LUKU 1

NSÁNGÙ MBÓTÌ YI KÀ SÓNÉKÉNÈ LUKU

1Mfùmù wù díkùmù wù zülù nsídì Téyófídí, Batù béngi bà sónékénè mù kù landanga mùmà mpándi mà malutidi mù nkati kà bétù. 2Baba sónékénè mà mpándi mánà kù kélé batù bâna bà mimwene mpídí mi salamene bà tù kémbé bétù mùsámù di bawù. Batù bâna bà kélé hahana mùtángù dini mà salamene mà mpándi ménè mù mbala'a yi ntétè,mánà, yandiki hahana bà yandikidi kù ta mà mpándi mà mísámù miene . 3Ménè bénè Téyófídí ntomene kù dingi-dingi mùmà mpándi màkùlù mánà mà hiokele yandiki diyandiki nsídì. Yi kiakini mbongele nsilùlù nà: Bùfwénè yi soniki wè makiedi mpídí malutidi mámpándì, mùsámù di ngè. 4Nzólélè wù zaya nà mà mpándi bà kù kémbé mánà batù mùsámù di Yésù meninga mà mùkiédiki.

KUBUTUKU WÈ BÙ MWANA BÙ Yésù

Wanzio di kà hoyélélé kùbútùkù kù Zwáni Mù botiki

5Mùtángù kà yélè Elodi mbánzá yi Yùdéyá, ngángà Nzámbi mpüngù mosi wù zíní di yàndi Zakadi kà zingididi hahana. Kà kélé mù kimvùkù ki bà ngángà Nzámbi mpüngù bà télélé kimvùkù ki Abiya. Yàndi wè mùnkétu yàndi bà kélé bà bôlò bâna bà kikanda ki ngángà Nzámbi mpüngù wù ntétè wù Isalayele, Aloni. 6Zakadi wè Dizabeti bà kélé bà bôlò batù bà mákíedík kù mésù mà Nzámbi mpüngù. Disongididi nà, bà zingididi mù kù landa mínsíkù miàkùlù mi mfùmù. 7Mánà, bà kélókó wè bâna mùsámù Dizabeti kà kélé mùnkóbò,Mánà bà bôlò bà kélé nsídì wè mà mvùlù méngí mùsámù di kùbùtù bânà. 8Kilùmbù kimosi Zakadi kà sadídí kisalu ki yàndi ki bù ngángà Nzámbi, kù disè di Nzámbi mpüngù, mùsámù di kélé tángù di kimvùkù ki yàndi ki solomene mù kù mùsádìdì Nzámbi mpüngù mù nkati kà Témpéló. 9Kù kélé kifu ki bawù mùsámù di bà ngángà Nzámbi mpüngù kù loso zéké mùsámù di kù bóngó dikanu nà fwénè kù koto mù témpéló di mfùmù mùsámù kayoko masi mà wenge. Ki kélé kisalu ki bà ngángà Nzámbi mpüngù mánà zíní di Zakadi mánà bà sólélè. 10Mùtángù kà yokele Zakadi masi mà wenge,batù béngi bà kélé kù mpénzè nzò yi témpéló bà sambididi Nzámbi mpüngù mù dimpangu di témpéló. 11Mùtángù dini wanzio mosi wù mfùmù kà mù lùbùkídídí Zakadi. Wanzio kà téléménè kù lwékè di koko di kitata di mese bà yokéléléngè masi mà wêngè. 