ଲୁକ 15
15
ବୁ'କୁନୁଂ ମେନ୍ଡାନା ଉ'ସୁରାମ୍
(ମାତିଉ 18:12–14)
1 #
ଲୁକ 5:29,30 ମୁସିଂ ସିସ୍ତୁ ଲୁଲୁ'ରେମ୍ ମାରି ପାପ୍କାମ୍ ଡେମ'କୁନୁଂ ରେମଲେ ଜିସୁନା ତୁମ' ଅଂପୁଲେଇ ସା'ଗା' । 2ସା' ପାରୁସିଦଲ୍ନା ରେମଲେ ମାରି ମସାଲା ବେଡ'କୁନୁଂ ନିୟମ୍ ଅମାକ୍ରେମେ, ଜୁ ମାଇ ପାପ୍ରେମ୍ବୁରଂ ମିସ୍ସେକ୍ ସୁସୁମ୍ଡେନ୍ ଡ'ସେକ୍ ମୁର୍ମୁରା ଡିନ୍ଡେଂଆର୍ଗା' ।
3ସା' ମାଇ ଆମା'ଏ ଅମାକ୍ପୁଲେଇ କେନ୍ ଉ'ସୁରାମ୍ ଉଡ' । 4ପେନ୍ ବିତ୍ରେ ମୁଇନ୍ଡାନ୍ବକ୍ ପାଁନ୍ସ୍କଡି ମେନ୍ଡା ଡୁତା ଡ'ସେକ୍ ଏତ୍କୁଲା । ମାତର୍ ଗୁତୁନ୍ ବିତ୍ରେ ମୁଇ ମେନ୍ଡା ବୁକ୍ଉଇନା ମାଇ ସାର୍କଡି ଅନିସ୍ଟା ମେନ୍ଡାଲେବକ୍ ଆମୁଇ ପାଦା ବୁଂଅଁ'ସେକ୍ ଆତୁନ୍ ମୁଇ ବୁ'କୁନୁଂ ମେନ୍ଡା ବୁମ୍ବାମ୍ପନ୍ତେକ୍ ମାଇ ତୁର' ଆବୁଲ୍ତ ଇ? 5ମାରି ଗୁତୁନ୍ ମେନ୍ଡା ବାଂଗା' ଡ'ନା ମାଇ ଅବୁଦି ସାର୍ଦାକ୍ସେକ୍ ଆମାଇ ତେମ୍ପାଂଅଁ'ସେକ୍ ମାଇନା ଡିଂଅଁବକ୍ ରିଂଅଁ' ଇ'ତା । 6ରିଂଅଁ' ଇକ୍ସେକ୍ ମାଇ ଆମାଇନା ବାଇଲ'ଗେ ମାରି ଉନ୍ତୁ'ସିଂ ଡାନ୍ଡର୍ସିଂନା ରେମଲେବକ୍ ୱାୟ'ସେକ୍, “ଲବେ, ନିଂନା ବୁକ୍ଉଇକୁନୁଂ ମେନ୍ଡା ବାଂନିଂସା' ପେସା ନିଂବୁରଂ ସାର୍ଦା ଡେମ୍” ଡ'ସେକ୍ ଆମା'ଏ ସୁନ୍ତ । 7ଡୁ'ତୁନାଉ ନେଇ ଦରମ୍ବାଇ' ରେମଲେସା ପାପ୍କାମ୍ ଗୁଲାଇ ଅଡକ୍ସୁଂଅଁ'ସେକ୍ ମାପ୍ରୁନ୍ବକ୍ ଆନ୍ଡେଇଁ ସୁସାପ୍ ଦର୍କାର୍ ଆରାକ୍ ଡ'କୁନୁଂ ଗୁତୁନ୍ ସାର୍କଡି ଅନିସ୍ଟା ରେମଲେନ୍କୁରୁଂ ଗୁତୁନ୍ ପାପ୍କାମ୍ ଡେମ'ସେକ୍ ଡୁକୁନୁଂ ମୁଇନ୍ଡା ମାଇନା ପାପ୍କାମ୍ ଗୁଲାଇ ଅଡକ୍ସୁଂଅଁ'ସେକ୍ ମାପ୍ରୁନ୍ବକ୍ ଆନ୍ଡେଇଁଗା' ଡ'ନା ଆମାଇ ଜୁଲ'ସେକ୍ ସରଗ୍ବକ୍ ଅବୁଦି ସାର୍ଦା ଡେନ୍ତା ଡ'ସେକ୍ ନିଂ ଆପେ ସୁନ'ତିଂ ।
