Blasi Sturka 48
48
Jekob bui Josep luhpia wâl ba yamni munisa
1Baha wina piua wiria luan ba ra upla nani Josep ra wan, bara win papikam ba siknis sa. Bara Josep buan ai aisika ba kaikaia waia, bamna ai luhpia nani Manasés bara Efraín wal sin aikuki brih wan. 2Witin nani Jekob ra win, ai luhpia Josep ba witin ra kaikaia balan. Witin baha walan ra ban ai tâ baiki, trai kaiki ai krikrika ra iwan. 3Bara witin Josep ra win:
—Gâd karnika sut bri ba, Luz tawanka tara Kenan tasbaya ra bahara yang ra latan takan bara ai yamnika aikan, 4bara naha bîla nani aisin: ‘Wals, yang daukamna man luhpiam nani ailal pali briaia. Bara man kiamkam nani ba wina nisan sâtka nani bal takbia. Bara baha purkara, man kiamkam nani ra naha tasbaya na yabamna;#Bla St 28.13-14. tasbaya na piu sut witin nani ai dukia ban kabia.’ 5Baha ba aitani, nanara luhpiam nani Efraín bara Manasés ba, witin nani ba nâra Idsip tasbaya ra aisubi takan, yang naha kuntrika ra bal iwras kapri ba kainara. Bahamna witin nani ba sin yang luhpi nani pali sa, luhpi nani Ruben bara Simian luhpi aihwa ba baku. 6Witin nani ba ningkara, man luhpiam wala nani briram ba, baha nani ba lika man luhpiam nani kabia. Witin nani ba sin Efraín bara Manasés muihnika nani kulkan kabia. Ba mita ai prapatika nani briaia ba tilara, baha nani ba sin kulkan kabia. 7Yang Padán-aram wina tawi balri ba ra, yaptikam Raquel, Efrata ra dimaia lamara, Kenan kat pruan. Bara Efrata yabalka kat bikri, nanara baha pliska nina ba Betlehem#Bla St 35.16-19. mâkisa.
8Bara Israel bui Josep luhpia nani ai lamara kan ba kang kaikan, bara Josep ra makabi walan:
—¿Bara naha uplika nani na ya nani sa?
9Josep witin ra win:
—Yang luhpi waitna nani, naha Idsip tasbaya ra briri ba, Gâd wina aikan ba.
Bara ai aisika pana witin ra win:
—Pliskam witin nani ba laimara bri bal, bara yamniki nani ba witin nani ra yabamna.
10Israel pat almuk pali kan bamna, nakra ba sut pukwan kan. Diara nani ba sip param pali kaikras kan, bara Josep mita tukta nani ba ai aisika lamara brih wan, bara witin nani ba kiaubi alki kiawalan. 11Baha ningkara witin kli Josep ra tawi aisin:
—Yang lika man ba kli mai kaikaia lika lukras kapri, ban sakuna, naiwa Gâd bui man luhpiam nani ba sin mairikisa.
12Josep tukta nani ba ai aisa plahpia wina sakan, bara ai aisika mawanra yaban tasba kat bawi ai lula krikan. 13Baha ningkara witin kli Efraín ai mihta aihkika ra alki bara Manasés sin ai mihta smihka ra alki bara ai aisa mawanra wih buan. Bara baku Efraín ba Israel smihka ra kan, bara Manasés ba ai aihkika tani ra kata. 14Bara Israel ai klahkla nani ba sakbi sakan ba ra, ai mihta aihkika ba ai smihka tani ra lakan, ai mihta smihka ba ai aihkika tani ra lakan, bara ai mihta aihkika ba Efraín lal purara kahban. Efraín ba Manasés ningka, bara ai mihta smihka ba muihnika almuk Manasés lal purara kahban. 15Bara witin naku aisi Josep ra ai yamnika yan:
“Yang aisiki nani, Ebraham bara Aisak
baha Gâdka ra bîla wali kan Gâdka ba,
baha Gâdka yang aisubi takri yua ba wina
naiwa kat main ai kaiki ai bri ba,
16bara insalka diara saura nani sut
yang ra aula ba wina swaki ai saki ba,
witin nani ba mita naha tukta nani ra yamni munbia.
Tukta nani na tâka mita
yang nini ba upla sut kau ban luki kabia,
yang aisiki nani Ebraham, Aisak nina ba sin,
witin nani ai luhpia nani ailal bribia bara
tasba ra daknika tara nani takbia.”
17Sakuna Josep aitani lukras kan ai aisika ai mihta aihkika ba Efraín lal purara kahbi kan ba. Bamna witin ai aisa mihta ba alkan bara Efraín pura wina saki Manasés lal purara kahbia munan; 18bara ai bîla ra sin naku aisi kan:
—¡Apia, aisa, baku apia! Naha sika luhpi almukka ba. Mihtam aihkika ba witin ai lal purara kahs.
19Sakuna ai aisika ba baku daukaia brin daukras kan, bara pana witin ra win:
—Luhpi, yang pat kaikisni, almukka ba yang kaikisna. Manasés sin tara kulkan kabia bara nisan tara takbia. Ban sakuna, Efraín kau ai ningka ba kau tara pali kabia, witin ai kiamka ba wina nisan nani kau ailal takbia.
20Baha yua pali ba, Jekob witin nani kiamka nani bal takbia ba sut dukiara luki yamni munan naha bîla nani wal:#Hib 11.21.
—Israel luhpia nani ba man nani ninam mâki ai luhpia nani ra yamni muni kabia. Witin nani naku wibia: ‘Gâd mita Efraín bara Manasés ra diara yamni daukan ba baku, man nani wal sin daukbia.’
Bara baku Israel mita Efraín ba Manasés tâura mangkan. 21Baha ningkara witin Josep ra tawi win:
—Nanara man kaikisma, yang pruaia pat baila sna; sakuna Dawan lika man nani wal ban kabia, tâm baikbia, damikam nani tasbaya ra kli mai bri wabia. 22Muihkam nani sut wal, man ra kau diara tara maikri, Siquem#48.22 Hibru ra ulban sa Siquem, baha tânka ba pahpaya, apia kaka wît, diara kan pain ba. ba man ra maikisna, baha amorreo nani wal aiklabi mihta dakbi briri ba.
Currently Selected:
Blasi Sturka 48: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