12Zakadi kà mwénè wanzio mánà dika béngè nsídì. 13Mánà Wanzio,kà mùkámbá nà: «Yámbùlù kù banga, Zakadi. Mùsámù Nzámbi mpüngù ndimini bisambu bi ngè mùsámù di mwana ngè wù yakala kiakini, mùnkétu ngè Dizabeti kà kubutidi mwana yakala, mánà Kùfwénè wù muheke zíní di Zwáni mu botiki». 14Kà kù hékè kiésè kingi mánà batù béngi bà sepidi mùtángù dini kà butuku. 15Mùsámù kakala mùtù mbùtù kù mésù mà mfùmù. Kiakini kà fwanoko kunwa vinu. Mpévè lôngò yi muyala yandiki kifundu ki ngudu yàndi. 16Kù bù nsuki, kà nata batù béngi bà Isalayele bà mù vùtùkídí mfùmù Nzámbi mpüngù bawù. 17Kà kalà'a mùtù wéniná yi mpévè wè ngólò za mulongi Heliya. Yàndi kakùsù kù disè di mfùmù, kù yidiki mà mbùndù mà batù mùsámù di kù kùsù kù yàndi. Kà vutulu ngwakana mù nkati kà bà tâtà wè bâna bà bawù, mánà kà bálùmùnù mpévè yi baba konda bâna kù mù lemvukidi kù tambusulu máyélè mà Nzámbi mpüngù. 18Zakadi kà mù huila Wanzio: "Nki mpídí yi zaya nà mi hóyélè mini misalama mà mùsámù? Yéníná nkaka, wè mù nkétù ménè kekinawu nkaka mùsámù di kù bùtù bâna. 19Wanzio kà mù vùtùlélé:" Zíní di ménè Ngábidiê mánà'a ntélémé kù disè di Nzámbi- mpüngù. Nzámbi mpüngù kà ntumini ménè yi kù hékè nsángù mbótì yi, mùsámù di mwana ngè wù yakala. 20Mánà' tomo' wa bù bùnkétè. Kù mù baba tii kùnù kà butuku mwan'a ngè yakala. Misalama mùsámù wù kwikidi nà mámpándì mánà yi kukembe mà salama mùtángù diádìnì. 21Kù mpénzè, mù dimpangu di témpéló, batù bà mù hingidi Zakadi mánà bà yítùkídí mùsámù di nki kazietele mù nkati kà témpéló tángù di kaleyi kulutu mù mimi lómbélè. 22Kù bunsuki mùtángù dini kà lubukidi Zakadi mù témpéló,kà kukidieku kù bà kamba ata kimi. Mánà yi bese zaya nà kà mwénè kùzáyí na ku ndosi mù nkati kà témpéló mùsámù kà hóyélè mù bidimbu, kà kùmíní baba. 23Mùtángù dini mfúnù yàndi yi kisalu mù nkati kà témpéló yihudi, yika vùtùkídí kù nzò yàndi kù zidé. 24Kùmánímí mwana tángù di nkékè, mùnketu Zakayi Dizabeti yi késé yaka, mánà'a kà zákélé mù nzò kiana wè batù ngondo tanù. 25Kà hóyélè, «mfùmù sadídí nà yi bóngó mama fwénè musamu yi bùtù mwana. Nsongele ménè kiadi ki yàndi mánà nkatwele mù nsoni mù nkati kà batù músámù dì kukondo bâna.»

