ລູກາ 4

ມານທົດລອງພຣະເຢຊູເຈົ້າ

(ມທ 4:1-11; ມຣກ 1:12-13)

1ຫລັງຈາກທີ່ໂຢຮັນຕີ່ນໜິ່ນພິທີຮັບບັບຕິສະມາອູນກັບພຣະເຢຊູເຈົ້າ, ຮັນກໍຕີ່ນກັບຫລ່າຍຈາກເມ້ດາກຈໍແດນແລ້ວບຳຕີ່ດ້ວຍພຣະວິນຍານບໍຣິສຸດເຈົ້າ ແລ້ວພຣະວິນຍານບໍຣິສຸດເຈົ້າຕີ່ນນຳພຣະອົງຕີ່ລ່ອນຖິ່ນແຫ້ງແລ້ງກັນດານ. 2ໃນບ່ອນນາ ພຣະອົງຕີ່ນຕ່ອງມານຮ້າຍ(ສາໜາຫຮ້າຍ)ທົດລອງເດ່ງເວລາສີ່ສິບເປ່ຍສີ່ສິບເຕມ ໃນເປ່ຍເຫຼົ່ານາພຣະອົງນໍຕີ່ນອັນມ່າເອເລີຍ ເມື່ອເປ່ຍເຫຼົ່ານາຜ່ານພົ້ນຕີ່ແລ້ວພຣະອົງຂາດອັນອາຫານ. 3ມານຮ້າຍຕີ່ນເລົ່າຕໍ່ພຣະເຢຊູເຈົ້ົ້າວ່າ, “ຖ້າທ່ານເດ່ງພຣະບຸດຂອງພຣະເຈົ້າອູນສັ່ງໂຄນຕ້າໜີເດ່ງອາຫານເບິ່ງດູ.” 4ແລ້ວພຣະເຢຊູເຈົ້າຕອບມານຮ້າຍວ່າ, ກໍ່ຄຳຂຽນເຕີ້ອາພຣະຄຳພີ, “ມະນຸດຈະນໍດວຍຊີວິດ ພຽງແດອາຫານຢ່າງດຽວ;” 5ແລ້ວມານຮ້າຍກໍຕີ່ນນໍາພຣະອົງເຫລັ່ງຕີ່ ແລະສະແດງອູນໜາມໃນພິບມັດໝໍລາ້ເຕັ້ງປະຊາຊາດຕັ່ງເຫດແຫ່ງໂລກໜີ. 6ມານຮ້າຍ(ສາໜາຫຮ້າຍ)ຕີ່ນໂຢພຣະເຢຊູເຈົ້າວ່າ, “ຈັກສີ່ອູນອຳນາດຕັ່ງເຫດໜີກັບສະຫງ່າຣາສີແຫ່ງແຜ່ນຕິດຕັ່ງເຫດແກ່ທ່ານ. ເພາະສິ່ງຕັ່ງເຫດເຫຼົ່າໜີມອບອູນແກ່ຈັກແລ້ວ ແລະຈັກຂາດມອບອູນຢັ່ກໂໝກໍຕີ່ນ ຕາມທີ່ຈັກຕ້ອງການ. 7ດັ່ງໜີ ສິ່ງຕັ່ງເຫດເຫຼົ່າໜີ ຈະເດ່ງຂອງທ່ານ ຖ້າທ່ານນະມັດສະການຈັກ.” 8ພຣະເຢຊູເຈົ້າຕອບຮັນວ່າ, “ກໍແມງຂຽນເຕີ້ອາພຣະຄຳພີວ່າ, ‘ຈົ່ງນະມັດສະການອົງພຣະຜູ້ເດ່ງເຈົ້າພຣະເຈົ້າຂອງເທົາແລະບົວລະບັດຮັບໃຊ້ແດພຣະເຈົ້ົ້າເທົ່າໜີ.’ ” 9ແລ້ວມານຮາ້ຍ(ສາໜາຫຮາ້ຍ)ກໍຕີ່ນນຳພຣະເຢຊູເຈົ້າຕີ່ທີ່ນະຄອນເຢຣູຊາເລັມແລ້ວອູນພຣະເຢຊູເຈົ້າຕຶ້ງເອີ້ເຫລັ່ງຍອດສຸດຂອງພຣະວິຫານແລ້ວເລົ່າຕໍ່ພຣະເຢຊູເຈົ້າວ່າ, “ຖ້າທ່ານເດ່ງພຣະບຸດຂອງພຣະເຈົ້າອູນເທົາໂຕນສວາຍຈາກບ່ອນໜີເບີ່ງດູ. 10ເພາະກໍແມງຂຽນເຕີ້ອະພຣະຄຳພີວ່າ, ‘ພຣະເຈົ້າສັ່ງອູນຝູງເທວະດາຂອງພຣະອົງຫລ່າຍຟີທັກຮັກສາທ່ານເຕີ້່.’ 11‘ຝູງເທວະດາຈະໃຊ້ສີຂອງຕົນຫອບເອີບທ່ານເຕີ້ ເພື່ອໜໍອູນຈີ່ງຂອງທ່ານຕໍາໂຄ້ນຕ້າ.’ ” 12ແຕ່ພຣະເຢຊູເຈົ້າຕອບວ່າ, “ກໍ່ແມງຂຽນເຕີ້ອະພຣະຄຳພີວ່າມ່າທົດລອງອົງພຣະຜູ້ເດງເຈົ້າພຣະເຈົ້າຂອງເຈົ້າ.” 13ເມື່ອມານຮ້າຍສາຫຣາ້ຍທົດລອງອົງພຣະເຢຊູທຸກປະການແລ້ວທຸກແນວແລ້ວຮັນກໍຈັ່ນຈາກພຣະອົງຕີ່ ຈົນເຖິງເວລາທີ່ຮັນກໍ່ໂອກາດແອ້ນ.

