Yâng 3

Pô Yê-su thong Ni-kô-đem

1Dalam thanôn dôm urang Pha-ri-si, hu tha urang angan Ni-kô-đem, tha kar pan akok bôl Yo Thaic. 2Gôn mưlam, ong mưrai tom Pô Yê-su thong đôm: “Pathau Gru, khol dahlak thau Gru nạn gru pato mưng Pô Lingik mưrai. Mưyah Pô Lingik ôh dok thubik yơ ôh thei ngak bihu dôm nưm crih Gru krung hu ngak.” 3Pô Yê-su thuuk: “Biak jơh, Ita đôm thong hư, mưyah tha urang ôh bihu mưnưk vơk#3:3 mưnưk vơk: Ngan nạn mưnưk tabiak mưng ngok. yơ ôh mưda ƀôh Dit Biya Pô Lingik.” 4Ni-kô-đem pathau laic: “Mưnuix krung hu taha yơ ngak habar mưnưk vơk bihu? Hu yau halei tamư tian amek bloh mưnưk tabiak ƀang ya dwa habar?” 5Pô Yê-su thuuk: “Biak jơh, Ita đôm thong khol hư: Mưyah tha urang ôh nhơ di ia thong Pô Nưbi Ginrơh pajiơng tabiak yơ ôh mưda tamư Dit Biya Pô Lingik. 6Kabha haget kaywa rilo darah pajiơng tabiak nạn rilo darah, kabha haget kaywa Pô Nưbi Ginrơh pajiơng tabiak nạn yang libang. 7Jôi plơng kadơng ka kabha Ita krung hu đôm thong hư: ‘Khol hư xang mưnưk vơk.’ 8Angin ưng yuk pak halei yơ yuk, hư hamit danưy angin, min ôh thau angin mưrai mưng halei thong nao pak halei. Urang halei mưnưk kaywa Pô Nưbi Ginrơh lijang yau nan.”

9Ni-kô-đem gilaic đôm: “Ngak habar kabha nan hu mưda mưjiơng tabiak?” 10Pô Yê-su thuuk: “Hư nạn gru pato bôl I-sra-ên bloh ôh thau kabha ni ô? 11Biak jơh, Ita đôm thong hư: Khol drei đôm kabha drei thau, ngak kaxan kabha drei krung hu ƀôh, min khol hư ôh halar ciup panôic kaxan khol drei. 12Mưyah Ita đôm thong khol hư dôm kabha bha di tanưh bloh khol hư ôh dial, laic haget Ita đôm kabha bha di thôr riga ngak habar khol hư dial bihu? 13Ôh thei tagôk thôr riga, klưk tabiak Dê mưng thôr riga trun, nạn Anưk Mưnuix.#3:13 Anưk Mưnuix: Dalam tha thanôn blah vak tangin nạn Anưk Mưnuix, nạn Dê mưdok ngok thôr riga. 14Yau Mô-se tôr ula tagôk dalam bhum kamrang yau halei yơ Anưk Mưnuix lijang xang gok tôr tagôk yau nan, 15piêh thei dial tal Bhô jang bihu gruk diup rit rai.

16Kaywa Pô Lingik anit ranam dunya#3:16 dunya: Ngan nạn mưrôxak, hai nạn nưrah. thangak krung hu ƀai brei Anưk Ralai anưd Bhô, mưda ka phak thei dial Anưk nan ôh gok pao lihik, min bihu gruk diup rit rai. 17Kaywa Pô Lingik krung hu pachai Anưk Bhô mưrai dunya ôh njaup piêh padok an dunya, min piêh dunya nhơ di Anưk mưng bihu dong paklah. 18Thei dial Anưk yơ ôh gok padok an ô, dok thei ôh dial yơ krung hu gok padok an pajơ, kaywa ôh dial tal angan Anưk Ralai Pô Lingik. 19Gruk padok an nan nạn yau ni: Ginuh hadah krung hu mưrai dunya, min mưrôxak hag takrư di bhôlir hơl tanrak hadah, kaywa bruk ngak khol nhu nạn jhak rumưk. 20Kaywa thei ngak ag yơ limuk di tanrak hadah thong ôh mưrai tom tanrak hadah, kađa laic bruk drei xang gok parang tabiak. 21Min thei ngak tui tantu yơ mưrai tom tanrak hadah piêh dôm bruk drei ngak dalam Pô Lingik bihu ƀôh pajip.”

Panôic kaxan taluic anưd Yâng

22Hadei di nan, Pô Yê-su thong dôm anưk xêh nao tal nưgar Yu-đê. Bhô dok vơk tak nan thong khol nhu thong ngak ƀap-tem. 23Yâng lijang ngak ƀap-tem tak Ê-nôn, jek Sa-lim, kaywa libik ni hu ralô ia thong mưnuix urang mưrai piêh ciup ƀap-tem. 24#Mat 14:3; Mag 6:17; Lu 3:19,20.Tuk nan Yâng ô ka gok mưk karơk dalam thang danuh.

25Kal nan, hu gruk jajek ka danak rija jamưah dalam dôm anưk xêh Yâng thong tha urang Yo Thaic#3:25 tha urang Yo Thaic: Dalam tha thanôn blah vak tangin nạn hadôm urang Yo Thaic. . 26Khol nhu mưrai tom Yâng thong đôm: “Pathau gru, urang krung hu dok thong gru gah dêh krong Yô-đar, krung bihu gru ngak kaxan siam, urak ni krưh dok ngak ƀap-tem thong abih drei jang mưrai tom ong nan.” 27Yâng thuuk: “mưyah ôh njaup mưng thôr riga ƀai brei yơ ôh thei hu mưda tôk bihu kabha haget. 28#Yâ 1:20.Êng dei ai ngak kaxan ka dahlak laic dahlak krung hu đôm dahlak ôh njaup nạn Dê Krist, min dahlak bihu pachai mưrai dahlau di Bhô. 29Thei khing nai mưtau, urang nan nạn pacei mưtau, dok ayut pacei mưtau dang pangik pang thong biak bui ôn tuk hamit xap pacei mưtau. Sani êng nạn gruk bui ôn tamo tamê dalam dahlak rei. 30Bhô xang bihu papôk glong, dok dahlak xang paglơh trun.

Dê mưrai mưng Thôr riga

31Dê mưrai mưng ngok glong yơ ngok abih. Mưnuix tabiak mưng tanưh yơ bha di tanưh, đôm dôm bruk bha di tanưh; min Dê mưrai mưng thôr riga yơ ngok abih. 32Bhô ngak kaxan dôm haget Bhô krung hu ƀôh thong hamit, min ôh thei takabal panôic kaxan Bhô đôm. 33Thei takabal panôic kaxan Bhô đôm yơ pakrưn laic Pô Lingik nạn biak. 34Kaywa Dê bloh Pô Lingik krung hu pachai mưrai yơ rao pahơh Panôic Pô Lingik, kaywa Pô Lingik ƀai Pô Nưbi Ginrơh ka Bhô ôh thia. 35#Mat 11:27; Lu 10:22.Amư anit ranam Anưk thong jao abih bruk dalam tangin Anưk. 36Thei dial Anưk yơ bihu gruk diup rit rai, thei ôh ciup dial Anưk yơ ôh bihu bhian ƀwak gruk diup ô, min binhôr dangih mưkek Pô Lingik jang mưdok ngok urang nan.”

Currently Selected:

Yâng 3: CJM2024

Highlight

Copy