WANZIO HÓYÉLÈ KUBUTUKU KU Yésù

26Mù ngondo sámbánù yi kifundu ki Dizabeti, Nzámbi mpüngù yika tùmíní diaka wanzio Ngábidiê kù mpíni mosi zíní Madiyi wù zingidi kù vùlù di Nàzàletí, di kélé kù mbánzá Ngádítí. 27Káyélé Kùkéníná mpíni mosi wù kondo kalà kuzaya lùtù di yakala zíní di yàndi Madiyi, kà kélé mù nkétù kà zolélé kà kwélè, yakala mosi mùkì kanda ki Tavidi, bà télélé Zéfu wù kélé mù kikanda ki ntotidi Távidi . 28Wanzio kà kotele mù nzò yàndi, mánà yika mù hélè mbótì mánà yika hóyélè: "sepidi, Madiyi. Nzámbi mpüngù kà tù kù kusongidi mà mbótì méngí. Mfùmù kéníná wè ngè. 29Nsángù za Wanzio za mù tungisi, mana Madiyi kà bi hiulele, nki disongididi di mbótì yi? 30Kiakini Wanzio kà mùkámbá yàndi, "yámbùlù kù banga, Madiyi, mùsámù Nzámbi mpüngù kù sadididi mahambu. 31Wa mùsámù wù.Bóngó kifundu mánà bùtù mwan'a yakala.Mù hékè zíní Yésù. 32Kà kalà wè ngólò zéngi mánà kà zayana kùzáyí nà mwan'a Nzámbi mpüngù wù lutidi kù zülù bungi. Mfùmù Nzámbi mpüngù kà mù kùmisi mfùmù hâ ntàndù'ntàndù zülù di batù bà yàndi bù kà hóyélè nkak'a yàndi Távidi. 33Yàndi kà yala bà tékùlù bà Yakobi minsa kù manimi mà minsa, kímfùmù ki ngè ki kaloko yi nsuku. 34Mùbwa bùnù Madiyi kà mù huila mù wanzio, «nki mpídí mfwene muku zwa mwana yima zayeku lùtù di yakala?» 35Wanzio kà mù vùtùélélè:" mpévè lôngò, yi Mwana Nzámbi Mpüngù yi lùtù hâ zülù, kà kùsù kuwene ngè mánà kasala ngólò mùnkâtí kà ngè. Mù nfunu yínì,mwana wùnù butuku kà kalà lôngò,mánà bà mutele: Mwana wù Nzámbi mpüngù. 36Yámbùlù yi ku kamba kimi kimosi, mpángi ngè Dizabeti mpè kà bùtù mwana yakala, ata kéníná mù ki nunu kingi. Batù bà hóyélè nà kéníná mùnkóbò, mánà wukumu wè kifundu ki mà ngondo sámbánù. 37«Nzámbi mpüngù fwénè kù sálá kimi kiakulu.» 38Mù miamini Madiyi kà hóyélè: "Yéníná musadi mfumu Nzámbi mpungu. Yámbùlù na mandingi màkùlù kà nkembe mene ma kukisama ku yéníná mene mana wanzio yi kà mu yambwele.

Madiyi kà tala Dizabeti.