ବୁ'କୁନୁଂ ଲୁକୁ'ଡାବୁନା ଉ'ସୁରାମ୍
8ଜିସୁଲା ଆମା'ଏ ଅମାକ୍ପୁଲେଇ ମାରି ମୁଇ ଉ'ସୁରାମ୍ ଉଡ': “ମୁଇନ୍ଡା ସେଲାନ୍ବକ୍ ଦସ୍ଟା #15:8 ଦସ୍ଟା ରୁପାନା ଲୁକୁ'ଡାବୁ ଡ'କୁନୁଂ ଗିରିକ୍ ସାମ୍ବକ୍ ଡିରାସ୍ମା ଡ'ସେକ୍ ସୁନ୍ତ । ଗୁତୁନ୍ ରୁପାବୁରଂ ଅ'ରଇଁୟ'କୁ । ମୁଇନ୍ଡା ରେମ ମୁସିଂ କାମ୍ ଡେମ'ନା ଆମାଇ ମୁଇ ଡିରାସ୍ମା ବେଡକୁ ।ରୁପାନା ଲୁକୁ'ଡାବୁ ଡୁତା ଡ'ସେକ୍ ପେ ଏତ୍କୁଲା । ସା' ଗୁତୁନ୍ ବିତ୍ରେ ମୁଇ ବୁକ୍ଉଇଗା' ଡ'ନା ମାଇ ବତି ଅ'ଡଲ'ସେକ୍ ଗୁତୁନ୍ ବୁ'କୁନୁଂ ରୁପାନା ମୁଇ ଲୁକୁ'ଡାବୁ ବୁମ୍ବାମ୍ପନ୍ତେକ୍ ଗୁଲାଇ ଡିଂଅଁ ସୁକ୍ସିଂଅଁ' ପା'ସିଂଅଁ'ସେକ୍ ବଲ୍ ଆଜୁତ ଇ? 9ଗୁତୁନ୍ ବାଂଗା' ଡ'ନା ମାଇ ଆମାଇନା ସେଲାଲେ ମାରି ଉନ୍ତୁ'ସିଂ ଡାନ୍ଡର୍ସିଂନା ରେମଲେବକ୍ ୱାୟ'ସେକ୍, ‘ଲବେ, ନିଂନା ବୁକ୍ଉଇକୁନୁଂ ରୁପାନା ଲୁକୁ'ଡାବୁ ବାଂନିଂସା' ପେସା ନିଂବୁରଂ ସାର୍ଦା ଡେମ୍’ ଡ'ସେକ୍ ଆମା'ଏ ସୁନ୍ତ । 10ଡୁ'ତୁନାଉ ମୁଇନ୍ଡା ପାପ୍ବାଇ' ରେମ ଅଲିରାକ୍ବାଇ'କାମ୍ ଗୁଲାଇ ତର୍ମୁଲୁଇ' ଅନ୍ତୁର'ସେକ୍ ମାପ୍ରୁନ୍ବକ୍ ଆନ୍ଡେଇଁଗା' ଡ'ନା ଆମାଇ ଏତ୍ସେକ୍ ମାପ୍ରୁନା ଦୁତଲେ ଅବୁଦି ସାର୍ଦା ଡେନ୍ତା ଡ'ସେକ୍ ନିଂ ଆପେ ସୁନ'ତିଂ ।”
ନିଜର୍ନା ମୁନ୍ସୁଗ ଉଇକୁନୁଂ ଉଁ'ଉଁ