ພຣະເຢຊູເຈົ້າເລີ່ມປະຕິບັດພາລະກິດຂອງພຣະອົງໃນແຂວງຄາລີເລ

(ມທ 4:12-17; ມຣກ 1:14-15)

14ຫຼັງຈາກນາພຣະເຢຊູເຈົ້າກໍຕີ່ນກັບເວັ່ນແຂວງຄາລີເລດ້ວຍຣິດອຳນາດຂອງພຣະວິນຍານບໍລີສຸດເຈົ້າ. ຂ່າວເລື່ອງຂອງພຣະອົງຕີ່ນຊ່າລືຕີ່ທົ່ວທຸກເຂດ. 15ພຣະອົງຕີ່ນສັ່ງສອນປະຈຳເອີ້ໃນທຳມະສາລາຂອງຈຸປາແລະທຸກກຸ່ນເລົ່າວ່າດີ. ສິ່ງທີ່ຍິ່ງໃຫ່ຍກ່ຽວກັບພະອົງ.

ຊາວນາຊາເຣັດນໍຍອມຮັບພຣະເຢຊູເຈົ້າ

(ມທ 13:53-58; ມຣກ 6:1-6)

16ຫຼັງຈາກນາພຣະເຢຊູເຈົ້າກໍ່ຕີ່ນຕີ່ທີ່ນາຊາເຣັດຊຶ່ງເດ່ງເມືອງທີ່ພຣະອົງຕີ່ນຈະເລີນເຕີບເນ້ເຫລັ່ງໜີແລະວັນຊະບາໂຕພຣະອົງຕີ່ນຕີ່ທຳມະສາລາຕາມປົກກະຕິແລະພຣະອົງຕີ່ນຕຶ້ງເຫລັ່ງເພື່ອອ່ານພຣະຄຳພີ. 17ແລະ ປາກໍຕີ່ນກາໂຢໜັງສືມ້ວນ#4:17 ໜັງສືມ້ວນ ໜາຍເຖິງໃນສະໄໝທີ່ພຣະເຢຊູເຈົ້າຊົງເອີ້ເຫລັ້ງໂລກໜີ ກໍ່ການໃຊ້ໜັງສືທີ່ໂຄ້ງວ່າ ໜັງສືມ້ວນດ້ວຍການໃຊ້ໂຄດສັດພິເສດທີ່ຕາດຄໍແລ້ວຫລັງຈາກນາຂຽນໜັງສືສວາຍຕີ່, ຈຸປາຈະມ້ວນໜັງສືທີ່ກໍ່ກ້ານຈັບຕັ່ງຫານກ້ານນາມ້ວນລ່ອນເຕີ້ມກັນ, ໃນການມ້ວນລ່ອນແລະ ສາທີ່ຢັ່ກທຳນວາຍເອຊາຢາຕີ່ນຂຽນເຕີ້ວ່າອູນຮັນ.ຕີ່ນເປີດໜັງສືແລະອ່ານສາສຽງໂນ່ງຈາກຂໍ້ພຣະຄຳພີທີ່ອ່ານດັ່ງໜີ: 18“ພຣະວິນຍານຂອງອົງພຣະຜູ້ເດ່ງເຈົ້າຊົງສະຖິດເອີ້ເຫລັ້ງຂ້ານ້ອຍພຣະອົງຕີ່ນເລືອກຂ້ານ້ອຍອູນປະກາດຂ່າວປະເສີດແກ່ກຸ່ນທຸກຍາກພຣະອົງໃຊ້ຂ້ານ້ອຍຕີ່ປະກາດອິດສາລະພາບແກ່ກຸ່ນຕັ່ງເອ້ທີ່ຕ່ອງຈໍາຈອງແລະກຸ່ນມັດບອດຈະໜາມກຣ້າງແອ້ນປົດປອຍອູນຢັ່ກຕ່ອງກົດຂີ້ອູນເດ່ງອິດສາລະ: 19ພຣະອົງຕີ່ນສົ່ງຂ້າພະເຈົ້າເພື່ອອູນ ປະກາດຈຶມອົງພຣະຜູ້ເດ່ງເຈົ້າຈະສະແດງຄວາມກະລຸນາຂອງພຣະອົງ.” 20ຫລັງຈາກນາພຣະເຢຊູເຈົ້າກໍ່ຕີ່ນປິດໜັງສືມ້ວນ, ມອບຄືນອູນແກ່ຢັ່ກກໍ່ໜ້າທີ່ເກັບຮັກສາເຕີ້ເເລະໂງ່ຍສວາຍທຸກຂຸ່ນເອີ້ທຳມະສາລາຕ່າງກໍໍເຝົ້າເບິ່ງພຣະອົງຢ່າງໃກ້ສິດ 