39Kù mànimi mà mwan'a bilùmbù, Madiyi kà bi tambikidi mánà'a nswàlù-nswàlù yi kélé kù mbánzá yi Yùdéyá yi yéníná hâ nkati-nkati kà miongo. 40Tángù dini kà kùmíní yi kà kotele mù nzò Zakadi mánà'a kà muhele mbótì Dizabeti. 41Tángù Dizabeti kà hùdi mbótì Madiyi, mù mbala mosi mwana yikaningene wè kiésè mù nkati kifundu ki Dizabeti. Kiakini Dizabeti kà bese wè-wè mpévè lôngò. 42Yi kabokele wè kiésè kùkéníná Madiyi mánà yi kà mùkémbè: Madiyi Nzámbi mpüngù kù songele mahambu yi kà hóyélè mù ndíngí yi ngólò kù Madiyi mánà yi kà mùkémbè: Madiyi, Nzámbi mpüngù kusongele nkéndè za yàndi kulutu bà nkétù bà hiki. Nzámbi sàmbwélè mwana wùnù kalà wo. 43Ngè wù wéniná mubuti mfùmù ménè wusu tala ménè! Mfwene mù díkùmù di mbùtù keku di. 44Yi kukembe nà mùtángù dini ngûdí mpêle mbótì, mwana mù nkati kà kifundu ki ménè yi kà sepele bungi mánà yi kà ningene. 45Mfùmù kù mpambwele ngè mùsámù ndimini nà mfùmù kà kùkísí mi kakulakidi kasala mùsámù di ngè. 46Mùbwa bùnù Madiyi kà hoya, "Mù kimutu ki ménè kiakulu nkumisi mfùmù. 47Moyi ménè sepele wè Nzámbi mpüngù, mùbikisi ménè, 48Mùsámù kà ntadidi ménè nsádì yàndi wù bi kulumuna wè mésù mà nkéndè yi kiakini mà kanda màkùlù mà ntele wùnù wusambuku. 49Mùsámù Nzámbi mpüngù wù ngólò zakulu kà nsadidi mísámù mi kù yituku mù sàmù di ménè zíní di yàndi diénina di lôngó. 50Mánà kíádì ki yàndi ki mpanzene mù bikanda yi bikanda mùsámù di baba mubanga bâna. 51Kà sadídí mísámù mi mbùtù mù ngólò za yàndi. Kà kulumuna bà kwa difündù wè baba yindula nà bà kalà batù bà mbùtù. 52Kà katula yi ngólò bà-bà yala mù biziki bi bawù bi ngólò, mánà kà tombola batù bà bi kulumuna. 53Kà manisi nzala yi bà-bà kélé wè nzala yi bimi benina bio mfúnù mánà kà vutwele bà mvwama moko mà nkatù. 54Katu sadisi bétù batù bà Isalayele bà nsádì bà yàndi mù kù yíndùlù bilaka'a bi kù songidi kiadi wè mà mbótì kù Abalayami wè bâna'a bà yàndi bà kùlù sàmù di minsa miàkùlù. Mùbwa bùnù mù nzidi ya yínì, kà wanisi bilaka'a bi kà hélè kù bà nkaaka bà bétù. 55Nzámbi kahene bilaka kùkéníná Abalayami wè kù bà nkaka bà bétù bà hiki bakulu bà kikanda ki yàndi nà kasala yi mamboti mùsámù di bawù mùkì màkùlù. Mánà tángù di kuyindwele mi kalakidi. Yi kiakini kà nsadisi ménè wè batù bà hiki bakulu bà Isalayele bà banda kù mùsádìdì. 56Madiyi kà sélé kù nzò Dizabeti mbenze mà ngondo mà tátù. Mánà yika vùtùkídí kù nzò yàndi kù Nàzàletí.