11ମାଇ ମାରି ସୁନ': “ମୁଇନ୍ଡାନା ଉଁ'ଉଁ ଇମ୍ବାୟ ଇଂଗେରେ ଡୁକୁଗା' । 12ସା' ମୁସିଂ ଡାଉଲା ଆବାଡେଇଁ, ‘ଅ ବା, ନେଇ'ନା ଦନ୍ସମ୍ପତି ବାନ୍ଟାଲ'ସେକ୍ ନିଂନା ବାନ୍ଟା ଆନିଂ ବେ'’ ଡ'ସେକ୍ ସୁନ' । ସା' ମାଇ ଆମାଇପା ଇମ୍ବାୟବକ୍ ଦନ୍ସମ୍ପତି ବାନ୍ଟାଲ' ବେଡ' ।
13ସା' ଆ'ଇଦିନ୍ସୁଗ ଡୁକୁକ୍ସେ'ଗା ଡାଉ ଉଁ'ଉଁନ୍ଡେଇଁ ମାଇନା ବାନ୍ଟା ଗୁଲାଇ ତ'ରିମ'ସେକ୍ ସୁଲୁଂ ରାଜିବକ୍ ଡୁଂଗା' । ଆତା ଉଇସେକ୍ ମାଇ ଅବୁଦି ଅଲିରାକ୍ବାଇ' କାମ୍ ଡେମ'ସେକ୍ ମାଇନା ମୁନ୍ସୁଗ ଗୁଲାଇ ବୁଡାୟ'ସୁଂଅଁ' । 14ମାତର୍ ଗୁଲାଇ ମାଇନା ମୁନ୍ସୁଗଉ ବୁଡାୟ'ସୁଂଅଁ'ସେକ୍ ଡୁକୁନୁଂବେଲା ଗୁତୁନ୍ ରାଜିବକ୍ ସୁସୁମ୍ଇ'ନା ମବୁନାମ୍ବାଇ' ମୁଇ ବେଲା ସା'ଗା' । ସା' ମାଇନା ତିତିବକ୍ ମାସା ଆଡୁତାସା' ଆମାଇ ଅବୁଦି କସ୍ଟ ସା'ଗା' । 15ସା' ମାଇ ଗୁତୁନ୍ ରାଜିବକ୍ ମୁଇନ୍ଡା ରେମନ୍ବକ୍ ଉଇସେକ୍ ନିଂ ନନ୍ବକ୍ ଗତିରେମ୍ସୁଗ ଡୁତିଂ ଡ'ସେକ୍ ସୁନ' । ସା' ଆମାଇ ମାଇନା ପାଦାବକ୍ ଗିବି' ଗୁଗୁଇ' ବେନ୍ଟାୟ' । 16ଗିବି'ଡେ ସୁସୁମ୍ ଡେଂକୁନୁଂ ଗୁତୁନ୍ ଆନାପ୍ ମାଇସା ସୁମ୍ତିଂ ଡ'ସେକ୍ ମୁନ୍ଡେଂକୁ ମାତର୍ ଜାଏସା ଆମାଇ ବାସ୍ ସୁସୁମ୍ପୁଲେଇ ଆବେ'ତ ।
17ମାତର୍ ମାଇନା ଜିବନ୍ବକ୍ ଏତ୍ ସା'ଗା'ସା' ମାଇ ସୁଁବର୍ଗା': ‘ନେମ୍ବାନ୍ବକ୍ ଡ'ନା କାମ୍ରେମ୍ ଅବୁଦିର ସୁସୁମ୍ନା ସୁମ'ନାସା ମାରି ଲଲ'ତା । ମାତର୍ ନିଂ ଡ'ନା ଆକେ ଆଂଡାକ୍ସେକ୍ ଗୁଗୁଇ'ଡେନ୍ତିଂ । 18ନିଂ ଇଂକେକୁରୁଂ ତୁର୍ସେକ୍ ନେମ୍ବାନ୍ବକ୍ ଇ'ତିଂ ମାରି ଆମାଇ ସୁନ୍ତିଂ, ଅ ବା ନିଂ ମାପ୍ରୁନ୍ବକ୍ ମାରି ନନ୍ବକ୍ ଅବୁଦି ପାପ୍ ଡେମ'ତିଂ । 