Ageun 30

1 # Age 29:31; 37:11; Yob 5:2. Keanyu Rakel ebe mam eurikinit Yakob idwe, kirum Rakel ekokote kanuka inaeike; kolimok Yakob atiar, “Koinakinai idwe, arai mam kiinakin atwani.” 2#Age 16:2; 1 Sam 1:5. Kinep anyunyura naka Yakob, kotema Rakel atiar, “Ajai eoŋ aibois naka Edeke, loimikit akonikoik aur?” 3#Age 16:2; 50:23; Yob 3:12. Kotema atiar, “Koany abulesitika Bilika, koloma neejai; tetere idoikini akuninika, kadum eoŋ da idwe kamake.” 4#Age 35:22. Koinak Bilika abulesitike araun akeberu; koloma Yakob neejai. 5Kopotuu Bilika, kourik Yakob ikoku yenitelepat. 6#Sab 35:24; 43:1; Aku 3:59. Kotema Rakel atiar, “Katuboki Edeke akirot, eira eporotoka, kainaki da eoŋ ikoku yenitelepat.” Ŋes kemaikinere ekekiror Dan. 7Kopotuu bobo Bilika abulesit naka Rakel, kourik Yakob ikoku yenitelepat yenikiareit. 8#Mat 4:13. Kotema Rakel atiar, “Kiwuta kinacika, auta nakagogon, ido epiko.” Komaik ekekiror Naputali.

9Keanyu Lea ebe enyeki kwaŋin aur, koyanau abulesitike Silupa koinak Yakob araun akeberu. 10Kourik Silupa abulesit naka Lea Yakob ikoku yenitelepat. 11Kotema Lea atiar, “Kekemer!” Komaik ekekiror Gad.#30:11 Gad Apolouke Aikemer. 12Kourik Silupa abulesit naka Lea Yakob ikoku yenitelepat yenikiareit, 13#Awa 31:28; Luk 1:48. Kotema Lea atiar, “Alakara! Naarai kanyaraenenete apesur nalakara.” Komaik ekekiror Aser.

14 # Eko 7:13; Age 25:30. Kolot Reuben kapaarasia nuasakere akima, koany aiduduma kotoma omanikor, koinu totoke Lea. Kosodi Rakel kotema Lea atiar, “Kenainait, koinakinai aiduduma nuka okokukon.” 15#Mar 16:9. Kolimok ŋes ebe, “Erai akirot naedit jo ademar eoŋ okilenika, ikoto da ademar eoŋ aiduduma nuka ikakoku?” Kotema Rakel atiar, “Ŋes eperio kajo akuare na kanuka aiduduma nuka okokukon.” 16Kobu Yakob kotoma omanikor eboŋ, koloma Lea aisiriam, kobala ebe, “Kibusakinit alomun mama ajai; naarai abeit kagwelit jo kaiduduina nuka ikakoku.” Kopero kaŋes kakuare kaŋin. 17Kiira Edeke Lea, kopotuu, kourik Yakob ikoku yenikikanyet yenitelepat. 18Kotema Lea atiar, “Kainaki Edeke eropitika, naarai abu kainak okilenika abulesitika.” Komaik ekekiror Isakar. 19Kopotuu bobo Lea, kourik Yakob ikoku yenitelepar yenikikanyetekape. 20Kiner Lea ebe, “Kainakinit Edeke ainakinet naejok naka adukokinika; natikwana iboienenei do okilenika keoŋ, naarai aurik ŋes idwe lutelepai ikanykape.” Komaik ekekiror Sebulun. 21Kokau kouru ikoku yenipese, komaik ekekiror Dina. 22#Age 8:1; 29:31; 1 Sam 1:19. Kiitu Edeke Rakel, kiira ŋes Edeke kopuko akoikike. 23#1 Sam 1:6; Isa 4:1; Luk 1:25. Kopotuu, kouru ikoku yenitelepat: kobala ebe, “Kalema Edeke amorositika.” 24#Age 35:17. Komaik ekekiror Yosep, kobala ebe, “Keyatak Edeke ikoku ice yenitelepat.”

