Ageun 29

1 # Mar 23:7; Kos 12:12. Kosodi kolot Yakob alositeke, kodol akwap naka ituŋa lukokide. 2Kosesen, ido koany, ajai atan mana, ido koany, koperete kanen isipanin iuni luka amerekekin koapiete katan; naarai toma atan nin ŋes eruenenere isipanin: amoru da naajai aituk naka atan apol noi. 3Kotukonokinos isipanin kere nina; kikokorioroi amoru alemar kaituk naka atan, kiruata amerekekin, kinyakakis amoru aituk naka atan toma aiboisike. 4Kotema Yakob atiar, “Ikainacan, lukai bo yesi?” Kotemasi atiar, “Kirai isio Ikaranin.” 5Kotema kes atiar, “Ŋenete Laban okoku loka Nakor?” Kobonokis ebe, “Kijeni.” 6#Age 43:27. Kotema kes atiar, “Eŋalei?” Kobalas ebe, “Eijalei, ido koany, ebunit apeseke Rakel nepepe kamerekekin.” 7Kotema atiar, “Koany, eroko erai kidiŋ paaran, eroko da apak edolo naetukonokinere ibaren; kiruata amerekekin, kolot aitadak.” 8Kotemasi atiar, “Mam kipedori, aitodol neetukonokinotor isipanin kere, kikokoriosi amoru kaituk naka atan, kasodete airu amerekekin.”

9 # Any 2:16. Eroko ŋesi inera kakes, kobu Rakel nepepe kamerekekin nuka papake; naarai ŋes ecokienenei. 10#Any 2:17. Kosodi nakeanyunia Yakob Rakel akoku naka Laban onace loka totoke, ka amerekekin nuka Laban onace loka totoke, kikuny Yakob, kikokorio amoru kolema kaituk naka atan, kiruanak esipan loka Laban onace loka totoke, 11#Age 33:4; 45:14; Rom 16:16; 1 Kor 16:20; 2 Kor 13:12; 1 Pet 5:14. Konu Yakob Rakel, kodelo. 12#Age 13:8; 24:28. Kolimok Yakob Rakel kwape eraar ŋesi onace loka papake, ido kwape eraar okoku loka Rebeka; koker kolimok papake.

13 # Age 24:29. Kosodi kiira Laban akiro nuka Yakob okoku loka inacike, koker airiamun kaŋes; kotun, konu noi, kitoloma togoke. Kolimok Laban akiro ŋun kere. 14#Age 2:23; Tub 9:2; 2 Sam 5:1; 19:12,13. Kotema Laban ŋes atiar, “Abeit irai ijo akoitika ido akuanaka.” Kiboikin nepepe kaŋes elap ediopet.

15Kotema Laban Yakob atiar, “Naarai irai onaceka ŋes ibusakinitor ijo aijaanakin eoŋ tai? Kolimokinai, enyoin ekoniropit?” 16Ajaas Laban adwe aarei, ekiror loka nakapolon Lea, ekiror da loka nadidi Rakel. 17Ido anonok akonye nuka Lea, konye arai Rakel naetemelel, akonyeneke da nuisiyalamikinete. 18#Age 31:41; 2 Sam 3:14. Kominakite Yakob Rakel, kotema atiar, “Kejaanakini ikar ikanykaarei tetere kiinakini Rakel akokukon nadidi.” 19Kotema Laban atiar, “Ejok ainakin jo, aitelekarit ainakin ecetuŋanan: kiboikin keoŋ.” 20#Age 30:26; Eko 8:7. Kijaanak Yakob ikar ikanykaarei tetere einakinio Rakel; kosubata apaarasia bala ikidioko, kanuaminar ŋes,

21 # Tub 15:1. Kotema Yakob Laban atiar, “Koinakinai akaberu, naarai adoloto akapaarasia, kalomak mama ejai.” 22#Tub 14:10; Yok 2:1. Kotukonok Laban ituŋa kerc luka aibois kaŋin, kipo epucit. 23Kosodi kedol atiboŋ, koyanau Lea akokuke, koinu ŋes; koloma mamake. 24Koinak Laban Silupa akebulesit mama ejai akokuke Lea araun akebulesit. 25Kosodi kiwala akwap, koany ŋesi erai Lea, kotema Laban atiar, “Anyoika bo nu nukiswamak? Mam abu kejaanak jo kanuka Rakel? Aso kanukinyo kinalakinia eoŋ?” 26Kotema Laban atiar, “Mam ikonio kwaŋin kotoma akwapukosi aikor nadidi ageikin nakapolon. 27#Tub 14:12. Kodau ber apaarasia akanykaarei nuka nin, kasodete konyet akorakin jo ace kanuka aijaanakin nakijaanakini eoŋ bobo, adaun ikar ice ikanykaarei.” 28Kiswama Yakob kwaŋin, kodau apaarasia akanykaarei, kokorak ŋes Rakel akokuke aimany. 29Koinak Laban akokuke Rakel Bilika akebulesit araun akebulesit. 30#Age 30:26; 31:41; Kos 12:12. Koloma neejai Rakel da, komina Rakel aitelekarit Lea, kijaanak bobo ikar ice ikanykaarei.

31 # Sab 127:3; Age 30:1. Koany EJAKAIT ebe aponi kolaai Lea, kopuko akekoik: konye arai Rakel arakan. 32#Any 3:7; 4:31; Ikis 26:7; Sab 25:18; 106:44. Kopotuu Lea, kouru ikoku yenitelepat, komaik ekekiror Reuben; kotema atiar, “Naarai abu EJAKAIT koany ikacan; kwana kaminuni do okilenika.” 33Kopotuu bobo, kouru ikoku yenitelepat; kotema atiar, “Naarai abu EJAKAIT kiira kwape kalaitere, ŋes kainakinia bobo ikoku yen.” Komaik ekekiror Simeon. 34Kopotuu bobo, kouru ikoku yenitelepat; kotema atiar, “Aso irwan na imorikikin do okilenika keoŋ, naarai kauriki idwe lutelepai iuni.” Ŋes kemaikinere ekekiror Lebi. 35Kopotuu bobo, kouru ikoku yenitelepat; kotema atiar, “Irwan na eturi EJAKAIT.” Ŋes kemaikinere ekekiror Yuda; kinye kwaŋin aur.

Currently Selected:

Ageun 29: AOV1961

Highlight

Copy