Gálatas 6
6
Ñi' 'oonolec lecochiỹa ga' laqáỹa
1'Ami ỹaqáỹa', da' 'uo ga' 'oonolec da' 'oñíita 'uo ga' ỹisamaxata'aguet n'onataguec, qana'chi 'ami 'me 'ami neta'ñiita so' Espíritu Santo, qana'chi 'alcochíiỹa ga'me, da' qaidi ñíseguem. Qaláxasa ỹátaqta huesóta jañi' 'adiquidiaqchii. Qataxa ñi' 'oonolec n'óota da' netelela't. Píiỹa, qomle nataq'en ga'me da' qoỹa'uo ga' n'iinaguec. 2Ñi' 'oonolec da' 'oñíita lecochiỹa qomle ga' laqáỹa da' nipiiséguem ga' lí'ỹac, qaidi ỹátaqta 'oquiitelégue da' laqátaxac so' Cristo.
3Qá'a ga' nip'itáxatapega jodamaxa p'asáiỹi, qamaale qaỹa 'te náaue, qana'chi ga'me 'ená'am da' mai'chi noqoviitapeela't. 4Chan'eesa ñi' 'oonolec mai'chi nimit da' mai'chi lasoxoc, qaidi ga'me mai'chi mátac ỹasouaxat da' mai'chi lasoxoc, sa 'te naqaiga ga' lasoxoc ga' laqáỹa. 5Qá'a ñi' 'oonolec ỹipen ga' mai'chi lí'ỹac.
6Jega'me ỹaconeguet da' napaxaguenaguec da' l'aqtac ñi' Dios, jega'me n'óota taa'le neuán'ai ga' napaxaguenoqo't ỹima jen'me n'atetpi.
7'Ami 'ená'te da' 'anoqovíñiitapeela't qomle, qá'a qaỹa 'te ỹaqanatet taa'le le'uenec ñi'me Dios. Qá'a jega'me ỹaiñi ga'me siỹaxaua, naqaiga ga' daqataxan. 8Ga' siỹaxaua da' noqopita da' ỹaiñi ga'me 'éetapeec da' lapáchiỹaxac, qana'chi jega'me daqataxan laqchiisec da' leleuaxa jeda'me lapáchiỹaxac 'me ỹaiñi. Qaláxasa da' 'uootaxa ỹaiñi ga'me ỹiỹamaxaden so' Espíritu Santo, qana'chi jeso'me ỹanem ga'me da' laqchiisec ga' n'óiỹaxac 'me qaỹa 'te loiquiaqa'. 9Chan'eesa 'ená'te qadilii'nsop qomle da' s'étaq ga' ỹiỹamqáchiiñi. Qá'a qomle da' 'uootaxa sa 'te qadiliiñi, qana'chi qomle ỹivíta ga' nalóqo', qana'chi qadaqchiisec ga' náaue ga' qad'onatac. 10Chan'eesa da' ỹivíta da' 'uo ga' qadedáqa', qana'chi ỹima s'étaxac ga' ỹiỹamqáchiiñi na' siỹaxadipi, lamá'asa qomle da' qad'amaqténataxanaxau'pi.
Da' naqátaxac qataxa da' p'áteegue nip'iỹénataxanaxac
11Ỹa 'auc'achiñii' naua' mai'chi ỹidii's 'me 'ami samaxalo naỹi ỹátaqta sa calet'olqa. 12Jen'me siỹaxadipi 'me sétaaque da' qaidi 'ami 'auauóỹaaque ga' 'an'anaxasíchii, jen'me ỹí'et dójo', qá'a 'chi sétaaque da' qaỹa 'te 'uo qa'en na' siỹaxadipi, da' qaidi sa qoỹicáatac ỹasouaxat so' Cristo ca'li qoỹip'enasée'mec jaso' nesodooso. 13Qá'a ỹivíd'a jen'me siỹaxadipi 'me nañaneguet da' ỹa'uo na' n'anaxaset na' ló'oc, jen'me sa 'te ỹí'et ỹima jen' 'enapéga jen' naqátaxacpi. Qaláxasa jen'me siỹaxadipi sétaaque da' 'chi qoỹa'uo na' 'an'anaxasíchii, qaidi jen'me ỹañoxot da' 'ami ni'ỹoxodéetapegoovlo ỹasouaxat da' 'ami ỹamaxalóo'te da' qaidi qoỹa'uo ga' 'an'anaxasíchii. 14Qaláxasa jaỹim qaỹa 'te ga' ñi'ỹoxodénaxac; jaldáta da' leleuaxa so' qadesaliaxanec Jesucristo ca'li qoỹip'enasée'mec jaso' nesodooso. Qá'a na'chiso 'me chiỹaqaỹi da'me leleuaxa so' Cristo ca'li qoỹip'enaséguem da' ỹima jen' n'onataguec huetalégue jen' 'aléua 'ená'am qasen da' ỹima pal, qataxa jaỹim 'ená'am qasen da' jaỹim napalénaqa'. 15Qá'a da' sóxote soqotaqáta'uo so' Cristo Jesús, qana'chi qaỹa 'te ga' náaue da' qoỹa'uo ga' n'anaxaset ga' siỹaxaua, 'uootaxa sa 'te qoỹa'uo. Qá'a jeda'me ỹátaqta 'uo ga' náaue, naqaida da' qo'mi dálaxaic da' qadasoxoc da' qo'mi qoỹadálaxa't. 16Ỹima qomle jen'me quétapegue' dójo' nadíquiaxac qataxa ỹima jen'me lalémaxasetpi ñi'me Dios, jen'me ỹaconeguet qomle da' n'emáxac qataxa da' nichoxodénataguec.
17Chan'eesa na'chi táchi'ndi naỹi qomle da' qaỹa 'te ga' jaỹim ỹanapeeguet, qá'a jen'me le'quemáxasetpi na' ỹó'oc ñi'uaxánecpi, jen'me ỹichoxot da' 'eesa da' jaỹim lamaxasec so' qadesaliaxanec Jesús.
18'Ami ỹaqáỹa', so' qadesaliaxanec Jesucristo 'ami ỹanema qomle da' lichoxodénataxanaxac ỹima da' 'oñíita. Já'a, na'chi naq'áita dójo'.
Currently Selected:
Gálatas 6: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.