19ନ ଆନିଂ ଉଁ'ଉଁ ଆଡିଗ'ନ୍ ଆଡିଗ' । ମାତର୍ ଆନିଂ ନନା ମୁଇ କାମ୍ରେମ୍ସୁଗ ବୁଂ ଡ' ସୁନ୍ତିଂ’ ଡ'ସେକ୍ ଏତ୍ଗା' । 20ସା' ମାଇ ଉନ୍ତ୍କୁରୁଂ ତୁର୍ସେକ୍ ବାଡେଇଁନ୍ବକ୍ ଇ'ଗା' ।
ମାତର୍ ମାଇ ସୁଲୁଂବକ୍ ଡୁକୁନୁଂବେଲାଉ ବାଡେଇଁ ଆମାଇ ଜୁଲ'ସେ'ଗା ଅବୁଦି ଲିବିସୁପ୍ସେ'ଗା ଉଁ'ଉଁନ୍ଡେଇଁନ୍ବକ୍ ଉର' ଉଇସେ'ଗା ଆମାଇ କୁନ୍ଡୁଲ' ସବ'ସେକ୍ ବୁଇଁତମ' ବୁଇଁଲାଂଅଁ' ।
21ଉଁ'ଉଁନ୍ଡେଇଁ ଆବାଡେଇଁ ସୁନ' ‘ଅ ବା ନିଂ ମାପ୍ରୁନ୍ବକ୍ ମାରି ନନ୍ବକ୍ ପାପ୍ ଡେମ'ତିଂ । ଆନିଂ ନନା ଉଁ'ଉଁ ଆଡିଗ'ନାସା ଡେନ୍ତା’ ଡ'ସେକ୍ ସୁନ' ।
22ମାତର୍ ବାଡେଇଁ ଆମାଇନା କାମ୍ରେମ୍ ସୁନ', ‘ସେଟ୍ଟ' ଉଇସେ'ଗା ମାଇପୁଲେଇ ବଲ୍ବଲ୍ଟାବାଇ' ସକା ରିଂଅଁ'ସେକ୍ ଆମାଇ ଅ'ଅଲୁକ୍, ମାରି ମାଇନା ତିତିବକ୍ ଅର୍ତି ଅ'ତିଂ ମାରି ମାଇନା ତିକ୍ସୁଂବକ୍ ପନ୍ଡଇଁ ଅ'ଅଲୁକ୍, 23ମାରି ନେଇ' ଅ'ୱାଇଁବୁର' ଅ'ଆଇଁସଲ'କୁନୁଂ ବାସା ଗୁଇ'ତାଂ ରିଂଅଁ'ସେକ୍ ଅଡାପ୍, ଲବେ ନେଇ' ବଜି ଡେମ'ସେକ୍ ସାର୍ଦାକ୍ସେକ୍ ସୁମ୍ନେଇ', 24ମାସା'ଡ'ନା କେନ୍ ନିଂନା ଉଁ'ଉଁ ଗୁଇ'କୁଗା' ମାରି ଆ'ନା ବୁରଗା'; ବୁ'କୁଗା' ଆ'ନା ବାଂନେଇ'’ ଡ'ସେକ୍ ସୁନ' । ମାରି ମା'ଏ ବଜି ଡେମ'ସେକ୍ ସାର୍ଦା ଡିନ୍ଡେମ୍ ଡେଂକୁ ।