Kubutu kù zwáni mù botiki

57Tángù kà fwéti bùtù Dizabeti di wênè, kà bùtidi mwana yakala. 58Bà baba zinga bo bélé-bélé, wè bà mbángí bà kikanda ki yàndi bà wüdi nà mfùmù kà mu wudidi kíádì kingi, mana kà musadídí kimpelekese mánà kà musongele ditondo di yàndi, mánà yika kasepele sàmbù di Nzámbi mpùgu yàndi. 59Tángù kà wanisi bilùmbù nãná, bakwenu wè bà mbángí bà vukene mùsámù di kusepidi mù kimvùkù mùsámù bà mù tábùlù mwana mùsùtù mánà bà hóyélè, "Kà bóngó zíní di Zakadi kù záyénè nà tâtà yàndi. 60Mánà Dizabeti ngûdí mwana kà bà kamba nà : «Lo! Tù mutele Zwáni mu botiki.» 61Bà mù kamba nà: «Kweku yi mùtù mù kikanda ki, wéniná yi zíní di Zwáni» 62Mánà, bà yandikidi kù mùsálá bidimbu kù tâtà yàndi mù kuzaya nà nki mpídí kà fwénè kù mutele mwana. 63Zakadi kà lómbélè mwana dibaya mánà kà sónékénè hâ zülù di diawu: Zíní di mwana Zwáni mu botiki. Mánà yi kà sónékénè mà ndíngí mà hâ zülù di diawu:" zíní di yàndi Zwáni mu botiki. 64Mùnù diádìnì kákà, Zakadi dilaki di yàndi kà fungemene kà yandikidi kù hoyi wè kù kembidi Nzámbi mpüngù. 65Batù bakulu bâna bà zákélé bélé-bélé wè bawù bà yítùkídí ngólò wè kubanga. Mùtù wákùlù wù hâtá wù miongo mi Yùdéyá bà yandikidi kù hoyi miàkùlù mísáláménè. 66Mùtù wákùlù wùnù wù wüdi mámpándì mánà malutidi, kà miswekele mù mbùndù yàndi mánà bà kélé kù bi huilù: Nà kakala mwana wù? 67Tâtà Zwáni Zakadi kabese yi mpévè lôngò mánà kà hénè nsángù yi tùkídí kù Nzámbi mpüngù yi kà hóyélè:" 68"Díkùmù diénina di mfùmù, Nzámbi mpüngù kù bétù batù bà Isalayele tutu kù kùkùmísí. Mùsámù nà kà kùsù mà mùsámù kà bikisi batù bà yàndi. 69Nzámbi kà tù hélè ngùlùsi wù ngólò zéngi mùsámù di kù tubikisi bétù. Kà kalà mù kikanda ki nsádì yàndi, Mfùmù Távidi. 70Nzámbi kà tù kusala nsídì bùnù kà hóyélè nà kasala bandiki ntama bùnù kà hóyélè kù batù bà yàndi kù minwa mi mivungi mi yàndi mi lôngó. 71Mùbikisi mosi wusu tù bikisi kù moko mà bà mbeni bà bétù wè kù batù bakulu bà tù menga. 72Kasadidi bwabùnù mùsámù kà songidi zolo di yàndi kù bà nkaka bà bétù mánà mpè kayindulu kúyúkánà yàndi yi lôngó kasadidi wè bawù. 73Kúyúkánà kù nkaka bétù Abalayami wè Nzámbi mpúngù kà hóyélè nà: Yi lúbíkísi kù bà mbeni bà bénù mù mfúnù nà luúkúkù kù mfúkímíni ménè wè kukondo bomo. Kà zolélé bétù tukala bà lôngó mánà tù zitisi mínsíkù mi yàndi koso tángù ntwénànà mù dizingù." 74Yi, yéníná kúyúkánà kà sididi kù nkaka bétù Abalayami.Kà hóyélè nà:Yi lù bikisi kù bà mbeni bà bénù mù mpídí nà lukuku kù mfukimini ménè mù kù kondo bomo. 75Kà zolélé bétù tù kalà bà lôngó kùkéníná yàndi mánà tù zitisi mínsíkù mi yàndi tángù diakulu twenina mù dizingù. 76Mánà, ngè, mwana ménè wù nkékè, batù bà zaya nà wéniná mùvùngí wù Nzámbi mpüngù wù ngólò wù wéniná kù zülù di biákúlù. Yidiki batù mùsámù di kù kùsù kù mfùmù mùsámù bakala bà kuyilama tángù dini kà kùsù mfùmù. 77Ngè Sadisi batù bà yàndi mùsámù bà zaya nà mfùmù kà kùsù'ntàndù bà bikisi mù nzidi yi kù lólóló mùsámù mà bawù. 78Nzámbi mpüngù kà túkù lólóló batù bà yàndi mùsámù kéníná mùkwá nkéndè. Mù nkati kà kíádì za yàndi, mfùmù kéníná kùzáyí nà mùní wù lubukanga mù kibungi kakùsù kù twenina bétù katuku kù zülù. 79Kahana nsemu kù batù bâna bà túkù zingidi mù kukondo kuzaya Nzámbi mbungu wè bà baba banganga kufwa. Kà tunatisi mù mpídí nà tubiki mù Ngémbè. 80Mwana yakala kà yélélè mánà kà kùmíní mbùtù yakala, kà yélélè wè ngólò za lùtù wè mazaya. Kà zingidi mù nsékè tii kùnù kà yélélè. Mánà tángù bù difwénè mánà yika yandikidi kulongo batù bà Isalayele.

Currently Selected:

LUKU 1: LNZ

Highlight

Copy