Ageun 31

1 # Yob 5:2; 31:31; Sab 57:4; Rom 13:13; Tit 3:3; Yak 3:8; Sab 49:16. Kopup ŋesi akiro nuka odwe luka Laban, ebalas ebe, “Kidema Yakob iboro kere luaraas luka papawok: ido kaŋul luaraas luka papawok kes adumunia abar ŋin kere.” 2#Age 4:5; Ikis 28:54. Koany Yakob akonyen nuka Laban, ido koany, itegelikina kamaken, 3#Age 28:15; 32:9. Kotema EJAKAIT Yakob atiar, “Koboŋo akwap naka lukapapaakon, mama ejaas iinacanakon, ajaenena eoŋ kajo.” 4Kiyakia Yakob konyarau Rakel ka Lea kopotu orony neejai esipan. 5#Age 21:22; Isa 41:10; Bur 13:5. Kotema atiar, “Aany akonyen nuka papakus itegelikina kamaka; konye Edeke loka papaka ejaenena keoŋ. 6#Age 30:29. Ido ijenete cut ebe abu kejaanak papakus kakagogon kere. 7#Age 15:1; 20:6; Yob 22:25; Sab 5:11; 7:10; Awa 30:5. Ido papakus abu kenala, kilocenenei ekaropit irwan atomon; konye mam Edeke abu kocamak aiswamakin eoŋ aronis. 8#Age 30:32. Naetemaria kwana ebe, ‘Numerieik, kes eraunos ekoniropit’; kouri esipan kere numerieik: ido naetemaria ebe, ‘Nupusieik kes eraunos ekoniropit’; kouri esipan kere nupusieik. 9#Age 31:16. Kwaŋin abu Edeke kodema papakus ikebaren, kainak eoŋ. 10Kosodi kapaarasia kanun, kiwacu esipan, keteluo akakonye, kaany kotoma airuja, ido koany, ikorwa luakwarete esipan araas lupusieik, ka lumerieik, ka luenirooko. 11#Age 48:16. Emalaika da loka Edeke kalimok kotoma airuja ebe, ‘Yakob’; katema atiar, “Eoŋ lo.’ 12#Any 3:7; Ikis 24:15; Sab 12:5; Pes 6:9. Kotema atiar, ‘Kiteluo kwana akonikonye, koany ikorwa kere luekwarete esipan lupusieik ka lumerieik ka Iuetjirooko; naarai aany kere nukiswamanakini Laban, 13#Any 28:18-22; 32:9. Arai Eoŋ Edeke loka Bet-el, nekolo ibukokinia akinyet opir, nekiyapoikinio eoŋ aiyaposit; aso do konyou, kolot kakwap kana, kobono akwap nakolo kiwurikinio.’’’ 14#Age 2:24. Kobonokis ŋes Rakel ka Lea kotemasi atiar, “Eroko bobo isio kiia kakorakinet arai airumet kotogo loka papakosi? 15#Tub 17:5; 1 Sam 19:13; Esk 21:21; Kos 3:4. Mam kimarakinit ŋesi sio olonwao? Naarai abu kogwela sio, anyamar da cut ikosiboro. 16Naarai abara kere naademaa Edeke papakosi ŋes nawok, ka naka idwcwok: asa do nuadau Edeke alimokin jo, kiswama.”

17Konyou Yakob, kisibwanenik ikedwe ka akenor kuju akaalai; 18Koyana ibaren kere, ka iboro kere luatukonokinit, ibaren luabu kodumunite, luatukokinit koPadan-Aram, alosit mama ejai Isaak papake akwap naka Kanaan. 19#Age 35:2. Alosit Laban aitub ajul nuka amerekekinike; kokokwa Rakel aputosia nuka idekesio nuka papake. 20Kidadaar Yakob komam Laban Esuriat Ejeŋi, naarai mam abu kolimok elosi. 21#Age 46:28; 2 Ika 12:17; Luk 9:51. Kwaŋin koker kiboro kere luajaatar; konyou, kikwaijar kocor, kobea oroŋat loka Gilead.

22Aponi kolimokinai Laban kapaaran kanakiwuniet ebe asi Yakob. 23#Age 13:8. Kouparos kikeinacan, kibwapak ŋes apaarasia akanykaarei; kodumak oroŋat loka Gilead. 24#Age 20:3; Yob 33:15; Mat 1:20; Age 24:50. Kobu Edeke mama ejai Laban Esuriat kotoma airuia kuare, kotema atiar, “Kocoite, sirikiner kaYakob nuejok karaida nuereko.”

25Kodolok Laban Yakob. Ebubukinit Yakob ekewema oroŋat; Laban da ka ikeinacan kibubukis oroŋat loka Gilead. 26#1 Sam 30:2. Kotema Laban Yakob atiar, “Ibu kiswama nyo, aisi komam eoŋ ajeni, kosodi ayaŋaar cut adweka kwape nuunatan kekileŋ? 27Kanukinyo kisia, aidadaar kamaka; komam kilimokinit, tikatwarit kaboliasia ka ikososio ka isiman ka adeudeu? 28#Rus 1:9; 1 Ika 19:20; Asw 20:37; 1 Sam 13:13; 2 Siit 16:9. Kwabo mam ibu kisunup eoŋ ainu ikadwe lusap ka lupesur? Iswama do nuka abaŋaanut, 29#Age 28:13; Sab 5:11; 84:11; 115:9. Ejai eoŋ apedor aiswamakin jo erono: konye Edeke loka papakon ŋes kinera keoŋ kuare ebe, ‘Kocoite, sirikiner kaYakob nuejok karaida nueroko.’ 30#Age 31:19; Yos 24:2; Tub 18:24; Asw 19:26. Natikwana da karaida kikoto alosit, naarai kimuit ijo ere loka papakon itia bo inyo kikokwaria ikadekesio?” 31Koboŋok Yakob kotema Laban atiar, “Naarai abu-kakurianar, ebe elemuni jo kodema eoŋ adwekon kagogon. 32#Age 44:9. Ŋin yenidumuni ijo ejaas kikonidekesio, mam ejari; kotiaka ijo yenikon yenejai keoŋ kakonyen nuka iwokoinacan, koyana.” Naarai mam Yakob kejeni ebe kekokounit Rakel kes.