21ແລະ ພຣະອົງກ່າວແກ່ຈຸປາວ່າ, “ພຣະທຳຕອນໜີຕີ່ນສໍາເລັດເດ່ງຈິງວັນໜີຕາມທີ່ຈຸເທົາຕີ່ນແງ໋ນາແຫຼະ.” 22ທຸກຂຸ່ນເອີ້ທີ່ນາກໍກ່າວຊົມເຊີຍພຣະອົງແລະປະທັບໃຈໃນຖ້ອຍຄໍາເກ້ອ່ອນຫວານຊື່ງສາຈາກແມ່ງຂອງພຣະອົງຈຸປາຈຶ່ງເລົ່າວ່າ “ຢັ່ກໜີໜໍແມ່ນກອນອ້າຍຂອງໂຢເຊັບບໍ?” 23ພຣະເຢຊູເຈົ້າຕີ່ນກ່າວແກ່ຈຸປາວ່າ, “ຈຸເທົາຄົງຈະກ່າວແມງສຸພາສິດຂໍ້ໜີ ຕໍ່ຈັກເດ່ງແນ່ຄືວ່າ, ‘ທ່ານໝໍເອີຍ, ຈົ່ງປິ່ນປົວຕົວເອງອູນເຕົ່າ’ ຄື ‘ໝິ່ນການອັດສະຈັນທີ່ບ້ານເກີດຂອງເທົາຊຶ່ງຈຸຈ່າກຕີ່ນແງ໋ວ່າ ທ່ານຕີ່ນກະທໍາໃນເມືອງກາເປນາອູມ ຈົ່ງໝິ່ນການອັດສະຈັນໃນເມືອງຂອງຕົນທີ່ທ່ານເຕີບເນ້ເໜືອນກັນ.’” 24ເເລ້ວພຣະອົງກໍກ່າວເເອ້ນວ່າ, “ຈັກໂຢ້ຈຸເທົາຕາມຄວາມຈິງວ່າ ໜໍກໍ່ຢັ່ກທຳນວາຍຢັ່ກໂໝດອກ ໜໍຕີ່ນຮັບການຕ້ອນຣັບໃນບ້ານເກີດເມືອງນອນຂອງຈຸປາ.” 25“ໝໍຄັ້ງ ໃນສະໄໝຂອງຢັ່ກທໍານວາຍເອລີຢາກໍ່ຊີວິດເອີ້ ຮັນດັງເດ່ງຄວາມຈິງທີ່ວ່າ ກໍ່ເມ້ຄ້າຈໍານວນເອ້ເອີ້ໃນປະເທດອິດສະຣາເອນ. ໃນໄລຍະນາ ໜໍກໍ່ຂະໜ່າຫຣຸ້ງເດ່ງເວລາປາຈຶມເຄິ່ງ ຈຶ່ງເກີດຄວາມງອດຢ່າງໜັກໜ່ວງໃນທົ່ວປະເທດ. 26ເເຕ່ເອລີຢານໍຕີ່ນຕ່ອງໃຊ້ຕີ່ເຕີ້ມເອໝໍຢັ່ກ ໃນຈຸເມ້ຄ້າເຫົ່າໜີ ນອກຈາກເມ້ຄ້າໝໍຢັ່ກ ເອີ້ໃນເມືອງຊາເຣຟັດແຂວງຊີໂດນແດເທົ່ານາ. 27ໃນທໍານອງດຽວກັນສະໄໜຂອງຢັ່ກທຳນວາຍເອລີຊາ, ກໍ່ຊີວິດເອີ້ ຕີ່ນກໍ່ກຸ່ນຂີ້ທູດຕັ້ງເອ້ກຸ່ນຊາດອິດສະຣາເອນ, ແຕ່ນໍກໍ່ຢັ່ກໂໝໃນຈຸປາ ຕີ່ນຮັບການຊຳລະອູນສະອາດຢັດນອກຈາກນາອາມານ ຊາວຊີເຣຍແຕ່ເທົ່ານາ.” 28ເມື່ອປະຊາຊົນໃນທຳມະສາລາຕີ່ນແງ໋ເຊັ່ນໜີຈຸປາກໍ່ເປ້ເຊັມຮ້າຍເອ້. 29ດັ່ງນາ, ຈຸປາຕີ່ນຢີ້ນເຫລັ່ງບັງຂັບພຣະເຢຊູເຈົ້າສາຕີ່ຈາກເມືອງແລະນຳພຣະອົງຕີ່ດັງເນີນຜູທີ່ເມືອງຂອງຈຸປາຕັ້ງເອີ້ນາ ເພື່ອໝາຍຈະຍຸພຣະອົງສວາຍຈາກຜູ. 30ແຕ່ພຣະອົງຕີ່ນຍ່າງຜ່ານທ່າມກາງປະຊາຊົນແລະພຣະອົງກໍຈາກຕີ່.