25 # Age 18:33; 24:55; 31:55. Kosodi kedau Rakel aurun Yosep, kotema Yakob Laban atiar, “Kotwarai eoŋ, kalot aiboisika, bukosi. 26#Age 29:20. Koinakinai akanor ka ikadwe, luabu kejaanakinia jo, kalot; naarai iieni aijaanakin naabu kejaanak jo.” 27#Age 26:24; 39:3,5; Sab 1:3; Isa 61:9. Kotema Laban ŋes atiar, “Arai ca adumunit asianut kakonyenekon, kopaik ber; naarai aomoom eoŋ ebe abu EJAKAIT kesireren kanukon.” 28#Age 29:15. Kotema ŋes atiar, “Kolimokinai ekoniropit, kainak.” 29#Age 31:6; Mat 24:45; Tit 2:10. Kotema atiar, “Tieni kwape kejaanakinia jo, kwape ajaatar da ikonibaren keoŋ, 30#1 Tim 5:8. Naarai ekidioko luajaas kajo eroko eoŋ kebuno, kwana eyatakinos epuaros; abu EJAKAIT kisireren jo kama ameanari eoŋ kere: asa wori bo adumunia eoŋ da lukokaleka?” 31Kotema atiar, “Kainak inyo?” Kotema Yakob atiar, “Sirikiinak imodiobore; konye arai kiisubak na, ecokienenei bobo ekonisipan ka aidar da. 32#Age 31:8. Etori eoŋ lolo osipanikon kere, kalemanari kanen numerieik kere ka nukomolik, ka nukirionok kere kotoma amerekekin, ka nukomolik, ka numerieik kotoma akinei: ŋun eraunos ekaropit. 33#Sab 37:6. Kwaŋin itejenun akadolit kanukan kokau, kibu ijo kanuka eropitika loejai kakonyenekon; ŋin kere yenimere yenimeri ka yenikomol yenikotoma akinei, ka lukirionok lukotoma omerekekin, arai kidum kamaka imari ŋin araun ikokwara.” 34Kotema Laban atiar, “Koany, akoto kwape ejaar akonikirot.” 35Kapaaran kaŋin kogelana ikorwa lupusieik ka lukomolik, ka akinei kere numerieik ka nukomolik; ŋinidiopet kere yenikapel, ka lukirionok lukotoma omerekekin, koinak kes akanin nuka ikedwe; 36Kitooto kes aleŋitoit naka apaarasia auni kidinike ka Yakob: kicokienenei Yakob luedeunos kosipanin luka Laban.

37 # Age 31:9. Kolem Yakob asiepen ka atopocono ka aparisia; kolinilin akito, tetere etakanuni akwaŋis naejai toma akito. 38Kosipok akito nuabu koliŋilig akonyen nuka isipanin toma alelesia nuka ataparin neamasenenete isipanin; kiwacunete kesi kepotu aimat. 39Kiwacanakis isipanin akonyen nuka akito, kouriata isipanin nul ipusieik, imerieik, ka ikomolik. 40Kotiak Yakob komerekekin ludidik, kitesesen isipanin mama ejaas ipusieik, ka lukiriokok kere lukotoma osipan loka Laban; kogela isipaninike awai, mam abu kimorikik osipan leka Laban. 41Kosodi naewacununiata nukatumak kosipan, kibwaik Yakob akito akonyen nuka esipan kotoma alelesia, tetere iwacunete kaneajaas akito; 42Konye arai esenyit esipan, mam ebwaanakini: kwaŋin luasenyito araas luka Laban, luatumito da araas luka Yakob. 43#Age 28:15; Yob 1:3; Lim 2:7; Esk 39:10; Age 13:2; 24:35; 26:13. Konyanyaar etuŋanan noi noi, kojaas kisipanin luepolok, ka abulesin ka ibulesin, ka akaalai ka asigiria.

Currently Selected:

Ageun 30: AOV1961

Highlight

Copy