33 # Age 44:9. Koloma Laban owema loka Yakob, owema da loka Lea, owema da loka abulesin aarei, konye mam abu kodum kes. Kolom kowema loka Lea, koloma owema loka Rakel. 34Kwabo kelemarit Rakel aputosia nuka idekesio, kibwaik kes oboro luka akaalai, kiboikin kes, kinanyinany Laban ewema kere, konye mam edumuna kesi. 35#Any 20:12; Leb 19:32; Pes 6:1. Kotema papake atiar, “Sirikinyunyurikin ejakaitika kanu mam apedoro anyoun kakonyenekon, naarai ebami eoŋ.” Komo, konye mam edumuna aputosia nuka idekesio.

36 # Pes 4:26. Konyunyurikin Yakob, konolopata kaLaban: Koboŋok Yakob kotema Laban atiar, “Anibo akaronis? Akadiakaret anyoin, kibwapitor arukitor eoŋ? 37#1 Sam 12:3; 1 Kor 6:5. Naarai inanyinany ikaboro kere, inyo bo idum ijo koboro lukotogokon kere? Kibwaik ne akonyen nuka ikainacan, ka ikoniinacan, kotubokis oni luarei. 38Ikar nul akaisaarei kiia kajo; amerekekinikon, ka akineikon mam eiecununete ikalei, imaseniko da luka esipan mam eoŋ elilanari. 39#Any 22:10,12. Yenapoopooenenei ctian mam kainununei jo, eoŋ katwanianari nin, ibu kitepesenenei eoŋ arai kekokwar paaran, arai kekokwar kuare. 40Kaiai kwaŋin; paaran kaarite akure noi, ka aterot kuare; kikolerito akakonye. 41#Age 29:27; 31:7. Ikar nul akaisaarei ajai togokon; abu kejaanak ikar itomon ka luoŋon kanuka adwekon, ikar ikanykape da kanuka esipanikon; ibu kilocenenei ekaropit irwan atomon. 42#Sab 124:1; Isa 8:13; Any 3:7; 1 Siit 12:17. Kedim Edeke loka papaka, Edeke loka Aburaam, ka Aiyoŋ naka Isaak ajaut keoŋ, timam kikurwok aiiukar eoŋ kwana titai. Abu Edeke koany akaiticanitoi, ka aitaaritoi naka akaninika, kiretak jo bian kuare.”

43Koboŋok Laban kotema Yakob atiar, “Apcsur eraas akapesur, idwe eraas ikadwe, isipanin da ikasipanin, kere luiseseni eraas luka; eswamakini nyo lolo akapcsur nu, arai ikecedwe luapotu kouriata? 44#Age 26:28; Yos 24:27. Aso do, ketutukot aitutuket, eoŋ ka jo, korai akajenan neaiai eoŋ ka jo.” 45#Age 28:18. Koyana Yakob amoru, kosipok araut epir. 46Kotema Yakob ikeinacan atiar, “Kotukokisi amoru.” Koyaata amoru, kotukokisi atukot; konyamata kidunyasi katukot. 47Komaik Laban nin Yegar-sakaduta; #31:47 Yegar-sakaduta Apolouke toma Aramaik Atukot nakaienan. konye komaik Yakob Galeed. #31:47 Galeed Apolouke toma Aburanian Atukot nakajenan. 48#Yos 24:27. Kotema Laban atiar, “Atukot na ŋes akaienan neajai eoŋ ka jo lolo.” Ŋes kemaikinere ekekiror Galeed. 49#Tub 11:29; 1 Sam 7:5. Ka Misupa, #31:49 Misupa Apolouke Aites. naarai kotema atiar, “EJAKAIT kidara eoŋ ka jo, namam kianyununor bobo. 50Arai kinaru ijo akapesur, arai kimany ijo acenor kinye apesuruka, emamei ecetuŋanan kaoni; koany, Edeke ŋes ekaienan neajai eoŋ ka jo.”

51Kotema Laban Yakob atiar, “Koany atukot na, ido koany epir, luasipok eoŋ kidinika ka joo. 52Korau atukot na akajenan, ido epir korau ekajenan, ebe mam atubi eoŋ atukot na abunore mama ijai, ijo da mam itubi atukot na ka epir lo abunore mama ajai, kanuka aronis. 53#Age 16:5; 21:23. Edeke loka Aburaam, ido Edeke loka Nakor, Edeke loka papakec, kotub kokidiniwok.” Kiyapo Yakob kolimite Aiyoŋ naka papake Isaak. 54Koinak Yakob asubanit koronat, konyarau ikeinacan ainyam atap; konyamata atap, kiboioto akuare kiya koronat.

55 # Age 28:1; 2 Sam 6:20. Kodilok Laban ainu ikedwe lutelepai ka lupesur, kilipak arereŋ; konyou Laban, kobono aiboisike.

Currently Selected:

Ageun 31: AOV1961

Highlight

Copy