ພຣະເຢຊູເຈົ້າຊົງຮັກສາກອນປານໝໍຢັ່ກທີ່ວິນຍານຊົ່ວຮ້າຍລ່ອນສີງ

(ມຣກ 1:21-28)

31ໜໍເປ່ຍພຣະເຢຊູຄຣິດເຈົ້າ ກໍຕີ່ນຕີ່ທີ່ເມືອງກາເປນາອູມ ໃນແຂວງຄາລີເລ ແລະໃນວັນຊະບາໂຕ ພຣະອົງຕີ່ນສັ່ງສອນປະຊາຊົນໃນທຳມະສາລາຂອງຈຸປາ. 32ເມື່ອພະເຢຊູເຈົ້າສັ່ງສອນປະຊາຊົນ ຈຸປາທຸກກຸ່ນຕ່າງກໍປະຫລາດເປ້ເຊັມ ໃນເເມງສອນຂອງພຣະອົງ ເພາະພຣະອົງສອນດ້ວຍລິດອໍານາດ: 33ໝໍເປ່ຍໃນຂະນະທີ່ພຣະເຢຊູເຈົ້າກຳລັງສອນເອີ້ໃນທຳມະສາລາຕີ່ນກໍ່ກອນປານທີ່ວິນຍານຊົ່ວຮ້າຍຫລ່ອນສິງເອີ້ໝໍຢັ່ກຮັນໂຄ້ງເຕີ້ມພຣະເຢຊູເຈົ້າດ້ວຍສຽງໂນ່ງວ່າ, 34“ພຣະເຢຊູໄຕນາຊາເຣັດເອີຍ, ທ່ານຫລ່າຍຍຸ້ງກ່ຽວກັບຈຸຈັກໝິ່ນມະເອ? ທ່ານຫລ່າຍທໍາລາຍຈຸຈັກຊັ້ນບໍ? ຈຸຈັກຮູແລ້ວວ່າທາ່ນແມ່ນຢັ່ກໂໝ ທ່ານເດ່ງຢັ່ກບໍຣິສຸດທີ່ພຣະເຈົ້າສູ້ງຫລ່າຍ.” 35ແຕ່ພຣະເຢຊູເຈົ້າສັ່ງຫ້າມວິນຍານຊົ່ວຮ້າຍນາວ່າມິດແມສາຕີ່ຈາກກອນປານຢັ່ກໜີຫລັງຈາກນາວິນຍານຊົ່ວຕີ່ນໝິ່ນອູນກອນປານໜີເປ້ສວາຍຕໍ່ກາກມັດຈຸປາແລະສາຈາກຮັນໂດຍໜໍທໍາລ້າຍແດແນວໂໝ 36ປະຊາຊົນທຸກກຸ່ນເອີ້ທີ່ນາຕ່າງກໍງຶດປະຫລາດເປ້ເຊັມ ແລະຫານກັນວ່າ, “ແມງເລົ່າໜີເດ່ງແນວໂໜໝໍເພາະວ່າປາຕີ່ນສັ່ງວິນຍານຊົ່ວຮ້າຍເຫຼົ່າໜີດ້ວຍອຳນາດແລະຣິດເດດ ແລ້ວຮັນກໍຈັ່ນສາຕີ່່.” 37ແລ້ວຊື່ສຽງຂອງພຣະເຢຊູເຈົ້າ ກໍຊ່າລືຕີ່ທົ່ວທຸກບ່ອນໃນຂົງເຂດນາ.

