ପାଲ୍ ଡୁକୁ । 25ରେମଲେ ଜିବନ୍ବକ୍ ମି ଏତ୍ଗୁତା ଗୁତୁନ୍ ଗୁଲାଇ ମାଇ ବଲ୍ ମାଗ'କୁସା' ଜାଏସା ଆମାଇ ରେମଲେ ମିବାଇ' ଡ'ସେକ୍ ସାକି ସୁଁସୁ ଦର୍କାର୍ ଆରାକ୍ ଡେଂକୁ ।
Currently Selected:
ଜଅନ୍ 2: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