25ଆଇ'ତୁନ୍ବେଲା ମୁନା' ଉଁ'ଉଁନ୍ଡେଇଁ ଲି'ଉଂବକ୍ ଡୁକୁ । ମାଇ ଡିଂଅଁ ଉନ୍ତୁ' ଡେଲ'ସା' ଆତା ମା'ଏ ମେକ୍ସେର୍ସେକ୍ ସେର'ରାୟ'କୁନୁଂ ଅଂଅଁ' । 26ସା' ଆଗୁପାମ୍ରେମ୍ ଆମୁଇନ୍ଡା ୱାୟ'ସେକ୍ କେନ୍ ଗୁଲାଇ ମା ଡେଂଗୁତା ଡ'ସେକ୍ ଅ'ଗଁସ୍ଲା'ଗା' । 27ସା' କାମ୍ରେମ୍ ସୁନ' ‘ପେମେ' ଇ'ଗା', ସା' ପେମ୍ବା ଅୱାଇଁବୁର' ଅ'ଆଇଁସଲ'କୁନୁଂ ବାସା ଗୁଇ'ତାଂ ଅଡାବ'ତା, ମାସା'ଡ'ନା ପେମେ' ବଲ୍ ଇ'ଗା' ଡ'ସେକ୍ ପେମ୍ବା ଅବୁଦି ସାର୍ଦାଗୁତା’ ଡ'ସେକ୍ ସୁନ' ।
28ସା' କେନ୍ ଅଂଅଁ'ସେକ୍ ମୁନା' ଉଁ'ଉଁନ୍ଡେଇଁ ଗିସେ'ଗା' ମାରି ଡିଂଅଁ ବିତ୍ରେ ଆଗାଇତା । ମାତର୍ ବାଡେଇଁ ବାଇରି ୱାଇ ତୁର୍ସେକ୍ ବିତ୍ରେ ଗାୟା ଡ'ସେକ୍ ଆମାଇ ସୁତ୍ରାୟ' 29ମାତର୍ ମାଇ ଆବାଡେଇଁ ସୁନ' ‘ଜୁ ବା, ଆ'ଇକେନ୍ ବରସ୍ ନିଂ ଗତିରେମ୍ସୁଗ ନନ୍ବକ୍ ଡୁତିଂ, ମାରି ଇନ୍ଡଇ'ଏସା ନିଂ ନନା ତୁମ' ମଉନଂସୁଗ ଆଡୁତିଂ, ମାତର୍ ଇନ୍ଡଇ'ଏସା ନିଂନା ବାଇଲ'ଗେବୁରଂ ବଜି ଡେମ'ସେକ୍ ସୁସୁମ୍ପୁଲେଇ ଆନିଂ ମୁଇ ଉଁ'ଉଁମେ'ସା ବେଡ' ଆଡୁତୁନ । 30ମାତର୍ କେନ୍ ନନା ଉଁ'ଉଁ ଜାଲିବାଇ' ସେଲାନେବୁରଂ ନନା ଦନ୍ସମ୍ପତି ବୁଡାୟ'ସେ'ଗା ଇ'ଗୁତା, ମାଇପୁଲେଇ ଅ'ୱାଇଁବୁର' ଅ'ଆଇଁସଲ'କୁନୁଂ ବାସା ଗୁଇ'ତାଂ ଅଡାବ'ନ’ ଡ'ସେକ୍ ସୁନ' ।
31ମାତର୍ ବାଡେଇଁ ଆମାଇ ସୁନ' ‘ଅ ବାବୁ, ନ ନିଂବୁରଂ ଇସାଉ ଡୁତୁନ, ମାରି ନିଂବକ୍ ମାମା ଡୁତା ଗୁତୁନ୍ ଗୁଲାଇ ନନାଉ । 32କେନ୍ ପେମେ' ଗୁଇ'କୁଗା' ମାରି ବୁରଗା'; ବୁ'କୁଗା' ମାରି ବାଂନେଇ' । ସା' ବଜି ଡେମ'ସେକ୍ ସାର୍ଦା ଡିନ୍ଡେମ୍ ଡୁତା’ ଡ'ସେକ୍ ସୁନ' ।”
Currently Selected:
ଲୁକ 15: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
