Ageun 32

1 # Sab 91:11; Bur 1:14. Abu Yakob kolot, kiriamunos kimalaikan luka Edeke. 2#Yos 5:14; 2 Ika 6:16; Sab 103:21; 148:2; Luk 2:13. Keany Yakob kes kobala ebe, “Na ŋes ajore naka Edeke.” Komaik aibois nin Makanaim.#32:2 Makanaim Apolouke Irioneta iarei.

3 # Age 33:14; 36:6-8; Ikis 2:5; Yos 24:4. Kijuka Yakob ikiyakia aiŋarenikin ŋes mama ejai Esau onaceke akwap naka Seir, ŋes emanikor loka Edom. 4#Awa 15:1. Kicorak kes, kobala ebe, “Kolimokis ejakaitika Esau kwanata ebe; ‘Ebala kwanata ebulesitikon Yakob ebe, Abu keboienenei ka Laban, kajaenenei nina aitodol kwana: 5#Age 30:43; 33:8. Ido ajai kimoŋin ka isigirian, ka isipanin, ka ibulesin, ka abulesin da: ido eyakunit alimokin ekajakait, kadum asianut kakonyenekon.’’’

6 # Age 33:1. Kobonut ikiyakia mama ejai Yakob kotemasi atiar, “Kipou kadoloto mama ejai onacekon Esau, ido ebunit ŋesi airiamun kajo; ka ituŋa akwat aoŋon eupas kaŋes.” 7#Age 35:3; Awa 2:11; Pes 5:15. Kwaŋin kokurianar Yakob noi, kiyalonon; kotiak ituŋa luajaas kaŋes, ka isipanin, ka aituk, ka akaalai araun atukon aarei. 8Kobala ebe, “Arai kedolok Esau atukot adiopet kitiji, ekui atukot naesali.”

9 # Sab 50:15; Age 28:13; 31:3. Kotema Yakob atiar, “Wu Edeke loka papaaka Aburaam, Edeke loka papaka Isaak, wu EJAKAIT, lokatemari ebe, ‘Kobono akwap nakobukus ido mama kiinacanakon, eoŋ da kasubanakini jo ejok’; 10#2 Sam 9:8; Age 24:27; Yob 8:7. Mam kebusakinit nepetai da aitimesia kere, ka nuka abeit da kere, nuibu kitodianak ekonibulesit; naarai abu katub Yorodan lo, kajai kebela bon; kwape kwana da aluor atukon aarei. 11#Sab 59:1,2; Kos 10:14. Kenainait, koyuunai kakan naka onaceka, kakan naka Esau; naarai akuriana ŋes, kinye abunore aitiji eoŋ, toto ka idwe da. 12#Age 22:17; Age 28:13-15. Ka jo da ibu kobala ebe, ‘Abeit kasubanakini jo ejok; ido etuluori akoniwur kwape kasine naka aŋolol namam imarun.’’’

13 # Age 43:11. Koper nen akuare nin, kolem kotoma kanul luajaas kaŋes araun ainakinet mama ejai Esau onaceke; 14Akinei akwat aarei, ka ikorwa akaisaarei, amerekekin akwat aarei ka imerekekin akaisaarei; 15Akaalai nuicirio akaisauni ka idwekec, aituk akaisaoŋon, ka lumaseniko itomon, asigiria akaisaarei ka idwekec itomon. 16Kititiŋ akanin nuka ibulesinike, nolisipan owaike bon; kotema ibulesinike atiar, “Kinarenikinai kotuboros, kojai apak kidin kesipan ka esipan.” 17Kicorak Ioenarenikinit kobala ebe, “Nairiamunotor ijo konaceka Esau, kiiŋit jo ebe, ‘Lokanai bo ijo? Ilosi bo ai? Lukanai da nul luejaas kakonyenekon?’ 18Kolimok ŋes ebc, ‘Luka ebulesitikon Yakob; ŋes ainakinet naeinunitai ejakaitika Esau: ido koany, ejai ŋesi da kaukosi.’” 19Kicorak lokiareit, ka lokiwuniet da, ka nul kerc luameetos isipanin, kobala ebe, “Ilimokinete Esau kwaŋin kianyutu ŋes. 20#Awa 21:14. Ido kineras ebe, ‘Koany ebulesitikon Yakob ejai kaukosi.’” Naarai abala ebe, “Esinapikini ŋes kainakinet naegei, kasodi konyet kaany akekonycn; diat kacamuni kanuka ŋun.” 21Kwaŋin kotubor ainakinet kinarenike: ŋes da elopet koper akuare ŋin nepepe kipaupake.

22 # Ikis 3:16. Konyou akuare nin, koya akenor aarei, ka akebulesin aarei, ka ikedwe itomon ka lodiopet, kotubor kodoket loka Yabok. 23Koya kes, kitutub ecor, kitutub kere luaiaatar. 24#Kos 12:3-4. Kosalak Yakob bon; koutata etuŋanan kaŋes aitodol neacilar kide. 25#Mat 26:41; 2 Kor 12:7. Keany ebe mam epedori aibirokin, kotiro etul; kinunyakin etul loka Yakob eutas kaŋes. 26#Luk 24:28; Kos 12:4; 2 Ika 17:34. Kotema atiar, “Koosikinai, naarai acila kide.” Kotema atiar, “Mam kaosikin, dimikiinak arereŋ.” 27Kotema ŋes atiar, “Ekonikiror iŋai?” Kobala ebe, “Eoŋ Yakob.” 28#Age 35:10; Kos 12:3,4; Age 25:31; 27:33. Kotema atiar, “Ekonikiror mam bobo enyaritai Yakob, dimarai Isirael: #32:28 Isirael Apolouke Loepegas ka Edeke arai Epeg Edeke. naarai ipegata nepepe ka Edeke ka ituŋa, ido iteleka.” 29#Tub 13:17-18. Kinit Yakob ŋes kobala ebe, “Kenainait kolimokinai ekonikiror.” Kobala ebe, “Inyo inisitor ekakiror?” Kisireren ŋes kanen. 30#Age 16:13; Any 24:11; 33:20; Ikis 5:24; Tub 6:22; 13:22; Isa 6:5. Komaik Yakob aibois nin ekekiror Penuel; #32:30 Penuel Apolouke Akonyen nuka Edeke. kobala ebe, “Naarai aany Edeke kasesenas, akaijar da ajar.” 31Kolomak ŋes akoloŋ ketub Penuel, kicodokin amurwo. 32Ŋes mam idwe luka Isirael enyamiata akiriŋ nakotul aitodol lolo, naarai abu kotiro etul loka Yakob, toma akiriŋ nakotul.

Currently Selected:

Ageun 32: AOV1961

Highlight

Copy