ພຣະເຢຊູຊົງໂຜດເມະມູ້ມ່າຂອງຊີໂມນອູນເຕົ່າແອນ

(ມທ 8:14-17; ມຣກ 1:29-34)

38ແລ້ວພຣະເຢຊູເຈົ້າ ກໍຈາກທຳມະສາລາ ເເລະ ຕີ່ນຫລ່ອນຕີ່ໃນຍ່າຂອງຊີໂມນ. ເອີ້ທີ່ນາພຣະອົງພົບເມະມູ້ຂອງຊີໂມນໜໍສະບາຍເພາະເດ່ງແອນແຮງ ແລະ ຈຸປາກໍອ້ອນວອນອູນພຣະເຢຊູເຈົ້າຊົງໂຜດຮັກສານາງ. 39ພຣະອົງຫລ່າຍຕຶ້ງເອີ້ຂ້າງນາງ ແລະສັ່ງເເອນນາອູນຈັ່ນຕີ່, ແອນກໍຫາຍຈັ່ນຕີ່ຈາກນາງ. ແລະທັນໃດນາ ນາງຕີ່ນຢີ້ນເຫລັ່ງໃນທັນທີແລະກະກຽມສະບຽງອາຫານສໍາຮັບພຣະອົງກັບຈຸສາວົກ. 40ເມື່ອມັດເບີຍຫຣຸ້ງສວາຍຕິດໃນຕອນແລງຂອງເປ່ຍນາ ປະຊາຊົນຕີ່ນຕຶມຍາດພີ່ນ້ອງທີ່ເດ່ງເຈັບປ່ວຍດ້ວຍພະຍາດຕ່າງໆຫລ່າຍເຕີ້ມພຣະເຢຊູເຈົ້າພຣະອົງປຽງສີເຕີ້ມເຫລັ້ງຈຸປາທຸກຂຸ່ນແລະຊົງໂຜດອູນຫາຍດີ. 41ບັນດາວິນຍານຊົ່ວຮ້າຍກໍສາຕີ່ຈາກເອ້ຢັ່ກໂດຍໂຄ້ງແຜດສຽງວ່າ, “ທ່ານເດ່ງພຣະບຸດຂອງພຣະເຈົ້າ.” ແຕ່ພຣະເຢຊູເຈົ້າຫ້າມເດັດຂາດໜໍອູນຈຸຮັນເລົ່າແອ້ນຕໍ່ຕີ່ ເພາະຈຸຮັນຣູດີວ່າ ພຣະອົງເດ່ງພຣະເມຊີອາ.

ພຣະເຢຊູເຈົ້າເທດສະໜາໃນທຳມະສາລາ

(ມຣກ 1:35-39)

42ພໍກ້ຣາງເຂີ້ມຫລ່າຍ ພຣະເຢຊູກໍຈາກເມືອງຕີ່ຖິ່ນແຫ້ງແລ້ງກັນດານ ບ່ອນທີ່ງຽບສະຫງັດລ່າປະຊາຊົນຕາ່ງກໍຊອກພຣະອົງເອີ້ທົ່ວທຸກແຫ່ງແລະເມື່ອພົບພຣະອົງແລ້ວຈຸປາຕີ່ນອ້ອນວອນຖີນມ່າອູນພຣະອົງຕີ່ຈາກຈຸປາ. 43ແຕ່ພຣະອົງກ່າວແກ່ຈຸປາວ່າ, “ຈັກຕ້ອງປະກາດຂ່າວດີແຫ່ງອານາຈັກຂອງພຣະເຈົ້າໃນເມືອງຫາກຄືກັນ ທີ່ພຣະເຈົ້າຊົງໃຊ້ຈັກຫລ່າຍກໍເພາະພາລະກິດໜີແຫຼະ.” 44ດັ່ງນາພຣະອົງຕີ່ນສືບຕໍ່ເທດສະໜາປ່າວປະກາດ ຕາມທຳມະສາລາຕ່າງໆໃນແຂວງຢູດາຍ.

Currently Selected:

ລູກາ 4: PNX

Highlight

Copy